رواية معشوقتي الصغيرة الفصل السادس عشر 16 - بقلم ملكة زماني

معتز راح عند زين. زين بابتسامة: أنا مبسوط إنك إنت ولمار رجعتوا لبعض. لمار بتحبك أوي، وأنا واثق إنك بتحبها. معتز: أنت كويس أوي يا زين. مش زين برضه؟ زين هز راسه بهدوء. معتز: طب يلا نجيب الخوخ لحسن. لمار مش هتدخلني البيت من غيره. ندى دخلت على صفاء، اتلقت لمار نايمة في حضنها وبيضحكوا مع بعض. ندى بغل: إزيك يا طنط؟ صفاء بـ"لوية بوظ" عشان هي مش بتحب ندى: ياه، لسه فاكرة؟ ده انتي هنا من أسبوع، ما دخلتيش غير مرة واحدة بس.

ندى بكسوف: حقك عليا والله، كنت مشغولة. صفاء هزت دماغها. ندى بصت على لمار وسلمت عليها: ازيك يا لمار؟ أنا ندى، بنت عمت معتز. معلش معرفتش أتعرف عليكي تحت. لمار: ولا يهمك يا حبيبتي. أساساً ما كنتش فاضية، كنت بحتفل أنا ومعتز بالبيبي. طبعاً لمار حبت تغيظها عشان شافت في عينيها الخبث. ندى سكتت بغل شوية، ودخل معتز. معتز: حبيبي، جبتلك الخوخ. لمار قامت بفرحة وبسته من خده قدام ندى اللي هتموت من الغيرة، وصفاء اللي فرحانة ليهم.

ندى بدلع: الله، خوخ؟ نفسي فيه أوي. لمار حضنت الكيس: لأ، ده بتاعي لوحدي. معتز بص لها بحب: معلش يا ندى، انتي عارفة إن لمار حامل وبتتوحم. هبقى أجيبلك مرة تانية. ندى: ماشي. وخرجت وغل الدنيا كله في عينيها. اتجهت لمار. بنت ماشية بتجري من شوية شباب. وقفت قدام عربية زين. زين فرمل بسرعة. زين نزل من العربية: انتي كويسة؟ البنت بخوف: الحقني منهم. زين: هما مين؟ بيبص قدامه اتلقى 3 شباب. زين حطها ورا ضهره: خير، عايزين إيه؟

شب: مالكش دعوة انت، وسيب المزة دي ياشاطر. زين بتهزؤ: شاطر، ولو ما سبتهاش هتعمل إيه؟ الشب: راح مطلع المطوة. بقولك سيبها. زين: سيبها من إيدك ياشاطر، لحسن تتعور. الشب هجم عليه بالمطوة، بس زين مسك إيده وضربه بمهارة عليا، وأراح معور الواد في دراعه. الشباب جريت بخوف. زين بص على البنت: اهدي، ما حصلش حاجة. انتي اسمك إيه؟ البنت بخوف: أنا... أنا... ووقعت مغمي عليها. زين مسكها: يا آنسة، فوقي. شالها وخدها على المستشفى بتاعته.

مراد خرج من الحمام اتلقى حور بتعيط. مراد راح عليها بخوف: مالك ياقلبي؟ حور وبتتشحتف من العياط: كمال مات. مراد باستغراب: كمال مين؟ حور: بطل حب أعمى. مراد بزهول: انتي بجد بتعيطي عشان مسلسل؟ البطل مات فيه. حور بعياط: أنا زعلت على نيهان، هتعيش لوحدها. مراد بص للسقف: يارب، أنا اللي عملت في نفسي كده. وخدها في حضنه: اهدي ياحبيبتي. زين حطها على السرير في المستشفى وحاول يفوقها. البت ابتدت تفوق. فتحت عينيها: أنا فين؟

زين بابتسامة: ما تخافيش، انتي في المستشفى. البت باستغراب: مستشفى لي؟ زين ببساطة: عشان أغم عليكي. انتي اسمك إيه؟ وإيه اللي ممشيكي لوحدك بليل في وقت متأخر؟ البنت: اسمي أسيل، وشكراً على المساعدة. وجاية تقوم: أنا لازم أمشي. زين: أنا ممكن أوصلك. أسيل: وشكراً جداً، أنا همشي لوحدي. زين: الوقت متأخر، هوصلك. يلا، انتي بيتك فين؟

أسيل بصراحة: أنا بصراحة، يعني، مش من هنا. أنا من إسكندرية، ولسه بدور على سكن للمغتربين عشان الجامعة بتاعتي. زين بابتسامة جميلة: طب تعالي، أنا عندي شقة فاضية تقدري تقعدي فيها. البنت بتردد: بس... زين بهدوء: ما تخافيش، أنا مش بروح فيها خالص. تقدري تطمنيني. انتي في كلية إيه؟ أسيل: في كلية هندسة. زين هز راسه: يلا. تاني يوم، كلهم قاعدين على السفرة. معتز حط كوباية البن قدام لمار: اشربي دي يا جبيبي.

لمار خدت الكوبايه وشربتها تحت نظرات الفرح من ندى. كلهم قاعدين في الصالون. لمار حطت إيدها على بطنها بآلام. معتز: مالك ياروحي؟ لمار بابتسامة مهزوزة: مفيش حاجة، تعبانة شوية. هطلع أرتاح شوية. معتز: تعالي، أطلعك. وخدها وطلع. معتز نزل المطبخ يعملها حاجة تشربها. معتز شاف كوباية البن الشواية اللي فاضوا من لمار، لقاهم أسود. معتز مسك الكوبايه وشم ريحتها. اتلقى ريحتها وحشة. معتز: لمار. وطلع جري.

طلع اتلقى لمار ماسكة بطنها بآلام جامد. معتز خدها من إيديها ودخلها الحمام. معتز: رجعي. لمار: معتز، ابعد عني، مش عاوزة أرجع. معتز بحزم: لازم ترجعي. ولمار عينيها بتغمض، ومعتز بيغسل وشها: فوقي معايا، ورجعي. فضل يضغط على بطنها بخفة لغاية لما رجعت. حس إن جسمها ابتدا يتقل. بيبص اتلقاها مغمي عليها.