رواية ماذا يسمى هذا العشق الفصل التاسع عشر 19 - بقلم رحمة كريم

رضوى انصدمت لما شافت زياد حاضن السكرتيرة. رضوى وقعت الورد وجريت. زياد شافها وهي بتجري عرف إنها كانت شافته. زياد جرى وراها. رضوى راحت مكتبها وهي منهارة من العياط. زياد دخل مكتب رضوى. زياد: رضوى اهدي اسمعي بس. رضوى بعياط: اسمع إيه؟ انت واحد سافل عشان كده كنت مفكرني زيهم. انت أحقر واحد شوفته في حياتي. زياد وهو ماسكها من إيدها بعنف: اسمعي بقى أنا هقول. رضوى بعياط: ابعد عني. زياد: مش هبعد، مقدرش. أنا بحبك.

رضوى بعياط: وهو اللي بيحب حد بيخونه؟ زياد: غصب عني، انتي متعرفيش حاجة. رضوى بعياط: مش عايزة أعرف حاجة، ابعد عني. زياد: متعمليش فيا كده يا رضوى، أنا عمري ما حبيت زيك ولا هحب. رضوى بعياط: كلمة بحبك دي مش مجرد كلمة، دي بالفعل. وانت اثبت ليا إنك ما تستحقش الكلمة دي. زياد: سامحيني عشان خاطري. رضوى وهي بتضرب زياد في صدره: انت وجعتني، عايزني أسامحك إزاي؟ ابعد عني بقى. زياد بندم: آسف يا رضوى.

رضوى: كلمة آسف مش هترجع اللي انكسر بينا. زياد خرج من مكتب رضوى وهي منهارة في العياط. *** عشق ويونس في العربية. عشق كانت بتترعش: أنا خايفة أطلع. يونس: متخافيش، أنا معاكي. عشق: خايفة مرات أبويا تعمل فيا حاجة. يونس بعصبية: متقدرش تلمسك، لأن اللي يفكر يلمسك يبقى حكم روحه بالموت. عشق: طب تعال نطلع بقى. يونس: اطلعي، هركن العربية وأجيلك. عشق طلعت على بيت والدها. دق دق دق. فتح هاني الباب. هاني بسعادة: عشق وحشتيني أوي.

هاني شد عشق لحضنه. هاني: أطلقتي منه وجيتيلي؟ وحشتيني أوي. عشق كانت بتحاول تضربه ومش عارفة. يونس شافه وهو حاضن عشق كأن انفجار حصل. يونس مسك هاني وفضل يضربه بالبوكس لحد ما نزف دم. هند: في إيه؟ بتضربه ليه؟ ابعد عنه. عشق مسكت إيد يونس. عشق: خلاص يا يونس، سيبه. يونس بعد عنه. يونس بيتكلم بنرفزة: ده عشان تحاول تقرب من مراتي تاني. هند: انتي جيتي هنا تاني ليه بعد اللي عملتيه؟ اطلعي بره. عشق: جايه أشوف أبويا، مش جايه عشانه.

هند: وأبوكي مش عايز يشوفك. عشق بزعيق: بابا يا بابا. عبدالله: عايزة إيه يا عشق؟ عشق: وحشتني يا بابا. عبدالله: أنا مش أبوكي، أنا بنتي ماتت خلاص. عشق بعياط: متقولش كده يا بابا، عشان خاطري. عبدالله: اطلعي بره يا عشق. يونس: يلا يا عشق، كفاية كده. عشق ويونس كانوا خارجين بره البيت. وقفهم كلام هاني. هاني بألم: مش هخليك تتهني عليها، هوجعك عليها. عشق مش هتكون لحد غيري. يونس كان هيضربه بس مسكت عشق إيده.

عشق بحزن: كفاية لحد كده يا يونس، مش عايزة مشاكل أكتر من كده. بعد ما عشق ويونس خرجوا من البيت. هند: قولتلك نفذ الخطة، وانت معملتش كده. هاني: مستني وقت، هي مش بتخرج من البيت خالص، أو ماتخرج هنفذ الخطة. هند: لما نشوف. *** في المساء. نيروز بتجهز نفسها عشان العريس. نيروز خرجت من أوضتها، كانت لابسة فستان أحمر ولفه شعرها لورا، كانت جميلة جداً. نيروز خرجت من أوضتها. ليام لما شافها كان مبهور بيها جداً.

جه العريس واتفقوا على كل حاجة. ليام كان قاعد دموعه بتنزل. أم نيروز: الفرح بعد شهر والخطوبة بعد أسبوع. أم العريس: وماله، أيمن ابني جاهز من كل حاجة. أم نيروز: نقرأ الفاتحة. نيروز كانت مخنوقة جداً، بتعمل حاجة هي مش راضية عليها. ليام: عن إذنكم. أم نيروز: مش هتقرأ الفاتحة معانا؟ ليام: معلشي، تعبان شوية. ليام دخل قعد في البلكونة باصص للسماء ودموعه نازلة.

"حبي ليكي كان وهم في الأحلام، لكن الواقع إنك هتكوني لغيري. حبيتك من قلبي وروحي، تعلقت بيكي، قلبي قفلته بقفل مفتاحه معاكي." *** حلمي بدل شقته بشقة آخرى. حلمي كان واقف في البلكونة سمع صوت شهقات وعياط في البلكونة اللي جنبه. شاف من هذا الذي يبكي. إنها الفتاة التي سحرت قلبه من يومين. حلمي: انتي كويسة يا آنسة؟ سمرا بعياط: انت بتعمل إيه هنا؟ حلمي: جارك الجديد هنا. انتي مالك؟ سمرا بعياط: قلبي وجعني أوي. حلمي: ليه؟

مين واجعلك قلبك؟ سمرا بحزن: قلبي وجعني على حبيبي أوي. حلمي: انتي عندك حبيب؟ سمرا بحزن: كان عندي حبيب. حلمي: وسابك ليه؟ سمرا بحزن: مات، سابني موجوعة وقلبي مكسور. حلمي: ماهو مكانش بأيده يسيبك. ربنا أخده لمكان أحلى من ده. على الأقل ما فيهوش ظلم. سمرا: حبيته أوي ومش عارفة أعيش حياتي. حلمي بحزن: كل ما تعوذي تتكلمي معاه، بصي للسماء على النجوم واتكلمي معاه، هو سامعك. أنا بعمل كده. سمرا: ليه؟ انت حبيبتك ماتت؟

حلمي بحزن: أكتر من حبيبتي، دي أمي. سمرا: آسفة، بس اتأكد إنها في مكان كويس. حلمي: يارب. شكلك باين عليه التعب أوي. سمرا: من بعد ما مات وأنا تعبانة. حلمي: غلط جداً اللي بتعليه في نفسك. سمرا: عارف، لما روحك تروح منك، ده اللي أنا حاسة بيه. حلمي: هو زمانه شايفك، بس زعلان منك بسبب الحالة اللي انتي فيها دي. سمرا: وأنا مش هعرف أزعله مني. هبدأ حياتي من جديد، بس مش هعرف أنساه. حلمي بحزن: مع كده إنك مش هتتجوزي؟

سمرا: مش هعرف أكون مع حد غيره. حلمي بحزن: للدرجة كنتي بتحبيه؟ سمرا بعياط: إحنا كنا زملا في الجامعة أربع سنين. كل واحد فينا حب الثاني من طرف واحد، من غير ما حد فينا يقول للتاني. وصارحني السنة دي بحبه ليا وجهزنا كل حاجة لخطوبتنا ومات قبل خطوبتنا. حلمي: متزعليش، ربنا قادر يعوضك عن كل الألم ده. سمرا: يارب. هو حضرتك ساكن هنا مع المدام والأولاد؟ حلمي: أنا مش متجوز. سمرا: ربنا يبعتلك بنت الحلال. حلمي: ينفع أطلب منك طلب؟

سمرا: اتفضل طبعاً. حلمي: ينفع كل يوم أوصلك بعربيتي؟ هي أوبر يعني، مش بعاكس. سمرا: لو مش هضايقك؟ حلمي: تضايقني؟ ده أنا هكون مبسوط أوي. سمرا: شكراً ليك بجد. في نص الساعة دي خرجتني من مودي الوحش. حلمي: عايز أقولك حاجة، ربنا ساعات بيبعت لينا ناس بيكونوا مصدر سعادتنا في الحياة. سمرا: عندك حق. بتمنى إن ربنا يبعتلي اللي يخليني مبسوطة. حلمي في نفسه: ربنا شاهد، أنا هخليكي ترجعي أحسن من الأول. *** في العربية.

عشق: ممكن يا يونس أقولك حاجة؟ يونس: قولي. عشق: ممكن تركن العربية في أي حتة وننزل نتمشى على الكورنيش شوية؟ يونس: بس كده؟ انتي تؤمري. يونس ركن العربية وفضلوا يمشوا هما الاتنين. يونس: قوليلي بقى، متضايقة ليه؟ عشق بحزن: مش عايزني أضايق إزاي بعد كل اللي بيحصل في حياتي؟ يونس: اللي بيحصلك في حياتك ده اختبار من ربنا، ولازم تنجحي فيه.

عشق بعياط: بس ده اختبار صعب أوي. تعبت من اللي بشوفه من حياتي. أنا كده خلاص، ماليش ضهر أتسند عليه. يونس وهو بيمسح دموعها: متقوليش كده، أنا هفضل سندك لآخر نفس في عمري. عشق: انت إزاي كده؟ يونس: يعني إيه؟ عشق: ساعات أحسك خايف عليا، وساعات أشوفك كارهني. يونس: أنا مش بكرهك، فيه شعور بحس بيه تجاهك مش فاهم الشعور ده إيه. عشق: الجو برد أوي.

يونس: فهمتك. على فكرة في الأفلام لما البطلة تقول للبطل بردانة، بيديها الجاكت بتاعه. عايز الجاكت بتاعي؟ عشق بضحك: فاهمني غلط والله. يونس قلع الجاكت: اتفضلي يا ستي. عشق: شكراً بجد. يونس: تحبي تروحي؟ عشق: لا، أنا مبسوطة وأنا ماشية. فجأة الدنيا بدأت تمطر. يونس: عجبك كده؟ شايفه المطر. عشق بضحك: احكيلك حاجة، بس بلاش تريقة عليا. يونس: قولي، ومش هتريق.

عشق: زمان أيام الثانوي كان عندي امتحان وخلصت الامتحان وكنت مروحة مع صحابي. فا الدنيا مطرت جامد أوي. بقينا نجري في الشارع وهدومنا كانت مليانة بالمياه وجرينا في الشوارع. أتمنى ترجع الأيام دي تاني. يونس: هاتي إيدك. عشق باستغراب: ليه؟ يونس: هنرجع الماضي. عشق: انت بتهزر صح؟ يونس: مش بهزر. تعالى نجري لحد الشجرة اللي هناك دي. عشق: متأكدة إني هسبقك؟ يونس: مش هتقدري، أنا أسرع منك. عشق: لما نشوف. 1, 2, 3. عشق ويونس جريوا.

عشق ويونس وهما بيجروا، عشق اتكعبلت ووقعت في الطين في الأرض. ويونس وقع فوقيها، صار هو فوق وهي تحت. عشق ويونس كانوا سرحانين في عيون بعض. بعد فترة يونس فاق من سرحانه. يونس بضحك: أنا مش مصدق اللي أنا فيه. هدومنا غرقانة مياه وطين. هنروح إزاي دلوقتي؟ عشق بضحك: على قد شكلنا ده، بس أنا مبسوطة أوي. يونس مسك إيد عشق وبيلفها. عشق بضحك: بتعمل إيه؟ يونس: عشان تنبسطي أكتر. عشق بضحك: خلاص تعبت، كفاية لحد كده.

يونس: خلاص يلا نروح. كح كح كح. عشق: انت بردت ولا إيه؟ يونس: أظاهر كده. عشق: خلاص يلا نروح. *** في صباح تاني يوم. يونس: كح كح كح. عشق بقلق: آسفة، كل ده بسببي أنا. يونس: فداكي أي حاجة، المهم إنك انبسطي. عشق: كنت مبسوطة جداً. ممكن أطلب طلب؟ يونس: أؤمري. عشق: كنت عايزة أنزل أشتري كتبي. يونس: كتب إيه؟ مش خلصتي امتحانات؟ عشق: أيوه خلصت، بس عايزة أشتري كتب روايات وأشعار. يونس: انتي بتحبي تقرأي روايات؟

عشق: أيوه، كنت كل ما أقرأ رواية ولا ألاقي البطل بيحب البطلة، كنت بحلم ببطل زيه. يونس: اشمعنى؟ عشق: البطل بشوفه بيحب البطلة وبيغير عليها ويعملها مفاجآت ويسفرها، بس طلع ده في الروايات بس. يونس: وليه متقوليش إننا ممكن يكون في الواقع؟ عشق: مفيش حد كده. يونس في نفسه: وعد مني يا عشق، هخليكي تعيشي زي ما تتمني زي الروايات. يونس: خلاص روحي، بس خدي بودي جارد معاكي. عشق: من فضلك يا يونس، عايزة أروح لوحدي من غير بودي جارد.

يونس: خلاص، براحتك. *** حمزة: عايز أطلب منك طلب يا لمياء، بس ما تفهمينيش غلط. لمياء: على حسب الطلب. حمزة: عايز نطلع نتغدى بره. لمياء: انت عارف الحكاية. حمزة: حاولي ابعدي خوفك من الرجالة ده خالص. لمياء: موافقة. ماشي، بس منتاخرش. حمزة: أوامرك يا سيدتي. *** يونس اتصل على عشق ليطمئن عليها. يونس: ها يا عشق، خلصتي ولا لسه؟ عشق: أيون خلصت وماشية في الشارع أهوه. يونس: خلي بالك من نفسك. عشق: متقلقش عليا، بس بتقول كده ليه؟

يونس: معرفش، بس فيه شعور بالخوف. عشق: متقلقش، جايه حالا. يونس وهو بيكلم عشق سمع صوت صيتها. عشق بصويت: الحقوني. يونس بصدمة وخوف: عشششششقي.