رواية ماذا يسمى هذا العشق الفصل الثالث عشر 13 - بقلم رحمة كريم

يونس بصدمة وخوف: عشقي يونس يرى عشق تسقط بين يديه. هالة: حاولت تفوق عشق. عزيز: شالها وطلعها أوضتكم، وأنا هتصل بالدكتور. يونس: عايز دكتورة مش دكتور. يونس يحملها بين يديه الاثنين، خائف عليها قوي، أول مرة يخاف على حد كده. يونس وضعها على السرير وماسك إيدها وقاعد جنبها خايف عليها. إحساس جواه مش عارف إيه الإحساس ده. الدكتورة جت وطلعتهم كلهم بره الأوضة. الدكتورة خرجت. يونس بخوف في قلبه: دكتورة هي مالها؟

الدكتورة: هي الصدمة عصبية شديدة، هي سمعت أو شافت حاجة ضايقتها. يونس: أيوه. الدكتورة: حاولوا تبعدوا عنها أي زعل، أنا علقت ليها تحاليل دلوقتي، هي هتبقى كويسة. يونس دخل الأوضة عند عشق، شايفها نايمة ودموعها على خدها. يونس ماسك إيدها: أنا معرفش أنا خوفت عليكي كده لي، عمري ما خوفت على حد كده، في حاجة بتشدني ليكي، فوقي، أنا حاسس إني... قاطعه كلامه لما شاف عشق بتفتح عيونها. يونس: انتي كويسة؟

انتي مش عارفة أنا كنت خايف عليكي إزاي، كنت خايف يحصلك حاجة. عشق بعياط: متخافش أنا كويسة. يونس وهو بيمسح دموعها: انتي بتعيطي ليه؟

عشق بعياط: لأني لوحدي، اللي شوفته في حياتي واجعني قوي، من بعد موت أمي وأنا مكسورة، في وقت أنا محتاجة لحد يعوضني عن فراق أمي. أبويا اتجوز ومحاولش يعوضني عن فراق أمي، ومراته كانت دايماً تهيني وتوجعني بكلامها، كنت خدامة عندهم. ولا أخويا اللي كان من واحنا صغيرين كان سندي في الدنيا، بس بعد موت أمي وهو سايبني لوحدي مفكرني إني السبب في موت أمي، مع إني أنا كنت محتاجة لأخويا، بس هو سابني، ولا كمان اتجوز حد بيكرهني، هبقى أعيش لي أنا عايشة في الدنيا دي لي؟

كل حاجة بتمنها مش بتحصل وبيحصل العكس، لي بيحصل معايا كده. عشق كانت منهارة في العياط. يونس خدها في حضنه: اهدي، أنا معاكي، محدش هيقدر يعملك حاجة طول ما أنا موجود معاك. عشق حضنت يونس هي كمان، حست في حضنه الأمان اللي كانت فقدته. يونس حس في حضنها الحنان اللي فقده بعد أمه. عشق بعياط: عايزاك توعدني بحاجة. يونس: أوعدك بإيه؟ عشق بعدت عن حضنه ومسكت إيده: توعدني إنك مش هتسبني أبداً مهما حصلي. يونس: مش عايز أوعدك بكده. عشق: ليه؟

يونس: مش عايز أظلمك معايا. عشق: تظلمني بإيه؟ يونس: أنا مش هعرف أحبك ولا إننا نكمل مع بعض كتير. عشق بعياط: هتسبني زيهم، كنت عارفة، هتطلقني إمتى؟ يونس: بعد سنة. عشق: ماشي. عشق كانت هتقوم من على السرير. يونس: رايحة فين؟ عشق: هروح أنام على الكنبة. يونس بعصبية: اقعدي هنا، متقوميش غير لما تقوليلي. عشق: انت مالك بيا، سيبني في حالي. يونس بعصبية: اسمعي الكلام، فاهمة. باب الغرفة بيخبط. دق دق دق. كانوا هالة وعزيز ورضوى.

هالة: ألف سلامة عليكي يا عشق، انتي كويسة دلوقتي. عشق: الحمد لله. رضوى: كده برضه تخضيني عليكي، ألف سلامة عليكي. عشق: آسفة إني تعبتكم معايا. عزيز: تعب إيه يا بنتي، إحنا دلوقتي أهم حاجة إننا نطمن عليكي. عشق: ربنا يخليكوا يا عمي. يونس: أنا رايح الشركة دلوقتي. عزيز: هتروح وتسيب مراتك تعبانة. عشق: لا يا عمي، أنا كويسة، خليه يروح يشوف شغله. يونس: عن إذنكم. *** لؤي وصل رحمة جامعتها. لؤي: لما تخلصي هاجي أوصلك.

رحمة: بس أنا مش عايزة أتعبك. لؤي: أتعبيني على طول لو عايزة. رحمة: شكراً. رحمة دخلت الجامعة وكانوا كلهم بينظروا لرحمة نظرات غريبة لأنها مش شبههم. لارا: HI what your Name (أهلاً ما اسمك) رحمة: أنا اسمي رحمة. لارا: انتي بتتكلمي عربي؟ رحمة: نعم. لارا: أنا لارا، ممكن نكون أصدقاء، أنا من وقت ما جيت وأنا ببحث عن شخص يتحدث عربي. رحمة: يعني انتي مش من هنا؟ لارا: لا، أنا جيت هنا عشان أتعلم فقط. رحمة: يعني انتي مصرية؟

لارا: أيوه من مصر. رحمة: وأنا كمان من مصر، ممكن تساعديني في أي حاجة هنا لأني مش عارفة حاجة خالص. لارا: اوكي. *** يونس راح الشركة كان مضايق جداً من طريقة كلامه مع عشق. زياد: مالك يا يونس؟ يونس حكى له اللي حصل مع عشق. زياد: وأنت عملت معاها كده ليه؟ محتاجاك وشكلها بتحبك. يونس: مش عايز أظلمها معايا، أنا مش هينفع أحب. زياد: ليه مش هينفع؟ قلبك ده مش بيحب زينا؟

ربنا خلقنا كلنا بنحب ونكره، وانت عايز توهم نفسك بأنك بتكره بس لأ، أنت بتحب. انت فيك إنسان طيب بس أنت مش عايز تبين كده لحد، عايز تبين ليهم إنك قوي بس أنت من جواك طيب جداً. يونس: ما هو أنا زمان كنت طيب بس حصل إيه في الآخر. زياد: مش عايز تنسى الماضي ليه؟ طول ما أنت لسه فاكره عمرك ما هتعرف تحب ولا تنسى، افهم بقى. يونس: الماضي عمره ما هيتنسى، الماضي محفور جوه في قلبي، اللي أنا شوفته مش قادر أنساه.

زياد: حب عشق يمكن هي تنسيك الماضي ده. يونس: خايف أحبها أتوجه تاني. زياد: هات إيدك كده. يونس: ليه؟ زياد: هات إيدك بس. زياد مسك إيد يونس وحطها جنب إيده. زياد: شوف إيدك وإيدي مش زي بعض أبداً، بالضبط عشق مش شرط تبقى زيهم. يونس: قلبي واجعني وأنا سايبها زعلانة مني، حاسس إني بدأت أحبها وأنا مش عايز كده، وفي نفس الوقت لو قولتلها إني بحبها هتوجع برضه. زياد: أنت محتاج تفكر كويس، نيجي نسهر انهاردة.

يونس: ماشي نسهر انهاردة، أنا محتاج أشرب. *** في بيت عبد الله العنزية. هند: شفت بنتك عملت فيك إيه؟ عشان أقول لك شد عليها بس أنت كنت مدلعها قوي (بصراحة كان بيدلعها قوي) عبد الله: مش عايز أسمع كلام عن الموضوع ده تاني. هند: أنت بتزعقلي؟ أنا بدل ما نتخانق معايا، شوف بنتك الأول. عبد الله: أنا سايبها لك وماشي. هند: في داهية. هاني: وإحنا هنسكت كده على اللي حصل؟ هند: مين ده؟ أنا بس بخطط للي هنعمله في عشق.

هاني: أنا لازم أخليها تدفع الثمن غالي قوي. *** في مكان تاني. حلمي (أخو عشق) : أنا مش عارف أعمل إيه. سامح: أنت مكنتش تقصد ده، قتل خطأ. حلمي: أنا بقالي أسبوع مستخبي هنا، تعبت. سامح: أنت اللي مخوف نفسك. حلمي: كله بسبب الزفت اللي بنشربه بسببه ضيعنا حياة شاب ملوش أي ذنب. سامح: قدره كده. حلمي: أنا عمري ما هسامح نفسي أبداً على اللي عملته ده. ***

نيروز كانت بتدور على ليام في المنزل كله لحد ما شافته بيتكلم في التليفون في البلكونة. نيروز كانت هتدخل البلكونة بس توقفت عندما سمعت. ليام: أيوه يا حبيبتي وحشتيني قوي. نيروز بصدمة: حبيبتي مين؟