رواية مأساة طفولتي الفصل الرابع 4 - بقلم جهاد رمزي

الطبيب بشفقة: البقاء لله، ماتت نتيجة جلطة في المخ. محمد بانهيار: لااااا، لأااااااه. أبوس ايدك م تقوليش إنها ماتت بسببى. أنا مستهلش إني أعيش. اااااه. والنبي رجعهالي ي دكتور. والله أنا مقدرش أعيش من غيرها. والنبي ي دكتور، هيبقى اتحرمت من أمي وأبويا. أبوس ايدك اعمل أي حاجة. الطبيب بتأثر: لا حول ولا قوة إلا بالله. يبني وحد ربنا كدا، ميجوزش عليها دلوقتي غير الرحمة. قوم يبني، ربنا يهديك. صلي وادعيلها. في المنزل عند جنا

كانت تكلم والدها ووالدتها فيديو كول على الكمبيوتر. جنا بمرح: والله ي مامى أنا مبسوطة خالص، مفيش حد زعلني هنا. بس انتو وحشتني أووي. هتيجي إمتى ي مامى؟ سراج والد جنا بمرح: وأنا ي ست جنا موحشتكيش بقا؟ تسيبى بابا، ي كلبة، وتروحي لعمتك. ماشي، لما أجلك. جنا بتذمر: ما إنت يا بابي اللي مسافر بعيد. مش كنت اشتغلت جنبنا هنا. سراج: سيبك إنتى ي ستي. مم، كل ده. إنتي عاملة إيه وعمتو حمو عاملين معاكي إيه؟

جنا بمرح: حمو بيحبني أووي ي بابي وبيجبلي كل حاجة نفسي فيها. وكمان عمتو بتحبني أووي وبتعملي كل الأكل اللي بحبه وبالتسريحات اللي بحبها. بس هي لما من ساعة ما تعبت، وأنا مشوفتهاش. وحشتني أووي ي بابي. سراج بحزن: معلش ي حبيبتي. وبعدين ما خلاص بقا، هي صحت بقا وهتخرج النهاردة. مش بتقولي حمو راح يجيبها. جنا بحماس: أيوه ي بابي، أنا فرحانة أووي إني هشوفها.

سراج بحب: ربنا يفرحك ديما ي ست جوجو. يلا روحي بقا، البسي هدوم حلوة أووي كده وحطي برفيوم عشان عمتو تيجي تلاقي جوجو برنسيسة. ابتسمت جنا بحب: ماشي ي بابي، مع السلامة. وخلي مامى متتأخرش عن كده بقا. أمل بحب وهي تستمع لها: حاضر ي جوجو، مش هتأخر ي حبيبتي. في المستشفى كان محمد قد هدأ قليلا بعد صلاته ودعائه لوالدته. قرر الاتصال بخاله لإخباره بوفاة أخته لحضور مراسم العزاء. محمد بصوت بح من كثرة البكاء: ا، إزيك ي خالي؟ عامل إيه؟

ومرات خالى أخبارها إيه؟ سراج: إزيك ي أبو حميد. عاش من سمع صوتك. ي عم، إيه أمك عاملة إيه؟ ابتلع محمد غصة مريرة في حلقه: أمي، ت، تعيش إنت ي، يا خال. سراج بصدمة: إنت بتقول إيه ي محمد؟ إنت مش كنت رايح تخرجها النهاردة من المستشفى؟ محمد بدموع متحجرة: قضاء ربنا ي خالى. إنا لله وإنا إليه راجعون. ثم انفجر في بكاء مرير لم يقدر على تمالك نفسه. سراج بدموع: لا إله إلا الله. طب أقفل، أنا هنزل أنا وأمل ع أول طيارة.

بالفعل نزل كلاهما سراج وزوجته، وقاموا بحضور العزاء. كانت جنا في حالة لا تقل انهيار عن محمد، فهي كانت تعشق عمتها بجنون. بعد مرور شهرين سراج: يعني خلاص ي محمد هتسافر؟ محمد: خلاص ي خالى، معدش فيه حاجة مستاهلة أقعد عشانها. سراج: طب يبني سافر معايا السعودية، واهو تكون جنبي وأعرف أطمن عليك براحتي. محمد: بالله عليك ي خالى، سيبني براحتي. أنا صاحبي بعتلي تأشيرة في إيطاليا وخلاص، أنا حسمت أمري.

سراج: ماشي يا حبيبي، مش هضغط عليك. روح ربنا معاك ي رب. جنا بدموع: خلاص ي حمو هتسيبني أنت كمان وتمشي؟ محمد بتأثر وحزن: معلش ي جوجو، أنا مضطر. بس بوعدك هرجع تاني وهكلمك ي ستي كل يوم وهجبلك حاجات كتير وجميلة من اللي بتحبيها. يلا اضحكي بقا. جنا بابتسامة منكسرة وهي تعانقه: هتوحشني أووي ي حمو. بادلها محمد العناق: وإنتي كمان هتوحشيني ي قلب حمو. بعد مرور ٩ سنوات

جنا: يا بنتي إنتي متعرفيش أنا بحب حمو قد إيه. يمكن أكتر من ما بتحبي سي ياسر بتاعك ده. شروق: يا بنتي إنتي مش بتطلي كلام عن حمو ده يختي. صدعتي دماغى بيه. ركزي ي هانم، السنادي ثانوية عامة مش أي سنة. جنا: يووه ي شروق، بقولك بحبه ي ستي. هو أي نعم مش بكلمنا غير كل شهر أو حاجة مرة، بس بستنى تليفونه بفارغ الصبر. إنتي متعرفيش حمو دا ي بنتي كان بيعشقني إزاي وأنا صغيرة.

شروق: أيوه دخلنا في مرشح. كل يوم. امشي ي بت بطلي لكاعة. طنط أمل هتجيبك من شعرك الدرس خالص. الساعة ١١ وإحنا الضهر هيأذن ولسه مروحتيش. دا إنتي هتتشلو،حي. جنا بمرح: هههه، لا م إنتي هتوصليني عشان مش هتهزأ لوحدي. في منزل جنا أمل: طمنيني عليك ي حبيبي. إيه إيطاليا حلوة وبنات إيطاليا حلوين؟ محمد بمرح: هههه، آه حلوين أووي. دا أنا حتى عاملك مفاجأة بخصوص الحوار ده. أمل بمشاكسة: لا، أوعى تقول هتعملها.

محمد بمرح: للأسف، أه. البركة في الست جوليا. أمل بفرحة: لولولوي، ألف مبروك يا ولا أخيراً. قطع كلامها دخول جنا. جنا بمرح: إيه الزغاريط دي يا ماما؟ هو بابا اتجوز عليكي ولا إيه؟ أمل: لا يا لمضة، دا محمد ابن عمتك هيتجوز.