رواية معذبي الفصل السادس عشر 16 - بقلم مروان فرج

عند الساعة 1 في الليل كنا مقعمزين برا. رفعني محمد في حضنه ودخلني لدار. كانت حلوه وتهبل. محمد كان مداير فيها جو حلو ونزلني وقالي: "من هاللحظة حتكوني مرتي وحلالي وكل شي بالنسبة ليا. من هاللحظة حتبدا حياتنا مع بعض. حنكونو من هاللحظة جسد واحد وروحوحده." بعدها شدني من خصري وحطني عالسرير. وجي فوقي وكان يشوفيلي بنظرات مغريه هلباا ومركز ع عيوني. وخصوصا ونا كنت لابسه فستان الاحمر ومدايره حركات وجو.

محمد: "امممم تحبيني ي تقويانا." قوتلا: "بطل جو عاد تعرفني نتحشم هلبا." أسسسس وحطيت يدي ع فمه. محمد: "مانبيش بتقولي واللل نعرف شن نديرانا." قوتلا: "ههههه شن بدير يعني مش قايلهم." محمد: "امممم" وقرب ع فمي باسني بوسه طويله وقالي: "وتوا بتقولي ولالا." قوتلا: "مش قايله شي نبيش." وقعدت نضحك. محمد: "مزال شكلك." وباسني بوسه ع رقبتي لين دارت علامه حمره. نا دبت وقوتلا: "نحبك."

محمد: "ونا نموت فيك ي تقوي وقديش لياا نستني ف اللحظه هادي." وبدأ يبوس فياا في كل مكان فمي ورقبتي وخديانا. كنت دايبه وقاعده معاه.

عند الساعة 4 الفجر نضت من العسل وامشيت درت حمام وكنت نتوجع هلبا وصارلي حتي نزيف. ومحمد خاف عليا هلباا وكان مصر ان يرفعني للمستشفى. بس اني عناد ودلع. عندي هلبا وطول الليل مقدرتش نرقد من الوجع. ومحمد حتي هوا مجاشي النوم وقعد ادير في المستحيل عشان انصح. كان داير باله مني وكل مره يقولي نرفعه للمستشفى بس انا نقوله لا. قعد مارقدش معاي وقعدنا نايضين لعند الساعة 7. رقدنا وكان اليوم هذا جمعة.

عند الساعة 11 الصبح اني مزلت ناعسة ونبي نرقد بس محمد مخلانيش وجي نوضني وعطاني بوسه طويلة. واني لان زعجني عضيت شفايفة عشان مرة تانية معاش اعاودها. محمد: "صباحو يا شريرة." قوتلا: "معقوله هادي بوسه اول صبح مع بعضانا." محمد: "مقالك نوضني تعرفني مرقدتش بكل." قوتلا: "امسم." محمد: "قعدة تتوجعي ي قلبي." قوتلا: "لا مش هلبا بس قاعد الوجع."

محمد: "امممم تعالي في حضني." وجيت زي البيبي قعدت في حضنه. وطبعا هوا لازم يزعجني من كر شعري من بوسات يلي مستحيل ايمل منهن من هلبا حاجات. محمد: "انحبك ونبي ناكلك." قوتلا: "عادي نعطيك تاكلني بس متسيبنيش بروحي." محمد: "معقوله تبيني انسيب هالعيون والشفايف والحب والطيبة والقلب هدا والحاجات هادم كلهن." قوتلا: "شكلك متملش من البوس سادك عاد." محمد: "في حد يمل من العسل والجمال هدا. لو انبوسك طول الوقت مستحيل نشبع."

قوتلا: "هههها." محمد: "والله." قوتلا: "اي." وزي المجنونة قربت منا واعطيته بوسه علي رقبته وقلت: "انموت فيك." محمد: "نبي وحدة اخري مشبعتش." قوتلا: "اووووس سادك صياعة اليوم واني جيعانه هلبا." محمد: "من عيوني انجهزلك احلي فطور بس بشرط تعطيني بوسه نتحلي بيها قبل عشان حتني قاعد مافطرتش." قوتلا: "انيا محمد عاد."

وفجاة نط عليا وخدي بوسه لحتي شبع وناض اجهز في الفطور. اما اني ف كنت زي الاميرة يلي مش مصدقة هاللحظات والحب ومتبيش هاليوم يتم. وجي حبيبي وحب حياتي جابلي احلي فطور. كان دلاع وفرواله وكرز وعنب ونوتيلا وعصير. وكان فطور حلوو. قوتلا: "اووووه يسلمووووو. اممم احلي شي الفراوله مع النوتيلا خيال." محمد: "صح زي شفايفي لما يجتمعو مع شفايفك." قوتلا: "هههههها شن صايرلك انت اهدي شويا." محمد: "جننتيني وهبلتيني بجمالك واغرائك ليا."

قوتلا: "احم. ااااا الجمعة بعد شوي بتادن." محمد: "ههههه حتي سامطك انحبها." قوتلا: "اكيد." محمد: "من عاطيك الثقة هادي كلها." قوتلا: "حبك ليا وشخصيتك امعايا خلوني انكون هكي." محمد: "نحبك." قوتلا: "هههههها مجنون."

كملنا فطور وكان الجو حلو وكنت لابسه فستان قصير وحلو ومدير روج وكل شي نغري في محمد ونجرو وراي بعض زي المهبله. جي وقت الظهر ولبسنا وروحنا لحوشنا. وصلنا قدام الحوش ونزلت لقيت اسراء قاعده قدام الحوش. تحمشت هلباا منها عشان كان واضح مكان البوسه في رقبتي. اسراء: "اووووه العرسان شرفو." قوتلا: "ههههه عرسان شني هادي خلاص قدمنا." اسراء: "اي واضح هلبا عليكم." واشرتلي لرقبتي. محمد: "تحشم هي اسراء الهي لروحكم."

محمد: "تقوي اني فوق بالله عليك اركبي وجهزيلي العربية وقت راه." قوتلا: "من عيوني." اسراء: "اشييييه و معاكسات ودلع امعاها." قوتلا: "ههههه." وجيت بنركب فوق تلاقيت مع الحية عمتي. عمتي: "حتي صباح الخير مفيش." قوتلا: "لا بس مشفتكش." عمتي: "محمد امشي فوق وعقلك نبيه امعايا توا." قوتلا: "حاضر تفضلي."

عمتي: "اليوم امدايرة عزومه لاهلي زي ماتعرفي مرت خوي جابت ولد واني اليوم عازمتها. يلي نبيه منك انك تخلي الصاله يلي فوق تلمع لمع ولا غبرة نبيها فيها. واول متكملي تعالي للمطبخ وديري شكلين معجنات 60 طرف. واخر شي نبيك تلبسي احلي شي عندك لان اهلي بيجو ومانحبش نشوف شي مش حلو. ومش ناقصني هزوة اني. ونبيك اتكوني راقية. وكان تبي ادروس قولي ل إسراء اتعلمك. وخطا صغير منك اكلف عقوبه كبيرة. اركبي توا."

قوتلا: "حاضر." وامشيت قعدت انخمم شن بنظفهلي بروحي وهيا اكبر حتي من حوشنا واني مريضة ومش قادرة نتحمل. يارب اوقف امعاي. وخشيت لحوشي وحددت العربيه واعطيتها لمحمد. محمد: "تقوي شن في خيرك مضايقة ووجهك اصفر خيرك دابله." قوتلا: "لا شي بس تاعبة شويا." محمد: "انتي عنيدة ومتسمعيش الكلمة قتلك نرفعك للدكتوره متبيش." قوتلا: "خلاص توا اندير حاجه نتريح." وقرب مني ومسك يدي وباسني وقال: "اهم شي عندي راحتك ديري بالك من روحك."

قوتلا: "تمام." وطلع. وعالسريع لبست سروال جينز مع بلوزة عنابية و وشاح ازرق وامشيت للصاله وصبيت في النص حايرة من اي جهة بنبدا. اووووف شن هذا تحسابني حديد هادي تبي 3 عليها. وبديت انظف وانرتب وانعطر وانلمع. وفجاة طحت علي طولي خلاص معاش قدرت نوقف والنزيف بدا من جديد واني بديت انغيب عن الوعي خلاص. عند محمد. محمد: "اسراء وين تقوي منزلتش امالا." اسراء: "مشفتهاش." محمد: "غريبه. نمشي انشوفها لاني اتصلت بيها متردش والغدي طابع."

عمتي: "محمد تعال نبيك في موضوع." محمد: "نعم يا امعمتي." عمتي: "امشي ل موزارت وخود منا كيك اليوم بس امدايرة وبكلاوة نببهم توا معاش في وقت." محمد: "تمام ي ام بعد الغدي تو انشوف." عمتي: "خلاص الغدي واتي تعال عالطاوله خوتك كلهم جو." محمد: "قصدك تبيني انقعمز وتقوي مجتش." عمتي: "تقوي كلمتها اني توا وقالك نازلهم." محمد: "غريب اني مردتش عليا."

عمتي: "هيا يعني لازم انراجو حضرتها لما تنزل خلاص وقت الغدي معروف والدلع الزايد مش امعاي." محمد: "من ادلع عليك يا ام ولا تبي اديري دوا من غير سبب." وقاطعتهم في نص الكلام. قوتلا: "اهلا. اسفة عالتاخير." عمتي: "اخر مرة مره تانية معاش بنراجو." قوتلا: "حاضر." وقعدنا ناكلو ومحمد كان يشوفيلي وماحولش عينه من عليا كأنه حاسس بوجعي وجرحي. اما اني ف قعدت انبش في اكل وخلاص معنديش نيه بكلم. محمد: "تقوي خيرك معجبكش الغدي ولا شني."

قوتلا: "لا بالعكس حلو." اسراء: "بالك اتوحمي." واني ومحمد قعدنا انشوفو لبعض ونظراتنا اتقول وحم شني واحني امس بس كنا مع بعض. قوتلا: "لا لا." اسراء: "وليش لا بصراحة نبي انكون عمة." محمد: "خلاص اسراء تحشمي واعقلي."

عمتي: "مزال صغار علاش مستعجلين." وشافتني بنظره. وكملنا الغدي وامشيت للمطبخ انظف في الكويجينة من غير مساعده حد. لان اسراء اتجهز في روحها وتبي ساعتين باش اتكون في احلي طله. اما اني قعدة غارقة في المطبخ والوجع كل شوي ايزيد ويزيد. عند محمد. محمد: "امي تقوي متعبيهاش هلبا لانها مريضة اليوم." عمتي: "مرض شنو وهيا كيف الحصان. بعدين متامرش عليا واني يلي انقوله ماشي فهمت."

محمد: "اني دويت ولو القيتها مريضة اكتر صدقيني محمد يلي قدامك يتحول لاحمد اخر." عمتي: شافت لمحمد بنظره يعني مش مدوراته بكل ولا عبرت كلامه. جت الساعة 3 وكان المطبخ نظيف واني قعدة فيه انفكر في شي معجن انديرة. وخطرت علي بالي بكلاوة حارة و شاورما. وبديت عاد وجهزت كل يلي نبيه. وخشت عليا عمتي. عمتي: "ماشاء الله لعند توا عاجبتيني." قوتلا: "سلمك."

عمتي: "قبل مانمشي نبي انقولك ان كل شي بيني وبينك منبيشي ايكون عند محمد فهمتي والا تشوفي شي عمرك مشفتيه مني." قوتلا: "تمام حاضر." عمتي: "شطورة حبيبتي كملي شغلك هيااا بسرعه."

عند الساعة 5 كملت كل شي وامشيت انجهز روحي واني منتهية عالاخر خلاص نتوجع بكل قوة. وفتحت الدولاب وقعدت نختار ولقيت قفطان طويل دانتيل لونه حني وهوا كت مرسوم عليا رسم. ودرت مكياج وشعري درته تسريحة الوردة ونزلت خصلات من شعري. ونزلت انوتي في القهوة. وخشي محمد بعدها. قوتلا: "اهلين حبيبي." محمد: "تعرفي من جمالك معاش نتحمل خلاص." وقرب مني وباسني. وعمتي شافتنا واني قعدت انبعد فيه بكل قوتي. محمد: "شن في خيرك."

قوتلا: "لا شي بس خفت انا حد يشوفنا." محمد: "خوافه." قوتلا: "خلاص محمد امشي توا." محمد: "اوكي توا بس بعدين ليلتك ليله." وقعدت انجهز في القهوة وخشت عمتي. عمتي: "الواضح ان علاقتكم حلوة هلبا صح." قوتلا: "اااءءء." عمتي: "هادي تاني مرة انشوفك وكلمت حتي مرة عليها اللقطه هادي. وبادن الله رح تكون او مرة انشوف لقطة زي هادي في بيتي. حبكم وعشقكم في حوشكم مش هنا فهمتي ولالا ي تقوي."

قوتلا: "تحشمت هلباا ونزلت راسي اسفة وان شاء الله معاش تتكرر." عمتي: "وين المعجنات يلي درتيهن." قوتلا: "تفضلي ان شاء يعجبوك." وقعدت اذوق فيهن وشكلها مش عاجبينها. عمتي: "هادي شاورما هيا حشي النعمة وخلاص وهادي بكلاوة ولا عفن. انتي تبي تفضحيني ولا شني." قوتلا: "اسفة بس نحسابهم جو تمام." عمتي: "خوديهم ولوحيهم للسعي ورد بالك انشوفهم عالسفرة." قوتلا: "ليش هما مش ناقصهم شي والله درت المستحيل عشان ايكون طعمهم حلو!

عمتي: "نفدي يلي قتلك عليه من غير اعتراض." قوتلا: "زعلت هلباا وقعدت الدمع في عيني بس مابتيش ندير مشكله بكل سكتت وقوتلها حاضر." عند الساعة 6 جو كل المعازيم وقعمزو في الصاله واني واسراء علي رجل واحدة في المطبخ انوتو في القهوة والعصير. واني كل شوي ازيد عندي النبض بسرعة ونزيف بس ننحمل وخلاص.

وجيت قعمزت احداهم وبدو تعليقات عليا وعلي لبسي ومكياجي. وحتي عمتي امعاهم. واتي مقدرتش نتحمل طلع للحديقة وقعدت نبكي ونتوجع علي حظي ونتمني ان محمد جنبي. وبعدها مسحت ادموعي وخشيت وتلاقيت مع عمتي. اسراء: "نسيتي تقوي ي ماما." قوتلا: "لا عادي من الحوش اني بعدين ناكل." عمتي: "سوري غلطت في الحسبة." وقعدو ياكلو واني نضت وامشيت للمطبخ خديت شكلاطة لان شكلي بيغمي عليا. وجت ورايا اسراء. اسراء: "اضايقتي صح."

قوتلا: "لا عادي من زمان نعرف ان عمتي متحبنيش." اسراء: "نتاسف عليها عالمواقف يلي دارتهن والله يحشمن." قوتلا: "لا عادي منيش ام دوارة." وقعدت اتقلب في الميكرويف والقت فيه الشاورما والبكلاوة وكلت منهن. اسراء: "وااااو اهبلو طعمتهن ليش ماما نستهن." قوتلا: "تعالي دوقي تقوي." قوتلا: "كليت منهم امبكري." اسراء: "من امدايرهن." ااااا معناها انتي يلي. قوتلا: "اي."

اسراء: "والله ماما بدت تخرط الله شن هالوقاحة هادي درتيهن وتعبتي فيهن عالفاضي." قوتلا: "عادي انسي." وروحو المعازيم وجي وقت الكويجينة بس اني معاش نقدر اكتر. عمتي: "يلا المطبخ يستني." قوتلا: "اسفة منقدرش رجلي توجع فيا هلبا." عمتي: "مفيش عذر رجلك توجع فيك قعمزي علي كرسي." قوتلا: "نمشي نتريح شوية وانجي." وجيت بنمشي جت عمتي دفتني بكل قوتها عالحيط وراسي صارله صداع. والمفجاة اناا محمد شاف الموقف.