رواية مالك القدر الفصل الثامن 8 - بقلم علياء عبدالله

مالك شال قدر وطلع سلمتين. قدر بصويت: الحااااقوناااااييي! نزاااللنناااايييي! نزلني نزلني اللللححققوووونننننييييي! كل اللي في القصر اتجمع على صوتها. سعاد: ياساتر يارب، في إيه يا بنتي؟ قدر: خليه ينزلني. سعاد: نزلها في أوضتها يا مالك يا ابني... وبصت للخدم الباقي. سعاد: يلا كل واحدة تشوف شغلها. وطلعت ورا قدر ومالك. قدر: ايااك تعمل كدا تاني. مالك: اعتبره اعتذار على اللي قلته.

قدر: دادة سعاد ساعديني أدخل أستحمى من القذارة اللي لمستني دي. مالك بصدمة: قذاارة؟ قدر: وجعتك الكلمة؟ مالك: انتي ردتيلي الدين يبقى إحنا كده خالصين. قدر: اطلع برة. مالك: ... قدر: ااااططلععع ببررةةةةةة! مالك خرج وهو متعصب. مالك: أنا غلطان إني اعتذرت. عصام: طريقتك كانت غلط. مالك: أعمل إيه يعني، أنا مبحبش أحس بالذنب. عصام: معلش... وسابه ونزل. أسماء: عصام حبيبي. عصام: حمداللة بالسلامة. أسماء: الله يسلمك... اتغديت؟

عصام: لا لسة. أسماء: تعال نتغدى برة. عصام: بس يا جد... أسماء: بس يا عصام، خد مراتك وغديها في المكان اللي تحبه. عصام: حاضر. أسماء: كان لازم هو يقول يعني. عصام: انتي عارفة إني مش بعمل حاجة من غير إذنها. أسماء: عارفة يا حبيبي، يلا بينا. سعاد: على فين يا بت انتي وهو؟ أسماء: هنروح نتغدى برة. سعاد: مفيش غدي برة البيت، انتوا هتتغدوا هنا. الرئيس: خلاص يا أسماء اسمعي كلام مامتك. أسماء: بس يا ماما. سعاد: مفيش بس.

عصام: بعد إذنك يا حماتي، متقلقيش، أنا جوزها، أكيد مش هاكلها حاجة مش مضمونة. سعاد: ولو أي يضمني إن صاحب المحل مش غشاش ياكلكوا حاجة منتهية الصلاحية. عصام: آسف، بس أنا هخرج مراتي وأكلها برة، مش تقلقي. سعاد: أنا مش عارفة إنت عنيد كدا لمين، ده أمك وأبوك كانوا عسلات. عصام: ربنا يرحمهم. الكل: يارب. أسماء: يلا بقا باي. عند قدر. قدر: إنسان قذر وحيوان متخلف... أوف، أستغفر الله العظيم. وقامت تصلي العصر وبتدعي.

قدر: يارب أنا عاوز صبر بس صبر، أستحمل الكلام والأفعال اللي بتحصلي دي، يارب قويني واخلص الشغل ده وأمشي من هنا، ياااارب خليك معايا، أنا خايفة جدا. خلصت الصلاة وقامت سندت على الكرسي وحاولت تمشي برجل واحدة وقدرت فعلاً وراحت المكتب قعدت تذاكر. بعد شوية الباب خبط. قدر: مين؟ محمود: أنا محمود. قدر: عاوز إيه؟ محمود: هكلمك من ورا الباب كده. قدر: طيب ادخل. دخل. قدر: سيب الباب مفتوح. محمود: حاضر. قدر: نعم؟

محمود: أنا آسف عشان زعلتك مني. قدر: خلاص مش زعلانه. محمود: بجد؟ قدر: أيوا بجد. محمود: كنت عاوز أقولك حاجة. قدر: اتفضل. محمود: اا... أناااا... قدر: إيه؟ محمود: أنا بحبك.