رواية معشوقتي الصغيرة الفصل الرابع 4 - بقلم ملكة زماني

معتز قرب من لمار ومسك إيديها وبصم على الورقة. وقرب يشم ريحتها بمتعة. معتز بحزن: أبوكي هو اللي أجبرني على كده. وكمل بغل: هو ما رحمني، بس أنا مش هطلع وسخ زيه. أنا مش عايز منك حاجة، أنا بس عايز رقبة أبوكي. لمار بتفوق: آه يا راسي. أول ما شافت معتز قامت اتنفضت: أنا فين؟ أنت عملت فيا إيه؟ معتز ببرود: ولا حاجة، اتجوزتك بس. لمار بصدمة: إيه؟ أنت مجنون صح؟ معتز: ثواني، أغلط. مش عايز أنا دلوقتي جوزك. لمار: إزاي؟ إيه الجنان ده؟

معتز: مش دي بصمتك بالختم بتاعك؟ لمار بصدمة: أنت جبت الختم إزاي؟ وإزاي جبت بصمتي؟ معتز بغرور: عيب لما تسألي المقدم معتز الأنصاري إزاي وصل للحاجات دي. لمار: الجواز ده باطل. أنا هوديك في ستين داهية. معتز: اعملي اللي أنتِ عايزاه. الورق كله قانوني. لمار دموعها بتنزل بصدمة: طب أنا عملت إيه لكل ده؟ معتز صعبت عليه حالة لمار، بس تظاهر بالجمود: قدامك أسبوع وتكوني في بيتي. لمار: طب وبابا أقوله إيه؟

معتز اتحول: اعملي اللي تعمليه، ولا أقوله أنا؟ لمار بسرعة: لا، أنا اللي هقوله. حسبي الله ونعم الوكيل فيك. معتز قلبه وجعه جداً. لمار: أنا عايزة أمشي من هنا. معتز قرب منها بوقاحة: متيجي نتمم جوازنا. لمار بخوف: ابعد عني. أنت سمعت؟ ابعد. وعمالة تعيط. معتز: بس بطلي زن. يلا عشان تغوري. وخدها ومشي. مراد أخد حور عنده الشقة وجاب لها دكتور. مراد: عاملة إيه دلوقتي؟

حور بهدوء: الحمد لله. أنا لازم أمشي من هنا، مينفعش أفضل قاعدة هنا معاك. مراد بحب: أنا كلمت معتز، هيجيب المأذون وييجي. حور هزت رأسها بدموع. مراد حضنها: اهدّي يا حبيبتي، محدش يقدر يقرب لكِ وأنتي معايا. معتز وصل لمار البيت. معتز: متنسيش، هو أسبوع بس. لمار بدموع: حرام عليك. بابا ممكن يروح فيها. معتز بغل: في داهية. ده حلال فيه الموت. لمار بغضب: اخرس. أنت إنسان زبالة. أنا بكرهك. ونزلت من العربية.

معتز الكلام وجع قلبه ونزل فيه زي السكاكين. فاق على رنة تليفونه. معتز: الوو. مراد: أنت فين؟ معتز: أنا جاي أهو. مراد: متنساش تجيب المأذون. معتز: خلاص قرفتني بأم المأذون. أنا عارف. مستعجل على النكد ليه؟ مراد بضحك: هو عشان أنت اتجوزت انهارده خلاص؟ معتز بغضب: اقفل يالا. مراد: حاضر. متتزوقش. معتز: ربنا يفرح قلبك يا مراد. على الأقل واحد فينا يكون مبسوط. لمار دخلت البيت. أبوها: كنتي فين؟

لمار: نبقى نتكلم الصبح عشان أنا دلوقتي تعبانة. أبوها بغضب: أنتِ طلبتي مخلّيش صقر يمشي وراكي، وأنا سمعت كلامك. دلوقتي كنتي فين؟ لمار بدموع: ياريتك كنت سبته. أبوها بقلق: مالك يا حبيبتي؟ لمار: مفيش. أنا داخلة أرتاح شوية. بارك الله لكما وبارك عليكما وجمع بينكما في خير. معتز حضن مراد: ألف مبروك يا صاحبي. مراد: الله يبارك فيك. وسّع بق عايز أحضنها. حضن كتب الكتاب. معتز بغيظ: تصدق أنا غلطان. غور. مراد

راح على حور خدها بحضن: ألف مبروك يا قلبي. حور بكسوف: الله يبارك فيك. معتز: والله البت خسارة فيك. بص الرقة. مراد بغيظ: أنا عايز إجازة شهر كده عشان انبسط برقتها. معتز باستفزاز: هما 10 أيام وتنزل الشغل. أنا عارف إني قلبي طيب من غير ما تقول. مراد بصدمة: 10 أيام بس؟ معتز هز رأسه: آه. يلا سلام. وأي يوم زيادة هتتحاسب عليه. معتز روح دخل الأوضة وفرد جسمه على السرير. ياها اليوم كان متعب بجد.

افتكر شكل لمار وهي بتعيط وعيونها الزرقا اللي كل مرة بتسحره. معتز في نفسه: أنا مش عارف أنا عايزك انتقام ولا حب. عملتي فيا إيه. وراح في النوم. بعد أسبوع بدون أحداث. غير أن معتز كل يوم بيخوّف لمار. معتز فضل مستني لمار قدام المستشفى لغاية لما خرجت. معتز وقف قدامها: يلا. لمار بصتله بعيونها الزرقا المتعبة، وشها البهتان من قلة الأكل، بس لسه محتفظة بجمالها. لمار بتعب: أنا لسه مقلتش لبابا. معتز: مليش فيه. أنا أدّيتك مدة.

لمار بعياط: مقدرتش أقوله حاجة. معتز: يلا. لمار بتعب: أنا مش جاهزة. لسه مكملتش الكلمة واغمى عليها. معتز بخوف: لمارررر.