رواية مالك الجميلة الفصل السادس 6 - بقلم مريم حجاج مصطفي

نهال صرخت لما فريد ضرب رصاصة في السقف. مالك بضيق: بتعمل إيه يا حيوان؟ فريد: بحمي أخويا وصاحبي. اطلع منها أنت. فريدة فيروزة قربت من همس ومسكت فستانها وقالت: طالعة حلوة يا جميلة. همس: وإنتي طالعة زي القمر. مالك بص لها واستغرب. أما حازم فبص لهم وطلع لفوق. زياد مسك إيدها وباسها وقال: مكنتش مفكر إنك هتبقي بتاعتي يا جميلة. فوق. حازم قرب من السرير ورجع لورا. وجميلة كانت مغمي عليها.

حازم: لازم أشوف هطلعك إزاي من غير ما حد يشوفني. حازم افتكر اللي حصل قبل ساعتين. فلاش باك. حازم بص لهمس اللي مربوطة وقال: عارف إنك وفيتي بوعدك وجبتيلي الورق. بس فيه ورق تاني أنا عايزه. والورق ده في مكتب مالك في فيلته. وإنتي الوحيدة اللي هتجيبيه. همس بزعيق: ولو قلت لأ.

حازم قرب منها وقال: زي ما عملتي كده أول مرة عشان تحمي أختك. أمك تعملهالي تاني يا حلوة. بس الفرق إنك هتدخلي البيت على أساس إنك جميلة مرات زياد. بس متقلقيش. إنتي هتتجوزي زياد فعلاً. وأنا مفهم المأذون على اللي هيحصل. والنور هيقطع في الوقت اللي هتطلعي فيه بطاقتك. همس: إزاي وهو هيتجوز جميلة؟ حازم: أختك معايا يا حلوة. ولو فكرتي تلعبي معايا هموتها هي وأمك.

حازم بص لجميلة وقرب منها وشالها وخرج من الباب اللي في المطبخ وخرج من الفيلا من غير ما حد يشوفه. باك. الكل مشي وكل واحد طلع أوضته. همس كانت قاعدة على السرير. وزياد قال: مش هتقوميه. همس قامت وقفت وقالت بزعيق وغضب: وإنت عايزني أقوم ليه؟ زياد ابتسم وقرب منها وقال: متخافيش. همس بزعيق: مش خايفة. زياد شدها ليه وحضنها وهي اترعشت. زياد: اهدي يا جميلة. همس زقته وقالت: ما أنا هادية أه. زياد: طب غيري فستانك عشان تعرفي ترتاحي.

همس أخدت بيجاما ودخلت الحمام وقفلت على نفسها. أما هو فابتسم. عند مالك. كان قاعد على السرير وملامحه حزينة. لحد ما بنته دخلت. فيروزة: مالك يا بابي. مالك شالها وقعدها على السرير وقال: تعبان شوية. فيروزة بطفولة: نام على رجلي. مالك ابتسم ونام على رجلها وهي حطت إيدها الصغيرة في شعره. مالك: إنتي كل حاجة ليا يا روز. عند زياد. زياد قدام الحمام: يلا يا جميلة مش هتباتي في الحمام يا روحي. همس بزعيق من جوه: ملكش دعوة.

خرجت حضنها من ضهرها. زياد: لازمته إيه لعب العيال ده. همس بعدت عنه وقالت: أنا عايزة أنام. ابتسم وقال: ماشي يا جميلة. في صباح يوم جديد. صحت قبل زياد وقامت نزلت ودخلت المطبخ. بس صرخت لما.