رواية معشوقتي طفلة الفصل الخامس 5 - بقلم ندى ناصر

ملك: أنا أنا هو بخبث: شكلك كده ملك زوجة فارس باشا صح؟ ملك: هو بشماتة: واللهي خسارة في الحلاوة دي كلها. عموما تشرفنا، أنا مصطفى أخو فارس. مد يده يسلم عليها. ملك بتبصله بقرف وقالت: لا آسفة مش بسلم. قاطعهم كريم باشا: ملك حبيبتي، عاملة إيه؟ ملك بابتسامة: الحمدلله يا عمو. كريم باشا: لا كده أزعل، انتي تقوليلي يا بابا من هنا ورايح. ملك بحب: ماشي يا بابا.

كريم باشا: ملك معلش يا حبيبتي، روحي هاتيلي القهوة من دادة سماح وتعاليلي على المكتب. ملك: حاضر. ملك جابت القهوة ودخلت المكتب وحطتها. ولسه هتخرج، وقفها صوت كريم باشا. كريم باشا: استني يا ملك، عايزك في كلمة. ملك: نعم يا بابا. كريم باشا: بصي يابنتي، زي ما أنتي شايفة، فارس كده تعبان، وإحنا عايزينه يخف. والحل في إيدك إنتي يا ملك. ملك بصدمة: أنا؟ أنا؟

كريم باشا: أيوه، مفيش غيرك إنتي اللي هتقنعي وتعدلي حاله. هو عمل عمليتين قبل كده وفشلوا، بس المرة دي فيه أمل إنه يرجع يمشي تاني. وأنا بوعدك إني مش هرفضلك طلب، وهخليكي تكملي تعليمك. ولو حابة تطلقي بعد كده، أنا موافق هديكي المبلغ اللي تطلبيه، بس اقنعيه إنه يعمل العملية. ملك بخوف: لا، مش هعرف. كريم باشا: لا هتقدري، إنتي اللي في إيدك كل حاجة. هو طيب جداً، بس إنتي حاولي تقربي منه. ملك: حاضر.

وخرجت، وطلعت لأوضة فارس. وفارس كان صاحي وقاعد على الكرسي بتاعه قدام البلكونة. ملك بابتسامة: صباح الخير. فارس: صباح النور. إيه اللي جابك؟ ملك: اللي جابني جابك. قصدي تعالي افطر في الجنينة. فارس بجمود: لأ. ملك بتعاند: وأنا مش بسألك. ومسكت الكرسي بتاعه وبتزقه، وركبت الأسانسير ونزلوا تحت في الجنينة، تحت غضب فارس. فارس بغضب: أنا مش قولت مش عايز أنزل! ملك: هشش بقا. وزقته وهي بتجري لحد ما وصلوا لتربيزة الفطار.

فارس: إنتي مجنونة؟ افرض كنتي وقعتيني بيا وإنتي بتجري دلوقتي. ملك: فداني، هو في كام ملك في البيت يا عم؟ فارس: بت انتي، أخدتي عليا أوي. إنتي هتصاحبيني؟ ملك: وماله؟ هو إنت تطول؟ فارس كان هيتكلم، ملك جابت الأكل وأكلته في بقوه. فارس خلص أكل، وكان هيزعق ليها. ملك جابت الأكل وأكلته تاني. وكل ما يجي يتكلم، ملك تاكله. فمقدرش يمسك نفسه وضحك على حركتها. ملك: أيوه كده، اضحك. خلي الشمس تنور. فارس: طب يلا، كفاية كده، عايز أطلع.

ملك بضحك: يا كئيب، عدوا الفرحة. خلينا قاعدين هنا شوية. إيه مستعجل عشان تطلع للكتمة اللي فوق؟ فك شوية مش كده يا راجل؟ وإنت مز كده. فارس ضحك على كلمها، وملك كمان. قاطعهم مصطفى بحب مصطنع: إيه؟ طب مش تسلم على أخوك اللي بقاله سنتين في أمريكا؟ وراح حضنه. فارس من تحت ضرسة: إزيك يا مصطفى؟ عامل إيه؟ إنت جيت امتى؟ مصطفى: بخير الحمدلله. أنا جيت من انهاردة. حتى جيت سلمت على ملك.

وأكمل بشماتة: أنا قولت هاجي من أمريكا ألاقيك رهوان زي زمان، بس يلا مفيش نصيب. فارس بحدة: حاجة متخصكش، واسم مراتي ميجيش على لسانك، اسمها مدام فارس. وروح ارتاح بقا عشان إنت جاي تعبان من السفر ولا إيه؟ مصطفى وهو بيجز على أسنانه: آه صح، بعد إذنك. فارس: إذنك معاك يا حبيبي. مصطفى بشر بعد ما بعد عنهم: ماشي، شكلك لسه متربتش ولسه مغرور زي ما إنت. وزي ما أخدت الأولانية، هاخد دي كمان. عند ملك وفارس.

ملك: مالكم ضربين بعض بالجزمة كده ليه؟ فارس: يلا نطلع بقا. عند سلوى ورنا. سلوى: عرفتي هاتعملي إيه؟ رنا: أيوه يا ماما. سلوى بخبث: مش عايزيكي تجيلي، لا وملك دي ميتة. فاهمة؟ رنا: حاضر يا ماما.