رواية معشوقتي الصغيرة الفصل الخامس عشر 15 - بقلم ملكة زماني

معتز بصدمة وفرحة في نفس الوقت: "حامل؟ لمار استوعبت هي قالت ايه. لمار في سرها: "غبية، ليه قولتي؟ لمار جايه تمشي. معتز مسكها بفرحة: "لمار، عشان خاطري قولي إنك حامل بجد." لمار: "معتز، بعد إذنك سيبني امشي." معتز: "مش هسيبك غير لما تقولي الحقيقة، انتي حامل ولا لأ؟ لمار: "آه يا معتز، أنا حامل. ممكن أمشي بقا؟ معتز شالها بفرحة ولف بيها: "ده أحسن خبر سمعته في حياتي." ندى واقفة هتولع. لمار: "معتز، نزلني كده، غلط على البيبي."

معتز نزلها براحة: "أنا بحبك أوي." لمار: "طب ممكن أمشي؟ لمار خافت إنها ممكن تضعف قدامه. معتز بحزن: "لسه برضه عاوزة تسبيني؟ طب وابننا؟ لمار: "متخافش، ابننا أنا هربيه أحسن تربية." معتز مسكها من درعها بغضب: "أنا شكلي دلعتك كتير. خروج من هنا مش هيحصل، وابني محدش هيربيه غيري، انتي فاهمة؟ ندى: "معتز، سيبها تمشي. مع السلامة." معتز بغضب أعمى: "اخرصي انتي، غوري على فوق." ندى طلعت جري وهي هتشيط. لمار بغضب: "معتز، ابعد عني!

انت اتجننت؟ عايز تحبسني هنا؟ معتز ببرود: "آه، طالما مش بمزاجك، غصبن عنك." لمار بزعيق: "وأنا هخرج من هنا! بعدين مسكت بطنها بألم. لمار: "آه ه ه ه." معتز مسكها بخوف: "مالك؟ لمار: "ابعد عني! آه ه ه ه." معتز شالها بخوف وطلعها فوق، ولمار استسلمت بسبب التعب اللي هي فيه. كل ده تحت نظرة الحقد من ندى. معتز دخل لمار الأوضة ونيمها على السرير بحنية. معتز: "أحسن دلوقتي؟ لمار: "في علاج لازم آخده دلوقتي، سبني امشي."

معتز: "قولي اسمه وأنا أبعت السواق يجيبه." لمار باستسلام: "اسمه... معتز طلع التليفون ورن على السواق: "عايزك تجيبلي العلاج ده بسرعة." وقفل. ندى في الأوضة، هتولع، رايحة جاية بغل. ندى: "أقسم بالله ما هخليكي تتهني بيه." وبعدين ضحكت بشر: "معلش بقا يا معتز، مش هتلحق تفرح كتير." لمار: "أنا عايزة أشوف طنط." معتز: "حاضر." وشالها. لمار: "على فكرة أنا بعرف أمشي لوحدي." معتز: "من هنا ورايح انتي هترتاحي وبس." حور خبطت على الباب.

أمها فتحت الباب. حور: "ماما، وحشتيني أوي." أمها بلويت بوز: "وحشتك إيه؟ عقربة! إيه اللي جابك؟ حور بدموع: "ماما، انتي بتكلمي كده ليه؟ أمها: "بعد لما جبتي واحد صايع يمد إيده على أبوكي، يبقى تغوري من هنا." مراد بغضب: "متحترمشي نفسك يا ست انتي! يا حسن، أقسم بالله أبيتِك في الحبس." حور بعياط: "بس ده مش أبويا، ده جوزك. انتي أبويا الله يرحمه مات. أما ده راجل زبالة، حاول يتحرش بيا."

أمها: "غوري في داهية، انتي كدابة." وقفلت الباب في وشها. حور قعدت تعيط. مراد حضنها: "يا حبيبي، ولا يهمك. في ستين داهية. أنا أمك وأبوكي وأخوكي." خدها ونزل وهو بيتوعد لأم حور هي وجوزها. معتز دخل على صفاء وهو شايل لمار. صفاء: "بس الله في إيه، مالها لمار؟ معتز: "متخفيش يا أمي، لمار كويسة. عندي ليكي خبر حلو. لمار حامل، هتبقي تيتا قريب." صفاء زغرطت بدموع وفرحة: "ألف مليون مبروك! الحمد لله يارب، عشت لحد لما أشوف ابن معتز."

لمار: "الله يبارك فيكي يا طنط." صفاء بزعل: "برضه طنط؟ لمار بصت على معتز بزعل، ومعتز بص لها بندم. معتز قرب منها: "حقك عليا، وباس رأسها. كنت في وقت عصبية ومن خوفي على أمي، عشان خاطري سامحيني." لمار: "طب لما شكيت فيا إني بخونك؟ معتز: "طب حطي نفسك مكاني، لو دخلتي ولقيتيني في حضن بنت، هتعملي إيه؟ لمار بغيرة: "هاكلك بسناني." معتز بضحك شرير: "انتي يا لمار برضه." وبعدين كمل بحب: "نبدأ صفحة جديدة ونربي ابننا سوا."

لمار بصت على صفاء. صفاء هزت دماغها بـ"آه". لمار: "اوعدني إنك مش هتزعلني تاني." معتز بفرح: "أوعدك." لمار: "خلاص، سمحتك." معتز حضنها: "أنا بموت فيكي." صفاء: "كده اتصفتوا؟ كده ترجعي تقوليلي يا ماما تاني ولا إيه؟ لمار حضنتها: "أحسن ماما في الدنيا." وبصت على معتز: "أنا عايزة آكل خوخ." معتز بصدمة: "خوخ؟ أجيبه منين أنا دلوقتي؟ لسه معاد مجاش." لمار بعياط: "مليش دعوة." معتز بصدمة أكتر: "انتي بتعيطي بجد عشان خوخ؟

صفاء بضحك: "بتتوحم يا حبيبي." معتز بحب: "من عيوني، رغم إني مش عارف هجيبه منين، بس ماشي." زين عمال يرن على لمار، تليفونها مقفول. فضل يرن لحد لما لمار ردت. زين بخوف: "الو، لمار، انتي فين؟ أنا خوفت عليكي جدا." معتز: "أنا مش لمار، أنا معتز." زين باستغراب: "اومال فين لمار؟ معتز: "أنا ولمار اتصالحنا، ودلوقتي هي عندي في البيت، وأنا بدور على خوخ ومش عارف أجيبه منين." زين بضحك: "لمار بتتوحم صح؟ معتز: "آه، أول ما شطحت نطحت."

زين: "أنا عارف هتلاقيه فين. قابلني عند... معتز: "خلاص، ماشي. سلام." ندى: "الو." مجهول: "عاش من سمع صوتك." ندى: "اسمعني، عايز تجيبلي... مجهول: "أنا تحت أمرك." ندى ضحكت بشر.