رواية مديري القاسي الفصل الثامن عشر 18 - بقلم دنيا محمد

نغم بضيق: أنا خايفة يبقي شكلي وحش بسبب بطني. رحيم: بحب.. بالعكس هيبقي شكلك قمر ياروحي. وبعدين أنا نفسي أخبيكي من عيون الناس بسبب جمالك. نغم بكسوف: يعني حتى لو تخنت هفضل جميلة في نظرك؟ رحيم قرب وحضنها: محدش مالي عيني غيرك ي روحي. وبعدين والله شكلك زي القمر، وكفاية أصلاً إني أنا اللي شايفك كده. نغم بحب حضنته: ربنا يخليك ليا ي حبيبي. رحيم بضحك: طب يلا عشان ميرال هتزعق لو ما روحتيش معاها الفندق.

نغم بتحذير: هاتلي فطار قبل ما تطلع عند عمر. رحيم بهدوء: أنا كده كده هجيب لينا كلنا فطار ونروح ليه. نغم بحب: ماشي. رحيم أخد ميرال ونغم على الأوتيل. رحيم: خدي الأكياس دي فيها فطاركم أنتوا الأربعة عشان حور مرات كريم. ودول بتوعنا أنا وعمر وكريم. نغم بهزة راس: تمام. ماشي، يلا يا عروسة. ميرال بكسوف: باي يا رحيم. رحيم بحب: باي يا أجمل عروسة. وطلعوا. الميكب أرتست: تحبي تبدأي ميكب امتى؟ ميرال: هفطر الأول وبعدين تبدأي.

نغم بطيبة: تعالي ي قمر افطري معانا، كده كده رحيم جايب فطار زيادة. البنت بذوق: لا تسلمي بالهنا والشفا أنتوا. نغم سحبتها من إيديها هزار: تعالي بس، ده حتى اللقمة هنية تكفي مية. وضحكوا وأكلوا، وبعدين بدأوا يظبطوا ميرال ونغم وحور. عند رحيم وعمر. رحيم بضيق: هنتزفت نفطر الأول وبعدين هنظبط نفسنا. مستعجل ليه؟ عمر بضحك: أنا عايز الفرح يخلص بسرعة أصلاً. رحيم بخبث: أه طبعاً، ما هي الليلة ليلتك يا عريس. عمر ضحك.

كريم: مبروك يا عم عمر. عمر بحب: الله يبارك فيك، وألف مبروك على حمل المدام. كريم بابتسامة: الله يبارك فيك. وأكلوا وبدأوا في تظبيط نفسهم. وعدى الوقت وكان كل حاجة خلصت. رحيم بحب: يلا، أنت كده تمام أوي وخلص بقا عشان تروحوا السيشن. عمر بضحك: ده أنا هاخد شوية صور أفتار بقى. رحيم بضحك: ماشي يا خويا. ميرال بكسوف: أنا فرحانة أوي يا بنات. نغم وحور بحب: ربنا يفرحك يا حبيبتي. وألف مبروك يا أجمل عروسة، زي القمر.

ميرال حضنتهم بسعادة. نغم: صحيح فريدة هتيجي الفرح النهاردة هي وجوزها، عايزين ننزل نستقبلها يا حور. حور بحب: ماشي. والباب خبط وكان عمر ورحيم وكريم على الباب. نغم راحت تفتح. عمر دخل وشاف ميرال وسرح فيها، وأخدها في حضنه بفرحة وسعادة. رحيم بحب: إيه يابت الجمال ده كله؟ ده أنتِ وبطنك كده أجمد من وأنتي رفيعة. نغم بضحك: يا راجل، مش للدرجة دي. رحيم خدها في حضنه بحب: لا للدرجة دي طبعاً. عارفة لو حد بص لك أنا هبوظ الفرح.

نغم بصدمة: حرام، فرحة ميرال وعمر. رحيم ضحك وضمها ليه. عند كريم كان واخد حور في حضنه وبيقول: إيه الجمال ده ي قلبي؟ طب والله مزة. حور بفرحة: بجد أنا فرحانة جداً، وبطني كبيرة آه شكلي وحش بس الفستان عاجبني. كريم بهزار: يابت ده أنتِ مزة، مش عاجبك إيه؟ ده أنا خايف أقتل حد النهاردة بسببك. حور ضحكت وضربته بخفة على كتفه. عمر أخد ميرال، وكل واحد أخد مراته وراحوا على السيشن. نغم بضحك: أنت هتخلينا ناخد صور تاني؟

رحيم بغرور: طبعاً يا بنتي، أنتِ مرات رحيم الحسين. نغم بضحك: تباً لتواضعكم. وكل واحد أخد الصور اللي حاببها وخلصوا، وعمر مسك ميرال ودخلوا القاعة. إسلام وفريدة كانوا لسه واصلين. فريدة بتذمر: عاجبك كده؟ ملحقتش الزفة بسببك. إسلام بخبث: كان عندي حاجات أهم. فريدة ضحكت بكسوف ودخلوا القاعة. كانت كبيرة وجميلة جداً.

(فستان ميرال كان فستان أبيض منفوش رقيق ومفتوح شوية من عند الرقبة ومطرز من الوسط وعاملة شعرها تسريحة جميلة وميكب جميل عليها وكعب رقيق. نغم: فستان أزرق فاتح منفوش وواسع عشان بطنها وطرحة نفس اللون وميكب لايق عليها وكعب أبيض رقيق. حور: فستان أسود جميل واسع عشان بطنها وطرحة كافيه وكعب أسود لامع وميكب جميل على ملامحها.

فريدة: دريس واسع أحمر وعليه خيمار أسود وكان شكلها رقيق جداً ولمسات خفيفة جداً من الميكب لأن الخيمار له حدود، ممنوع ميكب بس عشان الفرح، وكوتشي أبيض.) نغم راحت سلمت على فريدة بحب وأخدتها في حضنها. فريدة بحب: متزعليش مني، أنا بحبك. نغم بحب: مش زعلانة، وأنا كمان بحبك، أنتِ أختي أصلاً. والباقي سلم على فريدة، وحتى رحيم. وكان فرحان جداً بحياتها الجديدة اللي اتغيرت مع إسلام وحبها لإسلام وأنها اختمرت، ودعى أن نغم تختمر.

كريم بهمس في ودن رحيم: اتغيرت. رحيم بنفس الهمس: أيوه، ربنا يسعدها. وكل واحد كان واقف بيرقص مع مراته. نغم بحب حطت راسها على كتف رحيم وهو ابتسم عليها. نغم بنكد: هتحب الطفل أكتر مني؟ رحيم بهمس جاذب: هحبه عشان منك أنتِ ي قلبي. نغم بحب ضمته ليها أكتر. وكتبوا الكتاب، وبكده خلص الفرح، وعمر أخد ميرال وروح بعد ما سلمت على الكل. والكل روح بيته. في بيت عمر وميرال. عمر بحب: نورتي بيتك يا روح قلبي. ميرال بكسوف: بنورك.

عمر بحب: ادخلي غيري هدومك عشان نتعشى. ميرال بخجل: تمام. دخلت ميرا تغير هدومها وعمر برضو. عمر خرج وكان لابس تيشرت أبيض وعليه شورت أسود. ميرال خرجت وهي لابسة فستان ستان قصير جداً وشفاف من البطن. عمر بص لها بحب وسرحان فيها. حاوط وسطها وهمس جنب ودنها بتوهان: خشي اتوضي واطلعي نصلي. ميرال بكسوف شديد: حاضر. دخلت اتوضت ولبست إسدال صلاة، وبدأ عمر يصلي بيها.

وخلص عمر وقرأ دعاء الأزواج، وبدأوا رحلة جديدة في حياتهم، وأصبحت ميرال زوجة عمر شرعاً وقانوناً. عند فريدة وإسلام. فريدة بتعب: إسلام، أنا حاسة إن بطني بتوجعني أوي. إسلام بخوف: طب ما يمكن العادة الشهرية. فريدة بكسوف: لا. وفجأة برقت: إسلام، هو النهاردة كام في الشهر؟ إسلام باستغراب: إحنا في آخر الشهر. فريدة بصدمة: أنا متأخرة بقالي يجي أربع خمس أسابيع. إسلام باستغراب: يعني إيه؟ فريدة: انزل هات اختبار بسرعة.

إسلام بصدمة: قصدك حامل؟ فريدة بحب: هنشوف، انزل بس. إسلام لبس ونزل يجيب الاختبار، طلع واداها له، وكان قاعد على سرير وهي في الحمام. وشوية وخرجت. إسلام بتوتر: ها؟ فريدة بحب وباست إسلام من خده: أنا حامل ي حبيبي. إسلام فرح جداً وشالها ولف بيها بحب. إسلام بحب: مبروك يا عمري. وعدت الشهور والكل عرف بموضوع حملها وباركولها بحب. عدت الشهور ونغم بقت في الشهر التاسع. نغم بحب: هاتلي معاك شيبسي.

رحيم بتحذير: لأ، أنتِ حامل وده غلط. هجيبلك حاجة تانية غيره. ولما أرجع ناكلها وننام. نغم بحب: ماشي. ليل رجع رحيم وجاب لنغم كاندي. نغم بحب: الله، بحبها أوي. رحيم: يلا نتفرج على فيلم ونأكلها وننام. نغم: ماشي. وسهروا مع بعض وناموا. في آخر الليل صحيت نغم بوجع شديد في بطنه. نغم بوجع: رحيم. رحيم بنوم: اممم. نغم بصوت عالي: رحيم! رحيم قام بنعاس: مالك بتعلي صوتك لي كده؟ نغم بصريخ: آآآآه، بولد ي رحيم، قوم بسرعة وديني المستشفى.

رحيم بفزع: يخربيتك، بتولدي دلوقتي؟ نغم بغيظ: لأ، هتفق مع الولادة، اخلص! رحيم قام بسرعة وحاول يلبسها أي حاجة، وهي بتشد في شعره. رحيم بوجع: آه آه، اهدي، سبيني. نغم بوجع: اخلص، مش قادرة، هموت. رحيم شالها ونزل جري، ركب العربية ووصل عند المستشفى. رحيم بصياح: ترولي بسرعة، مراتي بتولد. الدكاترة جابوا لها ترولي وأخدوها، وهي عمالة تشتم في رحيم. نغم بصويت: أنت السبب يا رحيم، منك لله، أشوف فيك يوم.

رحيم بضيق: وأنا مالي يا أختي، مش بمزاجك ولا أجبرتك. نغم شدته من شعره ودخلوها بسرعة العمليات. رحيم اتصل على إسلام وعمر وكريم إن نغم بتولد. الكل جاء. رحيم بضيق: مش حرام عليك ي كريم، مراتك فاضلها تلت شهور وتولد، وجايبها؟ كريم بضحك: أعمل إيه، هي اللي ذنب. بص لإسلام: يبختك أنت يا خويا، فاضل على مراتك كتير. إسلام بضحك: مين قال، دي فاضلها خمس شهور. ميرال كانت لسه هتتكلم، حسّت بدوار، وقبل

ما تقع كان عمر سندها بخوف: دكتورة بسرعة. الدكتورة جت وكشفت عليها. الدكتورة بابتسامة: ألف مبروك، المدام حامل في شهرين بس، من الواضح إنها ما أخدتش بالها. عمر بفرحة: بجد، شكراً يا دكتورة. ميرال فاقت. عمر بحب: مبروك يا روحي، هتبقي أم. ميرال بفرحة: د. بجد أنا حامل؟ عمر هز راسه بفرحة: مبروك يا قلبي، أنتِ حامل في شهرين. وباس راسها والكل بارك لهم بفرحة. إسلام بحب: هتبقي خال بقى يا عم رحيم. ميرال بضحك: وأنا عمته.

وبعد وقت طويل طلعت الدكتورة بطفل. الدكتورة: مبروك يا أستاذ، جالك ولد زي القمر. رحيم بفرحة مسك الولد وباسه، وكبر في ودنه. كريم بحب: هتسميه إيه يا باشا؟ رحيم بحب: هسميه (إياد) الكل بحب: ألف مبروك، وربنا يخليهولك. وهوبا الممرضة طلعت تاني ومعاها بنوتة. رحيم بصدمة: إيه ده؟ الممرضة بضحك: جاتلك بنوتة كمان يا أستاذ رحيم. إسلام وكريم بضحك: يا جاااامد. مسك رحيم البنوتة وكبر في ودنها وباسها بحب. دي بقى هسميها (جميلة)

وبعد مرور سنين، خلف رحيم جميلة وإياد ومراد ونور. وإسلام وفريدة خلفوا ليلي ورودينا ويوسف. وكريم وحور خلفوا قمر وعزيز وقاسم. خلصت الرواية.