تحميل رواية «ماسة الفهد» PDF

فريدة بغضب: اصحى ياحبيبي بقا واقفلي مع واحدة ملهاش شكل في الفرح وانا معرفش حاجة.

عبد الرحمن: انا عملت أي. انا عملت كده. انا طول الفرح كنت قاعد معاكي.

فريدة: لا ما أنا سبتك شوية لما كنت برقص مع أسيل.

عبد الرحمن: انتي رقصتي يافريدة وانا قولتلك لأ.

فريدة: انت بتوهه الموضوع لي. جاوبني.

عبد الرحمن: فريدة بقولك أي. انا عايز انام. انتي مصحياني من النوم عشان تقولي كده.

فريدة: انت هتسبني وتنام. أنا كنت عارفة إن انت مبتحبنيش. مفيش راجل بيحب حد بسرعة كده.

عبد الرحمن: لا عند ديي وتقفي. أنا محدش هيحبك قدي. ومش بالوقت على فكرة. أنا فعلا حبيتك من أول مرة شوفتك فيها.

فريدة: طب البنت اللي كنت واقف معاها دي أي.

عبد الرحمن: بنت أي دي صحبتي عادي و زي اختي كمان.

فريدة: طب ومعرفتنيش عليها لي.

عبد الرحمن: هيا كانت هتمشي ملحقتش أقولك والله. وانتي بترقصي لي. وأنا قايلك مترقصيش.

فريدة: صدقني هيا اللي شدتني إني أرقص معاها.

عبد الرحمن: متتكررش تاني. قوليلهم خطيبي مانعني إني أرقص.

فريدة: حاضر. تصبح على خير بقا.

عبد الرحمن: وانتي من أهله ياحبيبتي.

***

فهد: اصحي ياغيبوبة.

ماسة: عايز أي. سبني بقا.

فهد: خلاص هسيبك وهروح أنا. فرح عبد الرحمن صاحبي. أنا مش زيك مش بقف جمب صحابي.

ماسة قامت: أيوا صح. النهارده فرح فريدة. أنا نسيت.

فهد: افضلي انسي كده لحد ما تخسري صحابك كلهم.

ماسة: خلاص أنا صحيت اهو. هاخد شاور وأفطر وأروح عندها.

فهد: هيا مش هتروح البيوتي سنتر.

ماسة: اه صح. أنا نسيت. المفروض أروح على البيوتي سنتر.

فهد: متخفيش. دي بدايات الشيخوخة.

ماسة: مش هرد عليك. طب بذمتك القمر دي هتبقى عجوزة.

فهد: دي سنة الحياة ياحبيبتي. وبعدين حتى لو بقيتي عجوزة هتفضلي في عيني أحلى واحدة.

ماسة: يعني أنا لما أكبر ووشي يجعد هتفضل تحبني.

فهد: حب ليكي أبدي يروحي.

ماسة: ربنا يخليك ليا ياحبيبي. يالهوي أنا اتأخرت. هقوم بقا.

***

جاسم: جهزتي نفسك عشان نمشي.

أسيل: اهه خلاص. بس كان نفسي نقعد هنا كمان كام يوم. بس عشان فرح فريدة مينفعش ما أحضرهوش.

جاسم: أيوا صح. هيا هنا القعدة حلوة. بس انتي اللي محلياها. يعني حتى لما نرجع هكون مبسوط.

أسيل حضنته: ياحبيبي معاك حق.

***

أسراء: بنتي واحشتيني. عاملة أي. طمنيني عليكي.

أسيل: الحمدلله ياماما بخير. انتي عاملة أي.

***

فريدة: الو ياماسة. فينك كدا.

ماسة: أنا في الطريق اهو.

فريدة: ماشي. وأسيل.

ماسة: اه سلمت عليها ومشيت. وهيا هتستريح شوية وهتلبس وتروح على القاعة.

فريدة: خلاص. ماشي. أنا مستنياكي.

ماسة: ماشي. عملتي الميكب ولا لسه.

فريدة: لا لسه. لبست الفستان بس.

ماسة: خلاص سلام. أنا جايا.

فريدة: ماشي سلام.

الميكب الارتست: حضرتك عايزة الميكب يكون هادي ولا حاجة تانية.

فريدة: مش عايزاه هادي أوي اللي هو يبان. ولا عايزة فاقع أوي اللي هو أوڤر.

الميكب الارتست: خلاص. ماشى.

***

فهد: أي يابني. هو لسا الحلاق مجاش.

عبد الرحمن: لا. بكلمه مبيردش.

فهد: ازاي ده. فاضل ساعتين بس.

عبد الرحمن: طب متعرفش واحد غيره.

فهد: اه. استنى.

عبد الرحمن: طب بالله عليك بسرعة.

فهد: برن اهو. استنى رد.

الحلاق: الو فهد بيه.

فهد: الو ياحسام. بقولك انهارده فرح أخويا. وكنت عايزك تيجي تعملوا شعروا عشان خلاص فاضل ساعتين.

الحلاق: حاضر يافهد بيه. دلوقتي أكون عندك. العنوان أي بس.

فهد: اكتب عندك العنوان.

الحلاق: خلاص. ماشي يافهد بيه. سلام.

فهد: خلاص ياعبد الرحمن الحلاق جايلك.

عبد الرحمن: تسلم والله. مش عارف من غيرك كنت عملت أي.

فهد: يابني انت أخويا.

عبد الرحمن: ربنا يخليك ليا ياارب.

فهد: انت مش ملاحظ حاجة.

عبد الرحمن: حاجة.

فهد: بقيت تتكلم حلو من غير هزار. عقلتي يابطة.

عبد الرحمن: متكسفنيش بقاا. لا بس بجد من ساعة ماحبيت فريدة وأنا حسيت إن بقى في حد في حياتي. أحترم نفسي عشانها.

فهد: الحب بيغير ياعبد الرحمن. وغيرك انت بالذات للأحسن.

عبد الرحمن: اهه فعلا.

***

أسيل: بسرعة بالله عليك ياجاسر.

جاسم: أنا خلصت. انتي اللي لسا. ياليل.

أسيل: أصل أنا متوترة.

جاسم: طب شيلي توترك ده دلوقتي عشان نلحق الفرح.

أسيل: انت اللي هتأخرني دلوقتى.

جاسم: استني شوية. جايبلك هدية.

أسيل بفرحة: بجد. هيا أي.

جاسم وطلع:

أسيل بدهشة: أي ده بجد.

جاسم طلع الهدية.

اسيل بدهشة: إيه ده بجد دي ليا؟

جاسم: ولو أطول أجيب لك أغلى حاجة في العالم.

اسيل: يا حبيبي ربنا يخليك ليا يا رب. لبسهالي بقى.

كان جايب لها عقد ألماس.

جاسم لبسها العقد.

جاسم: قمر عليكي يا روحي.

اسيل: عشان أنت اللي جايبه بس.

جاسم: حياتي يلا بقى عشان ما نتأخرش.

ونروح عند فريدة.

فريدة: ها أي رأيك يا ماسة الميك أب حلو؟

ماسة: جميل أوي يا روحي.

فريدة: ربنا يخليكي ليا يا قلبي.

ماسة: يلا بقى عشان فهد كلمني وقال إنهم جاين.

فريدة: خلاص أنا جاهزة دلوقتي أصلًا.

ماسة: العريس جيي أهو.

فريدة: أنا بترعش ليي أنا خايفة.

ماسة: لسا لسا الخوف جاي.

فريدة: بتقولي إيه؟

ماسة: بقولك خايفة من إيه يا بنتي.

عبد الرحمن حضن فريدة على تسقيف كل صحابهم وأهلهم.

ونزلوا وذهبوا للقاعة.

عبد الرحمن: انتي عارفة إن انهارده أحسن يوم في حياتي.

فريدة: وأحسن يوم في حياتي والله أنا كمان.

وفجأة الكل اتجمع حوالين ماسة.

فهد بخضة: ماسة فوقي، فوقي يا ماسة.

وماسة كان مغمى عليها.

وفضلوا يفوقوها فيها لحد ما فاقت.

ماسة بعدم وعي: أنا فين؟

فهد: إحنا في الفرح يا حبيبتي، انتي كويسة؟

ماسة: آهه آهه أنا كويسة.

فهد: قلقتيني عليكي أوي، أول ما نروح هنروح عند الدكتورة.

عبد الرحمن بضحك: وشكك وحش يا فريدة.

فريدة: أنا بردوا اللي وشي وحش، يعني بذمتك القمر دي وشها وحش؟

عبدالرحمن: لا يا روحي حد يقدر يقول كده.

فريدة: آه أنا قلت بردوا. بقولك هيا مش دي اللي كنت واقف معاها في فرح أسيل؟

عبد الرحمن: آه هيا دي.

چاسمين: ازيك يا عبدالرحمن، ألف مبروك.

عبدالرحمن: الله يبارك فيكي.

چاسمين: أعرفك على فريدة.

چاسمين: ازيك يا قمر، ألف مبروك.

فريدة: الله يبارك فيكي.

چاسمين: اخترتي صح.

فريدة: ميرسي، ده أحسن اختياراتي والله.

ونروح عند ماسة وفهد.

فهد: أول مرة يحصل معاكي كده صح؟

ماسة: آه.

فهد: أوعي يكون حصل معاكي كده ومقولتليش.

ماسة: لا والله أول مرة، يمكن قلة أكل بس.

فهد: بردوا لازم تكشفي، أما نروح هنروح عند الدكتورة، أنا حجزتلك عندها.

ماسة: خلااص ماشي، مع إن ملوش لزوم.

فهد: إزاي ملوش لزوم، انتي كلك على بعضك تهيميني.

ماسة: ربنا يخليك ليا يا رب.

فهد: ويخليكي ليا يا رب، تيجي نقوم نرقص سلو؟

ماسة: لا لا أنا حاسة نفسي دايخة.

فهد: طب نروح إحنا وأوديكي عند الدكتورة.

ماسة: لا مينفعش أسيب صحبك وأنا أسيب صحبتي.

فهد: خلاص بس شوية وهنمشي.

ماسة: خلاص ماشي.

ونرجع عند العروسين.

اسيل: ألف مليون مبروك يا حبيبتي.

فريدة: الله يبارك فيكي يا قلبي.

جاسم: ألف مبروك يا عم عبد الرحمن، ياريت تعقل بقى خلاص فاضلك شهر وتبقى متجوز.

عبد الرحمن: أولًا الله يبارك فيك، ثانياً بقا أنا عقلت، حبي لخطيبتي اللي قاعدة دي عقلني وبيشاور على فريدة.

جاسم: جدع، المهم تبقى قد المسؤولية والنكد والحاجات دي.

اسيل: أنا سمعاك بتقول حاجة.

جاسم: لا ابداً يا حبيبتي، بقولك اسبقيني انتي وأنا هاجي وراكي.

اسيل: ماشي سلام.

جاسم: وخلي بالك من الحاجات دي بردوا.

عبدالرحمن: يا عم متخوفنيش بقى.

جاسم: أنا بحذرك بس، سلام.

والحفلة انتهت وكل منهم ذهب لبيته.

عند فهد وماسة.

فهد: يلا يا روحي عشان نروح عند الدكتورة.

ماسة: لا أنا تعبانة أوي مش هقدر.

فهد: طب خلااص أنا هكلمها أخليها تيجي.

ماسة هزت رأسها بمعنى ماشي.

بعد وقت.

فهد: اتفضلي يا دكتورة.

والدكتورة كشفت.

فهد: مالها يا دكتورة؟

الدكتورة: لا عادي، ده إرهاق، لازم تاكل كويس وتاخد الفيتامين ده.

فهد: خلاص ماشي شكراً.

وذهبت الدكتورة.

فهد: ينفع كده؟ خلي بالك من نفسك بعد كده يا ست هانم.

ماسة: انتي مبترديش ليي؟

ماسة: 😴.

فهد: انتي نمتي. والله ببقى خايف عليكي أوي، خايف يحصل حاجة وتروحي مني، كفاية الحقيقة المستخبية عنك. وخايف لو عرفتي تسيبيني.

وذهب للنوم. 😴

وفي صباح ثاني يوم.

فهد: اصحي يا حبيبتي.

ماسة: إيه يا حبيبي أنا صاحية من بدري، انت اللي بتتكلم وانت نايم.

فهد: .....

ماسة: غريبة يعني فهد أول مرة ينام كده.

ونروح عند عبد الرحمن.

عبد الرحمن: إيه هفضل أنا اللي كل يوم أصحيكي ولا إيه؟

فريدة: معلش بحاول أعود نفسي أصحى بدري عشان بعد شهر هصحى بدري غصب عني.

عبد الرحمن: يعني انتي تتخيلي إني أصحيكي من النوم غصب عنك؟

فريدة: أكيد لا يعني، بس أنا بردوا لازم أصحى بدري، انت هتبقى جوزي يعني ملزوم مني، زي ما أنا هبقى ملزومة منك.

عبد الرحمن: خلاص عشان نحل المشكلة اجيب لك خادمين. أه صح أنا مش هعيش معاهم في الفيلا اللي في الإمارات.

فريدة: إيه ده لي؟

عبد الرحمن: هشتري شقة دوبلكس هنا في مصر، مش حابب إننا نعيش في شقة غير عن الفيلا.

فريدة: براحتك يا حبيبي، بس بشرط.

عبد الرحمن: قولي يا ست شرطك.

فريدة: أجي معاك وانت بتجيبها ومامتك وباباك يوافقوا قدامي عشان ميقولوش إني أخدتك منهم.

عبد الرحمن: حاضر يا ستي.

ونروح عند فهد وماسة.

فهد بنوم وعدم وعي: .....

ماسة بصدمة: انت بتقول إيه؟

فهد بنوم وعدم وعي:

مكنش قصدي إني أقتله، والله مكنش قصدي.

ماسة بصدمة:

إنت بتقول إيه؟

فهد لسه نايم:

ماسة: اصحى يا فهد، إنت قتلت مين؟

فهد بخضة:

أنا قتلت... قتلت مين؟

ماسة:

إنت بتقول وإنت نايم، مكنش قصدي إني أقتله.

فهد بتوتر:

أنا يا حبيبتي، أنا قتلت حد.

ماسة:

فهد، صارحني بدل ما أعرف الحقيقة من بره، وساعتها الزعل هيبقى أكبر.

فهد وهو بياخد نفسه:

هقولك يا ماسة، بس مش دلوقتي، لما أحس إني كويس.

ماسة:

يعني إنت قتلت فعلاً يا فهد؟ لأ، أكيد لأ.

فهد:

قولتلك هتعرفي كل حاجة، متفضليش تتخيلي.

ماسة:

طب قوم عشان ننزل نفطر.

فهد:

ماشي.

فهد قام وخد شاور ولبس ونزلوا.

جاسم:

أهلاً، السفرة نورت بالأخ فهد.

فهد:

تسلم يا عم جاسم.

وجلسوا جميعاً وأكملوا فطورهم.

معتز:

تعالى معايا يا فهد، عايزة أكلمك في موضوع مهم.

فهد:

ماشي يا بابا، جاي.

وذهبوا إلى المكتب.

فهد:

كنت عايزني في إيه يا بابا؟

معتز:

دلوقتي القديم اتفتح.

فهد:

مش فاهم.

معتز:

الخدام.

فهد بصدمة:

إيه اللي فتح الموضوع ده يا بابا دلوقتي؟

معتز:

اهدى يا ابني، أنا عايزك تعرف إني في ضهرك ومش هيحصلك حاجة.

فهد:

بس متنساش إنها غلطتي من الأول، أنا اللي اتورطت.

معتز:

إنت كنت صغير يا فهد.

فهد:

بس أنا لسه حاسس بالذنب.

معتز:

متشيلش نفسك ذنب يا فهد، إنت بردوا اتعاقبت لما سافرت بره وشيلت مسؤوليتك.

فهد:

ولسه هتعاقب تاني، ماسة خايفة لو عرفت حاجة تسيبني.

معتز:

وهيا مين اللي هيقولها؟

فهد:

أنا.

معتز بصدمة:

إنت بتقول إيه يا فهد؟ إنت اللي عايز تخسرها كده؟

فهد:

لأ، أنا مش عايز أخسرها، بس أنا النهاردة حلمت بالموضوع ده وكنت بتكلم وأنا نايم وماسة شكت فيا وقالتلي إني أحكيلها بدل ما تعرف من حد بره.

معتز:

قولها أي موضوع تاني، وأكيد محدش من بره هيقولها، هيا أصلاً ساعة الحادثة كانت مع مامتها برا البيت.

فهد:

لأ يا بابا، أنا مش هفضل كاتم السر ده جوايا كده كتير وعايش قلقان.

معتز بزعيق:

اعمل اللي تعمله يا فهد، بس مترجعش تندم.

فهد خرج برا الغرفة.

ماسة:

عمي كان بيزعقلي في المكتب يا فهد؟

فهد:

أنا هحكيلك كل حاجة.

ماسة:

حاجة إيه؟ قول.

فهد:

أنا قتلت.

ماسة بصدمة:

إنت بتهزر مش كده؟

فهد:

صدقيني، أنا قتلت وكنت كل ده بحاول أخبي عليكي السر ده، بس خلاص مش قادر، لازم أحكيلك، أنا بحلم بكوابيس كل يوم.

وبدأ يعيط.

ماسة وعنيها دمعت:

طب متعيطش، أنا مقدرش أشوف دموعك، طب قتلت مين؟

فهد:

قتلت الخدام.

فلاااش بااك💥

الخادم في الفون:

زي ما بقولك كده يا باشا، بليل على طول، كل اللي إنت عايزه هيحصل والأوراق هتكون عندك.

المجهول:

وأنا واثق فيك، إنت عارف إن شركتهم لو نجحت هتقع شركتي، وأنا دخلتك في وسطهم بس عشان الأوراق دي هدمرهم.

الخادم:

لو عايز تقهرهم أكتر، اقتل كمان ماسة، دي بقا دلوعة العيلة، ولو ماتت هيتكسر أبوها عشان مفيش غيرها عنده، وأبوها هو اللي شايل الشغل كله.

المجهول:

اللي إنت شايفه هيفيدنا، خلاص، وباقي الفلوس هتبقى عندك.

الخادم:

خلاص ماشي يا باشا، سلام.

فهد كان واقف وبيسمع كل الكلام.

فهد:

إنت يا زبالة عايز تقتل ماسة وتوقع شركتنا؟ انطق مين اللي بعتك.

الخادم:

مش هينفع أقولك حاجة.

فهد ضربه:

انطق يلا.

الخادم:

لو هتقتلني مش هقولك.

فهد:

بقا كده، يعني إنت عايزني أقتلك؟ أنا بقا هموتك.

ومسك الفازة وضربهم بيها على رأسه.

معتز:

إنت عملت إيه؟ إنت موته؟

فهد متكلمش من الصدمة.

بااك

فهد:

وبس كده، طبعاً دفنوا الجثة وإنتي في وقتها مكنتيش في البيت، بعديها بخمس سنين أنا سافرت الإمارات وكان عقاب ليا إني أعيش لوحدي وأبني نفسي بنفسي.

ماسة:

أنا... أنا مش عارفة أقولك إيه، سيبني يا فهد دلوقتي.

فهد:

صدقيني، أنا لحد دلوقتي شايل ذنب، متبقيش إنتي كمان عليا، أنا حكيتلك وقولت إنك هتفهيميني وتصدقيني.

ماسة:

أنا أكيد مش هكذبك، يعني بس أنا مش عارفة أقول، سيبني لوحدي يا فهد، سيبني.

فهد:

ماشي يا ماسة، هسيبك، وهسيبك إنتي اللي تحكمي عليا.

وذهب فهد بالسيارة يتمشى في شوارع مصر كعادته لكي يهدأ.

ونروح عند أسيل وجاسم.

أسيل:

أنا هروح أشوف ماسة، بقالي كتير ما قعدتش أتكلم معاها.

جاسم:

خلاص ماشي، روحي.

أسيل:

ماشي يا حبيبي، عايز حاجة؟

جاسم:

عايزك إنتي يا ليلى.

أسيل:

وبعدين بقا، إنت مش قولتلي روحي؟

جاسم:

بهزر، يلا روحي.

أسيل:

خلاص ماشي، باايو.

ونروح عند ماسة.

ماسة لنفسها:

إنت عملت إيه يا فهد؟ إنت قتلتني؟ أنا إزاي أتوقع إنك تقتل؟ بس أنا عارفة أنا هعمل إيه.

عبدالرحمن: الو يافهد. برن عليك بقالي كتير مبتردش ليه.

فهد: تعبان شوية.

عبدالرحمن: ليه مالك تعبان؟ لي فيه حاجة حصلت؟

فهد: ماسة عرفت كل حاجة.

عبدالرحمن: عرفت إيه؟ عرفت السر؟

فهد: آه.

عبدالرحمن: مين اللي قالها؟

فهد: أنا اللي قولتلها، مكنش فيه حل تاني.

عبدالرحمن: طب اهدأ. وهيا قالت إيه؟

فهد: قالتلي سيبني، وإنها مش عارفة تقول إيه.

عبدالرحمن: طب انت سيبها دلوقتي مع نفسها. هيا أكيد مش هتبقى عايزة تخسرك يعني، فاهمني؟

فهد: مش عارف ياعبدالرحمن. أنا سيبها على ربنا. أنا مش عايز أخسرها، أنا ما صدقت إننا بقينا مع بعض.

عبدالرحمن: خلي بالك من نفسك انت بس.

فهد: ماشي. يلا سلام.

***

فرح فريدة: إيه ياعبدالرحمن؟ بكلمك مشغول ليه؟

عبدالرحمن: لا، اصل كنت بكلم فهد.

فريدة: فهد؟ متأكد؟

عبدالرحمن: يعني هكدب عليكي يعني يا فريدة؟

فريدة: امم.

عبدالرحمن: طب سلام دلوقتي. وأقفل السكة.

فريدة: بقا بتقفل السكة في وشي ياعبدالرحمن؟ ماشي، أنا هوريك.

***

عند ماسة وأسيل:

أسيل: انتي بتهزري؟ مش مصدقة إن كل ده حصل.

ماسة: هو ده اللي حصل والله. بس اوعي، اوعي يا أسيل أسمع إنك قولتي لحد.

أسيل: يعني انتي خايفة عليه أهو.

ماسة: أكيد يعني، ده جوزي. هو انتي إزاي متعرفيش؟

أسيل: منا مكنتش موجودة بردوا ساعتها. انتي مكنتيش في البيت وأنا كنت عند ليندا صحبتي.

ماسة: آه.

أسيل: طب انتي هتعملي إيه دلوقتي؟

ماسة وبدأت تعيط: أنا مش عايزة أسيبه يا أسيل.

أسيل: طب اهدي. طب انتي أكيد مش هتسيبيه يعني. بس انتي لما ييجي هتقوليله إيه؟

ماسة: أنا من جوايا مسامحاه. ولما ييجي، حرام بردوا. هو شايل ذنب ومكنش قصده. مش هزودها عليها.

أسيل: أحسن حاجة عملتيها.

ماسة: يعني انتي شايفة كده؟

أسيل: آه، شايفة كده.

ماسة: خلاص ماشي.

الساعة 2:00 ليلا.

ماسة كانت عاملة نفسها نايمة.

فهد من وراها: أنا نفسي تسامحيني والله ياماسة. أنا مش مسامح نفسي. لو انتي سامحتيني، هرتاح.

ماسة قامت وقالت: ...

***

وفجأة.

***

نروح عند عبدالرحمن:

عبدالرحمن: يا غبي! إيه اللي انت عملته ده؟ مكنش ينفع تقفل في وشها السكة. أنا هكلمها أصالحها.

عبدالرحمن رن 3 مرات.

عبدالرحمن لنفسه: أنا عارف إني غلطان، بس مش لدرجة دي. وانتي عايزة تعلميني الأدب؟ الصبح عارفك هتكلميني.

***

ونروح عند ماسة وفهد:

ماسة: أنا مسامحاك يافهد.

فهد قام حضنها: انتي بتتكلمي بجد؟ يعني انتي مسامحاني بجد؟

ماسة: آه والله يافهد، مسامحاك. انت مكنش قصدك صح.

فهد: آه والله ياماسة، مكنش قصدي.

ماسة: أنا مسامحاك عشان بحبك يافهد. والله، بس ياريت متكنش مخبي عني أي حاجة تاني. وأي حاجة تحصل، تقولهالي.

فهد: حاضر ياحبيبتي. واحشاني أوي.

ماسة: وانت كمان واحشني والله.

فهد: طب وبعدين يعني؟

ماسة: وبعدين إيه؟ مش فاهمة.

فهد: يعني بجد مش فاهمة؟

وبيقرب عليها.

ماسة بتوتر: لا، مش فاهمة.

فهد: خلاص، هقولك.

ماسة: هتقول...

وكانت ستتكلم، ولكن منعها قبلة من فهد طالت لمدة.

ماسة: على فكرة، أنا مش هكلمك تاني.

فهد: طب أنا اللي هكلمك.

ومسك يديها.

ماسة: انت بتعمل إيه؟

فهد: هقولك، هقولك. اهدي.

وذهبوا في عالمهم الخاص. ونسيهم مع بعض شوية.

***

تاني يوم الصبح:

فريدة: الو. انت رنيت عليا امبارح؟

عبدالرحمن: آه رنيت. وانتي مردتيش ليه؟ ها؟

فريدة: إيه؟ كنت زعلانة منك. مش من حقي أزعل؟ وبعدين طريقة كلامك وقفلت في وشي السكة.

عبدالرحمن: طب مادام زعلانة، من رنيتي عليا ليه؟

فريدة: طب أنا هقفل بقا عشان باين كده إني مبقتش أفرق معاك. يلا سلام.

عبدالرحمن: استني، استني يامجنونة. أنا بهزر معاكي. وأنا آسف. أنا فعلاً طريقة كلامي كانت تزعل، بس كنت متعصب.

فريدة: خلاص ماشي. ولا يهمك. وبعدين متتأسفش تاني. قولي حقك عليا بس. انت هتبقى جوزي كمان شهر.

عبدالرحمن: نفسي الشهر ده أنام وأصحى ألاقيه عدى.

فريدة: مالك مستعجل كده ليه؟

عبدالرحمن: عشان واحشتيني ياديدة.

فريدة: بتكسفني على فكرة بكلامك.

عبدالرحمن: خلاص يعني مقولش كلام حلو تاني؟

فريدة: لا، لا. إزاي؟ قول كلام حلو.

عبدالرحمن: انتي هتجننيني معاكي باين كده يا فريدة.

فريدة: معلش بقا. حقك عليا. لازم تستحملني عشان لازم الزوج يتحمل زوجته صح؟

عبدالرحمن: صح يروحي.

***

وبعد مرور شهر.

***

يوم الفرح.

فهد: اصحي ياماسة.

ماسة: سيبني شوية أنام.

فهد: انتي بقيتي كسولة كده ليه ياماستي؟

ماسة: أنا مش كسولة. أنا عايزة أنام.

فهد: خلاص، اصحي عشان نلحق الفرح بقا.

ماسة: ماشي، أنا قايمة أهو.

فهد: أنا هدخل آخد شاور، أرجع ألاقيكي صاحية.

ماسة: ماشي، روح انت طب.

فهد دخل كان بياخد شاور.

وقامت ماسة من على السرير.

ماسة: أنا دايخة كده ليه؟

مكملتش الكلمة إلا وكانت واقعة على الأرض.

فهد: مش سامع صوتك. يعني أكيد لسا نااااا...

وملحقش يكمل. فجأة.

فهد بخضة وخوف: ماسة ماسة مالك إيه اللي حصل فوقييييي

وفوقها فهد.

ماسة: إيه اللي حصل؟

فهد: إيه اللي حصل معاكي إنتِ؟ أنا طلعت من الحمام لقيتك واقعة على الأرض.

ماسة: أنا قمت من على السرير لقيت نفسي دوخت ومحستش بحاجة.

فهد: طب البسي. هوديكي عند الدكتورة تشوف إيه اللي حصل.

ماسة: لا لا إزاي. لازم أروح لفريدة.

فهد بنفاذ صبر: ماسة اهديي ياحبيبتي. الفرح مش هيخلص يعنيي. إحنا نعدي على الدكتورة واحنا رايحين ماشي.

ماسة: خلاص ماشي يافهد.

وجهزوا نفسهم وذهبوا إلى الدكتورة.

عند الدكتورة...

فهد قال للدكتورة اللي حصل.

الدكتورة: خلاص هكشف عليها وأشوف فيه إيه.

فهد: أنا قولت ممكن يكون زي المرة اللي فاتت إرهاق وقلة أكل وكده.

الدكتورة: لا باين فيه حاجة تاني عشان صحتها كويسة الحمدلله.

ماسة: طب فيه إيه؟ قلقتيني.

الدكتورة: لا متقلقيش كده. مبروك.

فهد: مبروك إيه؟ مش فاهم.

الدكتورة: مبروك هتبقي أب.

فهد بصدمة فرح: أنا هبقى أب بجد؟ أنا مش مصدق.

ماسة: وأنا هبقى أم يافهد. أنا مش مصدقة نفسي.

فهد حضنها: مبروك ياحياتي.

وذهبوا إلى الفرح وأخبروا جميع العائلة. وكان الفرح مثل الحلم وعدى على خير.

في بيت عبدالرحمن...

عبدالرحمن: مبروكك ياحبيبتي.

فريدة: الله يبارك فيك ياحبيبي.

عبدالرحمن: أنا مش مصدق نفسي بجد. إحنا بقينا لبعض خلاص.

فريدة: آه خلاص. آه.

عبدالرحمن: فرحت أويي لفهد. عقبالنا.

فريدة: آه وأنا كمان أويي.

عبدالرحمن: آه وبعدين؟

فريدة: بعدين إيه؟

عبدالرحمن: مش هنصلي؟

فريدة: آهه طبعًا. استنى بس أقلع الفستان وألبس الإسدال.

عبدالرحمن: خلاص ماشي.

وغيرت ملابسها وعبدالرحمن أيضاً. وصلوا هم الاثنين.

عبدالرحمن: صلينا أهو. وبعدين بقا؟

فريدة: أنا حاساك عايز تقول حاجة.

عبدالرحمن: تعرفي إن إحنا انهارده كان فرحنا.

فريدة: أيوا. وبعدين منا عارفة.

عبدالرحمن وبيقرب منها: أصل...

فريدة: أصل إيه؟

عبدالرحمن قبلها بكل حب وشغف.

ونسيبهم مع بعض شوية.

بعد مرور 5 سنين ❤🔗...

لمار: مامي مامي.

ماسة: إيه ياقلب مامي.

لمار: هو أنا ليه مش بشوف بابي كتير؟ على طول في الشغل وبيسعد بس مع محمد أخويا.

ماسة: لا ياحبيبتي. هو بيحبك أويي كمان. بس إنتي عارفة إن محمد الصغير وبيدلع على بابي. وبعدين بابا مش بيرضى يكلموا عشان مرضوا. إنتي عارفة إنوا عنده السكر.

لمار: مامي هو إزاي صغير وعنده السكر؟

ماسة: مش أنا وأنا حامل في محمد جالي السكر. فا اتنقل لي. فاهمه ياحبيبتي.

لمار: أنا كده فهمت.

فهد: فهمتوا إيه؟

لمار: بابي بابي. واحشتني أوي.

فهد: وإنتي واحشتيني أكتر ياقلب بابي. بصي جبتلك إيه. الفستان الحلو ده.

لمار: حلو أويي يابابي. شكراً.

ماسة: أول مرة أشوف طفلة زيك. إيه طفلة بتحب الشوكولاتة واللعب. إنتي بتحبي الفساتين.

فهد: هيا كده. وبعدين أي حاجة هيا بتحبها بابي هيجبهالها.

محمد: طب وأنا؟

فهد: إنتوا الاتنين ياعم متخافش.

وفضلوا يضحكوا.

جاسم: حمزة ياحمزة. إنت روحت فين؟

حمزة: نعم يابابا.

جاسم: إنت بتختفي تروح فين؟

حمزة: المطبخ. أصل كنت جعان.

جاسم: طب فين ماما؟

حمزة: ما أنا كنت في المطبخ آكل جاتوه.

جاسم: لا ياأخويا شكراً. مش عايز حاجة.

وذهب جاسم.

حمزة: ياجماعة في الدنيا حد مايحبش الجاتو.

وكمل أكل في الجاتو😂.

جاسم: أيوا صح. لازم ألاقيكي هنا مع مايان. أنا حسيتك بقيتي تنسيني ياأسيل.

مايان: لا يابابا. ماما كل شوية تقول بابي ده أحسن واحد في الكون.

جاسم: مش بتقوليلي الكلام ده لي ياأسيل؟

أسيل بضحك: المفروض تبقى عارف بحاجة زي كده صح يابيبي.

جاسم: بيبي بيحبك أويي. إنتي ومايان وحمزة اللي على طول في المطبخ ده.

ونروح عند فريدة وبنتها سيليا.

فريدة: اقعدي بقا عشان أعملك شعرك عشان هنخرج مع بابا.

سيليا: بجد؟ هنخرج؟ هنروح فين؟

فريدة: مفاجأة.

سيليا: خلاص هقول لبابا وهو هيقولي هنروح فين.

فريدة: إنتي ليه مبتسكتيش ياحبيبتي؟ أنا قولت مفاجأة.

عبدالرحمن بضحك: قوليلها يافريدة. عادي.

سليم: آه. هنروح فين؟ أنا عايز أعرف.

فريدة: جايبين اتنين فضوليين أوي.

عبدالرحمن بضحك: بس زي القمر.

ونروح تاني عند ماسة وفهد.

فهد: تعرفي إني لحد دلوقتي مش مصدق إننا بقينا مع بعض. برغم إننا اتجوزنا وخلفنا كمان.

ماسة: وأنا عمري ماكنت أتخيل إننا نبقى مع بعض أصلا.

فهد: وأدينا بقينا مع بعض. وبقيتي اسمك {ماسة الفهد❤💎}.

وخلصت للأسف ياجماعة روايتنا. وزي ماإنتوا زعلانين أنا بردوا زعلانة والله. بس قريب جدا هتنزل روايتنا الجديدة مختلفة تماما عن دي. ويا ريت تعجبكوا. وخليكوا متابعيني.

الكاتبة: حبيبة محمد💘👑.

تمت النهاية.