رواية معلمة من الصعيد الفصل الرابع والأربعون 44 - بقلم مريم شعبان

يوم جديد مليء بالأحداث. فيلا سليمة هيام: يا بنات. رحاب: نعم يا عمتي. هيام: خلصتوا كل حاجة؟ يارا: كله تمام. تيا: الأكل جاهز. مودة: بذمتك عملتي الأكل؟ تيا: أه، عملت لسان العصفور. هيام: شطورة يا ناس. رويدا: والغرف جاهزة ورشيت معطر فيهم. هيام: تسلمي يا حبيبتي. زهراء: وأنا يا حماتي يا قمر جهزت حلويات الاستقبال. هيام: مراتي ابني القمر شطورة. فين عز وماهر؟ رحاب: ماهر بيجهز ونازل.

مودة: وعز مش عارفة بيعمل إيه هو والشباب في الجنينة. هيام: تمام. لين: ماما. رحاب: نعم يا حبيبتي. لين: جاد بيقولكم هاتوا عصير برة. رحاب: ليه إن شاء الله؟ مين برة يا لين؟ لين: مفيش حد، بس هما بيعملوا خيمة كبيرة برة. مودة: بيعملوا إيه دول؟ هيام: مش ناقصين دوشة، الناس جايين شوية. رحاب: هيروحوا المستشفى الأول وبعد كده يجوا. هيام: تمام يا بنتي. حسناء خرجت من المطبخ. حسناء: الحمد لله خلصت الحلويات. هيام: الحمد لله.

لين: يا ماما هتجيبي العصير؟ رحاب: روحي، وأنا جاية وراكي. مودة: مش ناقصين إحنا وتروح. مودة: إنتوا بتعملوا إيه دول؟ عز: خيمة عشان نقعد فيها مع الضيوف. مودة: الصبر يارب يا حبيبي، ده وقته. عز: أهم. مودة: طيب، إحنا ورانا مليون حاجة. عز: خير. مودة: هنروح المستشفى دلوقتي أنا وأنت وغيث وبيري، ومعانا عربيات عشان نرجع بيهم. عز: أه صح، نسيت. يا واد يا يوسف كمل إنت. يوسف: تمام يا كبير. مودة: يلا ورايا. عز: تمام. مروان: مسيطرة.

عز: هضربك بالقلم. مروان بضحك: لا خلاص. في شقة غيث وبيري غيث واقف في الأوضة بيجهز. بيري: الفطار جاهز. غيث: تمام، شكراً. بيري: إنت هتروح معانا؟ غيث: أكيد. بيري: تمام. غيث: يلا عشان نفطر. بيري: مش جعانة. غيث: لازم تأكلي عشان ننزل. خدي حاجة بسيطة. ويمسك ايديها ويروح عمد السفرة. بيري: إنت ليه بتعمل كده؟ غيث: عشان عارف إني مظلوم، وعارف إنك هتندمي لما تعرفي الحقيقة. بتتعاملي كأني مفيش حاجة حصلت. بيري: متأكد إزاي؟ الرسائل.

غيث: يعني بذمتك رقم بعتلك إني هسيبك والكلام ده؟ وبعتلك بعدها إني بخونك؟ ده عايز إيه يعني؟ بيري: أثبت إنك مش عملت كده. غيث: بكرة الأيام تثبت، بس صدقني وقتها هيكون شايل منك قوي. يلا ناكل عشان متأخرين. في المستشفى كلهم قاعدين مستنيين عيلة الرئيس. مودة: اتاخروا. سليم: يا بنتي أكيد الطريق. اهدوا شوية. غيث: هما مين جاي؟ ماهر: الجد الكبير و شادلي و بلال ومدام خلود ومدام مرام و آنسة حور ورسلان وكام طبيب معاهم.

غيث: ماشاء الله، ده البيت بيكون فيه دوشة. سليم: المفروض إنكم عاقلين يعني، الناس ضيوف عندنا بلاش يشوفوا الهبل بتاعكم. غيث: من عيوني يا حاج. نبيل: مالك يا بيري قاعدة ساكتة ليه؟ بيري: مفيش يا عمو. سليم: مفيش إزاي يا بنتي؟ إنت واد مزعلها؟ غيث: اسألها، أنا كلمتها مفيش يا جماعة حاجة، هي تعبانة شوية بس. سليم: متأكد؟ بيري: لا. وسكتت لما غيث بص لها. بيري: لا يا جماعة، إيه الخوف ده؟

أنا كويسة، بس امبارح منمتش كويس بسبب دماغي وجعاني شوية. سليم بقلق: طيب تعالي نروح للدكتور. بيري: أنا كويسة يا حبيبي، متخافيش. ده امبارح بس. سليم: تمام يا بنتي. وييجي الدكتور. الدكتور: سليم باشا، حامد باشا الرئيس واصل. سليم: قام تمام. يلا يا ولاد. عز: مين حامد؟ مش اسمه كامل؟ ماهر: بالله ما أعرف. تعالوا نشوف الدنيا يلا. عز: لا اصبر، نلبس الجواكيت. نبيل بضحك: لا، جاين رسمي. غيث: عشان في ضيوف بس. سليم: الناس واقفين.

ماهر: يلا بينا. ويخرجوا كلهم. قدام المستشفى واقف (أبطال أشجان وبناتها) حامد: هي دي المستشفى؟ حور: أه يا جدو. مرام: طيب، مش هندخل؟ شادلي: أه يلا بينا. ويشوفوا ناس جاي عليهم. خلود: شكلهم، هما دول عيلة سليم. حامد: أه هما. وييجي سليم عندهم. سليم: أهلاً أهلاً، حامد الرئيس منور. حامد: منور بيكم. سليم: ازيكم يا ولاد، منورين. شادلي: الحمد لله، بنورك يا حاج. سليم: طيب، اتفضل معايا يا حامد، اتفضل. ويدخل هو وحامد.

ماهر: ماهر السيد، أهلاً بيكم. شادلي: شادلي الرئيس، تشرفت. نتعرف على الباقي. ماهر: الشرف لينا. ده عز السيد ودي مودة المدام، ودي بيري السيد وده غيث زوجها. شادلي: تشرفنا بيكم. دي مرام الرئيس المدام، ودي خلود الرئيس، وبيري زوجها، ودي حور الرئيس، ده الكائن رسلان الرئيس. مش عارف جاي. رسلان: الله! إيه التهزيق ده؟ بلال: ده طبيعي. حاجة جديدة، كائن رخيم كده. رسلان: طيب، عيب مش قدام الناس، أول مرة يشوفني يقولوا إيه.

عز بضحك: لا متخافيش، عندنا كائنات كتير أوي في البيت. شادلي: ربنا يبارك. ماهر: يارب. تعالوا، اتفضلوا يلا ندخل. ويدخلوا كلهم. فيلا سليمة تيا: شكلي حلو كده؟ هيام: يا بت، هقوم أضربك. تيا: الله، أنا عملت حاجة؟ هيام: اتلمي شوية، عيب كده. الناس تقول إيه. رويدا: يا بنتي فضحتنا بجد، اتلمي شوية. جاد: يارب يا ساتر. ندخل؟ يارا نزلت النقاب. حسناء: تعالوا يا ولاد. جاد: السلام عليكم. الجميع: وعليكم السلام.

حسناء: جبتوا الطلبات يا شباب؟ جاد: أه يا حماتي. يارا: حماتك في عينك. حسناء: يارا، عيبي. يارا: مش شايفة. هيام: بس مش عايزة دوشة على الصبح. يوسف: هما الضيوف دول جايين إمتى؟ هيام: مودة كلمتني وقالت إنهم وصلوا هناك دلوقتي، شوية كده وييجوا. حسناء: يلا يا شباب، دخلوا الحاجة دي عند زهراء ورحاب. جاد: خد يا يوسف، إنت أنا مش قادر خلاص. يوسف: قومي يا بت إنت وهي. تيا: بت في عينك، بس هات.

وتأخد الحاجة هي ورويدا ويدخلوا، وجاد راح واقف جنب يارا. يارا: عايز إيه؟ جاد: عشان الكل يكون شاهد، خليها تطلع تغير الفستان. يارا: ماله الفستان؟ جاد: أنا كلمتي تمشي ولا إيه يا حماتي؟ حسناء: ماله يا بني الفستان؟ بس. جاد: حلو عليها، وفي شباب جاية. وأنا عمري ما أوافق إن مراتي تقعد قدام ناس كده. خليها تطلع تلبس أي فستان تاني، بس المشكلة إنها بتكون قمر في أي حاجة.

حسناء: حاضر يا حبيبي. يلا يا يارا، اسمعي الكلام وروحي على المطبخ. وإنت يا زفت لو نطقت تاني مش هيحصل طيب. جاد: احم، في إيه؟ أنا بهزر معاها. يوسف: دخلت في الدور أوي. جاد: يا بني، دول أكسر لهم ضلعي. يارا: يحصل إيه يا أستاذ جاد؟ جاد: أكسر لهم ضلع، يتكسر لك إنت ألف في بلاش تيجي جنبهم. يارا: إيوه كده. حسناء: يلا يا يارا على المطبخ، وإنتوا اطلعوا كملوا الخيمة اللي في الجنينة. مروان: مش فاضل غير كام حاجة. فين موسي؟

صحة هيام: برة بيكمل الخيمة لحد ما تيجوا. يلا على برة بقي. في المستشفى كلهم في الجناح بتاع نبيل. حامد: أه، ألف سلامة عليك يا نبيل. نبيل: الله يسلمك يا حاج، إنك جيت لحد هنا عشاني فوق راسي. حامد: أهم حاجة نطمن عليك. أنا جايب أشطر الدكاترة عندي، وعلى رأسهم حفيدتي حور. سهام: منورة يا حبيبتي، اللهم بارك. حور: تسلمي. حامد: أه، نسيبك ترتاح، وإحنا كمان نروح الأوتيل نرتاح شوية. سليم: لا، أوتيل إيه؟

إنتوا هتنزلوا عندنا في الفيلا. حامد: لا، تسلم، الأوتيل جاهز لينا. سليم: والله ابداً، يعني إنتوا جايين مخصوص لينا وتقعدوا في الآخر في فندق؟ عيب في حقي. شادلي: تسلم يا حاج، بس هنروح عشان منعملش إزعاج. ماهر: إزعاج إيه بس؟ إنتوا هتنوروا، وكل حاجة جاهزة، ناقص بس تنوروا البيت. حامد: مش هينفع يا حاج، صدقني عددنا كبير. عز: والفيلا أكبر. ياريت تنوروا الفيلا.

سليم: يا حاج، أنا عارف إنك مش بتحب نجيب بيوت في القاهرة، عشان كده بتنزل في أوتيل، بس والله إنك جاي من سفر عشان تشوف ابني وجايب أحسن دكاترة، وتروح تقعد في أوتيل؟ عيب في حقنا، بالله ما ترفض. الفيلا كبيرة، اللهم بارك، وجاهزة، وباقي أحفادي منتظرين حضرتك هناك. بلال: إحنا بس عشان هنقعد كتير. غيث: إيه كانت المدة؟ بيت سليم السيد ينوروا، لا بقي. أنا من الصبح واقف برش الزرع عشان إنتوا جايين. بيري: لا، تعبت يا حبيبي.

سليم: إيه يا حاج؟ حامد بص لأحفاده كلهم، هزوا رأسهم بتمام. حامد: خلاص، على خير الله. بس كده كتير. مودة: كتير إيه يا حاج؟ والله أبداً، ده إنتوا هتنورونا وهتشوفوا شوية من الجنان بتاعنا. أصل سيبك من الهدوء اللي إحنا فيه ده، بس عشان المستشفى، إنما في جيش في البيت. حامد: كأنك مرام بتتكلم. مرام بضحك: أه، ملاحظة إن فيها مني كتير. مودة: يا ختي، أنا قمر كده. مرام: حبيبتي، تسلمي. شادلي: هو في حد في جنان مراتك؟

عز: أه، عشان أنا متعرفيش مودة. غيث: هو لو جنان، يبقى مفيش زي المدام. ويحضنها. بيري: احترام نفس. سليم: إنت يا حيوان، ابعد عنها. عيب كده. غيث: الله، أنا عملت إيه؟ سليم: ابعد، عيب الكلام ده بينكم. غيث: بعيد عنكم يا جماعة، أنا عريس بقالي أسبوع، وربنا من يوم الفرح وإحنا بنلف في المستشفيات. بلال: يا عيني يا ابني. غيث: أه، الحمد لله. شادلي: زيك، من تاني يوم فرح كنت في المستشفى مع أمي. غيث: بجد؟ شادلي: أه والله.

غيث: أه، وأنا اللي كنت فاكر إني العيلة دي هي اللي فقيرة. سليم: بقالك كتير مش اتضربت صح؟ غيث: احم، خلاص يا حاج. حامد: أنا بقول يمشوا عشان عاملين دوشة. ماهر: حضرتك لسه شوفت حاجة. سليم: يلا يا ماهر، خد الشباب وروحوا على البيت، وخد الحاج معكم. حامد: لا، أنا هقعد شوية معكم. سليم: خلاص، شوية وأكلمك يا ماهر عشان تجي تاخدنا. ماهر: تمام يا جدو. يلا اتفضلوا. فيلا سليمة رحاب: ماهر كلمني وقال ربع ساعة ويكونوا هنا.

هيام: طيب، تمام. فين الشباب؟ جاد: إحنا أهوه. هيام: يلا عشان تفتحوا الباب. يوسف: ضيوفك إنت يا جاد، إحنا ملناش دعوة. جاد: لا، وعلى أساس إني حضرتك ضيف زيهم يا بني؟ إنت اقعد في بيتنا أكتر مني. يلا قدامي. يوسف: تمام يا سيدي. زهراء: بس، بخرت الغرف وكله تمام. هيام: مراتي ابني شاطرة يا ناس. رحاب: هو فين ابنك؟ صحت. تيا: بيشوف المصايب بتاعتي والله، حاتم ده كتر خيره إنه مستحملنا أساساً. هيام: هو مش عايز يستحمل إخواته ولا إيه؟

تيا: حبيبتي، والباب يخبط. رحاب: روحي افتحي يلا. مروان: براحة على الواد. ويروحوا يفتحوا. تيا: يالهوي، واصلوا. شكلي حلو. يارا: بالله، مش عايزين فضايح. ماهر: السلام عليكم. الجميع: وعليكم السلام. عز: تعالوا اتفضلوا. ويدخلوا كلهم. شادلي: السلام عليكم. هيام بابتسامة: وعليكم السلام. اتفضلوا يا ولاد. عز: أعرفكم يا جماعة، عيلة الرئيس. حسناء: منورين يا ولاد. مرام: تسلمي يا طنط.

ماهر: أعرفكم بينا بقى، طنط هيام عمة المدام، وطنط حسناء حماتي، ودي رحاب المدام، ودي زهراء أختي. ودول بقى كائنات العيلة: جاد ويوسف ومروان وتيا ويارا ورويدا. بس كده. بلال: اللهم بارك، ربنا يحفظهم. هيام: اللهم آمين يارب. اتفضلوا اقعدوا. ويقعدوا كلهم. وييجوا نورسين وسند ولين. لين: بابي. ماهر: حبايب قلبي، وحشتوني أوي. نورسين: وإنت جدو. بلال: ماشاء الله، دول ولادكم؟ ماهر بابتسامة: أه. والرابع جاي في السكة.

شادلي: الله أكبر، ربنا يجعلم ذرية صالحة. ماهر: اللهم آمين يارب. تشرفنا بيكم بجد. وييجي موسي. موسي: السلام عليكم. الجميع: وعليكم السلام. عز: موسي أخو المدام. شادلي: شكلكم أهل في بعض صح؟ عز: بالضبط. مودة تكون بنت عمتي، ورحاب ويارا ولاد عم مودة، وموسي أخو مودة، وزهراء أختي متجوزة ابن عمة مودة اللي والدته طنط هيام. دي فهمت حاجة ولا إيه؟ شادلي بضحك: أه، فهمت. غيث: طيب، الحمد لله. بلال: أنا سمعت إنكم كلكم معلمين.

عز: أه، كلنا معلمين في المدرسة بتاعتنا، ما عدا زهراء اختارت كلية غيرنا، وفيها دلوقتي. بلال: أه، اللهم بارك. رسلان: بس يا تيا، حاسس إني شوفتك قبل كده. تيا: قول والمصحف. ماهر بهمس: سكتوها، وإلا ما أ قوم أضربها. رسلان: إنتي ليكي في السوشيال؟ تيا: صح. رسلان: تيك توك؟ تيا: بالضبط، بالضبط. أحلف إنك عارفني. رسلان بابتسامة: أه، عارفك. شوفت لك كذا فيديو. غيث: بس يا تيا، بس. رسلان: هو في إيه؟ عايزنها تسكت ليه؟

عز: عشان مصايب التيك توك كتير أوي. شادلي: ليه بس؟ عز: والله إنتوا مش أغراب، الهانم دي عاملة 4 مصايب بسبب التيك توك، وممنوعة دلوقتي إنها تنزل حاجة. تيا: احم، خلاص بلاش فضايح. ده إحنا عندنا نجم السوشيال. رسلان بضحك: أنا نجم السوشيال؟ تيا: أه، شوف عندك قد إيه ناس. رسلان: الله أكبر. تيا: مش هحسد، يا عمر. رسلان: مين تاني مهتم بالسوشيال؟ رحاب: يارا بس. اهتمام دين. رسلان: اللهم بارك، ظاهر عليها. جاد: قصدك إيه يعني؟

رسلان: قصدي إنها ظاهر من الزي بتاعها إنها محترمة. جاد: طيب، بلاش مدح كتير فيها. ماهر: جاد أخويا الصغير، وغالباً هو الوحيد اللي مقتنع إنه هيتجوز يارا. جاد: أنا أخدت كلمة من حماتي، صح ولا لا؟ حسناء: صح، واقعد ساكت بقية. هيام: أنا بقول تطلعوا تغيروا كده عشان تنزلوا عشان الأكل، عشان لو قعدتوا قصد العيال دي مش هتخلصوا كلام. يلا بنات، خدواهم على الغرف بتاعتهم. في أوضة بيري الباب يتفتح ويدخل غيث. غيث: بقالي ساعة بدور عليك.

بيري: عايز إيه؟ بيري: الخمار اتوسخ مني، قولت أجي آخد خمار من هنا. غيث: إنتي سايبة حاجات هنا؟ بيري: أه. وبعدين، إنت بتكلمني ليه؟ اطلع برة. غيث يروح يقعد على السرير: تعالي يا بيري، عايز أتكلم معك. بيري: مفيش بينا كلام. أنا بكلمك حلو قدام أهلي عشان محدش يلاحظ. غيث: ده على أساس إنك مش كنتي هتقولي لولا إني بصيت لك، صح؟ بيري: مش خليتني أقول ليه؟ غيث: عشان دي أسرار بينا في بيتنا، إحنا مش الناس تعرفه.

بيري: ولا خايف يعرفوا حقيقتك؟ غيث: مش عايز الكلام الهبل ده. وتعالي عشان عايزك. بيري: أنا نازلة عشان ورايا حاجة في المطبخ. وكانت ماشية. غيث: تقفلي الباب وتيجي هنا عشان مش عايز صوتي يكون عالي. أخلص. بيري: إنت بتكلمني بالأسلوب ده ليه؟ غيث: طيب، تعالي عايزك في حاجة مهمة. بيري دخلت: خير. غيث: تعالي اقعدي هنا. بيري: لا، عشان متضربش. غيث: ما هو أنا لو بضربك، كنتي فضلت تتكلمي بأسلوب زي الزفت مع جوزك. بيري: عايز إيه؟

غيث: مالك يا بيري؟ مالك يا حبيبي؟ إنتي مصدقة أي رسالة بسبب رسالة على الموبايل؟ عايزة تخربي بيتك عشان رسالة؟ بيري: أظن الرسالة واضحة قدامك يا غيث. قولي كده، كنت فين يوم ما اتخانقنا؟ غيث: مكنتيش في مكان، كنت قاعد تحت البيت في العربية ونامت غصب عني. بيري: بتكدبي عليا؟ غيث بعصيبة: تمام، مش إنتي شايفة كده؟

بس ياريت لما تعرفي الحقيقة، ساعتها تكوني مصممة على الطلاق، عشان أنا عمري ما أكمل مع واحدة واثقة من رسالة أكتر من جوزها. تمام يا بيري هانم؟ هحاول معك تاني وتالت إنك تخليكي واثقة فيا، أنا لحد ما أثبت إني مش السبب. بيري: انسي يا غيث، أنا بقيت بكرهك. أنا أكتر حاجة بكرهها الخيانة، وإنت تكون بتخوني من قبل ما نتجوز، وعايزني أثق فيك؟ غيث: إنتي واثقة في رسالة هبلة؟ بيري: مليون واحدة اكتشفت خيانة جوزها كده.

غيث: هو عشان حصل مع الناس، لازم يحصل معانا؟ وإنتي إيش عارفك إن الناس دي صح أساساً؟ هاتي الرقم يا بيري. بيري: رقم إيه؟ غيث: اللي بعتلك إني بخونك، مش هو نفس الرقم اللي قال لك فترة وهسيبك؟ بيري بخوف: لا. غيث: نعم؟ مقولتيش من امبارح ليه؟ بيري: ما أنا مخدتش بالي غير إنهاردة الصبح، إحنا ونازلين لما كنت بتشوف الرسالة تاني، لقيت رقم تاني. شوفت بقي، يعني أهو الحجة بتاعتك مش موجودة إنه نفس الرقم والكلام ده. طلقني.

غيث: طيب، هاتي الرقم، ولما أثبت لك إني مش خاين، أنا هطلقك. في بيت تامر تامر: شوفتي زهراء؟ رباب: أه، شوفتها في الكلية. تامر: تمام، عاش لك. رباب: يارب تكون راضي عني يا حبيبي. تامر: عايزك في مهمة تانية. رباب: خير. تامر: تخليها تثق فيكي عشان ننفذ خطتنا. رباب: تمام، من عيوني. تامر: الكبير اللي عندهم طلب مني أطلع المخدرات اللي في المدرسة. رباب: هتروح إزاي؟ ما أكيد هيحصل مشكلة لو حد شافك.

تامر: لا، هما دلوقتي عندهم ضيوف، عيلة الرئيس، وعمل نبيل قربت في مشغولين. رباب: تمام. أنا هموت وأعرف مين الشخص ده. تامر: أنا مسافر بعد يومين. رباب: رايح فين؟ تامر: لازم أروح كندا بعد يومين. الكبير اللي في بيت سليم عايز كده. رباب: تمام. المهم دلوقتي، إنت هتعمل إيه مع زهراء؟ تامر بخبث: كل خير. اسمعي، هقول لك إيه عشان تنفذي زي ما هقول لك بالظبط، بس بعد عملية أبوه. رباب: اشمعنى؟

تامر: عشان أكيد مش هتنزل الجامعة غير بعد العملية. رباب: صح. طيب، قول. تامر: اسمعي يا ست البنات. في الجنينة الشباب قاعدين مع رسلان. رسلان: إنتوا كلكم بقى في ثانوي عام؟ جاد: للأسف. وإنت؟ تيا: في كلية حقوق، 3 سنة. رسلان: الله! ده إنت حافظني بقيت. تيا: جداً. يوسف: تيا، ما تروحي تقعدي مع البنات، أحسن. تيا: احم، حاضر. وتقوم. مروان: رسلان، لما يكلمك على أي حاجة خاصة بالسوشيال، متترديش عليها.

يوسف: أه، بالله، أقسم بالله عاملة 4 مصايب، خلصنا من واحدة، فاضل 3. رسلان: مصايب إيه؟ يمكن أقدر أساعد. جاد: إيه؟ رسلان: لما أعرف كل المعلومات منها، أقدر أساعدها. موسي: تمام. شوية كده تقعدوا تتكلموا. تمام. ودلوقتي، يلا عشان الصلاة. رسلان: هنصلي في البيت ولا فين؟ موسي: البيت للنساء، المسجد للرجال. يلا يا رسلان.

مروان: بص، بما إنك قاعد هنا فترة، في اتعود على كده، الصلاة في المسجد، مفيش حاجة اسمها بيت للرجال. أحب أعرفك نظام العيلة دي. رسلان: هو ماشاء الله، ظاهر إنهم محافظين على إسلامهم. جاد: لا، هو إحنا كنا عيلة فاشلة بجد، ما مودة جات وغيرت البيت كله. يوسف: مش البيت كله بس. رسلان: إحنا نروح نصلي، وتيجوا تحكولي عن فرد فرد في البيت، عشان أنا توهت وأنا بحب التفاصيل. جاد: من عيوني. يلا بينا. بس. في غرفة شادلي ومرام

شادلي: غالباً اللي كده بيعملوا مع الناس، بنشوفوا دلوقتي. مرام: أه، فاكر لما الدكاترة اللي جات من القاهرة عشان والدتك. شادلي: أه، فاكر طبعاً. هما كمان جاين عشان العملية. مرام: أه، بس ظاهر عليهم عيلة كويسة. شادلي: أه، ظاهر عليهم الالتزام. مرام: أه، لبس البنات يدل على كده، وطريقة كلامهم. شادلي: اللهم بارك. شوفتي أطفالهم جريوا إزاي عشان يصلوا الظهر. مرام: اللهم بارك. هما دول الذرية الصالحة.

شادلي: عقبال لما يكون عندنا ذرية صالحة. مرام: إن شاء الله. والباب يخبط. شادلي: هروح أشوف مين. ويروح يفتح، وكان ماهر. شادلي: نعم يا ماهر. ماهر: صلاة العصر. يلا عشان نصلي في الجامع. شادلي بابتسامة: تمام، جاي وراك. ماهر: تمام. ويمشي. مرام: لا، شكلنا هنقعد أيام قمر. الواحد كان عايز عيلة زي دي. شادلي: طيب، يلا طلعي هدومي لحد ما أتوضأ. مرام: تمام. فيلا فيروز حنين: فيروز، يلا عشان تأكلي.

فيروز: مش قادرة يا ماما، أنا رايحة عند البنات عند جاد. حنين: تمام، خلي بالك من نفسك. مش هينفع كده، لازم تأكلي. فيروز: بإذن الله. وتمشي. وحنين تطلع موبايلها وتكلم مودة. مودة: السلام عليكم. حنين: وعليكم السلام. عاملة إيه يا حبيبتي؟ مودة: الحمد لله يا طنط. فين البت فيروز؟ مستنيينها من الصبح. حنين: خرجت دلوقتي، بس أنا عايزك في موضوع. مودة: اتفضلي.

حنين: فيروز مش عاجبني يا مودة، مش بتاكل بقالها أسبوع، ووشها عامل يخس لوحده. مودة: ملاحظة كده، بس من إيه؟ حنين: مش عارفة، وهي مش بتخبي عني حاجة. بالله يا مودة، هي بتحبك. اعرفي مالها، يمكن في حاجة مكسوفة تقولي عليه. مودة: تمام يا حبيبتي، هسألها وهخليها تاكل غصب كمان. حنين: تمام يا بنتي، ربنا يبارك فيك. مودة: يارب يا طنط. في الجنينة قاعدين كلهم. مودة: يعني بجد هتقدري يا رسلان؟

رسلان: أه، ظاهر من الملف بتاعهم إنه نصب وأعمال حرام. تيا: يالهوي. مروان: خدشة للحياء، اتلمي، والله اللوا عنده حق. جاد: طيب، هنعمل إيه دلوقتي؟ رسلان: شركة شركة تقعي. يوسف: تمام، إزاي؟ رسلان: بس يا تيا، إنتي هتكلميهم عشان تعملي الإعلان عادي على الأسبوع الجاي، وتتفقي معاهم، ولما تروحي تصوري المكان كله، وتاخدي اتنين كا مصورين وبنت معاكي كا مساعدة ليكي. تيا: تمام. رسلان: تصوري كل شيء يا تيا. عز: هل ده مفيد؟

رسلان: جداً. هنعرف كل المداخل ونقدر ندخل الشركة براحتنا. يوسف: الله يخربيتك يا تيا، على التعب اللي إحنا فيه ده. تيا: مش هرد عليك عشان الكبار قاعدين. ماهر: لا، بتعملي حساب للكبار أوي. ده إنتوا دوشتوا الراجل بمشاكلكم. رسلان: لا، أنا بحب المصايب ومتحمس أوي. عز: كلهم كده، محسسني إننا في مغامرة. حتى الكبار. مودة: ما هي مغامرة، تنكر إننا اتعلمنا حاجات كتير.

شادلي: مش لوحدهم، عندنا كده، بذات المدام بتاعت أي مصيبة رايحة فيها. مودة: لا، شكلك هتكوني معانا في حل المشاكل دي. مرام: أنا مش ماشية من هنا غير لما أحل دول، مش هعرف أنام أقسم بالله، في بيتنا بدون ما أحل حاجة. رحاب: إنتي منورة البيت أساساً. مرام: حبيبتي. عز: فين غيث وبيري؟ مودة: مشيوا. ماهر باستغراب: غريبة، ماشيين بدري أوي كده ليه؟ مودة: مش عارفة. وتيجي فيروز. فيروز: السلام عليكم. الجميع: وعليكم السلام.

رحاب: فيروز، تعالي يا حبيبتي. فيروز بابتسامة: إنتوا بقى عيلة الرئيس؟ حور بابتسامة: أه، إحنا. فيروز: منورين. خلود: منور بيكم. فيروز: فين رويدا؟ تيا: قاعدة جوا هي ويارا. فيروز: طيب، أنا جوا. وتمشي. مودة: تعالوا يا بنات، نروح نقعد جوا، أنا زهقت من القاعدة دي بدون رغي. مرام: أحسن حاجة، يلا بينا. ويقوموا البنات كلهم. يوسف: فيروز متغيرة. عز: أنا شاكك فيك، عملتها إيه يا مروان؟ مروان: ياربي، اشمعنى أنا؟

عز: فيروز آخر مرة كانت معاك، ومن ساعتها وهي مش زي زمان. مروان: اسألها هي، أنا مليش دعوة. ماهر: طيب، اتكلم كويس. مروان بضيق: حاضر. في شقة غيث وبيري بيري: خليتني أمشي بدري ليه؟ غيث: مزاجي كده. بيري بصوت عالي: وأنا مش بمشي بمزاج حد. أنا بقول لك أهو، متنسيش نفسك يا غيث، إنت مين أساساً عشان تتجوز بيري السيد؟ إنت عمرك ما حلمت إنك تتجوزني أساساً. احمد ربنا إنك اتجوزت واحدة زي دي. لا، وكمان بعد ما رضيت بواحد زيك بتخوني؟

غيث: واحد زي فوقي يا بيري. إنتوا اللي كلمتوني عشان أتجوزك. فوقي. بيري: وكانت غلطة عمري. أنا اخترت شخص زيك. غيث: كلامك بقي يزيد، وهتندمي بعدين. بيري: أنا الحاجة الوحيدة اللي ندمانة عليها إن إني اتجوزت واحد زيك، حيوان وخائن. أكيد طمعت فينا. غيث ضربها بالقلم: اخرسي بقي. أي عاملة تقولي كلام يوجع وأنا ساكت؟ مش عايز أخرج عن شعوري، بس كده كتير. من مجرد رسالة عملتي أفكار في دماغك عني؟ طمعت في مين يا بيري؟

أنا مستواي المادي كويس، ومعيشك في شقة في نفس مستواكي القديم. عملت فرح كبير زي عيلتكم عادي، وهي الحاجة الوحيدة جبت دهب مش ألماس عشان مش أقدر. وأظن إني المعظم محدش هيقدر على ألماس. أنا لو أعرف هييجي يوم وكلمتني بالأسلوب ده، مكنتش حبيتك. أنا بقول أكيد صعب عليها تشوف رسالة كده، استحمل يا غيث. بس إيه؟ حرام عليكي يا شيخة، مصممة تبوظي حياتنا بسبب رسالة؟

رسالة يا بيري. هييجي يوم وأثبت فيه إني مظلوم، اليوم ده بيري، شوفي بعدها 3 شهور عشان بعدها هيكون طلاقك. تمام؟ ولحد ما يجي اليوم اللي أثبت فيه، مفيش خروج من البيت غير عندكم الفيلا، غير كده مش هتروحي في مكان، وحياتنا هتموت ماشية بنظام تصحي الصبح تحضري الفطار، وهدومي تكون جاهزة، ولما أرجع يكون الغداء جاهز، ومليش دعوة إنك مش بتعرفي تطبخي، فاهمة ولا لأ. ويسبها وينزل. بيري قعدت تعيط. فيلا سليمة مودة: مالك يا فيروز؟

مالك يا حبيبتي؟ فيروز: مفيش، أنا كويسة. رحاب: كويسة إزاي؟ شايفة وشك عامل إزاي؟ فيروز: عادي يا جماعة. هروح أجيب ماء. وتقوم وتقع مرة واحدة. تيا: فيروز! فيروز! كلهم يقوموا بسرعة، والشباب يسمعوا ويدخلوا. مروان بقلق: هي ماله؟ مودة: وقعت مرة واحدة. ماهر: بنات، أسندوها وهاتوها ورايا. لازم نروح المستشفى. مرام: حاضر. في المستشفى حنين بدموع: كده برضو يا فيروز؟ تعملي فيا كده؟ تاخدي دواء مجهول المصدر؟

فيروز: كنت عايزة أخس، كنت عايزة شكلي يكون حلو. مودة: في مليون طريقة إنك تخسي، بس مش كده. فيروز: أعمل إيه؟ كنت عايزة حاجة سهلة. فارس: كده تخضنا عليك. فيروز: أنا آسفة يا بابا. فارس: أنا اللي آسف يا عيون بابا، حقك عليا. إنتي ست البنات. فيروز: حبيبي. يوسف: الحمد لله يا جماعة، هي كويسة. مودة: الحمد لله. فارس: هروح أشوف مصاريف المستشفى. حنين: خدني معاك، أروح أعدل خمار. فارس: تمام. ويخرجوا. مودة: أنا هروح أشوف خالي بقي.

جاد: خدني معاك. ويخرجوا. فيروز بصت بتدور على مروان، ما كانش موجود. يوسف: تيا، ثواني. تيا: ليه؟ يوسف: هنجيب حاجة لفيروز تأكلها. فيروز: لا، مش قادرة. يوسف: بس يا بنتي. يلا يا تيا. تيا: خمس دقائق وجاية. ويخرجوا، وتقعد فيروز لوحدها، وتطلع موبايلها تلعب عليه، والباب يخبط. فيروز بتعب: ادخل. ويدخل مروان، وراح يقعد على الكراسي جنبه. مروان: السلام عليكم. فيروز: وعليكم السلام. مروان: ألف سلامة عليك. فيروز: الله يسلمكم.

مروان: أنا آسف على كلامي آخر مرة. فيروز: لا، عادي محصلش حاجة. ربنا يجعلها من نصيبك. مروان بابتسامة: لا، بعد الشر. ربنا يجعلك إنت. فيروز بصدمة: بتقول إيه؟ مروان: ربنا يجعلك إنت. فيروز: إنت بتهزر صح؟ مروان: لا، لما أخلص جامعة هتجوزك يا فيروز بإذن الله. فيروز: بس، بس عشان مش قادرة على صدمات تانية.

مروان: أه، صح. إنتي حلوة في كل حالاتك، وإنك كنتي عايزة تخسي عشان تعجبيني، إنتي جميلة في كل حالاتك، أقسم بالله. أنا بس اللي كنتي عمياء. بصي، أنا سمعت ماهر بيقول لو عايزها تكون من نصيبك، حافظ عليها. في أنا هحافظ عليك. فيروز: اطلع برة. مروان: نعم؟ فيروز: مش قصدي، بس أنا متوترة أوي. والباب يتفتح وتدخل تيا. تيا: بيحصل إيه هنا من ورايا؟ مروان: في حد يدخل كده؟ تيا: وإنت مش عيب قاعد معاها لوحدكم؟

مروان: أول مرة تقولي حاجة صح. أنا أقوم أروح أشوف عمو نبيل. تيا: تمام. اتفضل. ويخرج. فيروز: بيحبني؟ بيحبني! تيا: أبوكي برة برة. فيروز: احم. تيا: صحت. تيا: اتلمي بقي. "إحنا هنسيبهم؟ "لا طبعاً، بس خلي عملية أبوهم تعدي، ونلعب معهم." "تمام. أنا عايز مودة هنا." "ليه؟ "كده. هي اللي بدأت اللعبة." "بس إنت عارف تامر محذر محدش يجي جنب البنات." "مليش دعوة بالزفت ده، أنا ليا بالباشا الكبير بتاعنا. عايز مودة في أقرب وقت."

"عايزها ليه؟ "الباشا بيكون عايزهم ليه." "لا، الكبير اللي في بيتهم لو عارف إنه عايزها، هيولع الدنيا." "مليش دعوة، إحنا ننفذ كلام الباشا وبس." "يلا بقي، إحنا مالنا؟ عايزها إمتى؟ "فترة كده، وتجيبها." "أشطا." في المساء شقة بيري وغيث. بيري كانت قاعدة مكانها بتعيط، هي مش عارفة تصدق مين، ومش عارفة إزاي قالت كده لغيث، ومش عارفة إزاي قالت كده. والباب يتفتح ويدخل غيث.

غيث: السلام عليكم. أنا جعان. هدخل آخد شاور وأطلع يكون الأكل جاهز. أقسم بالله لو طلعت مكنيش في أكل، مش هيحصل طيب. ويسببها ويمشي. وبعد كده يخرج غيث، وبيري كانت نفس القاعدة. غيث: والله الهانم مش بتسمع الكلام. بيري: أنا مش خدامة عندك، اعمل لنفسك. غيث: طيب، خمس دقائق وتكوني في المطبخ. بيري: مش بعرف. غيث: مليش دعوة. يلا. بيري: اوف، حاضر. وتقوم وتروح المطبخ، تقف تبص فيه، متعرفش تعمل. طلعت بطاطس وبانية. بيري: حلوين عليك.

وتبدأ في التحضير وتخلص وتخرج. بيري: الأكل جاهز. اتفضل. غيث بسخرية: بانية وبطاطس؟ هو ده الطبخ؟ بيري: مش بعرف أعمل غيرهم. مش عاجبك؟ اتجوز. غيث: في أقرب وقت بإذن الله، بعد ما أطلقك. بيري: تمام. اطفح. غيث: اتكلمي باحترام. بيري: اتكلم براحتي. غيث: بيري، أنا لحد دلوقتي بتكلم كويس معك، وأحسن لك مش تشوفي الوش التاني، عشان هتندمي ساعتها. بيري: ياريت أشوفه، أصل شفت الوش الحلو وطلع كادب وخائن. غيث: تمام. افتكري إنتي اللي طلبتي.

ويقوم. بيري: هتعمل إيه؟ غيث: ساعة ويكون أكل غير ده جاهز عندي. بيري: أكل إيه يعني؟ غيث: أي طبخ، بس مش حاجة سهلة. بيري: لا طبعاً، مش بعرف. غيث: مليش دعوة، أخلصي. يلا. بيري: مش هعمل يا غيث. غيث ضربها بالقلم: كلمني كويس، ويلا يا بيري، ساعة والأكل يكون جاهز. بيري بعيط: والله حرام كده. ضربتني مرة الصبح، ودلوقتي كمان. غيث بضيق: يلا اخلصي، مش عايز دوشة. بيري تمشي وهي بتعيط. غيث: ليه ضربتها؟ ليه يا رب؟ بعد خمس أيام

عملية نبيل بعد يومين. كاظم راجع هو وأسماء من السفر عشان عملية نبيل. في شقة غيث وبيري غيث: بيري، بير. بيري بدموع: نعم. غيث: بتعيط ليه؟ بيري: مفيش، عادي. غيث: طيب، حضري الأكل. بيري: عشان معرفش، و تضربني زي امبارح. أنا زعلانة منك أوي. غيث: أنا ضربتك عشان قلة أدابك. بيري بعيط: أنا زعلانة منك أوي، بقيت بكرهك، وهقول لبابا إنت بتعمل فيا إيه. غيث: معلش، فاكرني كده. أنا ضربتك عشان إيه؟ بيري: عشان إنت وعدتني عمرك ما تضربني.

غيث: إنت عصبتني، شوفي طريقة كلامك معايا كل شوية. بيري: عشان إنت خائن. غيث: تمام. الخائن بيقول لك ياريت الأكل عشان جعان. بيري: حاضر. وتدخل المطبخ. غيث: والله الهانم مش بتسمع الكلام. بيري: أنا مش خدامة عندك، اعمل لنفسك. غيث: طيب، خمس دقائق وتكوني في المطبخ. بيري: مش بعرف. غيث: مليش دعوة. يلا. بيري: اوف، حاضر. وتقوم وتروح المطبخ، تقف تبص فيه، متعرفش تعمل. طلعت بطاطس وبانية. بيري: حلوين عليك.

وتبدأ في التحضير وتخلص وتخرج. بيري: الأكل جاهز. اتفضل. غيث بسخرية: بانية وبطاطس؟ هو ده الطبخ؟ بيري: مش بعرف أعمل غيرهم. مش عاجبك؟ اتجوز. غيث: في أقرب وقت بإذن الله، بعد ما أطلقك. بيري: تمام. اطفح. غيث: اتكلمي باحترام. بيري: اتكلم براحتي. غيث: بيري، أنا لحد دلوقتي بتكلم كويس معك، وأحسن لك مش تشوفي الوش التاني، عشان هتندمي ساعتها. بيري: ياريت أشوفه، أصل شفت الوش الحلو وطلع كادب وخائن. غيث: تمام. افتكري إنتي اللي طلبتي.

ويقوم. بيري: هتعمل إيه؟ غيث: ساعة ويكون أكل غير ده جاهز عندي. بيري: أكل إيه يعني؟ غيث: أي طبخ، بس مش حاجة سهلة. بيري: لا طبعاً، مش بعرف. غيث: مليش دعوة، أخلصي. يلا. بيري: مش هعمل يا غيث. غيث ضربها بالقلم: كلمني كويس، ويلا يا بيري، ساعة والأكل يكون جاهز. بيري بعيط: والله حرام كده. ضربتني مرة الصبح، ودلوقتي كمان. غيث بضيق: يلا اخلصي، مش عايز دوشة. بيري تمشي وهي بتعيط. غيث: ليه ضربتها؟ ليه يا رب؟ فيلا سليمة

مودة: البنات، البنات، ألطف الكائنات. جاد: والولاد. مودة: أوحش الكائنات. جاد: شكراً، شكراً. مودة: فين يوسف؟ جاد: بيذاكر. مودة: عقبالك. يلا يا زفت، على فوق عشان تذاكر. جاد: حاضر، رايح. وتخرج. مودة الجنينة، وكانت قاعدة، والحظ إن في حد بيصور الفيلا من البلكونة اللي قصادهم. وتدخل جوا بسرعة. ماهر: في إيه؟ بتجري كده ليه؟ مودة: الحقيني، في حد بيصور الفيلا. ماهر: بيصور الفيلا ليه؟ مودة: بص على البلكونة اللي قدامكم.

ماهر: تمام. ويبص. إيه ده؟ صح. مودة: مش عارفة. ماهر: طيب، ادخلي جوا، وأنا هتصرف. مودة: تمام. في بيت والد غيث يمني: إنت إزاي تعمل كده؟ غيث بصدمة من اللي بيري قالته، وإزاي تفكر كده وتعمل كده؟ ليه؟ بس بردو مكنش عايز يطلعها بتكدب قدام والدته. غيث: معلش يا أمي، أنا كنت بس عايز أعرف مالها. يمني: تقوم تضربها؟ إزاي تعمل كده؟ إزاي؟ غيث: حقك عليا، أنا غلطان، مش هعمل كده تاني. يمني: اعتذار لمراتك، مش ليا أنا. غيث: حاضر.

يمني: أقسم بالله يا غيث، لو مراتك قالت لي حصل ده تاني، مش هيحصل طيب. أنا قولت أتكلم بيني وبينك، المرة الجاية هقول لإسلام. غيث: حاضر يا أمي. لحظة غضب بسيطة. يمني: تمام. ربنا يهديكم. يلا، ورايا. ويخرجوا. وبيري كانت قاعدة مع إسلام، أول ما شافت غيث بص لها بنظرات كلها زعل وحزن منها. يمني: يلا، الأكل جاهز. فيلا سليمة مودة: بقالنا كتير مش بنروح المدرسة. رحاب: أنا إجازة لحد ما أولد. مودة: طيب، إنت تمام، إنما إحنا إيه؟

أهملنا المدرسة أوي، الفتؤاة دي لازم نروح بكرة. تيا: هو إحنا هنروح؟ رحاب: أه يا ختي. تيا: لا، أنا في إجازة لحد ما تعرفوا أصحاب الشركات. مودة: بس يا بت، بس. زهراء: عايزين حاجة يا جماعة؟ مودة: الله، عروستنا رايحة فين؟ زهراء: خارجة مع جوزي. أه، خليكي إنت قاعدة كده. مودة: جوزك هو أخويا، أه، فاكرة؟ زهراء: وجوزك هو أخويا برد. مرام بضحك: إيه ده؟ في إيه؟ رحاب: لا، فكرة عادية، عادي.

زهراء: عادي، عادي. أنا أمشي بقي عشان في ناس غيرانة. يلا سلام عشان أروح لجوزي. وتمشي. رحاب بصدمة: هي دي زهراء ملاك الرحمة؟ مودة: البت انحرفت. خلود: إنت حامل في بنت ولا ولد يا رحاب؟ رحاب: لا، لسه في الأول. وإنتي بقى؟ خلود: ولد. رحاب: اللهم بارك، ربنا يجعله من الصالحين. خلود: اللهم آمين يارب. ادعولي، جاي بعد سنين كتير. مودة: ماشاء الله، ربنا يحفظه يارب، وتفرحي بيه. خلود: آمين. جاي بعد أربع سنين جواز، قعدت كتير أوي.

رحاب: مش كتير ولا حاجة، هو نصيب من ربنا، والحمد لله. خلود: الحمد لله. بس أنا ملاحظة إن أولادك كلهم غالباً قد بعض، هما توأم؟ رحاب: نورسين وسند توأم، إنما لين أصغر منهم بسنة. حور: ماشاء الله، جبتيها بعدهم بسنة. رحاب: لا، لا، نورسين وسند مش ولادي. خلود: ما ولاد مين؟ رحاب: ولاد ماهر ولين مش بنت ماهر. كنت متجوزة قبله بس، الله يرحمه. وأنا وماهر متجوزين بقالنا 3 شهور بس.

خلود: اللي يشوفكم مش يقولوا كده نهائي. معاملة الأطفال تدل إنك أم. رحاب بابتسامة: مش بيقولوا إن الأم مش اللي بتولد وتشيل، اللي بتربي هي الأم. وأنا قعدت كتير مع نورسين وسند قبل ما أتجاوز ماهر، واتعلقت بيهم أوي، تحسهم جزء مني بجد. حتى ماهر بيعامل لين كأنها بنته بالظبط. إحنا متفقين على كده، هما ولادنا إحنا الاتنين. ربنا يبارك لي فيهم. الكل ابتسم على طريق وكلام رحاب اللي بتتكلم بحب عن الولاد، وظاهر حبها بيهم.

خلود: ظاهر الحب في عيونك. ربنا يحفظهم. رحاب: يارب. جدعان، فين بيري؟ بقالها يومين مش بتيجي. مودة: راحت عند حماتها، وقالت لي لما تيجي بليل هتجي تقعد شوية. رحاب: تمام. هقوم أعمل فشار ونتطلع نقعد برة شوية. تمام. في شقة غيث وبيري بعد ما روحوا. بيري في أوضتها قاعدة قدام التسريحة، ومبسوطة إن خطتها نجحت، بس مستغربة إن غيث مش كلمها من ساعة ما وصلوا. وبصت في المرايا، كان غيث واقف عند الباب. بصت وراها، استغربت، هو واقف كده ليه؟

وقف شوية يبص لها، بعد كده يدخل ويقفل الباب بالمفتاح. بيري: شكلي هتضرب بجد. بيري: احم، في حاجة بتقفل الباب ليه؟ غيث: هنفذ الكلام اللي قولته لماما عشان يكون حقيقة. بيري رجعت بخوف: تنفذ؟ إنت مجنون؟ غيث: أنا اللي مجنون؟ ليه قلتي كده؟ ومين قال لك الأفكار دي؟ بيري: عشان تطلقني. غيث: هو إنتي فاكرة كده إني هطلقك؟ بيري: أه، هما قالوا كده. غيث: هما مين بقي؟ بيري: مش لازم تعرف.

غيث: لا، لازم. واخلصي، عشان أقسم بالله ماسك نفسي عنك بالعافية. بيري بخوف: بنات من الفيس، حكت لهم أنا مالي، وهما قالوا أفكار، وإني لما أقول كده، إنت هتسيبني وتطلقني. غيث: نعم؟ بتهزري؟ إنتي حكيتي للناس؟ إنتي مش عارفهم حياتنا؟ لا، وكمان بتعملي اللي هما قالوا عليه؟ روحت للناس غريبة ليه؟ ده أنا قولت لك اللي يحصل في بيتنا مش يطلع لأهلك، تروحي إنتي لناس غريبة؟

يا ريتك كنتي روحت اتكلمتي مع مودة أو رحاب أو زهراء، كانوا على نصحك صح، مش زي كده. إنتي الجنان وصل بيكي كده. إنتي تعرفيهم منين دول؟ انطقي. بيري: قولت لك من الفيس. غيث: جروب إيه؟ بيري: جروب أسئلة كده. غيث: هاتي موبايلك. بيري: ليه؟ غيث: اخلصي. بيري: اتفضل. غيث: انسي نهائي حاجة اسمها موبايل، تمام؟ بيري: إزاي يعني؟ غيث: مش عايز أسمع صوتك. خلصنا من موضوع الموبايل. ندخل بقى في موضوع أم الكلام اللي قولتي ده، لسه عقابه.

بيري بخوف: هتعمل إيه؟ غيث: لا، بتخافي أوي. ويكمل بعتاب: كده يا بيري، تصغريني قدام أمي كده ليه؟ ده كله عشان رسالة وأنا مظلوم. سمعت كلام شوية بنات قاعدين فاضيين، مش وراهم غير إنهم يخربوا بيوت الناس بسبب أفكارهم. مش هما قالوا تقولي الفكرة دي عشان يطلقك؟ بس أنا مش هعمل كده. أنا هعمل الحاجة دي. بيري بعيط: أنا آسفة، والله، بس بلاش تعمل كده. غيث: ليه؟ مش أنفذ الكلام عشان اللعبة تكون مظبوطة؟

بيري: بالله لا يا غيث، حقك عليا، والله ما هقول كده تاني. غيث: لا، قولي، بس يكون حقيقة. بيري بترجع لورا: إنت مش هتعمل كده. غيث: مين قال لك؟ مش أنا الخاين؟ ويقرب منها. بيري بعيط: بالله لا. إنت مستحيل تعمل كده، إنت، إنت. غيث بعصيبة: أنا إيه يا شيخة؟ حرام عليكي، تصغريني قدام أمي اللي فضلت عمرها كله تعلمني الصح من الغلط. عايزة إيه يا بيري؟ ليه عايزة تخربي بيتك؟ عايزة إيه؟ ردي عليا.

بيري بعيط: عشان بحبك. أنا مش متخيلة إنك بتخوني. ليه؟ إنت عملت كده من الأول؟ غيث بعصيبة: قولت لك، معلمتيش كده. افهمي بقي. بيري: قولت لك، اثبت لي مين السبب، مين ورا الرسالة، وليه أساساً؟ رد عليا. رد، ساكت لسه. غيث: هعرف، وساعتها هيكون في نظام تاني معك لحد ما أطلقك. يلا، اجهزي عشان ننفذ الخطة. بيري بخوف: إنت بتهزر صح؟ غيث: لا، هزار إزاي بس؟ عشان تكلميهم تقولي الخطة نجحت.

بيري بخوف: طيب، بص، اضربني، بس بلاش تعمل كده. أنا عارفة إني غلطانة، بس بالله ما تعمل كده. غيث: أنا عمري ما أعمل كده، عشان ولا ديني ولا أخلاقي بيقولوا كده. ولا هضربك عشان أنا بحبك وخايف عليك. ويا رب إيدي تتكسر لو اتمدت عليكي. بس للأسف، إنتي كسرتيني النهاردة يا بيري، وأنا مستحمل عشان بحبك. بس كده كتير. بصي يا بنت الناس، يوم ما أثبت إني مظلوم، هتروحي بيت أهلك، مش هنقعد كام شهر على طول زعلان منك أوي، أوي يا بيري.

ويسيبها ويخرج. بيري قعدت تعيط جامد. بيري بعيط: أه، دماغي. لقيت اللي بيحضنها، بصت لقيت غيث. بيري: غيث. غيث: قومي، بطلي عياط عشان إنتي لسه تعبانة. بيري: أنا آسفة، مش عارفة عملت كده إزاي. غيث: خلاص، قومي. بيري مسكت إيده: بالله خلاص، أنا عارفة إني غلطت كتير فيك، وإني غلط أعمل كده، بس كنت عايزك تطلقني. غيث: هو إنتي ليه فاكرة إن الكلمة دي سهلة؟ كلمة طلقني، ليه بقيتي بتقوليها على طول؟

بيري: عشان أنا بحبك، ومصدومة إزاي تعمل كده فيا؟ ليه يا غيث؟ غيث بص إيدها: في أقرب وقت هثبت لك إني مش كده. قومي يلا عشان نروح نقعد مع الشباب شوية. فيلا سليمة رسلان: فهمتي هتعملي إيه يا تيا؟ تيا: أه. يوسف: أي غلطة هنروح فيها كلنا. تيا: لا، متخافيش. يوسف: ربنا يستر. تيا: مين اللي هيجي معايا؟ مودة: أنا جاية. رسلان: وأنا، ويوسف، وجاد، وموسي. ومروان هيفضل في العربية. موافقين؟ مروان: تمام، على خير.

حاتم: تيا، ركزي كده، تعرفي كل حاجة. تيا: حاضر. وييجي غيث اللي ماسك ايد بيري، وغيث يروح يقعد جنب الشباب، وبيري جنب البنات. غيث بابتسامة: السلام عليكم. الجميع: وعليكم السلام. حاتم: إيه يا عريس؟ مختفي فين بقالك يومين بدور عليك؟ غيث: موجود في الشقة اللي فوقك. حاتم: تصدق صح. عز: عاملين إيه؟ غيث: الحمد لله. رحاب بهمس: بيري، إنتي كويسة؟ بيري: أه، الحمد لله. رحاب: طيب، تعالي عايزك في المطبخ. بيري: تمام.

رحاب: بعد إذنكم، هيجيب العصير وأجي. غيث: رايحين فين يا بيري؟ بيري: هجيب العصير مع رحاب. غيث: تمام. ويمشوا. ماهر: إنتوا كويسين؟ غيث: أه، الحمد لله. عز: متأكد؟ غيث: أه. حاتم: مش طبيعيتكم. غيث: كويسين، الحمد لله. ازيكم يا جماعة؟ معلش معرفتش أقعد معكم ساعة ما جيت. بلال: ولا يهمك. غيث: تسلم. هروح أعمل مكالمة وأجي. ويقوم. في المطبخ رحاب: مالك؟ بيري: مفيش. رحاب: لا، في حاجة. بيري عيطت. رحاب: بسم الله، في إيه؟

بيري: أنا كل شوية أعمل مصيبة. رحاب: طيب، فهمني في إيه. بيري: هقول لك، يمكن تنصحيني. وحكت لرحاب كل حاجة. رحاب: إنتي غلطانة يا بيري، إزاي تسمعي كلام ناس زي دول؟ وبعدين إزاي تقولي كده على جوزك؟ غيث مستحيل يخونك، عارف دينه كويس، ومستحيل يعمل شي حرام. بيري بصدمة: يلهوي، يكون اتجوز؟ رحاب: يا بنتي، حرام عليكي. غيث بيحبك، أكيد مش هيتجوز عليكي. إيه التفكير ده؟ ليه وصلتي نفسك تحكي أسرار بيتك لناس إنتي مش عارفهم؟

ولا وخططهم زبالة؟ ليه تعملي كده؟ احمدي ربنا إن غيث بيحبك وعاقل. لو راجل تاني، أقسم بالله ما كان سابك بسبب اللي عملته ده. اهدى كده يا بيري، أكيد حد عايز يوقع بينكم. ما أخلاق غيث، مستحيل تقول إنه يعمل كده. بلاش تخربي على نفسك. بيري: ما خلاص، خربت على نفسي. هو يوم ما يثبت إنه مظلوم، هيطلقني. رحاب: بيقول إيه؟ كلام غيث مش هعمل كده. وبعدين إنتي مصدقة بجد؟

بيري: ما البنات في الفيس قالوا كل الرجالة كده، وفي كذا واحدة فيهم اكتشفت خيانة جوزها كده. رحاب: والله؟ وإنتي مصدقة بقى يا بيري؟ دول بيكون كدب عشان الريتش فقط يا حبيبتي. استهدي بالله واحفظي على جوزك. بيري: لما يثبت إنه مش خاين. رحاب: إنتي هبلة يا بت؟ خاين؟ عرفتي إنه خاين من رسالة؟ رسالة يعني ولا في صور ولا في أي حاجة؟ وإنتي عرفتي من رسالة؟

يا بنتي، اتقي الله، وبلاش تطلعي أسرارك لناس إنتي مش عارفهم. لو في حاجة، إنتي كلمنا، وإحنا نقول لك نعمل إيه. إنما فيس وزفت ليه؟ بيري: نفس كلام غيث. كلكم شايفين إني غلط إني كلمت حد فيس وأخدت منه نصيحة. رحاب: هي الهانم شايفة نفسها صح. بيري: أنا مش فاهمة نفسي. أنا مصدومة. أنا بحب غيث أوي، ومرة واحدة قبل فرحنا اكتشفت إنه خاين.

رحاب: بطلي الكلمة دي. الكلمة دي بتوجع أي رجل. بيري، إنتي قولتي كلام كتير يوجع غيث، وهو مستحمل. يا بيري، حرام عليكي، كفاية كده بقي. ليه عايزة تخربي على نفسك؟ فوقي يا حبيبتي وركزي كده. بيري: ما هو كده كده هيسيبني في خلاص. رحاب: مش هيسيبك لو حاسة إنك لسه عايزاه. مش كل شوية "طلقني". غلط يا حبيبتي، غلط. بيري: هحاول. ادعي بس يارب مش يكون بيخوني بجد. غيث: طيب، أنا أحلف على إيه إني مش بخونك؟ بيري: غيث.

غيث: رحاب، ممكن تسيبنا لوحدنا؟ رحاب: طبعاً، ربنا يهديكم على بعض. براحة يا شباب، مش كده. الحياة مش بتمشي كده، افهموا بعض. وعادي إننا نغلط ونزعل، بس في أسرع وقت نصلح ده كله. ربنا يحفظكم لبعض. وتخرج. غيث: شوفتي، أنا كنت عايزك تكلمي حد من البنات ليه؟ عشان أهلك خايفين عليكي، مش شوية بنات إنتي مش مهمة عندهم، أهم حاجة ريتش. أنا عرفت مين اللي بعت الرسالة. بيري: مين؟

غيث: مكنتيش عايزة أقول لك، بس الأفكار بدأت تلعب كتير في دماغك. والدتك يا بيري. بيري بصدمة: نعم؟ بتهزر صح؟ غيث: تقدري تسمعي الريكوردات دي؟ والولد اللي خليته يعرف مين الرقم ده، وهو بيقول لي الاسم. بيري بصدمة: ماما تعمل كده ليه؟ إنت كداب. غيث: تاني؟ تاني؟ طيب، إيه رأيك بقى؟ هثبت لك إن والدتك هي السبب. بس بجد كده كتير. ويسبها ويخرج. وهي تقعد تفكر، هي بجد والدتها؟ تاني يوم

تيا ومودة والشباب واقفين قدام الشركة، ورسلان متنكر. تيا: إنت عامل كده ليه؟ رسلان: عشان محدش يعرفني. تيا: هو حد يعرفك أساساً؟ رسلان: حد غيرك يقول كده. تيا: ليه يا بابا؟ مودة: مش عايزة خناق. يلا بينا. "صباح الخير يا تيا هانم، نورتي الشركة." تيا: صباح النور. شكراً. الأوضة بتاعتي جاهزة اللي هجهز فيها؟ "أه يا فندم، بس ممكن نعرف مين دول؟ تيا: المساعدة بتاعتي والمصورين ومدير أعمالي. "أه تمام، اتفضلوا. أوصل حضرتك للأوضة."

تيا: تمام، ورايا يا شباب. مودة: هجيبها من شعرها. يوسف: حقك، أقسم بالله. ويدخلوا الشركة، وكان البنات كلهم واقفين، لابسين لبس محترم. جاد: فين خدشة للحياء؟ تيا: مش عارفة. البنات لابسين كويس. رسلان: ما لازم يا بنتي، مش في تصوير. تيا: تصدق صح. "دي أوضتك يا تيا هانم. خمس دقائق وصاحب الشركة هيكون عندك." تيا: تمام. ويدخلوا. مودة: لما ييجي صاحب الشركة، محدش يتكلم، فاهميني؟ يوسف: ما مين هيتكلم معاهم؟ مودة: أنا.

يوسف: معندنيش حريم تتكلم مع راجل غريب، صح ولا إيه يا موسي؟ موسي: صح يا بني. أنا اللي هتكلم. رسلان: كده تمام، إنت عاقل، إنما دول لا. جاد: حبيبي، تسلم. تيا: الروج مظبوط؟ يوسف: روج إيه؟ روج إيه؟ امسحي القرف ده يلا. تيا: اللهم. مودة: تيا، إحنا قولنا إيه؟ المكياج زينة، ومينفعش برة البيت. تيا: حاضر. وتمسحه. وييجي صاحب الشركة. "صباح الخير." "صباح النور." "أحمد العوضي." ويمد إيده عشان يسلم على تيا.

موسي زق إيد تيا اللي كانت رايحة تسلم. موسي: تشرفنا، بناتنا مش بيسلموا على شباب. أحمد: احم، تمام. اتفضلوا تشربوا إيه؟ تيا: لا، شكراً. بس عايزين نشتغل عشان نروح، ورانا شغل تاني. أحمد: تمام، تقدروا تبدأوا. تيا: تمام. مودة: يلا يا شباب، اجهزوا. أحمد: أسيبكم تجهزوا، وأجي تاني. ويخرج. يوسف: إنت هبلة؟ رايحة تسلمي عليه؟ تيا: جدعان، براحة عليا. إنتوا شايفين حلاوة الواد. جاد: ما تحترمي نفسك بقي، إنتي بتقولي إيه؟

يوسف: خلاص يا شباب، هي عايزة تربية من الأول، بس. تيا: تسلم، شكراً. يوسف: عيب يا ماما، عيب تمدح شاب. تيا: تمام، يلا عشان نبدأ. في الكلية عند زهراء قاعدة في المسجد بتذاكر، وتيجي رباب. رباب: السلام عليكم. زهراء بابتسامة: وعليكم السلام. عاملة إيه؟ رباب: الحمد لله بخير. بقالك كده مش بتيجي ليه؟ زهراء: والدي كان المفروض يعمل عملية، بس اتأجلت. فقلت أنزل بقي. رباب: أه، ألف سلامة عليه. زهراء: الله يسلمك يا حبيبتي.

رباب: اللهم بارك، شكلك حلو بالخمار. زهراء: تسلمي. رباب: الدرس هيبدأ إمتى؟ زهراء: بعد العصر، بس أنا هروح أحضر المحاضرة وأجي على طول. رباب: تمام يا حبيبتي، ربنا يعينك. زهراء: يارب. وموبايلها يرن وترد. زهراء: السلام عليكم. حاتم: وعليكم السلام. عاملة إيه يا حبيبتي؟ زهراء: الحمد لله، وإنت؟ حاتم: ادام الله حمدك بخير، الحمد لله. في الكلية صح؟ زهراء: أه، في حاجة ولا إيه؟ حاتم: لا يا حبيبتي، بس هيجي آخدك. تمام.

زهراء: تمام. إنت عامل إيه في الشغل؟ حاتم: الحمد لله، أهو. ادعيلي يا حبيبتي، خلينا نخلص من أم القضية دي. زهراء: هتخلص بإذن الله، ربنا يعينك يا حبيبي. حاتم: يا إيه؟ قولتي إيه؟ زهراء: مقولتش حاجة. حاتم: لا، قولتي. زهراء بكسوف: حاتم، أنا قولتها بالعافية. براحة عليا، مش تكون فترة الخطوبة ساكت، وتطلع مرة واحدة كده. حاتم: مش هو ده الصح؟ زهراء: أه، بس بردو بهدوء كده. أنا بتكسف. حاتم: حبيبتي المكسوف، بحبك أقسم بالله.

زهراء: وأنا كمان. حاتم: ربنا يجعلك زوجة صالحة ليا. زهراء: اللهم آمين. يلا بقي، اقفل عشان هخلص مذاكرة وأروح المحاضرة. حاتم: تصلي العصر قبل ما تدخلي. تمام؟ زهراء: المحاضرة هتخلص قبل العصر، متخافيش. حاتم: تمام يا حبيبتي، في رعاية الله. ويقفل. رباب: جوزك؟ زهراء: أه. رباب: غريب، بتتكلمي بكسوف. زهراء: كنا ماشيين ضوابط الخطوبة، وكان ملتزم بيها أوي، فمن يوم