رواية معذبي الفصل الرابع عشر 14 - بقلم مروان فرج

محمد…تمام ومشي خدي تلفونه وجاكيت وطلع وخلاني في حيرة. ليش يبيني؟ معقولة يعرف ان اليوم عيد ميلادي؟ لا مستحيل. أوف.. منحبش المفاجآت. قعدت واقفة في مكاني ونفكر شن يبي مني محمد. نزلت لوطا لحوش عمتي ولقيتها قاعدة بروحها. لانا نور كانت طالعة هيا وخواتها وماشين لاختهم اسراء. خشيت قعدت وهدرزت معا عمتي شوي وكان كل تفكيري في محمد وشن يبي مني.

لعند ماجت الساعة 4 وقرب العصر. استادنت من عمتي وطلعت لشقتي عشان نرتب روحي قبل لايجي محمد. خشيت للشقة ولبست سروال أزرق أكحل معا بلوزة بيضاء وفوقها كبوط أحكل لعند الرقبة لانا الجو كان صقع شوي. وقعدت نستنى لعند جت الساعة 5 العشية. جي محمد وخش طول. قالي: واتية؟ أنا: أها واتية. وكنت نشوفه ونا مستغربة شن في بالظبط. محمد: خلاص امشي اركبي ف السياره وتوا جايك. أنا: باهي. وجيت بنطلع وقعدت نشوف لمحمد وين ماشي.

خش محمد للدار ومش عارفه شن خدي ولقاني قدامه واقفة. محمد: تي هيا امشي ليش قاعدة واقفة؟ أنا: انتبهت لروحي. هيا هيا. وطلعت ركبنا ف السياره ومشينا. كنت ساكتة ومقعمززة ف الكرسي ومش عارفه لوين ماشيين. لعند ماوصلنا لمكان حلو زي المنتره. درس محمد السياره وقالي: انزلي. أنا: باستغراب وين ننزل يعنى؟ محمد: انزلي بس. وجي نزل وخداني من يدي وقالي: تعالي معاي.

أنا: باهي. نزلت ومشينا لمكان وكان مكان حلو منتره وفي شوي عائلات بس مش هلبا. خدينا مكان ع جنب وكان في طاوله وكرسي حلوو وقعمزنا. ومحمد كان يشوف لي بنظرات غريبه. أنا: قعدت ساكتة ومش قادرة نحكي. وفي لحظة قلتله: ممكن نعرف ليش جينا هنا ي محمد؟ محمد: كان مركز لعيوني وانتبه ع روحه وقالي: شوي بس ونجيك خليك في مكانك. أنا: باهي حاضر. مشي محمد للسياره وجاب منها الكيكه وعصاير وجي من وراي عشان تقعد مفاجأة لياا ومانشوفهاش.

لعند ماوصل غمضلي عيوني وحطهم قدامي وفتحلي عيوني. أنا: كنت مش مصدقة يلي نشوف فيه. معقولة محمد يديرلي هكي في عيد ميلادي؟ محمد: حط الكيكه وفتحها لياا وقالي: شن رايك ف المفاجأة حلوه ولالا؟ أنا: يسلمو حلوه هلبااا. ماكنتش متوقعه انك اديرها ليا. محمد: بيش تعرفي بس انك عايشه معا راجل وهدا عشان يومها وقفتي معاي بس ماننسييش يلي بينانتا كل شي ع جنب فاهمه ي بنتي؟ أنا: تفووو. عارفتك اصلا مايطلعش منك حاجة قنينية ديما انت بالعابك.

محمد: ههههه ماعلينا خودي كولي وخلي الجو يكون رومانسي شوي. أنا: لا رومانسي ولا عادي اصلا انت الرومانسيه ماتعرفهاش بكل. محمد: ساد عرفتك انتي ومانبيش نعرف شي تاني. ها كولي. وجاب لي الكشيط وحط لي ف فمي. أنا: حول نعرف ناكل بروحي مش مستحقة. محمد: عصب. كولي هي وتكلمي تلقيني ف السياره. وناض من جنبي معصب وقعد ف سيارته. أنا: حسيت بروحي قسيت عليه. كملت وكال ولميت كل شي ومشيت لقيت محمد ف السياره ويدخن وكان جوه متلخبط واضح. أنا:

ركبت وقوتله: زعلت مني ي محمد؟ ماباش يرد عليا. قعدت نحكي معاه لعند مامسكت يديه وقوتله: زعلت مني؟ محمد: لالا عليش بنزعل جوي تمام. استني عندي ليك حاجة هدية ليك. وفتح القرج وطلع سلسه دهب وقالي: هادي ليك. أنا: ماحلاها تهبل. شكرا محمد. محمد: نحي الجاكيت نبي نلبسلك هيا بدون حشمة انا راجلك راه.

أنا: باهي وكنت متحشمة هلباا ونحيت الجاكيت وكنت منزلة عيوني لوطا. محمد حط السلسله ع رقبتي وكان يدير ف روحه مايعرفش يركبها بس كانت لعبه منه عشان كان يشوف لرقبتي وكنت نحس بانفاسه عليها ساخنه. تحشمت هلباا وقرب عليا اكثر وحط يديه ع وجهه وقرب وكان يبي يبوسيلي من فمي. أنا: غمضت عيوني لعند ماحسيت خلاص قرب. فتحت عيوني ولفيت وجهي ع الجهة التانيه وقعدت ساكتة. محمد: حسيتها زعل وولع سيارته وطلع طول.

لعند ماقالي: شن رايك نحط ف حوش اهلك لانا مشغول هلباا توا ومش رح نفضي وبكره توا نجي. أنا: فرحت عشان بنبات معاهم وافقت ع طول. وصلنا لحوش اهلي حضني محمد قدامهم وطلع ع طول. طبعا محمد زي ماقوتلكم قبل متخرجه من كليه الهندسه بس ماحصلش خدمه بشهاده. فقعد يخدم في شركه عطور بس كانت شركه كبيره وعلي مستوي.

طلع محمد ونا خشيت للحوش وتلاقيت معا امي. حضنتها وعلي طول سالت ع بابا بس قالولي طالع توا. ولقيت بنات اختي سناء الزوز ريان ولين يلي كانو اندادي. سلمت عليهم وقعمزنا لين جي بابا واول ماخش حضنته وهدرزت معاه وتعشيناا وبعدها خشينا ف دارنا انا وريان ولين وقعدنا نهدرزو معا بعض. أنا: تعالي ريان انديرو فشار ونحضرو فيلم وهادي الدجاجة ماعليك منها خليها ترقد. لين: اي امشو وخليني نتريح نبي نرقد.

ومشينا درنا فشار وحضرنا فلم. ولين يلي عابيه عليه بتسهر رقدت من اول ساعة. واني قعدت بروحي نحضر. وفجاة جت لقطة رومانسية كانت في بنت تبوس في شاب علي لحيته. وطول عاد اني تذكرت لقطتي الغبية ومعاش جاني النوم بعدها لعند الفجر. صليت ورقدت. عند محمد:

روح الساعة واحد الليل وخش للشقه وامشى للدار فتحتها لقي ريحتها كلها فراولة وورد. مقدش يتحمل الريحة لان كل ما انشمها يتذكر في تقوى وعذابها ليها. طلع ورقد في الصالة والنوم هارب منه الليلة وماباش ايجي. عشان كان مش متعود يرقد وتقوى ماتكونش ف الحوش. _#عند عبير عبير وصلت عامر للمستشفى واول ماوصلت بيه دخلو ع طول للعينايه لانا كان تعبان وأجد وحالته خطيره كان محصل ضرب هلبا في كل مكان.

قعدت عبير تستنى وخايفه في نفس الدكتور لين طلع الدكتور وجت عبير عشان تعرف شن صاير لعامر. عبير: طمني ي دكتور شن صار لزوجي؟ الدكتور: للاسف الراجل حالته تعبانه هلبا وحاليا ف العناية. بس مش عارفه كيف بنقولها لك. عبير: قولي شن في؟ الدكتور: الراجل حصل ضربات قويه ع راسه وعنده فقدان في الذاكرة بنسبة كبيرة. وللاسف حصل ضربات ع ظهره وعالعمود الفقري. رح ياخد فترة علاج طويله عشان يقدر يرجع يمشي ع رجليه. عبير: لا ماتقولهاش ي دكتور.

الدكتور: للاسف هدا يلي حصل. وطلع وخلى عبير بروحها قاعدة. وعبير ع طول طلعت من المستشفى ونست حد اسمه عامر بكل تخلت عليه ع طول. وطبعا عامر: من بعد مارجع فتح عيونه ماكانش عنده حد بكل ف المستشفى. حولوه لدار الرعاية والمسنين لعند مايسال عليه حد. وطبعا عامر كان فاقد جزء للذاكرة. قعد في دار للمسنين عشان ياخد علاجه. لانا: عامر قعد ع كرسي ومعاش قدر يمشي للأسف. _&&&&

_في الصبح الساعة 8 ناض محمد ولبس قميص ابيض مع سروال اسود وجاكيت وطلع للشركة طول من غير مايفطر. وأنا كنت كيف راقده ولين نايضة من النوم لقتني قاعدة. قعدت تنوض فيا أنا وريان. لين: يلا يلا سادكم نوم نوضي انتي وياها. أنا: سيبيني للصبح مرقدتش. لين: يا قلبي انتي. وبخت عليا عطر. ونضت نجري وراها بس هيا عقلت ورا امي. أنا: ماما عطيني انشدها انعلمها الادب واحترام الكبير كيف. ماما: خيرها شن دارت؟

أنا: ماما مرقدتش للصبح جت اتنوض فيا وزيادة اتبخ في عطر. حتى في حوشي منوضش. لين: ماما كدابة كانت تحلم. أنا: وامعاها اتكدبي. باهي اليوم يومك. لين: ماما قوليلها اتهدد فيا. (طبعا لين وريان يقولو لسعاد امي لانا كانت زي امهم حنونه عليهم هلبا وتحبهن من ريحة بنتها) ماما: خلاص انتي وياها. تقوى وليتي مرا وعقلك عقل اعويله. وانتي امشي قدامي اعتذري من تقوى. لين: لا ماما منيش.

أنا: باهي. مشيت لداري وسيبتهم وقعدت نطلع ف دبشي ولبست قفطان كل ورود بالوان هادية وحلوة كان ربع. وخلت شعري مفتوح وحطيتله ربطة حتى هيا ورود. ونزلت وفطرت. وبابا قرر ان يعزم محمد عندنا ع الغدي. فرحت هلبا عشان كنت نبي نشوفا قاعد زعلان مني ولالا. اتصل بابا بي محمد وزعمه ع الغدي ومحمد وافق انه يجي. فرحت هلبا. عند الساعة 12 الظهر ماما كانت حايرة شن ادير الوجبة. اما اني كنت ناكل في فراولة في الصالة ولين كل مرة تقفص مني وحدة.

ماما: تعالي هنا يا بنت راجلك اول مرة نعزموه وانتي ولا علي بالك الموضوع. طبعا لان الحوش هذا وله مش حوشك. أنا: ماما خدي فراولة تو تنسي كل شي. ماما: ياربي هالبنت مستحيل تعقل. أنا: ماما علاش مكبرة القصة محمد ميدورش في اكل هلبا متحرقيش روحك. مازال 5 فراولات كان تبيهم. ماما: الصبر وخلاص. ما هادي المشكلة لان مياكلش هلبا معناها مش اي شي يعجبه. قوليلي وجبة يحبها وريحيني.

أنا: امممم. اا رشده ماما يحبها هلبا بس عمري مدرتها في حوشي. ماما: كيف عرفتي امالا؟ أنا: ماما احني نتغدو مع بعض وامه اديره. ماما: تمام. الحقيني ديري شي معجنات وعجة وسادك اهبال. أنا: باهي ماما جيت. وتينا العزومة وكانت رشدة وسمبوسه وامبطن درتهم اني ولحم امتبل. وقعدنا نستو ف حضرت جناب محمد امتا يوصل. عند الساعة 2 الظهر جي محمد ومشيت فتحت. أنا: اهلين تفضل. محمد: اهلين بيك. هادم عطور بسيطة لاهلك ان شاء الله تعجبهم.

أنا: سلمك ليش امتعب روحك. محمد: لا عادي. وخش للمربوعة واستقبل بابا وخوي اكرم كان مش قاعد كان صارت مشكلة تانية بينهم. وطلعتله ماما اتسلم عليه لان اول مرة يسلمو ع بعض. محمد: اهلين خالتي كيف الحال شن اخبار ان شاء الله اصحيحين كلكم. ماما: اهلين بيك نورت وانست بيتك التاني. محمد: بيتكم منور باهله ربي يخليك ويحفظك ويطول في عمرك. ماما: تسلمو. طلعت ماما وجت للمطبخ جايبه معاها ظرف. أنا: ماما شن هذا من وين؟

ماما: من محمد شوفيه. وشفت والقيته فلوس تقريبا 1000. أنا: ماما علاش هادم لازم اترديهم. ماما: هذا سبر ماشيين عليها لما ام العروس اتسلم ع العريس لازم ايجبلها فلوس ولا هدية. بس محمد جايب صدقة شكله. أنا: ليش مرديتيهم حتي شوي خودي منهم والباقي اعطيه لي. ماما: دويتله قدام حتى بوك بس هوا راسه يابس وقال خلاص هادم ليك مكتوبين. أنا: اووووف منه عنيدي نعرف انا ومايديرش الا اللي ف راسه. وتغدينا ومحمد قبل مايطلع اتصلت بيه.

أنا: محمد شني طالع؟ محمد: ايه. أنا: ليش ماقلت عشان انجهز روحي. محمد: قلت يمكن مزال بتقعدي عند اهلك لليل. أنا: خيرك انت مش فاضي واللا مانبينيش نروح؟ محمد: مشغول اني كان تبي تروحي اطلعي معنديش وقت اكثر. أنا: باهي نلبس البالطو ونطلع. محمد: بسرعه نستني فيك ف السياره ماطوليش. ولبست عالسريع وطلعت نجري والواضح ان البرنس محمد معصب واول ماركبت للسيارة مشي طول حتي الباب يا دوب سكرته.

أنا: كان مشغول للدرجة هادي ليش جيت واتغديت اصلا؟ محمد: لو انتي كلمتيني مكنتش جيت ولا عبرتك اصلا بس بوك جي اتصل بيا وعزمني ومش حلوة اني انرده. أنا: ماشاء الله ع المحترم. محمد: مش فاضي نتعارك معاك توا اسكتي خيرلك. أنا: منيش ساكتة ويلي بديره ديره. محمد بتعصيب: تقوى. أنا: مرديتش عليه وطول الطريق منشبحلاشي وهوا يحاول ان يكلمني ويغير الموضوع واني زي الحيط كان مفيش حد يدوي. ووصلنا للحوش وكنت نفتح السيارة بس متبيش تنفتح.

أنا: محمد بلا جو افتح بننزل. محمد: مستحيل نفتح لحتي ترضي. أنا: مش ع اساس انك مستعجل وعندك اجتماع ولا هذا كله جو منك؟ محمد: لا بس اجلت الاجتماع نص ساعه اخري ومش حنمشي لحتي ترضي. أنا: اوووف بتفتح ولا انكسر القزاز تو. محمد: كسري عادي واني معاك. أنا: افتحلي هيا خلاص راني نتصل بعمي تو. محمد: شن بيديرلك اني مستحيل حد يعارضني حطيها براسك هادي. أنا: صح لانهم عاذرينك عندك مرض نفسي.

وفجاة محمد سكت وقعد مصدوم لحظات واني باللحظة هادي قعدت انشوف فيه بس مفهمتش شي ليش جمد وقعد هكي ليش. وبعدها فتحلي الباب وقالي انزلي. أنا: نزلت من غير ما نكلمه وقعدت اسال في روحي ليش زعل ليش مادواش شي يا ترى ذكرته باختي لا معتقدش. ودخلت للحوش وتلاقيت مع نور. كانت في الحوش. نور: هلين تقوى كيف حالك وحال اهلك امس سالت عليك محمد قالي ف حوش اهلك. أنا: الحمد لله تمام. اي كنت غادي وين عمتي؟

نور: ماما ماشية لفضانية صحبتها جابت بنت. أنا: اها. معناها قاعدة بروحك توا. نور: اي قعدة مكسدة نحضر ف افلام وخلاص. أنا: معناها انغير دبشي وننزل نهدرزو شوية. نور: اي ياريت. ومشيت للشقة وغيرت ولبست سروال فضي مع بلوزة كريمية لعند الركبة وكندرة كريمية مع وشاح فضي وطلعت كيكه ونزلت. نور: اشيييه شن هالاناقة. أنا: ههههه تسلمي من ذوقك يا ذوق. نور: شن جايبة امعاك؟ أنا: كيك. نور: وااااو معناها يبي طاسة نسكافيه ع كيف كيفك.

أنا: ههه اي. ومشت للمطبخ اتجهز فيها واني قعدت انشوف للحوش فجاة لفتت انتباهي صورة كبيرة مصورين فيها كلهم كانت حتى مرح. قعدة بصراحة الصورة عجبتني لان التمست ليها حبهم واخلاصهم لبعض. نور: تقوى جيت تعالي شن اديري؟ أنا: لا شي. وجيت قعدت. نور: كنتي اتشوفي للصورة صح؟ أنا: اي عجبتني.

نور: الصورة حلوة لاكن احني منقدروش انشوفولها لان كل ماشفناها نذكروا مرح والايام الحلوة يلي عشناهم معاها. لاكن محولنهاش لان نبو انكونوا عيلة وحدة حتى لو نقص منا فرد. لو تعرفي شن صار لنا لما ماتت اشوي مهبلنا وخصوصا محمد جاته حتى حالة نفسية وقتها وبالسيف رجع لحالته الطبيعية. أنا: ياربي شن درت اني معقوله اندكره بالماضي ياربي شن مندير توا. نور: احكيلي شن صار له؟

أنا: قعد هلبا مسكر عليه الدار لا ياكل لا يشرب. كل فتره انديروا له ابرة تغذية وبالسيف يقبل بيها. كان لا يتكلم ولا يبي من يكلمه. قاعد في داره ومرات نسمعوا فيه يبكي ويخبط. قعد شهرين هكي لعند مقدرناش نتحملوا ان يموت بين ايدينا ومنديروا شي. فقرر بابا ان نرفعوه للعمرة. مشي للعمرة ورجع كويس زي توا بس قاعد يتألم. أنا: امتى توفت؟ نور: توا ليها سنة. أنا: قصدك ليها سنة بس؟ نور: اي.

أنا: ربي يرحمها واتشوفوها في الجنة ان شاء الله. وكملنا هدرزة واتعشينا كلنا بس محمد مجاش ونتصل بيه ميردش. عند الساعة 11 في اليل جي محمد وخش للدار التانية. كان حاط فيها طاوله ضغيرونه وكرسي. أنا شفته وامشيت لعنده صبيت ع الباب وقوتله: عادي نفوته؟ محمد: عادي. وخشيت ولقيته ايدير في عطر. أنا: اووووه ريحته اتهبل. محمد: مازال متمش لما اتم تو اتشوفيه كيف ريحته وتفهمي معناها. أنا: ليش العطور عندهم معنى؟

محمد: كل شي في عنده معنى وكل عطر انديره في ليه معنى في قلبي وفي حياتي. أنا: اها باهي هذا شن معناه؟ محمد: مازال معناه متمش عندي وكون جملة مفيدة. أنا: اها وهادم العطور يلي بجنب بعض شنو؟ محمد: كل عطر فيهن تحكي فترة او قصة عشتها مع مرح. العطور 5 اولي حياتي معاها وهيا عايشة و5 التانية الفترة يلي عشتها بغيابها وقاعد انعيش فيها. أنا: معناها العطر هوا بيت اسراركم. محمد: اي. وجيت بنمشي قعدت جنبه.

أنا: عادي اندير عطر بس خفيف وتوا عالسريع. محمد: لو تعرفي عادي. وبديت انلخبط وانحط في المواد ع بعض وكونت عطر بلا اسم. أنا: محمد شوف يا الله ريحته تجنن. محمد: عطيني انشمه. واعطتهله وشمه وجيت بناخده منه تبزع ع قميصه. محمد: كله منك معقولة هكي مرعوشة شن بننظفه لي هدا توا. أنا: انت مستحيل تتنازل واتقول اني المرعوشة انت كله منك. محمد: انا. أنا: انت. محمد: انتي. أنا: انت متنكرش.

محمد: انتي اعترفي. وقعدنا زي المهبله انت انتي. والشي الوحيد يلي وقفنا هوا صوت تلفون محمد. خذاه ورد عليه وكمل اتصالهم. محمد: هيا اعترفي. أنا: اووووف خلاص اني الغالطة تريحت تو. محمد: هكي تمام بس معتدرتيش. أنا: بس اسفة هكي. أنا: شن تبيني انديرلك؟ محمد: امممم اديري لي مكرونة انسامحك. أنا: مكرونة في الليل. محمد: اي غير هكي مش حنرضي.

أنا: اوكي. وامشيت للمطبخ وبديت اندير فيها وحطيتها عالنار وبديت انقطع في الجبنة البيضا وخش محمد وخدي قطعة. أنا: اني مرخية. محمد: اي وهلبا حتى. واني جن جنوني عالكلمة هادي وخديت كاس العصير يلي جنبي وبزعته عليه. لو اتشوفو وجهه ومنظره اتموتو من الضحك. أنا: هادي المرخية يا مهرج هههههه.

محمد: مهرج صار اوكي. وخدي زبادي من الثلاجة وحطة في كاس وبدا يجري وراي زي المهبول هوا يجري واني نجري لعند ماوصلنا للدارنا واتعثرت بالسرير وجيت طايحة ومحمد استغل الفرصة. محمد: معندك وين تمشي مني توا.