رواية معشوقتي طفلة الفصل السادس 6 - بقلم ندى ناصر

سلوي وابنتها رنا مشوا عشان يروحوا لملك. وصلوا لملك ومعهم شنطة هدومهم. ملك: إيه اللي جابكم تاني؟ سلوي بحزن مصطنع: يابنتي اسمعي اللي حصل بس، وبعد كده اللي عايزة تعملي فينا اعمليه. ملك: خير. سلوي وهي تمثل البكاء: أخدوا البيت يابنتي ورمونا في الشارع. ملك بصدمة: هما مين دول؟ سلوي بدموع: كان عليا ديون كتير مقدرتش أسددها، فاخدوا البيت بدل الفلوس. فاكنا عايزين نقعد معاكي يومين لحد ما نلاقي لنا بيت تاني.

ملك بطيبة: خلاص مش تعيطي، أنا هروح أقول لفارس وهو أكيد هيرضى. سلوي بحب مصطنع: طول عمري بقول عليكي قلبك أبيض زي أبوكي ياحبيبتي. ملك طلعت فوق لفارس عشان تقوله. ملك دخلت الجناح وفارس كان ماسك لابتوب بيشتغل. ملك: ممكن أطلب منك طلب صغنن خالص؟ فارس: في إيه؟ ارغي. ملك: بص يا أبو الصحاب. وحكتله كل حاجة. فارس: امممم موافق. ملك بفرحة: شكراً، أنت طيب أوي. وحضنته وب*سته في خده.

فارس فضل مصدوم وحط إيده على خده، كان سخن وفضل كده لحد ما ملك نزلت، وهو برضه زي ما هو وماسك خده ومبتسم. سلوي ورنا خدوا شنطهم ودخلوا الأوضة بتاعتهم، بيفكروا هيعملوا الخطة بتاعتهم إزاي.

عدى أسبوعين. كريم باشا مكانش مرتاح لسلوي وابنتها وكان شاكك فيهم. وفارس بدأ يحب يقعد مع ملك كده ويحب يشوف ضحكتها، ومبقاش قاسي عليها زي الأول، وبقى ميقدرش يستغنى عنها لدرجة خلاها تقعد معاه في الأوضة ومتخرجش منها إلا لو هو خرج. وسلوي ورنا بيولعوا من الغيظ. ورنا بقت خدامة عند ملك وتعملها الأكل والشرب، وده جزء من خطتهم. فارس كان قاعد بيشتغل على لابتوبه. فجأة ملك أخدته من ورا وبتغني وهي قاعدة جنبه. ملك بابتسامة

وصوت عذب أدهش فارس: "طلعة في دماغي نروق شوية، أعدي عليك وتنزل، إنت فوق دماغي حقك عليا، طول خاصمنا زلزلني." فارس بصدمة: يابنت ال إيه صوتك ده؟ ولا حنجرة ذهبية. ملك بفخر: حنجرة ذهبية طبعاً يابني، أنا مابحبش أتكلم عن نفسي كتير. فارس: بس يابابا هات اللابتوب يلا. ملك ببراءة: ممكن أطلب منك طلب؟ فارس بابتسامة: اطلبي. ملك بترجي: تعالي نخرج، أنا بقالي كتير مخرجتش. فارس: أهو ده مستحيل يحصل. ملك بحزن: طب ليه بقا؟

فارس: كده، أنا بخرجش. ملك: عشان خاطري، عشان خاطري. فارس: أبداً مش هيحصل. بعد خمس دقايق زن. ملك وفارس في العربية. ملك بفرحة: هنروح فين؟ فارس: هنروح المول نشتري هدوم ليكي. وبعد شوية وصلوا ودخلوا المول، وملك كانت فرحانة عشان أول مرة تشوف المول. ومسبوش محل إلا مخدوش منه واشتروا هدوم كتير. وخلاص مروحين. فارس: يلا اركبي العربية. ملك: لا أنا عايزة أتمشى. فارس: مفيش الكلام ده، اركبي.

ملك: ما أصلاً الڤيلا قريبة جداً من هنا، نتمشى عشان خاطري. فارس بغضب: قولت لا يعني لا. بعد دقيقتين زن. فارس بغضب: عارفة لو جيتي في نص الطريق وتعبتي هسقف على وشك. ملك: لا متخافش يابا، أنا مش فرفورة. فارس: عندك كام سنة يا ملك؟ ملك بضحك: طب كويس إنك عارف اسمي أصلاً. أنا عندي ١٦ سنة، وانت؟ فارس: ٢٨ سنة. ملك بصدمة: ياعم فكرتك أكبر من كده بعضلاتك دي. فارس بابتسامة زادته وسامة أظهرت غمزته: عارف عارف.

ملك: يخربيت ضحكتك، إيه ده. فارس بخبث: إيه ده؟ بتعكسيني؟ ملك بكسوف: بس يا بارد. فارس ضحك على شكلها، وهي كمان. ملك بخبث: إيه ده؟ الشارع فاضي خالص مالص. فارس: طب وفيها إيه؟ ملك مسكت الكرسي وأخدت الشارع كله جري وهي بتضحك. وفارس مش عارف يتكلم من كتر ما بيضحك. ملك بضحك: هههههه حلوة صح؟ فارس بضحك: هههههه حلوة إيه بس؟ افرض كنا وقعنا دلوقتي. ملك: وموقعناش، خليك متفائل يا راجل. فجأة ظهر أربع شباب. الأول: أوبااا شكلها هتحلو.

التاني: سيب البنت وامشي أحسن لك. فارس بصوت عالي: يلا من هنا يا بابا إنت وهو عشان مزعلكوش. التالت: يابا إحنا بنهدد في مين؟ وراح شد ملك وقال: أهي هيعملنا إيه يعني؟ ملك: اعااااااااااا الحقني يا أبو صلاح دول هياخدوني. فارس: ..........