رواية ماسة الادهم الفصل الرابع 4 - بقلم هند علي

جاء الليل وظهرت النجوم، والبعض مشتت التفكير والآخر حزين. وقد جاء الليل. ماسة جهزت نفسها علشان خروجة هي وصحابها، خرجت من الغرفة. ماسة: ماما أنا هنزل أقابل رهف ورحمة. زينب: ماشي، ما تتأخريش وسلميلي عليهم. ماسة: حاضر يا ست الكل، أمال أبو حميد فين؟ زينب: زينب لسه ما رجعش من الشغل. ماسة: ده الوقت اتأخر أوي يا ماما. زينب: ما هو رن عليه وقال هيتأخر. ماسة: ماشي يا ماما. باستها ومشيت.

نزلت ماسة وركبت العربية بتاعتها ورنت مكالمة جماعية. ورحمة ردت وبعد كده رهف. ماسة: ها يا بنات، جاهزين؟ أنا خلصت وفي العربية. رهف: وأنا خلصت. رحمة: وأنا خلصت. ماسة: رحمة، أنتي مال صوتك؟ رحمة: ماله صوتي؟ ماسة: أنتي بتاكلي؟ أوعي تقولي إنك ما خلصتيش. رهف (بصوت) : يا لهوي يا بنتي! مش لسه رانة عليكي من نص ساعة وكنت بتاكلي؟ رحمة: إيه الله أكبر! وبعدين أديكِ قولتي كنت، وبعدين ما آكلش يعني؟ وبعدين أنتي قولتي من نص ساعة.

رهف: آه قلبي. ماسة ضحكت: ههههه، رحمة خلصي علشان أنا قربت أوصل أخد رهف وأعدي عليكي. رحمة: أشطا، ماشي سلام بقى أخلص طبق المحشي ده. رهف وماسة ما قدروش يمسكوا نفسهم من الضحك. ماسة: آه نفسي أعرف بتودي الأكل فين، المشكلة إنها مهما تاكل مش بيبان عليها. رحمة: إيه بتحسدوني؟ ماسة: لا احنا بنقر بس. وقالت لرهف: انزلي علشان أنا تحت البيت. رهف: تمام ماشي، أنا نازلة سلام. _في بيت رهف رهف خبطت على أوضة والدتها. رهف: ماما أنا نازلة.

والدتها ماسكة التليفون وما ادتهاش أي أهمية وقالت: ماشي. خرجت رهف وقفلت الباب، وعيطت من معاملة والدتها معاها، ومسحت دمعها ونزلت. لقت ماسة واقفة ساندة على العربية. رهف أول ما شافتها حضنتها وقالت: وحشتيني أوي. وبعدت عنها ومسكت إيديها: إيه الحلاوة دي؟ اتغيرنا خالص. ماسة: ههههه، ويا ترى للأحسن ولا؟ رهف: لا لا، للأحسن طبعًا، اتغيرتي يا ماسة. ماسة بتنهيدة: الزمن بيغير الواحد.

رهف حاولت تغير الموضوع: طيب يلا بقى علشان تلاقي رحمة خلصت الأكل كله. ماسة: ههههه، ربنا يستر، نخلص أكل المطعم كله. ضحكوا البنات. ماسة قالت: يلا بينا. ومشوا، وصلوا عند رحمة، رنوا عليها ونزلت. رحمة: آآآه ماساااااه. وحضنتها: وحشتيني يا روحي. رهف: يا بنت الناس تفهم غلط. رحمة: اللي عاوز يفهم يفهم. وحدة، وشافت صاحبتها اللي لسه راجعة من بره وبصت لماسة وقالت: سيبك منها، وحشتيني.

ماسة بضحك: ههههه، وأنتي أكتر، مش يلا بقى ولا نفضل واقفين؟ رحمة: يلا. وخرجوا. _******* _في قصر الرفاعي بالتحديد غرفة أدهم. قام أخد شاور وخرج عاري الصدر وحاطط فوطة حوالين وسطه ومنشفة صغيرة في إيده بينشف شعره. ودخل غرفة الملابس. وخرج ببدلة تليق بيه وعلى جسمه الرياضي، بدلة سوداء ولبسها، وخرج ساعة غالية الثمن تليق بيه، فهذا أدهم الرفاعي.

وخرج يصفف شعره، وتمردوا شوية شعر ونزلوا على جبينه خلوه وسيم، وأضاف لمسة أخيرة عطره المفضل من أغلى أنواع البرفيوم الذي يجذب أي شخص. وأخد تليفونه وحاجته ونزل. سعاد: إيه الحلاوة دي يا ولا؟ أدهم: هههه، أنا على آخر الزمن يتقالي يا ولا؟ سعاد: إيه مش عاجبك ولا إيه؟ أدهم بابتسامة جذابة: لا يا سوسو، أنتي بالذات مسموح تقولي أي حاجة. وباس إيديها وقال: أمال آسر لسه ما خلصش؟ سعاد: مش عارفة والله يا ابني. أدهم: ماشي.

ونادى للخدمة: دادا فاطمة. فاطمة: نعم يا أدهم باشا. أدهم: لو سمحتي يا دادا اطلعي شوفي البغل اللي فوق خلص ولا لا. فاطمة: ماشي. وطلعت تشوفه. أدهم وبص في الساعة وقال: سوسو أنا لازم أمشي دلوقتي، ولما ينزل آسر خليه يسبقني على هناك. سعاد: ماشي يا ابني ربنا يوفقك. أدهم: اللهم آمين. وخرج أدهم ركب العربية ووراه الحرس. في عربية أدهم. أدهم رن على ياسين. ياسين: ألو يا أدهم. أدهم: خلصت ولا لسه؟ ياسين: آه خلصت ونازل أهو.

أدهم: ماشي بسرعة علشان لازم نستقبل الوفد. ياسين: ماشي سلام. أدهم: سلام. _في غرفة آسر. الباب خبط. آسر: مين؟ فاطمة: أنا يا آسر يا ابني. آسر: تعالي يا فطوم. فاطمة: يا ولا عيب عليك ده أنا كبرت على الدلع ده. آسر: يا سلام ده لسه صغيرة ومزة كمان، طيب ما تيجي تجوزيني. فاطمة: يا ابني عيب هههههههه. آسر: عيب إيه بس، أنتي اللي بتحلوي كل يوم. فاطمة: يا بكاش، أنتي نسيتني كنت جاية ليه؟ أدهم باشا بيسأل عليك.

آسر: أنا أهو خلصت، ما فاضلش غير الجاكت وهنزل. وصفف شعره وحط البرفان المفضل: ماشي يا فطوم. فاطمة: ماشي أنا نازلة. آسر: ماشي. ولبس آسر ونزل بعد قليل. وقال آسر: أدهم فين يا سوسو؟ سعاد: مشي وقال لما البغل يخلص خليه يلحقني على هناك. آسر: هو قال كده؟ سعاد كتمت الضحكة: آه يا ابني. آسر: عادي ما أنا بغل طول عمري. سعاد ما قدرتش تكتم الضحكة: هههههه، مش قادرة، كويس إنك عارف نفسك. ضحك آسر ومشي ركب العربية وراح الفندق.

وصل آسر عند أدهم ولاحظ أن أدهم غضب. آسر راح وقف جنب ياسين بخوف من أخيه لأن أدهم ملتزم بمواعيد ومش بيحب التأخير. آسر: أحم، معلش الطريق زحمة. أدهم بحدة: الطريق بارد. آسر: آه الطريق. أدهم لسه هيتكلم، بتوع الوفد جم ورحبوا بيهم. وقعدوا، وآسر بيحمد ربنا إنه أنقذه. أدهم: أهلًا إيفان. (Hello Evan) إيفان: أهلًا مستر أدهم، أعرفك كريستينا زوجتي. إيلينا أخت زوجتي.

(Hello Mister Adham, I know you, Christina, my wife, and Elena, my sister -in -law) وسلم أدهم عليهم. وأدهم نادى على الجرسون. الجرسون: اتفضل المنيو. اتفضل. كل واحد مسك المنيو وابتدوا يطلبوا الطلبات المطلوبة. ومشي الجرسون وقعدوا يتكلموا في الشغل لغاية لما جاء الأكل. وكل واحد بياكل. آسر مال على ياسين: ياسين. ياسين: أممم، عاوز إيه؟ آسر: بص على المزة دي، هتاكل أدهم بعينيها.

ياسين بص لقى إيلينا عمالة تبص على أدهم وأدهم مش مديها اهتمام. ياسين قال: استر يا رب، ادعي الليلة دي تعدي. آسر ضحك لإن أدهم مش بيحب الأسلوب ده. وأدهم لاحظ همس آسر وياسين وخد باله من كلامهم لإنه من الآخر أشطر الضباط وبيفهم حركات الشفايف. وبص على إيلينا. وسكت وكمل أكل. _******* _عند ماسة. رحمة: أنا جعانة. رهف: مش لسه واكلة يا بنتي؟ رحمة: بس جعت، تعالوا نروح في مكان بيعمل شوية أكل إنما إيه تحفة. مشوا البنات باستسلام.

وركبوا عربية ماسة ساقت وبعد وقت. رحمة: أيوه هنا بس كده. ماسة: بت يا رحمة، أول مرة تودينا حتة نضيفة. رحمة: لا ما ده أول وآخر مرة علشان بنحتفل بيكي. ماسة: طيب يا أختي ده افتكرتك استنضفتي طلعتي معفنة. رحمة: هههههه، طول عمري معفنة. رهف بصتلها بقرف: معفنة. ونزلوا ودخلوا البنات. قعدوا ياكلوا. وبعد الأكل. ماسة: آه شبعت، مش قادرة، هقوم أغسل إيدي. رهف: ماشي، أجي معاكي؟ ماسة بنفي: لا خليكي قاعدة.

وذهبت ماسة، خبطت في واحد وكوباية العصير اللي كان ماسكها اتكبت على الفستان. ماسة بغضب: إيه اللي عملته ده كده؟ فستاني باظ! يا متخلف! وراحت رفعت راسها. (... : أنا متخلف؟ أنتي مش عارفة أنا مين؟ ولم يكمل جملته، قالوا في نفس واحد: أنتي! أنت! ماسة: أنتي ورايا ورايا؟ أنتي بتراقبيني؟ (... : أنا أراقبك ليه إن شاء الله ها؟ وبعدين أنتي إزاي تتجرئي تشتميني ها؟ ماسة: آه بشتمك، إيه هتخوفني ولا هتضربني؟ (...

: بت أنتي إزاي تكلميني كدة ها؟ ماسة: أتصدق خفت؟ خاف يا عيد يا ماما خفت. (... : أنتي قليلة أدب. ماسة: أمك اسمها رجب نيهاااااها. شخص (بغضب عمياني) : ما تجيبيش سيرة أمي على لسانك يا تربية ****. ماسة بشهقة: هاااا! أنتي مش محترم وقليل الذوق. ورفعت إيديها وضربته بقلم على وشه: القلم ده علشان أنتي قليل الذوق وقليل الأدب. (... : أنتي إزاي تتجرئي تمدي إيدك عليا؟ ومسك إيديها ولفها ورا ضهرها ووو.