رواية معذبي الفصل الخامس عشر 15 - بقلم مروان فرج

وبدا يجري وراي زي المهبول. هوا يجري واني نجري لعند ماوصلنا للدارنا. واتعترت بالسرير وجيت طايحة. ومحمد استغل الفرصة. محمد: معندك وين تمشي مني توا. أنا: محمد مستحيل اتبزعه. أنا: اني بزعت عصير مش زبادي. محمد: انتي يلي بديتي وتحملي ما يجيك. أنا: اسفه معاش انديرها وعد خلاص. محمد: للاسف انتهي مفعوله توا. أنا: حرام عليك اني درتلك مكرونة اتجازيني هكي. محمد: المكرونة عقوبة العطر بس العصير شي تاني.

اني حاولت اني نهرب ونضت من السرير. وشدني وحطني في حضنه زي البيبي. أنا: محمد خلاص عاد. محمد: لعند ما تبتلي بالعصير حتي انتي. محمد: شوفي اني طيب وخففتلك العقوبة. أنا: اي قريب بنبكي من طيبتك. وقعدت عالقة في حضنه لحظات. بعدها اذكرت المكرونة وحاولت نسحب روحي منه. بس محمد شدني من خصري. أنا: وسعيلي ي محمد بنمشي نشوف المكرونه توا تنحرق. محمد: وكان تنحرق عادي نا نبيك توا قديش لياا عليك.

أنا: مش توا خليها بعدين اطلقيني توا حول عاد. وحاولت نفك روحي منه بس كان ماسكني زين. محمد: غمضلي عيونك عندي مفاجاه ليك ونفكك. أنا: باهي وغمضت عيوني. محمد: قرب عليااا وباسني ف رقبتي بوسه ساخنه وقالي امشي توا. أنا: نضت وقوتلا انتا ماتتحشم علي وجهكك تفوو باهي. ومشيت للمطبخ بسرعه ولقيت الطنجره قريب تنحرق. ونقدتها علي اخر لحظة وبديت انصب فيها وجهزتها عالطاوله. وامشيت انادي في محمد في الدار.

القيته لابس شورت لعند الركبه بس ومن فوق مزال ملبسش. واني اول مره انشوف جسمة ومن المنظر تحشمت وطلعت وقعدت انراجي فيه عالطاوله. جي محمد وكلينا. وطول ما ناكلو مقدرتش انشوفله هلبا لاني متحشمة وهوا عاد غارق في المكرونة. أنا: شن رايك في طبخي. محمد: عادي مالحة اشوي. أنا: كدب اني ذقتها ولقيتها باهية وحلوة. محمد: اني جتني مالحة. أنا: الضغط راقي شكله عندك. محمد: معناها انتي السكر راقي. أنا: صامطة راهي. محمد: اي زي وجهك هههههه.

أنا: خلاص بلاش ضحكتك مانحبهاش. محمد: باهي المهم غضوا امي قالت عندنا عزومه مانعرفش من يلي جاي بس قالت كلم تقوي عشان تجي من الصبح نبيها. أنا: مش عارفه بس قبل كنت نبي نمشي لحوش اهلي. محمد: أجلها توا وبعدها توا نرفعك. أنا: باهي تمام. كملنا وتعشينا معا بعض وكان الجو حلوو هلباا. ورفعت المواعين حطيتهم ف المطبخ وقعدت نغسل فيهم. وجي محمد وكان لابس الشورت بس ومولع سبسي وريحته قويه.

أنا: اطلع ي محمد دخن برا تعرفيني مانحبش ريحته بكلم. محمد: باهي نبي ديري قهوه. أنا: ماشاءالله عندك يدين تقدر اديرها. محمد: معاش نبي بكل وطلع وسيبني. أنا: مابيتش ندوره بكل كملت غسل المواعين ومشيت لداري رقدت. تاني يوم نضت الساعه10. فطرت ووتيت روحي ونزلت لحوش عمتي لوطا لقيتهم حايسين ويوتو. خشيت عشان نجهز معاهم ونا خاشه شدتني عمتي وقاتلي نبيك في موضوع.

أنا: استغربت ومشيت معاها وكنت خايفه تفتحلي موضوع الصغار وفعلا كان الموضوع هدا. أنا: ماعرفتش كيف نرد عليها بكل. أنا: إنشاء الله ريي يرزقنا عن قريب ي عمتي. عمتي: إنشاء الله بس حركي روحك حتي انتي شوي. عمتي: انا مش مصدقه امتا نشوف صغار محمد راهو. أنا: إنشاء الله. عمتي: خلاص امشي شوفيهم شن يديرو توا معاش ف وقت ي تقوي. أنا: حاضر. مشيت لقيت اسراء ونور وشوي عماهم ف الصاله يوتو ف العصبان وهكي. نا قولتها شن تبي ندثرلك.

اسراء: انشي للمطبخ ي تقوي ويلي يعجبك ديري عادي. أنا: امممم باهي. مشيت للمطبخ وفتحت الثلاجه وقعدت نفكر سن بندير. خطر في بالي طاجين حلو كنت متعلمته من سناء زمان. طلعت الحاجات من الثلاجه وبديت نغسل ونجهز وكل شي وحطيهتم ع الطاوله وقعدت نقرض. كنت بروحي في المطبخ بس. وشوي خش محمد وكان جايب معاها حاجات للعزومه. كنت مش منتهبه عليه بك. كنت لابسه قفطان قصير شوي ومش منتبهة لحد. محمد: كان يشوفلي ومركز ع جسمي هلبااا.

قرب مني بدون مانحس وحط الحاجات وجي حضني من الخلف وحاول يبوسيني. أنا: انخلعت وشفت لقيتا محمد. أنا: محمد وسع مش وقتك قكل افرض يشوفنا حد توا وسسس. محمد: مافيش حد هنا بكل كلهم في الصاله. أنا: قوتلك وسعععع حوول ومامكتلش كلامي. خشت علينا عمتي وجهي وله احمر هلبااا شافتنا. محمد: وسع وطلع ع طول. وانا كملت حاجاتي وحطيتها ومعاش قدرت نطلع ونشوف لعمتي كلتها واستادنت قعدت في شقتي.

طبعا محمد حصل هزبات من امه هلبااا وقاتله للحاجات هادي ديرها ف حوشك مش هنا انا عندي بنات وماتجيش واول واخر مره تعاوها. مشو ايامات وكان عراكات مرات ومرات بصاره وضحك وهبال. كنا متزوجين بس مش متزوجين يعني كزوج وزوجه يعني زواج حلو بالنسبه ليا. كان محمد كل مابيقرب مني وبحاول كنت نهرب منه ونخليه. #تسريع الاحداث بعد مروور 5شهور.

من زواجنا كان كل يوم وكل اسبوع كان يمر واني ومحمد ايزيد تقربنا من بعض واتزيد علاقتنا ويكبر حبنا بس من غير مانغترفو لبعض. كان كل واحد منه يحب التاني بس مايبيش هوا يلي يعترف ويقولي انا نحبك بس من داخلنا حب وبصاره وهبال. كانت احلي شهور في حياتي عشتها كانت كلها حب وخلاص. كان محمد ايدير المستحيل عشان نرضي. كنت انحبه وانموت فيه. كان شعوري تجاهه مش زي شعوري وايامي يلي عشتهم معاه اول شهرين معاه كان شعوري غير.

كنت مانصبرش لحظة من دونه. كان مرات يسافر 3ايام شغل بس ايمرو عليا كانهم 3سنين. وقتها عرفت اني نحب محمد هلباا صدقوني حتي اني مستغربه في روحي كيف قدرت انحب محمد بعد كل هالعذاب والم يلي شفته منه. مشو ايامات ولعند في يوم روح محمد الساعة 4روح للحوش واني زعلانة منا لان امس مشي لتونس بسيارته ورجع فجر اليوم من غير مبخبرني. محمد: تقوي نعرف انك نايضة بلا طروح وجو الزعلونه يلي اديري فيه من غير معني.

محمد: قتلك المشية كانت مفاجئة وكان تلفوني بلا شحن افهمي. أنا: اطلع برا منبيش نفهم شي ان شاء الله تمشي للمريخ اني شن علاقتي بيك. محمد: اووووف المهم بوك اتصل بيا وقالي جيبها لعندنا عشان اتكملو تجهيز بيان بنت اختك سناء. أنا: نعرف بعد شوي انجهز روحي. محمد: باهي خلاص توا نستناك في الصاله وطلع محمد. كنت مقعمزه ع السرير وحاطه يدي ع وجهي وزعلانه. نضت ومش خاطري انشوف حد ولا انكلم مع حد خصوصا محمد.

وامشيت لبست العباية وحطيت وشاح وطلعت. والقيت محمد ولا علي باله فاتح التلفزيون ويحضر و كانه مافي شي صار بيناتنا. أنا: محمد اني واتية ومعنديش وقت. محمد: اوكي. وانا امشيت نزلت والبرود يلي عنده بيقتلني خلاص شن هذا بلا احساس. وطلعت ركبت في السيارة وامشينا. وطول الطريق منكلمش فيه وهوا عادي ويضحك امعاها ومش امكلف خاطره يصالحني حتي بكلمة. و وصلت ونزلت من غير منشوفله وخشيت نجري لحوش اهلي لقيت زحمه شوي حايسين ويجهزو.

سلمت عليهم وقعمزت ومش خاطري في شي. عمتي: خيرك ي تقوي فيك شي. أنا: لا عادي غير كنت في السيارة وكان شمس برا وجعتلي راسي نحس في روحي دايخه شوي. خالتي: بالك وحم هذا. أنا: وحم من منو من محمد البارد يلي حتي معترفلي بحبه لتوا. أنا: بسم الله خالتي لا مزال ومنفكرش بكل. خالتي: خيرك ليك 6شهور متزوجة راهو. أنا: بعد سنتين يمكن انفكر معقوله نحمل واني مزلت انعوم في قرايتي حرام نظلم روحي ونظلم الولد امعاي.

خالتي: واجدين اصغر منك عندهم عرم اولاد والبنت الشاطرة تقدر تسيطر علي كل شي. أنا: الناس عقليات واني هكي عقلي. #عند محمد اول ماحطني محمد ع طول مشي واتصل بي صاحبه. قاله واتيه يلي قوتلك عليها. ايمن: اي ي محمد وتلقي المفتاح طول داخل كم تبيها يوم انت. محمد: توا نكلمك انا بنغير فيها جو بس انا والعيله يوم او يومين بالكثيرايمن: هيا ليك ي غال. مشي محمد طول للمزرعه متاع صاحبه ايمن.

كان فيها حوش وجنان حلو وسور كامل وضي وهلباا حاجات. محمد كان ببي يدير مفاجاه لتقوي. مشي للمزرعه وجهز كل شي لعند ماكمل. ومشي عشان يجيب تقوي. #عند تقوي كملنا تجهيز لان بيان ريان بعد غدوة ومعاش في وقت. جت الساعة 11. جاني محمد وطلعت وركبت. وحتي نظرة ولا كلمة مني مسمعها وامشينا. وفجاة غير مسار الطريق. أنا: محمد وين ماشي فهمني منيش ناقصة مفاجات راني. محمد كان يسمع وميردش. لعند ماوصلنا لمكان زي المزرعه بس كان حلو.

وقف السيارة ونزل وجي لعندي فتح الباب. محمد: انزلي يلا. أنا: مش نازله حتي اتقول احني وين. محمد: انتي مخطوفة توا ومستحيل انقولك المكان وانزلي من غير اسئله. أنا: لامحمد: اوكي. ورفعني بين ايديه وحطني في حضنه واني قعدت انعيط وانقوله نزلني يا محمد من غير هبال. بس هوا مباش لحتي وصلنا لدار. نزلني قدامها وقالي خشيلها. أنا: خشيت لقيت قفطان احمر امبوج هلبا قصير فوق الركبة وكان مرسوم علي صدري علي هيئه قلب.

ولقيت جنبه عطر وروج احمر وكندرة حمراء وجنبه رساله مكتوبه بالروج. *معاك 10دالبسيهم واطلعي وامشي علي طول من الباب تلقاني* لبستهم وطلع يهبل عليا. وفتحت الباب وامشيت علي خطوط مسار كان مدايرهلي زي ماقالي. لعند ماوصلت لمكان كله ورود وشموع كله ضي كله ريحة عطر مقدرتش انقاومها. وقدمت اشويه ولقيت محمد يستني فيا قدام طاوله كان واخد عشي وجو حلو ورومانسية.

بعدها قعدت نمشي بخطوات كلها حب وفرح واغراء اكثر لعند ماوصلت لعنده وقعدنا انشوفو لبعض بنظرات شوق وحنين لهده اللحظة. ومسك يدي واول مره ايبوسها وقالمحمد: ممكن تشوفي للنجوم توا. أنا: شفت للسماء ولقيت منظر النجوم حلو. محمد: تقبلي ان نخليك الليلة هادي اسعد انسانة. أنا: كنت ساكته وفرحانه في نفس الوقت.

محمد: قربني ليه اكتر وقالي قبل ما تجاوبي نبي انقولك وبكل احساس بقلبي وكل عرق وصمام ينبض فيا انحبك وانموت في كل شي فيك حتي اعنادك القاسي احيانا. محمد: توا تقدري اتجاوبي. يوكملتش حرف الكاف زين الا ولقيته يبوس فيا. ومش اي بوسه كانت بوسه حارة بوست شوق وحنين لهاللحظة. حتي اتمنيت ان ميحولش بكل. وقعدنا انشوفو لبعض اكثر. محمد: يا الله قداش كنت مستني هالبوسه وهاللحظة وهالنظرة والاحساس والحب يلي بيناتنا.

محمد: تقوي نوعدك وقدام هالنجوم اني مستحيل انبعد عنك ولا انخليك لحد غيرك. محمد: تقوي انتي كل شي بحياتي انتي يلي خليتيني نوقف من جديد. محمد: انتي يلي علمتيني القوة علمتيني الصبر علمتيني التضحية علمتيني كيف انكون اقوي من لحظة انهيار ودمار صارتلي. محمد: خليتيني كل مانذكر اختي نترحم عليها بدل مانبكي ونتوجع وننتقم من الناس. محمد: تقوي لو ضيعتك من بين ايديا منعرفش شن بيصيرلي بعدها.

أنا: انحبك ومستحيل انباعد عليك لانك صرت حب حياتي وتوام روحي. وعلي هالكلمات شدني ورفعني في حضنه وكلنا عشي وسهرتنا وحبنا يلي مستحيل ننسوه ولا انملو منا. عند الساعة 1 في اليل كنا مقعمزين برا. رفعني محمد في حضنه ودخلني ل دار كانت حلوه وتهبل. محمد كان مداير فيها جو حلو ونزلني وقالي: من هاللحظة حتكوني مرتي وحلالي وكل شي بالنسبة ليا. محمد: من هاللحظة حتبدا حياتنا مع بعض حنكونو من هاللحظة جسد واحد وروحوحده.

بعدها شدني من خصري وحطني عالسرير. والباقي. عيب. وانتو استمتعو.