رواية معشوقتي الفصل الخامس عشر 15 - بقلم عائشة الكيلاني

فتحت الباب و بصت له بصدمة و حرج و عصبية. مشاعر ملخبطة. حمزة من رغم صدمته بس مباينش. حمزة بهدوء: رحاب موجودة؟ هاجر هزت راسها: هى في الجنينة. اتفضل. الجنينة من هنا. هاجر طالعت و هو راح لى رحاب. حمزة بمرح: انا بحبك و كل حاجة بس ميقولش ليا يا خالتي. رحاب: اخيرا جيت. اقعد. حمزة قعد. رحاب: اي الحكايه بقا؟ هى تقول متجوزين و انت بتقول قدام العيلة بحبها. اي الحكاية؟

حمزة اتنهد بحزن: مفيش حكاية. هي جدعة و وقفت جانبي بس بطريقه غلط و انا نقذت الموقف مش اكتر. رحاب بصت له بابتسامة: لو ليكم نصيب في بعض يبقا الدنيا كلها مستحيل تقف قصادكم. انت بتحبها يا حمزة و دا باين عليك و عليها. يبقا ليه لا و خايف ليه؟ حمزة: واحد مدمن و جوزك عارف يديني اخته الوحيدة علشان تمرمط معايا ولا علشان نبقا اتنين مدمنين؟

رحاب بعصبية: مانت اتهببت اتعلجت و خفيت خلاص. اقفل بقا على الصفحة السودة دى. ربنا بيسامح و انت توبت يبقا ليه متفكرش تبني أسرة. حمزة: و نجيب بنت و اتجوز عليها علشان مجبتش الواد صح زى ما ابويا و عمي عملوا. رحاب: انت جاي تعصبني ولا جاي ليه افهم؟ حمزة يا حبيبي صوابعك مش زى بعضها و بعدين. حمزة: شرع الله معاكي بس ربنا قال بالمعروف بالعدل مش نظلم بنات الناس. حتي المفروض انتي الى تقولي الكلام دا.

رحاب: و انت مش جلال يا حمزة. انت مختلف عنهم. انت تقدر تعمل الى بابا معرفش يعملوا. حمزة: اتجوز اربعة؟ رحاب: لا فايق و رايق. حمزة احنا لازم ننسا في الاخر هما أهلنا. مينفعش نحسبهم ولا ينفع نعيش طول الوقت نحمل اعمالهم لينا. الى حصل حصل و خلاص. حمزة: انا و هاجر صعب نبقا لبعض. صعب. احنا مننفعش لبعض لا دلوقتي ولا بعدين. هاجر كانت دخلة و سمعت كلام حمزة. حطت العصير على التربيزة و خرجت.

طلعت على اوضتها. طبعا كانت لبست اسدال و حطه الطرحة على شعرها. فضلت تعيطي بانهيار: مش ذنبي. مش ذنبي انه عندي. مش ذنبي اني اتولدت بيه. انا ليه بتعقب على حاجة مليش ذنب فيها؟ دخلت التواليت و فتحت الماية و قعدت تحتيه. تحت في الجنينة. حمزة شارب شرفا من العصير. رحاب: انت كويس؟ العصير مش عجبك؟ حمزة: لا حلو اوي. بعدين مانا بشرب اه. رحاب: اومال كرمشت وشك ليه؟ اكيد فيه حاجة. حمزة: لا والله طعمه حلو. حمزة شارب العصير

كله و شرب وراه الماية: اول مرة اشوف عصير حادق كدا بس طعمه حلو. اعتماد من بره: يا مرارررري. عوض عليا عوض الصابرين يااارب. ااانتي يا هااااجر. رحاب بضحك: ههه اكيد هاجر عملت مصيبة و مش هنخلض. و هكذا البيت كل شوية خناق ل مع كريم او مع هاجر و اوقات مع عليا. اعتماد: نهار اسود. البت حطت ملح في العصير بدل السكر. علشان لم اقول هترجعي من اول يوم محدش يتكلم. هتفتحي بيت ازاي؟ هتفتح بيت ازاي دي؟ هاااا الفرخ مسكرة ليه؟

حطيت سكر للفرخ مكان الملح. يخيبتك و يا ميلة بختك في عيالك يا اعتماد. يا الى هتموت مجلوطة من هاجر و عميلها يا اعتماد. يا ناااس محدش ياخد البت دى و هديلو مليون جنيه. لا كدا كتير. أيوة يخدو هاجر و كريم هداية. مفيش حد مريحني في البيت دا غير قلب امه. علي ابني الكبير العاقل الراسي مش المجانين دول. رحاب: يادي النيلة و الفضايح. لسه لم كريم يجي هتسمع الفضايح الى على اصول. كريم جاه

و راح اوضه و خرج متعصب: هااااجررر. انتي يا زفتة. اعتماد: اتهدو بقا انتوا مش بتتهدو ليه. كريم: قوليها هى. بصي يا امي بصي القميص الابيض بتاعي. بصي كاش ازاي. ولا التيشيرت. بصي بقا بطيخي. دى مقلبني في لبسي يامي. انزلي يا جبانة. حمزة بصدمة: اي دا؟ رحاب: البيت و ناسه و الخمس ستة الى احنا منهم. كل يوم في الصدع دا. و لسه لم علي يجي. حمزة عط لرحاب الهدية و مشي. ليل في اوضة هاجر. اعتماد: طب انتي بتعيطى ليه دلوقتي؟

كريم مقالش حاجة. هاجر بدموع: انا مش زعلانة من حضرتك ولا من كريم. بس انا تعبت يا امي. من زمان و انا بشوف نظرات الناس و بسمع تنمرهم عليا. ماما هو انا ممكن يكون ليا عيلة زيك و زي رحاب و غيركم؟

انا و انتوا عارفين ان البهاق مستحيل يروح من عندي. انا تعبت من العلاجات الى مش جايبة اى نتيجة. الحمدلله انا مش معترضة بس انا تعبت. انا تعبانة اوى اوى يا امي. حتي رحاب بخاف تدخل عليا تشوفني بالشكل دا. بخاف اوى. انا مش وحشة بس انا تعبت و انا كل يوم بحط المكياج علشان محدش يقرف ولا يخاف من شكلي. تعبت. هاجر افتكرت حمزة. هاجر بدون واعي: شافني. شافني يا امي. شافني بشكلي الحقيقي. وشي و شعري. انتهاء. انتهاء كله انتهاء. يامى.

اعتماد مش فاهمة هى تقصد اي بس حضنتها. و هاجر قعدت تبكي بقهرة و انهيار و صوت بكها بيعلي. اعتماد بتبكي عليها بقهرة. عند حمزة فهو عند عادل. عادل ببرود: هببت اي؟ حمزة: دائما ظلمني. عادل: لا مانا عارف. ما تتكلم ياض. يا تمشي. هو انا ناقص؟ حمزة: في بير. عادل: انت قتلت قتيل؟ ولا اي فهمني. حمزة: هقولك. حمزة حك كل حاجة لعادل بس على انه مش قصة واحد صاحبه. عادل ببرود: و بعدين؟ حمزة: بس كدا.

عادل: لا تعايرني ولا اعايرك. هو طبعا زفت و قبلته بعيوبه و هى مش ذنبها. حمزة: اول مره تقول حاجة صح. عادل: يبقا يتكل على الله و يتجوزها. حمزة: افرد رفضت؟ بقولك شافها و اكيد هتحسب حاجة غلط زى شفقة. مانت عارف دماغ البنات. عادل: دماغهم اخر ارف. زى عملي الاسود اختي كدا. حمزة قام: اول مره اروح من عندك فرحان و هادي كدا. ربنا يهديك يشيخ و اخلص منكم يارب. حمزة مشي. و عادل قعد يشتغل. في الفيلا. الاب: تانى؟ هى اختك مش بتزهق؟

مرة تسنيم و دلوقتي اخوها. اعتماد: اه بس عمرو بيحب هاجر. الاب بشك: و اشمعنا دلوقتي هاجر بقت حلوة؟ و بعدين دا أمنه على بنتي ازاى؟ علي: بابا معاه حق. مستحيل اى حد يقول عايز هاجر يخدها. احنا مش لقينها في الشارع. كريم: ادعمك الموضوع يتقفل يا امى و محدش يقول لهاجر. هاجر دخلت: خالتي كلمتني النهاردة و قالت ان عمرو عايز يتجوزني. انا فكرت و موافقة.