رواية ماذا يسمى هذا العشق الفصل العشرون 20 - بقلم رحمة كريم

يونس بصدمة وخوف: عشق! يونس فضل يرن على عشق بس كان الخط مقفول. يونس نزل وهو بيجري، ركب عربية، اتصل بشخص. يونس بنرفزة: الرقم اللي هبعته لك دلوقتي تجيب لي خط سيره حالا، فاهم؟ يونس كان عارف مين اللي عمل كده. *** عبد الله: أخيرًا شفناك، بقالك شهر مش بتسأل. حلمي: بعدت عنكم خالص. عبد الله: ليه عملت كده؟ حلمي: لأن... انقطع كلامه، كسر باب الشقة. يونس كسر باب الشقة. يونس بعصبية: هاني فين؟ عبد الله: أنت إزاي تدخل كده؟

يونس بنرفزة: مش عايز أسمع صوت حد، قولوا لي فين هاني. هند: عايز منه إيه؟ يونس بعصبية: هاني خطف عشق. حلمي بصدمة: عشق اتخطفت؟ هند: وهو هيخطفها ليه؟ روح شوفها، يمكن هتلاقيها هربت مع حد غيرك. يونس ضربها قلم: اخرسي خالص، قولي هو فين. عبد الله: أنت إزاي ترفع إيدك على مراتي؟ يونس بعصبية: خايف على مراتك أوي، وبنتك في داهية. عبد الله: بنتي في داهية فعلاً، أنا مش عايزها. حلمي بنرفزة وعصبية: أنت إيه يا أخي، دي بنتك، ماتحس شوية.

يونس: أنا هجيبها، وأخوكي ده أترحم عليه. حلمي: أنا جاي معاك أجيب أختي. يونس وحلمي نزلوا وركبوا العربية. حلمي: أنا افتكرت حاجة. يونس: قولي بسرعة. حلمي: في مرة هاني خدني في شاليه في إسكندرية وقالي إن محدش يعرف المكان ده غيره، لما يحب يقضي يوم لوحده بيجي هنا، أكيد هو هناك. يونس: تعرف مكان الشاليه ده؟ حلمي: أيوه طبعًا. يونس جاله اتصال. الشخص: إحنا تتبعنا الرقم والرقم دلوقتي في إسكندرية.

يونس: اتصل على حمدي باشا وخليه يسبقنا بسرعة. *** في مكان تاني. الرجالة: حاجة تانية يا أستاذ هاني؟ هاني: لا، كده حلو أوي، امشوا دلوقتي وباقي فلوسكم هتوصلكم بكرة. الرجالة: أوامرك يا باشا. هاني قرب من عشق اللي نايمة: عشان تقولي لي أنا لأ. هاني مسك جردل مياه ساقعة ودلقها على عشق عشان تصحى. عشق قامت مفزوعة: أنا فين؟ أنا اللي جابني هنا؟ هاني بضحكة: صباح الخير يا عروسة. عشق: أنت جبتني هنا ليه؟

هاني: في حساب قديم بيني وبينك ولازم نخلصه، أنا وانتي. عشق بخوف: حساب إيه؟ هاني: أصل لما بحب حاجة باخدها، يعني باخدها. عشق بخوف: سيبني أروح، أرجوك. هاني: مش قبل ما أخلص اللي جايبك عشانه. هاني بدأ يقرب من عشق. عشق بصراخ: ابعد عني. هاني: صوتي زي ما أنتِ عايزة، مافيش حد هيسمع صوتك. عشق كانت بتضرب هاني برجليها. هاني مسك عشق من شعرها وبإيده التانية بيضربها بالقلم. عشق بصويت ووجع: سيبني في حالي. هاني بدأ يقطع ملابس عشق.

عشق بصويت: الحقوني. في اللحظة دي يونس كسر باب الشاليه. عشق بصويت وعياط: الحقني يا يونس. يونس مسك هاني وضربه بكل قوته. وهاني مسك يونس وضربه. فضل يونس وهاني يضربوا بعض لحد ما البوليس وصل وأخد هاني. حلمي دخل وشاف هدوم عشق متقطعة، قلع الجاكيت بتاعه ولبسه ليها. عشق كانت منهارة من العياط. يونس جرى على عشق وخدها في حضنه. يونس بقلق وخوف عليها: اهدي بس، عملك إيه الحيوان ده؟ عشق وهي منهارة من العياط: كان... كان عايز يغتصبني.

يونس بعصبية: وحياة أمه لأندمه إنه بس فكر إنه يلمسك. عشق وهي ماسكة في يونس وبتعيط: متسبنيش تاني، عشان خاطري. يونس وهو حاضنها: متقلقيش، مش هسيبك تاني أبداً. حلمي بخوف على عشق: أنتِ كويسة؟ عشق: الحمد لله. يونس: يلا يا عشق نروح. عشق بوجع: مش قادرة أمشي، ضربني جامد. يونس بعصبية: والله لأقطع إيده اللي اترفت عليكي. يونس حمل عشق بين إيده وركبها العربية. وحلمي ركب معاهم. *** لمياء وحمزة في المطعم. حمزة: عجبك المطعم؟

لمياء: جميل جداً. حمزة: كنت عايز أتكلم معاكي في موضوع. لمياء: كنت واثقة إن الخروجة دي وراها حاجة، اتفضل اتكلم. حمزة: انتي قولتي إنك مت عقدة من الرجالة من غير ما تدخلي في تجارب، بس حاسك مخبية حاجة. لمياء بتوتر: حاجة إيه؟ حمزة: من توترك عرفت إن في حاجة، قولي ومتخافيش. لمياء: هحكيلك بس توعدني السر ده محدش يعرفه غيرك. حمزة: أوعدك.

لمياء بعياط: أنت اتولدت بين أب وأم مش متفاهمين، عشت حياتي كلها بوجع قلب، عمري ما عرفت يعني إيه حنان أب ولا حنان أم. أبويا وأمي كانوا على طول يتخانقوا مع بعض ويفضلوا متخانقين فترة قصيرة. أنا في خلال الفترة دي بشوف إهانة محدش بيشوفها. أمي مكانتش تعرف تاخد حقها من أبويا، كنت أي كلمة أقولها تتخانق معايا فيها، مش طايقة أقول كلمة. كانت بتضربني جامد على أساس إنها بتعلمني الأدب والأخلاق، بس هي لو كانت جت واتكلمت معايا براحة

تعرفني غلطي كنت اتعلمت. عمرها ما خدتني في حضنها. كانت تطلع غضبها في أبويا عليا أنا. أما بقى بابا فهو كان عصبي أوي، عمره ما عرف يحتويني ولا يصاحبني زي أي أب وبنته. كنت بشوف صحابي في المدرسة أبوهم جاي ياخدهم من المدرسة يلعب معاهم وأنا كنت أروح لوحدي. عمره ما فكر ياخدني في حضنه. لما وصلت لسن المراهقة، السن اللي بتبقى فيه البنت محتاجة لراجل في حياتها، كنت محتاجة أبويا بس مكنش موجود معايا. كنت لما بزعل محتاجة حضنه يدفيني

بس مكنتش بلاقيه. تعبت في حياتي أوي. بالرغم من كل ده أنا بحبهم وعمري ما عرفت أكرههم، بس مش مسامحاهم.

حمزة وهو بيمسح دموعه: مفكرتيش تدخلي في علاقة؟ لمياء بعياط: من حوالي 3 سنين اتعرفت على شخص واتصاحبنا شوية وبعدين حبينا بعض، أنا حبيته جداً، قولت ده بقى هيعوضني شوية، بس للأسف طلع بيلعب بيا وبمشاعري، طلع كان متصاحب على 15 بنت قبلي يتسلى شوية وبعدين يسبها، بيلعب بمشاعرهم. حمزة: مش شرط عشان شخص واحد وحش يبقى الكل كده، لازم تعيشي حياتك وتتجوزي. لمياء بزعل: أتجوز ليه؟ عشان أخلف بنت زيي تتطلع معقدة زيي؟

حمزة: ده بيكون اختيار غلط. لمياء: اختيار غلط واحنا إلى بندفع التمن، إحنا الضحايا بين الطرفين. حمزة وهو بيمسح دموع لمياء ومسك إيدها: أوعدك إني هفضل جنبك لآخر نفس في عمري. لمياء: ليه هتعمل كده؟ يا ترى شفقة عليا؟ حمزة: مش شفقة، بس ممكن عشان حكايتك قريبة من حكايتي شوية. لمياء: إزاي يعني؟ حمزة بحزن: لأني وأنا عندي 10 سنين أبويا وأمي عملوا حادثة وماتوا. ساعتها عشت مع عمي بس معرفش يعوضني عن حنان أهلي. لمياء: ربنا يرحمهم.

حمزة: يمكن عشان كده مش هسيبك. لمياء: خايفة تزهق مني. حمزة: مش هعرف للأسف. لمياء: إيه اللاسف دي بقى؟ حمزة: يا بنتي، أنتِ متعرفيش تهزري أبداً. لمياء: تؤتؤ. حمزة: والله شكلك هتتعبيني معاكي. *** يونس وهو شايل عشق ودخل بيها القصر وأدخلها أوضته. عشق كانت ماسكة في يونس أوي: ماتسبنيش تاني. يونس كان لأول مرة يحضنها: متخافيش، مش هسيبك تاني. عشق بعياط: هو أنا بيحصل معايا كل ده ليه؟ أنا عمري ما اتمنيت الأذى لحد، يبقى لي كده؟

يونس: متزعليش، أنا جنبك. عشق بعياط: أنت كمان شوية وهتسبني. يونس: مش هسيبك والله مش هسيبك. الوقت اللي مكنتيش فيه معايا عرفت إني مقدرش أعيش من غيرك ولا أبعد عنك. أنا اكتشفت النهاردة إني بحبك. أنا بحبك يا عشق. عشق مش مستوعبة: أنت في وعيك للكلام ده؟ يونس: أنا واعي للكلام ده كويس، أنا بحبك يا عشق ومش هقدر أبعد عنك تاني. عشق بكسوف: أنا بحبك يا يونس. يونس بدأ يقرب منها. قاطعهم خبطة الباب. دق دق دق. يونس: مين الرخم ده؟

يونس فتح الباب لقى حلمي. حلمي: من فضلك عايز أتكلم مع عشق شوية. يونس: اتفضل. حلمي بزعل: حقك عليا يا عشق، أنا آسف في كل اللي عملته معاكي، أتمنى إنك تسامحني، أنا اتغيرت خالص والله. عشق: أنت سبتني في أوقات كنت محتاجاك معايا فيها، صدقت إني السبب في موت أمي، أنا مش هعرف أزعل منك يا أخويا. حلمي حضن عشق وهي بدلته نفس الحضن. عشق: ربنا يخليك ليا أجمل أخ. يونس بغيره: مش كفاية بقى، ابعد عن مراتي أحسن لك. حلمي: دي أختي وبراحتي.

يونس: ابعد عنها، أختك أه بس متحضنهاش تاني. حلمي: أختي يا عم. عشق: في إيه يا يونس، ده أخويا. يونس قرب من عشق وحضنها: محدش غيري بس اللي يقرب منك، فاهمه. حلمي: أنا لازم أروح بقى لأن مش بحب اللحظات الرومانسية دي. يونس: أحسن في داهية. عشق: هزعل يا يونس، ده أخويا. يونس: وأنا مقدرش أزعلك أبداً. عشق: طب أنا عايزة أنام لأني تعبانة أوي. يونس: وأنا هنام جنبك. عشق: لا بلاش، روح شوف شغلك اللي أنا عطلته. يونس: كله يهون عشانك.

عشق بكسوف: يعني كنت لازم أتخطف عشان تقول الكلام الحلو ده؟ يونس: كنت خايف أقولك الكلام ده، بس لما حسيت إنك هتضيعي مني قولت لازم أقولك على كل اللي في قلبي. عشق بكسوف: والله كلامك أنا مش مصدقاه، بس مش هعرف أرد عليك لأني مش بعرف أقول كلام رومانسي وكده. يونس بضحكة: مش بتعرفي؟ خليكي عارفة إن بعد كده مش هتقولي لي كلام غير رومانسي بس. عشق: عايزة أنام بقى، تعبانة. يونس خدها في حضنه: يلا نامي. عشق: طب ابعد عشان أنام.

يونس: لا، ما هو من النهاردة وإنتي هتنامي في حضني. عشق: مش هتزهق؟ يونس: مقدرش أزهق منك. *** نيروز كانت قاعدة بتتفرج على سنو وايت وكانت حاطة قدامها شيبسي كتير، شوكولاتة كتير، وعصير ومناديل. نيروز بعياط وصوت عالي: لا يا شريرة ابعدي عن سنو وايت. ليام جه على صوتها. ليام: في إيه؟ صوتك عالي ليه؟ نيروز بعياط وهي بتاكل: الحق، عايزة تقتلني. ليام بخوف: مين دي وعايزة تقتل مين؟

نيروز بعياط: الست الشريرة عايزة تقتل سنو وايت عشان أحلى منها. ليام بضحك: يعني أنتِ متأكدة إنك طبيعية؟ ده فيلم كرتون. نيروز: ماليش في، خليها تبعد عن سنو وايت. ليام بضحك على نيروز: وإيه كل الأكل ده؟ نيروز: مالكش دعوة، أنا لما بتفرج على كرتون باكل. ليام: خلاص هقعد معاكي. نيروز: ماشي. نيروز بعياط: شفت؟ سنو وايت ماتت أهي. ليام: متقلقيش يا حبيبتي، الأمير هيجي وينقذها. نيروز: بجد؟ إزاي؟ ليام بتوتر: يعني هو، اتفرجي، شوفي.

جاء مشهد الأمير وهو بيقبل سنو وايت. نيروز وليام بصوا لبعض بكسوف وو...