رواية مفيش رحمه الفصل الخامس 5 - بقلم لولو محمد

كبرنا يا عماد، كلنا كبرنا. اقعد معاها ومرنها واتكلم معاها وشوف قلبك رق. خلاص مرقش. لا يكلف الله نفسا إلا وسعها. ولا إيه يا ماما؟ -والله عداك العيب. اهو ابني اللي بيفهم قالك. كلام رجالة يا أم عماد. ولا ساعة الجد، كله في الخلعون. اخص عليك يا عماد. لا بجد ألف اخص. إن برضه برجع في كلامي. لا طبعاً، ودي تيجي. يبقى خلاص اتفقنا. هتقومي تلبسي بقى ولا هتقضي اليوم في البيت؟ عاوز أروح الأكوا بارك.

والله فكرة بنت لذينة. يلا، أنا هروح أضرب الميوه وأرجعلكوا. *** على باب أوضة رحيم: ها، صلحتها؟ الحمد لله. ها، مش هتلبسي؟ هنروح الأكوا بارك. أنا آخري هفضل في البسين عاملة زي كيس الليبتون، وأنت هتفضل تتنطط وتطير وتعمل شقلبظاتك بالبوردة بتاعتك. مانتي اللي جبانة. المفروض إنك كبرتي بقى. أنا مبعرفش أعوم. يابت، مانا معاكي. هو أنا هسيبك تغرقي؟ انزلي بس البسي، وملكيش دعوة. أمرى لله. والله لو شربت ميه، لـَ أوريك. ***

رحمة تنزل تحت: إحنا رايحين الأكوا بارك. هتيجوا معانا؟ ياختي، أنا فيا صحة للكلام ده. روحوا انبسطوا، وأنا هستناكوا هنا. وأنا هخليني معاكي يا ماما، يمكن تحتاجي حاجة. ياختي، ولا احتاج حاجة ولا بتاع. روحي انبسطي. أنا أصلاً مش عاوزة أروح. هخليني أعمل الغدى. أكيد هيرجعوا جعانين. مأكده؟ أنا أصلي رايح معاهم. روح يا حبيبي وانبسط. طب عن إذنكوا بقى، أروح ألبس الميوه بتاعي. *** في حمام السباحة:

محمد ومحمود وزينب قاعدين تحت الشمسية. وعماد ورحيم بينطوا في الميه. ورحمة رايحة تنزل من على السلم. متنطي يا بنتي، أسهل. كتر خيرك، أنا مرتاحة كده. رحمة تنزل، ورحيم يروح يستقبلها. أنت هتنزل معايا بالليل؟ أكيد. بس هتروحي فين؟ هجيب كام طقم للكلية. استأذنت بابا، ووافق. قشطة. هاجي طبعاً، وأهو بالمرة أتأكد إن مفيش هيبقى لا محزق ولا ملزق. هههههههههه. لا يا شيخ. دا على أساس إيه؟ دا الميوه الميوه يا شيخ. ملبسينى إسلامى.

أمال أنتِ عاوزة شوية العيال السيس دول يشوفوا جسمك ويعاكسوكي، وأروح أموتهم وأخش السجن؟ لا، ميخلصنيش تتسجن طبعاً. أنا طالع أتزحلق. تسابق. رحيم يبص لرحمة. قطعة. رحيم يجري ويسابق عماد، ويطلعوا فوق. ويحط البورد تحت رجله، ويتزحلق لحد آخر الحوض. ورحمة بتشجعه. ييجى شاب يعوم جنبها. أنا شوفتك قبل كده. رحمة متردش، وتعوم بعيد ناحية السلم. أنا مكنش قصدي أضايقك. أنا آسف بجد. رحمة تطلع من حمام السباحة. مش للدرجة دي.

الشاب يلف وراه، يلاقي رحيم يضربه بسيف إيده في رقبته. الشاب يقعد يكح ويكح. بيتهيألي كده هتفكر ألف مرة قبل ما تعاكس واحدة. هتيجي يا رحيم؟ رحيم يطلع من حمام السباحة. منروحش في حتة إلا لما نتخانق عشان رحمة بتتعاكس. أنا بقول نكتب يافطة: ممنوع الاقتراب أو اللمس أو الكلام، حفاظاً على سلامتك الشخصية. هههههههههههه. بس يا خفيف. تيجي معايا نتزحلق؟ لا يا سيدي، كتر خيرك. اتفضل أنت، وأنا هكون تحت في استقبالك.

أنا هطلب بيتزا قبل ما أنزل تاني. حد عاوز؟ اعمل حسابي في تشيز لفرز. وأنا شرحه. لا، أنا عاوزها سى فود. أخيراً. وأنا زيك. وأنتِ يا ماما، مش هتاخدي؟ أنا كمان هاخد زيكوا. وأنتِ يا رحمة؟ ماشي. الدنيا حر. أنا نازلة الميه. استنى، أنا جاي معاكي. ***

رحيم ورحمة ينزلوا الميه. وعماد يتزحلق على البورد لحد ما يقع في الميه. ورحيم بيضحك عليه. فجأة، الشاب اللي انضرب يشاور لأربعة من صحابه على رحيم ورحمة. ينزلوا الميه، وعماد يطلع من حمام السباحة ويجري عشان يتزحلق تاني. يلا نطلع من الميه يا رحيم. ليه؟ الواد اللي ضربته نزل الميه. ومش لوحده. رحيم يلف، يلاقي خمسة بيعوموا بعيد شوية وبييبصوا عليه. بعيد. ملناش دعوة بيهم. على فكرة، أنا طالعة. لازم تيجي معايا. أنتِ خايفة ولا إيه؟

يابت، دانا أقطعهم. عماد ينزل يتزحلق لآخر الحمام. يا عماد يا جامد. عماد يرجع عايم. شفت الحركات. خليك هنا، واتعلم من أخوك. محمود يقوم ينادي عليهم. حد فيكوا عاوز ياكل بيتزا سخنة؟ أنا، أنا. يطلعوا من حمام السباحة، ويتنشفوا، وياكلوا. صاحبك يا رحيم عينه في البيتزا. أنا بقول نرميله حتة. عماد، إحنا جايين ننبسط، مش نعمل مشاكل. هو إحنا بتوع مشاكل برضه يا بابا؟ إحنا بنقعد مكاننا، وهي اللي بتيجي لوحدها لحد عندنا.

رحيم يوشوش عماد. تفتكر هياخدوا وقت قد إيه يا عماد؟ الواد اللي لابس أسود ممكن يطول شوية. لكن الباقي فستك. لا يا عم، ده فستك. أنا بقول خمس دقايق، كله يكون راقد. لا يا عم، رحيم. ادرس الموقف كويس. انتوا بتتوشوشوا في إيه؟ بيقولي قد إيه هو مجنون بيكي. يا سلام. طنط زينب، هتروحي الحمام؟ طب موديكى أنا. ماشي، تعالي. *** رحيم ورحمة يروحوا عند الحمامات. هستناكي هنا. رحمة تدخل. وشوية، والشباب يروحوا له. متقف في جنب يا أخونا.

الله يرحم زمن الخناقات الجميل. إيه الدخلة دي؟ أنت بقى خبير خناقات؟ رحيم يضربه بالراس، يوقعه في الأرض. إيه، إيه؟ استنوا. أنا بس بعلمه إزاي يبدأ خناقة، عشان بعد كده يوفر جاز الرغي اللي في الأول. الكل يبدأ يضرب في رحيم. *** عند حمام السباحة: هو العيال اللي كانوا هناك راحوا فين؟ حاجة من اتنين: يا روحوا، يا بيتخانقوا مع رحيم عند الحمامات. أنت عبيط يا عماد؟ أنا قايم أبص على العيال.

خليك، خليك. أنا رايح. وهي العيلة دي، محدش بيتهنى فيها على لقمة. هات الحتة دي، أتسلى في السكة. عماد يتمشى وهو بياكل البيتزا. الواد ده يشل وربنا. *** عند الحمامات: الخناقة لسه شغالة. واتنين ماسكين رحيم، والتالت جاي يضربه. رحيم ينط، يزقه برجله، ويفلت. ينزل على الأرض. الله يخربيتكوا. شوية هواه. يا تمسكوا عدل، يا متمسكوش. ينفع الدسك ده.

رحيم ينط، يقوم يضرب واحد في رقبته، يوقعه. والتاني بالرجل في بطنه. والتلاتة التانيين يتكاتلوا على رحيم، يوقعوه في الأرض. والاتنين التانيين يقوموا، ويهجموا عليه الخمسة مرة واحدة. اخص عليك يا رحيم. دايماً كده، كاسفني. وأنا اللي قولت هاجي ألاقيك مقطعهم. انت يا بتاع منك له، خمسة على واحد مش رجولة. عماد يشد اتنين، ويطقشهم في بعض، ويزق التالت بعيد. ويقوم أخوه. مبادري يا خويا.

عماد يمسك إيد أخوه، وينط يضرب واحد منهم بالرجل في وشه. كلو في التوقيت يا برنس. عماد يمسك واحد منهم، ويخبط راسه في ركبته. أبو توقيتك يا شيخ. خمس دقايق، ومكنتش هتلاقيني. رحيم يزق واحد على أخوه. أخوه يضربه بوكس في وشه. هي رحمة اتاخرت ليه جوه؟ العيال كلها تتكون على الأرض. تفتكر خدوا وقت قد إيه؟ عشر دقايق بالكتير. معاك حق، عيال فستك. رحمة تطلع من الحمام، تلاقي العيال في الأرض، ورحيم وعماد واقفين مبتسمين.

يا خسارة، فاتني الأكشن كله. *** أول يوم في الكلية: رحيم نايم في أوضته، ورحمة تفتح الباب. صحيت؟ أكيد. أنت إزاي نومك بقى خفيف أوي كدة؟ مش عارف. صدقيني، هموت وأبطل العادة الزفت دي. هي الساعة كام؟ الساعة 8 ونص. يلا قوم البس عشان هنعدي ناخد ريهام ورنا في طريقنا. أنا مبحبش أوصل العيال دي. طب لو قولت عشان خاطري، بليز بليز بلييييييييييييييييز. ماشي. نقيلي طقم على ذوقك، على ما أدخل الحمام.

رحيم يقوم يدخل الحمام، ورحمة تفتح الدولاب، وتنقل له تيشرت أزرق وبنطلون جينز دارك بلو، وتبدأ تكوي البنطلون. تسلم إيدك وذوقك. هروح أظبط الفطار على ما تلبس. رحيم يمسك إيدها. إيه؟ مش ناسيه حاجة. اممم. لا. رحيم يشدها عليه. طب عيني في عينك كدا. برحيم. رحمه. رحيم. بحبك. ارتحتي؟ مش كل مرة أنا اللي هبدأ. وأنا بموت فيكي. رحمة تطلع من الأوضة، وتقفل الباب. تلاقي زينب في وشها. صحيتيه؟ آه يا طنط. صحي، بيلبس أهو. هروح أعمله يفطر.

خدي ياختي فطاركوا أهو. أصلي كنت مستنية ساعتك تفطري ابني. شكراً. عن إذنك. رحمة تاخد صينية سندوتشات من إيد زينب، وتلف كل سندوتش في ورقة، وتحطه في كيسة، وتعبّي شنطتها. يا دوب تخلص، تلاقي رحيم وراها. يلا يا موزة. يلا يا باشا. رحيم ورحمة ينزلوا. يلاقوا عربية بسواق مستنياهم. رحيم يركب قدام، ورحمة ورا. ويطلعوا يجيبوا صحباتها، ويروحوا الكلية. كل الزحمة دي على الجدول. انسوا، أنا مش هبهدل نفسي. إحنا مش مستعجلين.

واحد من بعيد يشاور لرحيم. ثواني وجاي. رحيم يروح يسلم على صاحبه. تعالوا نشوف حتة نقعد فيها طيب، مالشمس دي. على فكرة، درس مستر معتز كله هنا. هههههههههه. أكيد يا بنتي. إحنا كنا مجموعة الفائقين، يعني أكيد هتلاقي ناس كتير هنا. ماشي ياختي. *** عند رحيم: أنت مش قلت مش جاي؟ يا بتاع أنت. أمي يا عم صحتني من النجمة. قوم هات الجدول. أنت هتبتديها دلع. نزلتني على ملى وشي. أعمل إيه بس. على عيني والله. هنا من ساعة.

هههههههههه. معلش. تعيش وتاخد غيرها. نقلت الجدول على كدا. آه طبعاً نقلته. وكنت مروح. أنت جاي في إيه، وماشي في إيه؟ خليك معانا. أمال العروسة فين؟ هناك، مع صحباتها. طب إيه، مش هتنقل الجدول؟ ثواني وجايلك. رحيم خد الورقة، وراح لرحمة. خدي. رامي أكيد هيبقى معانا في سكشنا. انقلي ده عندك. طب، أضمن لك. يا ستي، انقليه، ونبقى نتأكد براحتنا. لما تخلصي، تديني، أجي آخده منك. رحيم يمشي. *** رحيم يرجع لصاحبه.

لطعتك يا رامي. معلش، تعال نقعد في أي حتة. يا عم، ولا يهمك. بس مين اللي مع رحمة دول؟ صحباتها؟ مش تعرفني يا جدع. بذمتك ينفع؟ بهزر يا عم. بنت تدخل. لو سمحت. أيوة. متعرفش الجدول فين؟ هناك. ياربي. في الزحمة دي. يا خسارة. خلاص، شكراً. *** عند رحمة: الحقي، باراشوت. رحمة تبص، تلاقي رحيم ورامي واقف معاهم بنت تانية. وشها يحمر، وعنيها تطق شرار. وتقوم هناك زي الطور الهايج. *** عند رحيم:

قوليلي بس اسمك، وأنا هشوف أنت سكشن كام، وهنقلهولك. رحمة تدخل. إيه يا حبيبي، واقف في الحر ده ليه؟ متيجي تقعد معانا هناك، تراوح أحسن. البنت تبص لرحمة. هاي، أنا روقية. أعدادي. رحمة، أعدادي برضه. سبحان الصدف. بجد؟ فرحت أوي. شوفتي الدنيا صغيرة أوي. أنا رامى، وده رحيم. خطيبى. رحمة توري روقية الدبلة. معقول، في السن ده؟ ماما دايماً تقول، اللي بيجي في الصغر مبيستمرش. والله. ريهام ورنا يدخلوا.

سمعت اتنين بيتكلموا بيقولوا فيه محاضرة في مدرج أ، أعدادي. يلا، هتحضري؟ يلا يا رحيم. يلا. هتيجي يا روقية؟ أكيد. يلا. *** بعد المحاضرة: ياربي، عالملل. فعلاً. كلام هزار وأي كلام. أنا مفطرتش. إيه رأيكوا نروح الكافتيريا؟ والله فكرة. هتيجي يا رحيم؟ لا، إحنا فاطرين. كنت فاكرة إني بكلم رحيم. أنا وهي واحد. ربنا يخليكوا لبعض. طب، متيجي يا رحمة نروح نتفرج على الكافتيريا؟ مش هيحصل حاجة. إيه رأيك يا رحيم؟

لو عاوزة تروحي، معنديش مانع. أنا جعانة. هتروحوا ولا لأ؟ يلا بينا. *** في الكافتيريا: أتصل بالسواق؟ زي ما انتوا عاوزين. انتوا صحيح قرايب، مش كدا؟ ولاد عم. بس مقولكيش بقى قصة ولا في الأفلام. دا من يوم ما عرفته، يبقى دكر يجيب اسمها. بجد؟ أنا ببقى فرحانة أوي لما بلاقي حب في الوقت ده. أنا بقول كلمي السواق ييجي أحسن. اهو لسه على ما ييجي. ممكن يا رحيم؟ حاضر. ثواني. رحيم يقوم يتكلم في التليفون. انتوا مشتركين مع تاكس؟

لا، دي عربية عمو محمد، بابا رحيم. هو جايبلها سواق عشان رقبتها بتوجعها من السواقة. فبنخليه يودينا ويجيبنا لحد رحيم ما يطلع رخصة. عمو هيجيب له عربية. وإنتِ باباكي بيشتغل إيه يا رحمة؟ بابا وعمو محمد أصحاب معارض الصياد للموبيليا. تسمعي عنها؟ بيتهيألي، مش متأكدة. رحيم يرجع. في الطريق. طب، ادينا قاعدين. *** في البيت، في أوضة رحمة: البت روقية دي تقيلة أوي على قلبي. أنا بالنسبالي، البنات كلهم ماعدا انتي رخيمين. بجد؟

أنتِ عندك شك في كدا؟ أنت عارف لو خنتني، هعمل فيك إيه؟ مش هيحصل. أنا بقول، لو. متبقيش رخمة بقى. مفيش لو. *** حياة تدخل: الغدى جاهز. إيه، مش جعانين؟ واقع من الجوع، وشامم ريحة تهبل. ههههههههه. طب يلا يا بكاش.