رواية مأساة طفولتي الفصل الخامس 5 - بقلم جهاد رمزي

أمل بمرح: لا يا لمضة، دا محمد ابن عمتك هيتجوز. محمد بمشاكسة: إيه دا؟ هي ست جوجو اللمضة وصلت؟ طب إدهالي أكلمها. أمل: خد ي بت، ابن عمتك عاوز يكلمك. خدي بركيله. كانت جنا في حالة يرثى لها، فقد كانت متصنمة في مكانها من الصدمة، لا تريد أن تبين لوالدتها أنها متعلقة به وبشدة، بل وتعشقه أيضًا. تحركت ببطء تجاه والدتها وهي تحبس دموعها بصعوبة. أخذت منها الفون بثقل، ثم تحدثت بصوت مهزوز ورعشة: إزيك يا محمد؟ أخبارك إيه؟

محمد بمرح: إيه محمد دي يا بت؟ دا أنا اللي مربيكي، يعني تقوليلي حمو زي ما كنتي بتقوليلي وأنتي صغيرة. انتي هتكبري عليا ولا إيه؟ ههه. جنا بدموع حاولت مدارتها من والدتها قدر الإمكان: صحيح نسيت أباركلك. ألف مبروك. سلملي على العروسة. محمد: الله يبارك فيكي يا ستي. وبعدين أسلملك عليها ليه؟ ما أنا نازل أكتب الكتاب عندكم كمان أسبوع والفرح كمان. يعني هتشوفيها وهتحبيها أوي يا جوجو. جنا

وقلبها يتمزق أشلاء صغيرة: ربنا يتمملك على خير. خد ماما معاك. ثم هرولت إلى غرفتها سريعًا قبل أن يكشف أمرها وتنهار في البكاء. أمل بفرحة: يعني هتنزلوا يوم الخميس؟ محمد: أيوه إن شاء الله. ونكتب الكتاب الجمعة. أمل: يا ألف نهار مبروك ياحبيبي. دا يوم الهنا... رنيت على خالك وعرفته. محمد: أيوه وهو كمان هينزل على الثلاث كده. لسه قافل معاه. أمل: مماشي ياحبيبي. خد بالك من نفسك. وسلملي على اللي هتبقى مراتك دي لحد ما أشوفها.

محمد: ههه حاضر ي مرات خالي. سلميلي على اللمضة بتاعتنا لحد ما أجيلها. أمل: ماشي يا حبيبي. في رعاية الله. في غرفة جنا: كانت منهارة من البكاء. هل حقًا سيتزوج غيرها؟ ألم يعدها أنه سيتزوجها وهي صغيرة؟ ألم يجعلها تتعلق به وبشدة؟ أيعقل أن تراه ببدلة الزواج مع غيره؟ لا، لا، مستحيل. مسحت دموعها بسرعة وهي تسمع صوت الباب يفتح. أمل: انتي فاكرة إني مش هعرف من صوتك إنك بتموتي من جواكي؟

أنا عارفة إنك متعلقة بمحمد وبتحبيه، بس دا نصيب ياحبيبتي. انتي لسه صغيرة وربنا هيرزقك بأحسن منه. انفجرت جنا في البكاء: بس أنا كنت فاكرة إنه هو كمان بيحبني وهيتجوزني.

أمل: ياحبيبتي هو بيحبك، بس هو مش شايفك غير أخته. نفضي ياحبيبتي الكلام ده من دماغك. انتي ثانوية عامة، يعني ركزي في مذاكرتك وبس. وسيبى بقى حكاية الحب دي على ربنا. هو اللي هيزقك بزوج صالح تحبيه في الحلال. وحمو أخوكي يا جنا، أنا عارفة إنه صعب، بس دا نصيب يا بنتي. جنا: خلاص يا ماما ممكن تسيبيني لوحدي؟ أنا كويسة. عاوزة أنا م شوية. أمل بحب: ماشي يا حبيبتي. ربنا يريح بالك يا رب. بعد مرور يومان:

كانت جنا ملامحها ذابلة وبشدة. تذهب إلى دروسها وتتكلم عند اللزوم فقط، وتستذكر دروسها. ولكن الليل بأكمله تظل تفكر في محمد وما سيحل بها من بعده. شروق بمرح: يابنتي خلاص بقا كفاية البوز اللي ضربتيها لنا بقالك يومين ده. مكنش أول ولا آخر واحد. وبعدين دا انتي أحلى منه بكتير. ههه. جنا بعبوس: والنبي ياشروق مش ناقصاكي. شروق بمشاكسة: طب يستي البوز عندي. ليكي خبر هيفرحك. جنا: ها؟ اتحفيني. شروق بفرحة: ياسر جه اتقدملي امبارح.

جنا بابتسامة: بتهزري؟ أخيراً يختي. ألف مبروك يا شوشو. شروق بمشاكسة: الله يبارك فيكي. عقبالك ي جوجو. فرت دمعة هاربة على خدها، فمسحتها سريعاً. شروق: بقولك صحيح، مش أنا هعمل الفحوصات اللي هي قبل الجواز دي؟ دول بيقولوا إجباري. ههه. بيني وبينك دي حاجة حلوة أهو نطمن على نفسنا. متيجي معايا أنا وماما. هنروح النهاردة بعد الدرس. جنا بلامبالاة: لا فكك. هاجي أعمل إيه؟ وبعدين أنا مش هتجوز خلاص. وهيكون فيا إيه يعني؟

أكيد سليمة يعني، دا كلام هبل وخلاص. شروق: يبنتي تعالي والله ما هتخسري حاجة. واهو تطمني على نفسك. وسِتي الكشف مش غالي أصلاً. هدفعلك أنا. جنا: لا لا بلاها فكك. أنا مروحة. شروق بحزن: والله ي جوجو لو مجيتيش معايا هزعل منك جامد. جنا بتردد: يووه ياشروق لازم تحلفي؟ خلاص يستي هاجي معاكي بس مش هكشف. شروق بفرحة: ماشي ماشي. بحبك يابنت قلبي. هاتي حضن كده. ابتسمت جنا على صديقة طفولتها ثم ضمتها بحب.

جنا: أنا هرن على ماما أقولها عشان م تقلقش عليا. شروق: تمام. وأنا كمان هرن ع ماما عشان تقابلنا. بالفعل وافقت والدة جنا. وقامت والدة شروق بمقابلتهما والذهاب إلى العيادة النسائية. في العيادة: الدكتورة: لا اطمني خالص الأنسة شروق سليمة يستي. ومفيش أي أمراض والرّحم تمام. مبروك يا آنسة. شروق بابتسامة: متشكرة يادكتورة. ووجهت الطبيبة كلامها لجنا: وأنتي يا آنسة مش هتكشفي؟ جنا: لا لا أنا جاية معاها.

شروق نظرت لها بترجّي: يابنتي مش هتخسري حاجة. الطبيبة: اطمني على نفسك بالمرة وانتي هنا. واهو توعية ليكي ومش هتخسري حاجة فعلاً زي ما صاحبتك قالت. تحت إلحاح الجميع وافقت جنا على مضض. بعد مدة: الطبيبة: انتي متأكدة ياحبيبتي إنك لسه بكرية؟ جنا وقد شحب لون وجهها بشدة: قصدك إيه يادكتورة؟ الطبيبة بحرج: قصدي إنك مش عذراء. جنا بشهقة: إيه؟ انتي بتقولي إيه يادكتورة؟ والدة شروق: بت يا جنا انتي ليكي في المشي البطال؟