رواية معذبي الفصل الثامن عشر 18 - بقلم مروان فرج

محمد… فاهم وضعك ومنيش طايرتلي منك. تعرفي ليش؟ لاني لما نكون طايرتلي ومضايق، انتي الوحيدة اللي تكوني معاي وتتحمليني. بتقوي، اني وانتي صعب نعيشو بدون بعضنا… مستحيل يصير أصلاً. هيك محمد… يا قلبي. ورن تلفونه. وهنا كانت الصدمة. 😱💔 محمد طلع تلفونه ولقاه بوه يتصل بيه. حس إن في شي ورد عليهم. محمد: نعم يابوي. علي: تعال انزل لوطا، نبيك في موضوع. محمد: باهي، شوي ونازل. هي وسكر الخط. مايا: شن في حبيبي؟

محمد: مش عارف، بس بوي قالي نبيك. مايا: ليش؟ شن صاير في شي؟ محمد: مش عارف، بس أكيد ع موضوع اللي صار أمس. لانا عليت صوتي ممكن. مايا: ونزلت راسي. كله مني؟ صح كان هدا ما صارش هكي. 😞 محمد: حبيبتي، عاد انتي ما غلطتيش ولا درتي أي شي. أمي كانت السبب منها. وبعدين ماتخافيش، مش رح يصير شي. وجي حظ يديه ع خدي. كانو باردات. محلاهم. ناكل توا واللا شن ندير؟ مايا: باهي خلاص، انزل شوف بوك. أكيد طولت عليه. محمد: هههههه، تبي تهربي مني؟

عارفك أصلاً. مايا: هههههه، مش هاربة بس امشي تو. محمد: باهي، شويه وجايك ي حلوة. 🤤🔥 ونزل محمد لوطا عشان يشوف بوه شن يبي منه. وأنا كنت مقعمزة فوق ومش عارفة عقلي ياخد ويجيب ويخطورو عليا هلبا أفكار بين محمد وبوه. كنت نبي نعرف شن يصير. وجيت بنزل بس كنت مش قادرة. لانا رجلي تنزف. مشيت ورقدت ع السرير. ❤️ # عند محمد محمد… نزل لوطا لحوش أهله. وخش لقي أمه وأبوه يستنوه ف الصالة. وكان واضح إن في شي ومش عاجبهم.

محمد… خش وهوا مستغرب وقالهم شن في. 😳 علي: شن تحساب روحك؟ أنتا أمس لما تعلي ف صوتك ع أمك ع خاطر مرتك؟ ادير هكي؟ وبعدين شن هالقصه هادي؟ محمد: بس يابوي، مش هكي. أنتا مش فاهم. علي: كيف مش فاهمه؟ أمك حكتلي كل شي وقاتلي، من أول ماجبت للحوش وكل مانكلمها ع شي تدير في روحها مريضة وما تتحكرش بكل. وحتي لما جو الناس مادارت شي. محمد: كيف؟ وكان مصدوم 😳 من كلام أمه اللي نزل عليه زي السم. ماتوقعش إن أمه تكره مرته للدرجة هادي.

محمد: بس أنا حكلتي أسراء. وأنا الكلام هدا مافيش بكل. علي: اسمع ي محمد، بنقولك ع شي. من غضوا تجي أنتا ومرتك وتسلمو ع أمك وتاسامحوها. ومانبيش مشاكل. هادي أمك ومرتياك. وتقوي خليها توا أحسن. مادير مشاكل لروحك. وأنتا عارف الباقي شن بيكون. 🔥

محمد: تمام. وطلع وهوا راقيله بكل من أمه وأبوه. قعد محمد مقعمز براا وولع سبسي. وكان يفكر لعند وين تبي توصل أمه معاه. لانا كره المشاكل وخلاص. يبي يتريح ويعيش حياة حلوة مع مرته تقوي. قعد مقعمز برا ويفكرر. وكان يولع ف سبسي ورا سبسي. عند تقوي

مايا: قعدت نستنى في محمد. لانا طول هلبااا. وأفكاري قعدوو ياخدو فيا ويجيبو. نبي نعرف وينه لتوا بس. وفي نفس اللحظة ماقدرتش نتصل فيه. لانا كنت نخاف يكون يحكو في موضوع وأنا نخش بيناتهم في النص. قعدت قريب ساعة ومحمد طان برا و مجاش. نضت خديت فستان أحمر قصير ومنشفتي. وخشيت للحمام. دوشت لاني كنت تعبانة هلبااا. ولفيت روحي. وطلعت ولبست الفستان. ورجعت تكيت ع السرير لين رقدت. خداني النوم. ❤️

تاني يوم الصبح. كنت متعودة ع محمد يرقد جنبي. بس نضت مالقيتاش بحداي. 😳❤️ طلعت من الدار لقيت محمد وكاين راقد ف الصالون. مايا: جيت حنبه وقعدت نوض فيه. محمد! محمد! نوض خيرك راقد هني؟ محمد: وكيف نااض. صباح الخير. مايا: صباح النور. وقعدت نشوفله ومستغربة. خيره راقد هني؟ محمد: هيي خيرك تشوفيلي؟ شن في؟ مايا: أنتا قولي شن في؟ ليش راقد هني؟ وخبرني شن صار أمس لما نزلت لوطا؟

محمد: اها، ما شي. وما صارلش ولا حاجة. مغير أمس كنت نفرج ع الشاشة. ما حسيتش بروحي لقيت روحي راقد هني. مايا: يعني مش داس عليا شي حبيبي؟ محمد: لا ي عيوني. ولا حاجة. 🤤💋 هيا نوضي ديري فطور، نبي نفطر ونطلع. مايا: حاضر. من عيوني. خشيت وقعدت نجهز ف الفطور. وخش محمد للحمام. دوش ولبس وطلعنا فطرنا مع بعض. وكان محمد مستعجل هلباا. وما خديناش راحتنا حتي ف الهدرزة هلباا.

محمد: حبي، نبيك تنزلي معاي عشان أمس حسيت أمي كأنها زعلانة مني. قولت ننزلو ونصالحوها وهكي. 🔥 مايا: باهي. من عيوني. دقيقة بس. محمد: هي بسرعة، طوليش.

خشيت وغيرت دبشي. ونزلت أنا ومحمد. ولقيت عمتي. وكأنها تسني فينا برااا الحوش. سلم عليها محمد. وجيت سلمت عليها. بس حسيتها زي اللي راقيلها مني. مش عارفة عليش. طلع محمد للخدمة متاعه. وأنا قعدت شوي مع عمتي. وبعدها رقيت لشقتي. رتبت الدار متاعي. وفتحت دولاب متاع محمد. طلعت منه دبشه عشان نشوف لو عنده شي نغسله ونعطره. وكان كل قميص أو تيشرت نشم ف ريحته عليه. 🤤💋😂 لعند ما طلعتهم كلهم وحطيتهم ف الغسالة. وقعدت نضف ف الحوش ونرتب. وحسيت بروحي تعبت شوي. جيت قعدت. وشوي ورن الجرس. 😳 نا نضت وفتحت الباب. لقيتها لين وريان ومعاهم أمهم سناء. كانو جاين. قعدت… مصدومة ومش عارفة كيف صار. أمس كانت خطوبة لين. وكانت زعلانة مني. هيا وسناء. كيف اليوم يجو لعندي؟

كيف صار هكي؟ بس. 😅💔 لين: شن؟ ما فيش؟ تقضلي ي تقوي؟ واللا قاعدة زعلانة مني ع اللي صار أمس؟ مايا: لالا، نزعلش منك بكل. هيا تفضلو. وسلمت عليها وحضنتها. وخشت هيا وريان وأمهم سناء. لين: قعدت. وكان واضح عليااا اني قاعدة مستغربة. مني خيرك ي تقوي؟ والله ما فيش حاجة. بس أمس أنا كثرت معاك الكلام. وما كنتش نعلم بأنك كنتي مريضة. وهدا ليش منت نتكمل زي توا. نتمني أنك تسامحيني. 🥺💔 مايا: مش اللي قالك كنت مريضة؟ بس. لين: نور قاتلي.

مايا: اها. أي. وجع شوي بس عادي. تشغليش بالك. مهم أنتي تكوني فرحانة. وصدقتيني. إني كان عندي ظرف. سناء: هههههه، شكلك حامل؟ واضح عليك. مايا: هههه، لالا والله. بس هبوط شوي. لا أكثر. 😅 سناء: امممم، باهي. شن شكلك مش رح تضيفينا شي؟ مايا: حيييي!

نسيتت بكل. هيا استني شوي. ونضت خشيت للمطبخ. درت عصير فراولة مع بكلاوة. وجيت قعدت ضيفتهم. وقعدنا نهدرزو مع بعض. لعند ما جت الساعة 1 الظهر. اتصل بيا محمد وقالي الشغل لفوق راسي. ومش رح نقدر نروح. يعني ملتبيش روحك لو بديري غدي. مايا: اها. باقي ي قلبي. دير بالك ع روحك وكول كويس. محمد: هههههه، راهو نروح توا. اسسسس أحسن. مايا: ياريت. تعال. 🤤💋 محمد: والله لو كان عندي ضغط شغل، لكنت روحت توا.

مايا: امممم، باهي. بنقولك اختي وبناتها الزوز جاين عندي. و بنتغداو مع بعض. نحسبك ونخليك من الغدي. محمد: لا والله، رح نتأخر مرات للمغرب. أنتم كولو وماعليكم مني. تمام ي تقوي. مايا: تمام ي قلبي. 🤤💋 محمد: بس بنقولك. شن رايك تكلمي أمي؟ رح يكون موقف حلو منك ومنها. رح تنسي كل الخلافات اللي صار. مايا: أي والله فكرة حلو. تمام ي قلبي. توا نكلمها عشان تجي تتغدى معانا. 🔥 محمد: تمام. ديري بالك على حالك غلاي. وسكر الخط. 😘

نضت أنا وخشيت للمطبخ عشان أبدأ في الغدي. وشوي وخشت عليا سناء وقاتلي تريحي ي تقوي. أنا توا ندير كل شي. 😂 مايا: احييي! من وين جا هالكرم والطيبة هادي توا ي سناء؟ سناء: خزي تفوو! تعرفيني من يومي طيبة ونحبك نا. مايا: أي أكيد. وأنا نحبك وهلبا. حقا أمي خيرها ماجتش معاكم؟ سناء: عندها مشوار مع أبوك. مش عارفة. قالو بيطلعو لمكان. هدا ليش ماجتش. مايا: امممم، باهي كويس. سناء: حقا محمد بيروح يتغدى هنا؟

مايا: لالا. قالي عندي شغل ومش رح يقدر يروح بكل. سناء: باهي شن متريحة معاه والا لا؟ مايا: أي كويس. الحق حمودي طيب وما فيش منه اتنين. 😂🤤 سناء: أي بكل. مايا: عن إذنك شوي. بنمشي نكلم عمتي عشان تجي تتغدى معانا. سناء: أي عادي. كلميها.

مايا: نزلت وكنت لابسة توتة خفيفة. وحطيت البرنوص ع راسي. وطالعة فيها ضغيرة هلبااا. وكنت نعرف أنا خوت محمد يطلعو كلهن من الصبح. وأنا كيف بنخش للحوش تلاقيت مع خوه صلاح. اللي أصغر من محمد طول. تحشمت هلبااا. وصلاح نفس الشي. وطلع من الحوش. وشوي ولقيت عمتي ف المطبخ. مايا: عمتي! شن حالك توا؟ عمتي: أهلا ي تقوي. مايا: بنقولك بيش تجي تتغدى معانا اليوم؟ عشان جايتني أختي وبناتها. قولت نكلم باهي.

عمتي: مش عارفة والله. مرات نجي ومرات لا. مايا: راقيلها منها. وخصوصا كان كلامها ع راس لسانها. وتتكلم من غير نية. مايا: بس ليش ما تبين شي؟ عمتي: مش عارفة الحق. بس توا نجي. مايا: تمام. نستنو فيك. طوليش. الغدي قريب يجهز. عمتي: تمام. مايا: وجيت بنطلع. قاتلي تقوووي اوقفي. مايا: نعم. سن في؟ عمتي: لبسك هدا. آخر مرة تجي بيه هنا لحوشي. لو مش متحشمة. أنا عندي أولاد. ويتحشمو من مرت خوهم.

مايا: معليشي. بس كنت نحساب ما فيش ولا حد هنا. هدا ليش جيت هكي. عمتي: تمام. المهم نبهتك أنا توا. مايا: تمام. وطلعت. رقيت لشقتي. وكنت نغلي من داخل. لأنها بجد حرقتلي دمي. ع كل شي. نقوله. اطلعي منه قصة. ومش عارفة شنو. خشيت لشقتي. لقيت ريان ولين ف الدار متاعي. ومطلعات كل فساتين ويقيسو فيهم. 😂❤️ خشيت وقوتلهم شن اديرو أنتم هنا؟ عيب. هادي الدار متاعي. لين: شدت روب الاحمر اللي أمس كنت لابسته. قصدك أنا بنلبس هدا؟ 😳💔😂

مايا: أي رح تلبسيه. ورح تلبسي أحرف منه. لين: تي شنو بنلبسه؟ وهوا مولي عارر. مش مستور بكل. لين: هههههه، مستحيل. ريان: تحشمت وطلعت من جنبها. وأنا قعدت أنا ولين. وقعدت تجرب في كم فستان مني. 🔥 كملنا كل شي. ومشينا لقينا ريان وسناء مقعمزات ع الشاشة ويتفرجو. قعمزت معاهم. وشوي دقق الباب. عرفتها طول اللفعة. عمتي جت. 🙂

نضت وفتحت الباب. وخشت عمتي. سلمت ع سناء وبناتها. وقعدنا ف الصالة. وكيف خايفة من أي موقف أو كلمة منها. تقولها لسناء أو بناتها. وقعدنا نهدرو. لانا الغدي تأخر شوي. وعمتي كل 5 دقايق تسأل ع الغدي. وتقول لو نعلم بانا غداكم مطول. ماكنتش جيت من الأول. وأنا وجهي وله الولن. وسناء كانت تشوفلي وتقولي اسسس. بدون ولا حرف.

طاب الغدي. وخشيت سويت السفرة. كان كسكسي. ومنظره يسف بكل. حطيت اللحم والسلاطة عليهن. وحطيت المشروب. وكانت سفرة حلوة. قولت خليني نسفهم محمد. ونبعتها صورتها السفرة. وبعتلها ل محمد ع الماسنجر. وسكرت تلفوني. ورقعت السفرة للصالة. وقعدنا. قعدنا نتغدو. وعمتي هادي تاكل ومش عاجبها الوكال. وتشوف لسناء وبناتها. وكأنهم قاعدين ع قلبها. وقعدت تلف وكم مرة تحط في كلمة يمين. ومرة يسااار.

كملنا الغدي. وحطيت السفرة في المطبخ. ورجعت للصالة. لقيت سناء وعمتي. صوتهم عالي. جيت عشان أعرف سن اللي صاير. 🔥😨 # عند محمد

محمد… كان قاعد ف الشركة. وكان جوه متلخبط شوي. من كلام أمس اللي سمعه من أبوه. وكان في نفس الوقت طايرتله من الخدمة توا. وخصوصا كان يلقي روحه بس. كان عنده اجتماع. قعد ف المكتب متاعه. وفتح النت. وصلته رسالة من تقوي. فتحها. ولقاها الصورة اللي بعتها تقوي. كان منظرها حلو. ومحمد كان جيعان. ولحسن حظ انصل بي صاحبه. وقاله الاجتماع تأخر لعند الساعة 4. لو تبي تروح تتغدى. امشي. بس مش تطول. عارفك أنا لو مشيت مش رح تجي بكري.

محمد: هههههه، لا. بسرعة. وما تقوليش لحد إني بنروح. باهي. صاحبه: تمام. طلع محمد روح. وصل لقدام شقته. وكان يسمع في صوت عالي. محمد: خش ولقى أمه وسناء وتقوي يتعاركوو. خش محمد ع طول. وحاول يعرف شن القصة. وفي لحظة أمه قعدت تبكي. وقالت لمحمد أنا تقوي علت صوتها عليااا. وقاتلي انتي مش محترمة نفسك. مايا: رقالي منها بكل. وقوتلها: ساااد كدب. بالله عليك. احترمي نفسك.

محمد: وهوا طايرتله بكل. ومعاش يشوف في شي. وفي لحظة شد تقوي من يدي. وجابها قدامه. وضربها كف بكل قوته. ….. 🔥😱