رواية معشوقتي طفلة الفصل الرابع 4 - بقلم ندى ناصر

لا مستحيل أنا قلت مية مرة متفتحش الموضوع ده تاني معايا لو سمحت أنا خلاص قررت ومش هعمل عملية تاني. لا المرة دي مضمونة ونسبة نجاحها ٩٨٪ و ترجع زي الأول وأحسن كمان. متضغطش عليا أكتر من كده خلاص أنا أخدت قراري ومستحيل أغيره. خلاص براحتك يابني. عند ملك كانت قاعدة مع دادة سماح بتساعدها في تنضيف المطبخ. خلاص ياحبيبتي كفاية كده تعبتك معايا. يا دادة أنا معملتش حاجة أنا كل أما أجي أساعدك تقولي بس أنا خلاص خلصت.

يا حبيبتي انتي زي بنتي مش عايزة أتعبك انتي لسه صغيرة على الشغل ده ويلا بقا إحنا كده خلصنا الشغل يلا عشان ننام. ماشى. دادة سماح وصلت ملك لأوضتها وراحت عشان تنام. وعدى الوقت وجات الساعة ٤ الفجر. ملك كانت صاحية عشان تصلي الفجر. فجأة سمعت صوت تكسير و خبط جامد جاي من أوضة فارس. جريت وطلعت للدور اللي فيه الجناح وكانت خايفة ومترددة تفتح الباب عشان فارس نبه عليها متجيش الجناح. بس صوت التكسير كان جامد. فتحت الباب بسرعة.

إيه ده؟ كانت الأوضة كلها متبهدلة والبرفانات كلها متكسرة ومرمية على الأرض. وفارس واقع من على الكرسي. انت إيه اللي جابك هنا مش قولتلك متجيش هنا ليه جيتتتتي؟ إيدك متعورة. فارس شد إيده منها وقال بغضب: اطلعي بره مش عايزك أنا بكر*هك انتي زيهم كلكم زي بعض انتوا السبب في اللي أنا فيه بسببكم بقيت عاجز. ملك بدموع ومن غير ما تفهم حاجة مسكت إيده اللي فيها الجرح: أنا غيرهم أنا مش زيهم. كدابة اطلعي بره.

ملك سابته وفضلت تدور على علبة الإسعافات الأولية ولقيتها. قعدت جنب فارس وجاية تمسك إيده. فارس زقها بعيد عنه. طب بص خليني أنضفلك إيدك وبعد كده أمشي موافق؟ فارس مردش عليها وباصص في السقف وملامحه باين عليها الحزن. ملك مسكت إيده ونضفت الجرح بتاعه. ربنا مش بيظلم حد وعارف باللي بيزعلك وبيوجعك فامش تزعل كل حاجة انت شايفها وحشة ربنا مخبيلك وراها حاجة حلوة. فارس بدون مقدمات سحب ملك في حضنه وفضل يعيط.

وملك مبعدتش وبادلته الحضن عشان حست إنه محتاجه أوي. وفضلوا على كده لحد ما ناموا هما الاتنين. وخلص اليوم وجه اليوم اللي بعده. ملك صاحية وساحت فارس وساعدته إنه يكمل نومه على السرير. وراحت هي اتوضت وصلت. وبعد كده خرجت من الجناح وكانت هتنزل. وقفها صوت حد ورها. انتِ مين وبتعملي هنا إيه؟