رواية معشوقتي طفلة الفصل السابع 7 - بقلم ندى ناصر

فارس طلع مسدس من جيبه وضرب الشاب في كتفه. صحابه خافوا وأخذوا صاحبهم وجريوا. ملك: ا... فارس بغضب: ولا كلمة. مسمعش نفسك خالص، انت فاهمة؟ ملك خافت من نبرة صوته وسكتت. ومشوا شوية ووصلوا القصر وسلموا على كريم باشا ومصطفى وطلعوا الجناح. فارس بغضب: شوفتي أفكارك الهباب كانت هتوصلنا لفين؟ ملك بخوف: أنا أنا آسفة. فارس: هعمل إيه أنا بأسفك ده.

ملك بدموع: أنت مش بتخرج وقليل أوي أما بتطلع من الجناح أصلاً. أنا عملت كده عشانك مش عشاني. كانت عايزة أخرجك من الدايرة اللي أنت فيها، عايزة أخليك مش مكسوف من نفسك. وأنا نجحت في ده على فكرة، بس بس اللي حصل ده خلى مجهودي يروح على مفيش وأنت زعلان مني دلوقتي. فارس بحنان وقرب

منها بالكرسي مسح دموعها: أنا مش زعلان منك. أنا كنت خايف عليكي. افرض أنا ماكنتش شايل سلاح، كنتي هتضيعي مني. واليوم كان جميل، أنا كنت مبسوط أوي لحد آخر لحظة. وأنا عمري ما اتكسفت من نفسي عشان الكل عارف مين هو فارس الرشيدي. ملك ابتسمت وهي بتمسح دموعها بظهر إيديها زي الأطفال: يعني مش زعلان مني؟ فارس بابتسامة جميلة: أبداً. يلا بقى عشان ننام. ملك بابتسامة: حاضر.

ملك دخلت الحمام ومعاها البيجامة اللي هتلبسها، وفارس دخل أوضة الملابس الخاصة بيه وهو متعود يعمل كل حاجة بنفسه من غير مساعدة حد. هو كان لابس بيجامة سوداء أنيقة، وملك لبست البيجامة وكانت مكونة من بنطلون أسود وتيشيرت بلون بينك، وكان شكلها رقيق وكيوت أوي. وفارس ما شالش عينه من عليها لحد ما بص ولاقاها بتنام على الكنبة. فارس: أنتِ بتعملي إيه؟ ملك: إيه؟ هنام. فارس: لا، تعالي نامي جنبي على السرير. ملك وشها قلب طماطم: إيه؟

لا، أنا هنام هنا زي ما أنا بنام كل يوم. فارس بغضب: بقولك تعالي هنا تقولي حاضر. ملك بعند: مش حاضر وهنام هنا. فارس: بقولك تعالي هنا. أه كح كح. ملك جريت عليه بسرعة: إيه؟ في إيه مالك؟ أول ما قربت منه فارس شالها بإيده ونامها في حضنه. ملك بغضب: يا كداب، كنت بتضحك عليا. أوعى كده. فارس وهو مغمض عينه: هشششش، نامي. ملك متوترة من قربه منها ومكسوفة وعايزة تقوم بس مش عارفة، فاستسلمت. وفارس خدها في حضنه أكتر ونام هو كمان.

فارس: أنا متأكد إنك مش زيهم. أنتِ ملاك وهتفضلي ملاك. أوعديني إنك مش هتتغيري. ملك: هو أنا مش فاهمة حاجة بس اشطا تمام. وناموا هما الاتنين. خلص اليوم وجه اليوم اللي بعده على كل أبطالنا. رنا كانت بتحضر الفطار، ومسكت كوباية عصير وجابت إزازة صغيرة من جيبها وفضتها في العصير. ...... : بتعملي إيه؟ إيه ده؟