رواية ماذا يسمى هذا العشق الفصل الرابع عشر 14 - بقلم رحمة كريم

نيروز بصدمة وصوت عالٍ: حبيبتي مين دي؟ ليام: في إيه مالك يا نيروز؟ نيروز بعصبية: قولي حالاً مين حبيبتي دي. ليام: لينا. نيروز بعصبية: وأنا كده عرفت مين لينا. ليام بكذب: لينا خطيبتي. نيروز بذهول: خطيبتك؟ هو أنت خاطب؟ ليام: أيوه خاطب. نيروز وهي تحبس دموعها: طب أنت ليه من ساعة ما جيت ما قلتليش؟ ليام: محدش سألني، هو انتي اتضايقتي؟ نيروز بكذب: وأنا هضايق ليه، مبروك. ليام: الله يبارك فيكي. نيروز: مش هتخليها تيجي عشان نشوفها؟

ليام: لأ ما هي جاية الأسبوع الجاي. نيروز: ربنا يرجعها بسلامة. نيروز سابته ودخلت أوضتها نامت على السرير وهي منهارة في العياط. نيروز بعياط: يعني هو خاطب وهيتجوز؟ طب ليه مقالش ليا ولا قال لحد قبل ما أحبه؟ أنا حبيته من قلبي، أول مرة أحب حد، يعني هو أول في حياتي، بس انجرحت. ده آخره الحب من طرف واحد. هو مش الغلطان، أنا اللي غلطانة إني حبيته قبل ما أعرف إذا كان بيحبني ولا لأ. أنا هحاول أشيله من قلبي للأبد خالص. ***

لمياء كانت بتشتغل في الشركة. كانت بتشتغل لحد ما زملاؤه أخبروها إن في شاب هيشتغل في نفس قسم لمياء. لمياء: وده بقى يا ترى هيكون فاهم في الشغل ولا هيطلع عيني؟ شخص: لا متقلقيش، أنا فاهم كويس أوي في الشغل. لمياء بشهقة: أنت مين؟ وإزاي دخلت كده؟ الشخص: أنا أبقى حمزة، متعين جديد هنا وهشتغل معاكي في القسم بتاعك. لمياء وهي بتربع إيديها: ويا ترى بقى بتفهم في الشغل ولا محتاج أفهمك وهتتعبني معاك؟ حمزة: ده انتي اللي هتتعلمي مني.

لمياء: بيعجبني في الناس الثقة الزيادة أوي في نفسهم، وفي الآخر بيطلعوا غلط. حمزة: لا أنا لما بقول كلام ببقى فاهم فيه كويس جداً. لمياء: طب دول حسابات الشركة آخر شهر، عايزاك تراجع عليهم ملف ملف وحساب حساب، وتشوف لو في غلط في الحسابات. حمزة وهو بيبلع ريقه بصعوبة: دول ملفات كتيرة أوي. لمياء بضحكة: لحقت تخاف من الأول؟ حمزة قلع الجاكيت بتاعه: أنا مبخافش وأقدر أعمله في ساعة واحدة. لمياء: طيب معاك ساعة واحدة توريني خلصتهم.

بعد ساعة: حمزة: خلصتهم، اتفضلي شوفيهم. لمياء: كويس خلصت في الساعة بالظبط. حمزة: منا قولتلك، أنا دايماً قد كلمتي. لمياء: بس ياريت تكون دايماً كده، ميبقاش في الأول بس. حمزة: هتعرفي مع الوقت. *** عشق كانت قاعدة على سريرها تعبانة وزهقانه. يونس دخل الأوضة بدون ما يكلمها كلمة واحدة، فتح خزانه الملابس لتغيير ملابسه. عشق اتضايقت جداً لما شافته متكلمش معاها كلمة، كانت مخنوقة أوي.

عشق قامت من على السرير، مكانتش قادرة تقوم، عشق كانت دايخة. أول ما مشيت خطوة وبعدين مسكت في الطاولة. يونس بخوف عليها: انتي إيه اللي قومك من على سريرك؟ عشق: زهقت من قعدة السرير، عايزة أنزل تحت. يونس: استنى أساعدك تنزلي تحت. عشق: مش عايزة مساعدتك، أنا هعرف أنزل لوحدي. يونس بعصبية: اسمعي الكلام، فاهمة؟ عشق: وأنا محدش يزعقلي، فاهم؟ يونس: نعم؟ انتي مراتي. عشق: وده لفترة مؤقتة. يونس: في خلال الفترة دي تسمعي كلامي، فاهمة؟

عشق: وأنا هسمع كلامك، بس متكلمش معايا كلمة واحدة، وانت هتنام على السرير وأنا على الكنبة. يونس: انتي محسساني إني عايز أتكلم معاكي، ثانياً انتي وأنا هننام في سرير واحد. عشق: وأنا جمبك ليه؟ هنام على الكنبة هنا. يونس: اسمعي الكلام اللي قولته، فاهم؟ يونس بدل ملابسه. عشق: أنت رايح فين؟ يونس: خليكي في حالك، وماتسأليش أنا رايح فين ولا راجع منين، فاهمة؟ عشق بعياط: حاضر.

عشق سابته ودخلت البلكونة وكانت بتنظر في السماء، شافت القمر طالع. عشق بعياط وهي بتنظر في المساء: قلبي واجعني أوي، عمري ما اتمنيت حاجة واتحققت، كأن الدنيا مش عايزاني أفرح في يوم، تعبت من الحزن والفراق، حبيته ومش حاسس بيا، عايزاك حبيبي. فاكرتك هتكون أماني وهتعودني عن حياتي اللي فاتت بدونك، جرحتني غلط لما حبيتك، كنت أتمنى تحبني. يارب لو هو مش بيحبني شيله من قلبي. *** نيروز كانت قاعدة في البلكونة.

ليام: بتعملي إيه يا نيروز؟ نيروز: أنت شايف إيه؟ ليام: شايفك قاعدة وبتشربي شاي. نيروز: أومال بتسأل ليه بقى؟ وانت؟ ليام: خلاص يا ستي مقصديش، ينفع أقعد معاكي؟ نيروز: اتفضل. ليام: نيروز هو انتي... نيروز بمقاطعة: أنا ما بطلع البلكونة بقعد أتفرج على النجوم وأسمع أم كلثوم. تسمع معايا؟ ليام: ماشي، شغليها، أنا بحبها. يا حبيبي يا حبيبي يا حبيبي الليل وسماه ونجومه وقمره، قمره وسهره وإنت وأنا يا حبيبي أنا يا حياتي أنا

يا حبيبي يا حبيبي الليل وسماه ونجومه وقمره، قمره وسهره وإنت وأنا يا حبيبي أنا يا حياتي أنا كلنا، كلنا في الحب سوا والهوى آه منه الهوى الهوى آه منه الهوى، آه منه الهوى، آه منه الهوى سهران الهوى يسقينا الهنا ويقول بالهنا والهوى آه منه الهوى والهوى آه منه الهوى، آه منه الهوى، آه منه الهوى سهران الهوى يسقينا الهنا ويقول بالهنا يا حبيبي يلا نعيش في عيون الليل يلا نعيش في عيون الليل ونقول للشمس تعالي، تعالي

بعد سنة، مش قبل سنة تعالي، تعالي، تعالي، تعالي بعد سنة، مش قبل سنة دي ليلة حب حلوة بألف ليلة وليلة، ألف ليلة وليلة، ألف ليلة وليلة ألف ليلة وليلة، ألف ليلة وليلة، ألف ليلة وليلة بكل العمر، هو العمر إيه غير ليلة زي الليلة، زي الليلة، الليلة زي الليلة ليام: ده انتي طلعتي رومانسية بقى وأنا معرفش. نيروز: مش شرط رومانسية عشان بسمع أغاني رومانسية. ليام: عايز أسألك سؤال. نيروز: أمم، قول بسرعة. ليام: انتي دبش ليه؟

نيروز: أنا دبش بس مع اللي ما يستاهلش واللي يجوا عليا. ليام: وانتي بقى دبش معايا ليه؟ هو أنا جيت عليكي ولا مستاهلش؟ نيروز: مين قالك إني دبش معاك؟ ليام: طريقة كلامك بتقول كده. نيروز: طريقة كلامي كده مع الكل، لكن الدبش بتكلمه مع ناس محددة بس. ليام: يعني انتي مش زعلانة مني في حاجة؟ نيروز: أنا أبداً، تؤ تؤ، عمري. ليام: يعني مثلاً مش زعلانة لأنك عرفتي إني خطبت؟ نيروز بكذب: لأ، وأنا أزعل ليه؟

ده أنا فرحانة ليك أوي، ما انت زي أخويا. ليام: أخوكي؟ نيروز: أيوه أخويا، وأتمنى ليك الخير كله. ليام: ربنا يخليكي، ما انتي زي أختي. (الاتنين دول زهقت منهم، الاتنين بيحبوا بعض بس بيكابروا) *** يونس رجع القصر وكان سكران. دخل شاف عشق نايمة في البلكونة وبتترعش. يونس شال عشق بين يديه ونام على السرير، ونام جنبها. في صباح تاني يوم: عشق بصدمة على اللي شافته.