رواية ماذا يسمى هذا العشق الفصل السابع عشر 17 - بقلم رحمة كريم

ليام بصدمة: إيه الكلام ده؟ نيروز: كلام إيه؟ بقولك في حد عايز يخطبني وأنا موافقة، أقوله ييجي إمتى يا ماما؟ أم نيروز: مش تقوليلي الأول عرفتيه إزاي؟ نيروز: زميل ليا في الجامعة. أم نيروز: خليه ييجي بعد بكرة الساعة ٦ مساءً. نيروز: مش هتقولي مبروك يا ليام؟ ليام بزعل: مبروك يا نيروز. نيروز: الله يبارك فيك. ليام: بعد إذنك يا خالتو هتكلم مع نيروز لوحدينا شوية. أم نيروز: اتفضل يا بني. ليام مسك إيد نيروز ودخل بيها الأوضة.

نيروز: في إيه؟ عايز تقول إيه؟ ليام بعصبية: انتي مفكرة إنك كده بتعملي اللي انتي عايزاه؟ نيروز: مش فاهمة. ليام بعصبية: يعني انتي وافقتي على العريس عشان تفهميني إني مفرقش معاكي حاجة، صح؟ نيروز: مش صح، أنا وافقت عشان بحبه. ليام مسك وشها بإيديه الاتنين: انتي مش بتحبيه، انتي بتحبيني أنا وبس. نيروز: مين قالك إني بحبك؟ إنت أخويا، افهم بقى. وكمان انت خاطب، عايز مني إيه بقى؟ سيبني في حالي.

ليام بصوت عالي: أنا مش أخوكي ومش هتتجوزي أي حد، فاهمة؟ مش هخلي حد يقربلك. نيروز: إنت إنسان أناني أوي، عايز تتجوز إنت وأنا لأ. حرام أتجوز زيك وأعيش حياتي. ليام بصوت عالي: افهمي، أنا مش خاطب. نيروز بصدمة: مش خاطب إزاي؟ واللي كنت بتكلمها في الفون قولتيلي إنها خطيبتك. ليام: دي مش خطيبتي، دي بنت صاحبي. لوجي عندها ٥ سنين. نيروز: وق قولتيلي ليه إنها خطيبتك؟ ليام: عشان أعرف إذا كنتي هتغيري عليا ولا لأ.

نيروز: وأنا هغير عليك ليه؟ تخطب ولا متخطبش، ماليش فيه. ليام: أفهم من كلامك إنك مش بتحبيني. نيروز بكذب: عمري ما حبيتك ولا هحبك. كلام نيروز وجع قلبه أوي. ليام: ماشي يا نيروز، اتجوزي اللي انتي عايزاه. أنا ماليش دعوة بيكي. انتي عايزاني أخوكي وأنا هبقى أخوكي بس. ليام سابها ومشي. *** تاني يوم يونس راح المكتب وعشق كانت في أوضتها لوحدها. دق دق دق. عشق: اتفضل. رضوى: معلشي يا عشق عايزة أتكلم معاكي كلمتين.

عشق: طبعًا يا رضوى، اتفضلي. رضوى: بلاش هنا، تعالي ننزل تحت في الجنينة نتكلم. عشق: تمام، هبدل هدومي وهنزل. رضوى سابت عشق. تليفون عشق رن. عشق: ألو، إزيك يا نيروز؟ عاملة إيه؟ نيروز: الحمد لله، فينك يا بنتي؟ مش بتيجي الجامعة ليه بقالك أسبوع؟ عشق: أصل أنا اتجوزت. نيروز بصدمة: اتجوزتي إزاي وأنا معرفش؟ عشق: هبقى أحكيلك بعدين. نيروز: طب أنا عايزة أشوفك دلوقتي ضروري. عشق: طب تعالي على عنواني ده. نيروز: أنا جايه حالا. ***

سمرا: لمياء، انتي مش هتيجي توصّليني الجامعة؟ لمياء: معلشي والله مشغولة جدًا، مش هعرف أحضر أول محاضرة. سمرا: خلاص، ولا يهمك، هطلب أوبر. سمرا ركبت العربية وكان السواق حلمي (أخو عشق) حلمي في حاجة شدته تجاه سمرا، أول مرة يعجب ببنت. حلمي: حضرتك اسمك إيه؟ سمرا باستغراب: بتسأل ليه؟ حلمي: متبفهمنيش غلط، والله مقصدش حاجة. سمرا: أومال حضرتك بتسأل عن اسمي ليه؟ حلمي: لو حضرتك اتضايقتي، فـ أنا آسف.

سمرا: مالوش داعي للأسف، بس معلشي ممكن تسرّع أكتر لأن كده هتأخر. حلمي: حاضر يا آنسة. *** عشق: بصي يا رضوى، واحدة صحبتي اسمها نيروز، هي جاية دلوقتي، هعرفك عليها. متأكدة إنك هتحبيها أوي. رضوى: بصي يا عشق، أنا ماليش صحاب، مكنش ليا غير رحمة بس، هي مسافرة دلوقتي، فـ كنت محتاجة أتكلم معاكي. عشق: خير، مالك يا رضوى؟ ثانية واحدة، نيروز بترن، أكيد وصلت. الو يا نيروز؟

أيوه، قصر البحر، أيوه، قولي للحراس يتبعوا مدام عشق، وأدخلي، أنا قايلة لهم. نيروز: إزيك يا عشق؟ كده تتجوزي من غير ما تقولي ليا؟ عشق: اقعدي بس وأنا هحكيلك. دي تبقي رضوى، بنت عم يونس، جوزي. نيروز: تشرفنا. عشق: ودي نيروز، صحبتي. رضوى: تشرفنا. عشق: دلوقتي، انتوا الاتنين عايزينّي في حاجة مهمة، وأنا كمان عايزكم في حاجة ضرورية، فـ إحنا التلاتة هنسمع بعض. احكي يا رضوى. رضوى حكت ليهم عن زياد وإيه اللي حصل.

رضوى: ومن ساعة اللي حصل، وأنا مش قادرة أوقف تفكير، أول مرة أتعلق بحد كده. عشق: يعني انتي بتحبيه؟ رضوى: أيوه، مش عارفة أعمل حاجة. نيروز: انتي متأكدة إنك سمعتي منه إنه قالك بحبك؟ رضوى: أنا متأكدة من اللي سمعته. نيروز: طب ما تروحي وتقولي له إنك بتحبيه، يمكن معندوش الجرأة إنه يقولها. رضوى: تفتكري إني أروح أقولها كده؟ نيروز: مفيش غير الحل ده. رضوى: أنا هعمل كده بس خايفة أوي. عشق: قوي قلبك وروحي قوليله.

رضوى: شكرًا جدًا ليكي يا عشق، انتي ونيروز. عشق: قولي بقى يا نيروز، مالك؟ نيروز حكت ليهم على اللي حصل مع ليام. عشق: يابنتي، انتي غبية، ما هو معنى اللي قاله ده إنه بيحبك. نيروز: معرفش، أنا بمنع نفسي إني أحب. رضوى: بتعملي كده ليه؟ نيروز: مش عايزة أختار بقلبي، وأختار بعقلي، لأن كل اللي اختاروا بقلبهم خسروا. عشق: مش شرط، مش كل اللي بيختاروا بقلبهم بيخسروا. رضوى: يعني انتي مبسوطة بالعريس الجديد؟

نيروز: أيوه، أنا اخترته بعقلي، مستحيل يخسر. عشق: المهم إنك مقتنعة بيه. نيروز: آه، مقتنعة. عشق: مبروك يا نيروز. نيروز: احكي يا عشق، ومالك؟ عشق حكت ليهم على يونس واتفاقهم. عشق بزعل: مش عارفة أخليه يحبني، أنا بحبه أوي، مش متخيلة حياتي من غيره. وعارفة هو رافضني ليه بسبب اللي حصل من مامته، قولولي أعمل إيه؟ رضوى: أنا بقى عندي فكرة هتخلي يونس يعشقك. عشق: إيه هي؟

رضوى: ه ننزل دلوقتي نشتري لكِ ملابس، فستان وميك أب، هتبقي قمر، وتحضري سهرة رومانسية. عشق: تفتكري إن ده صح؟ رضوى ونيروز بصوت واحد: طبعًا ده صح. عشق: طب هنزل إزاي دلوقتي؟ وهو لو عرف إني نزلت، هيذبحني. رضوى بضحك: متخافيش، مش هيذبحك، أنا هقول لماما وهي هتوافق. عشق: ماشي. *** لمياء: أستاذ حمزة، خلصت حسابات الموظفين آخر شهرين. حمزة: خلصتهم كلهم، بس عايز أسألك سؤال. لمياء: اتفضل. حمزة: انتي بتتكلمي وبتتعاملي معايا كده ليه؟

لمياء: أنا بتعامل كده مع أي راجل. حمزة باستغراب: اشمعنى الرجالة؟ لمياء: مش هتزعل لو قلت لك السبب؟ حمزة: مش هزعل، بس قولي. لمياء: لأني بكره كل الرجالة. حمزة باستغراب: طب ليه؟ لمياء: لأنهم عمرهم ما حبوا، كلهم بيخونوا الست اللي معاهم. حمزة باستغراب: انتي كده معقدة، يعني انتي كنتي مخطوبة أو متجوزة قبل كده عشان تتعقدي من الرجالة؟ لمياء: لأ، مدخلتش في أي علاقة قبل كده. حمزة: أومال معقدة ليه؟

لمياء: من اللي بشوفه في حياتي، أنا بشوف ناس كتير اتظلموا من الرجالة. حمزة: بس ده غلط عليكي اللي انتي فيه، لازم تتعالجي من اللي انتي فيه ده عشان تعرفي تحبي وتتجوزي. لمياء: مش هعرف، خايفة إني أنجرح. حمزة: جربي، مش هتخسري. لمياء: يعني أحب وهو يكسر قلبي؟ مش هعرف ساعتها أحب تاني، لأني هيبقى قلبي مكسور. حمزة: حاولي، وأنا هقف جنبك. لمياء: بجد؟ حمزة: تسمحي يا آنسة إننا نكون أصدقاء؟ لمياء: موافقة، بس تساعدني أتغير.

حمزة: أكيد. *** في المول مع نيروز وعشق ورضوى. عشق: لا، مستحيل أخده ده، بصوا ده قصير إزاي، أنا أتكشف البس. رضوى بضحك: بس يا بنتي، بلاش شغل العيال ده، انتي مراته، افهمي بقى. عشق: مستحيل. نيروز: كده مستحيل يونس يحبك، وانسى بقى إنه يحبك. عشق: خلاص، هاخده. *** في المساء. عشق كانت لابسة دريس لون أحمر وفاردة شعرها الطويل. كانت قاعدة بتسرح شعرها. شافت يونس بيفتح الباب. جريت على خزانة الملابس. يونس شافها بتجري. دق دق دق.

يونس: عشق، انتي كويسة؟ عشق بتوتر: آه، آه كويسة. يونس: أومال بتعملي إيه هنا؟ عشق بتوتر: أنا لأ. يونس فتح الباب. يونس: بتعملي إيه؟ قاطع كلام يونس. عندنا شاف عشق واقفة بالدريس، كانت قمر أوي. يونس بدأ يقرب منها وعشق تبعد لحد ما وصلت للحائط. يونس: إيه اللي انتي لابسه ده؟ عشق بتوتر: أنا بس كنت. قاطع كلامها بقبلة رقيقة. عشق بدلته نفس القبلة. يونس شالها بين إيديه. وحطها على السرير.