رواية مفيش رحمه الفصل الثالث 3 - بقلم لولو محمد

محمد / أنا أبوك يا وله عماد / كنت فاكرنا أصحاب محمد / ما إحنا صحاب، واتبسطت أوي من اللي عملته مع رحيم، وفخور بيك جداً، ابني الكبير كبر وبقى راجل خلاص عماد / وأنت لسه واخد بالك دلوقتي؟ محمد / ههههههههههههههه، امشِ يا لمض بدل ما أضربك عماد / تمام يا فندم بعد تلت سنين رحيم / إزيك يا تيته؟ عفاف / إزيك يا روح تيته رحيم يدور بعنيه يمين وشمال

عفاف / نايمة، رجعت من الدرس، دخلت نامت، قالت عندها صداع، فدخلت نامت هي. مقالتلكش ولا إيه؟ رحيم / بقولك إيه يا تيته، ماما عاملة سبانخ حياة تطلع من المطبخ حياة / طب إيه رأيك في مكرونة وبفتيك، يمشي معاك؟ رحيم / والله بحبك يا ماما حياة / طب خش صحّي رحمة على مغرفلكوا هي كمان، مرديتش تتغدى في أوضة رحمة رحيم / اصحى، أنا عارف إنك مش نايمة رحمة تقوم تقعد رحمة / عاوز إيه؟ رحيم / أنا جاي أ صالحك خلاص، مش هزعلك قدام الناس تاني

رحمة / لا خلاص رحيم / هو إيه اللي خلاص؟ رحمة / أنا مش عاوزة أتكلم معاك تاني، ولو سمحت اطلع بره أوضتي رحيم / بره أوضتي مين؟ فوقي، دانا جوزك رحمة / بإمارة إيه؟ أنت لا أخويا ولا خطيبي ولا جوزي عشان تبقى في أوضتي رحيم / بصي، أنتِ استفزيتيني، فبلاش تزودي رحمة / أنا؟ أنا استفزيتك؟ رحيم / أيوه، لما عيل زبالة يقولك لبسك حلو أوي، مينفعش تقولي له شكراً ميرسي، هي هي، مينفعش

رحمة / وأنت بدل ما تتشطر على الحمار، جاي تتشطر على البردعة، عشان أنت عارف لو رحت تتخانق معاه هيضربك رحيم / هو مين ده اللي يضربني يا أختي؟ عاش ولا كان رحمة / يا سلام، ما هو على يدي، ولا نسيته رحيم / تصدقي، أنا أهون عليا أموت من الجوع ولا إني أقعد معاكي رحمة / مينفعش تقول لي مايصة قدام الناس، أحمد ربنا إني سكتلك، أصل رحيم / متبقّيش تسكتي رحمة / استنى هنا، أنا بكلمك رحيم / أفندم، عاوزة تهزئيني تاني؟ رحمة / أنا مبهزئكش

رحيم / بصي، أنتِ عارفة كويس إني لما انضربت عشان كانوا كتير وأنا لوحدي، لكن لو أطخن واحد فيهم راجل لراجل كنت كسرته رحمة / عارفة رحيم / ومدام عارفة، بتقولي كلام يحرق دمي ليه؟ رحمة / عشان أحرق دمك زي ما حرقت دمي رحيم مكشر / أنا جاي أ صالحك أهو رحمة / واللي جاي يصالح حد يكشّر كده؟ رحيم / ما أنتِ اللي نرفزتيني عفاف تدخل عفاف / ها، اتصلحتوا ولا إيه؟ رحيم / الهانم بتقول لي: أنا لا مراتك ولا خطيبتك ولا اختك

رحمة / رحيم، إحنا مش اتفقنا إننا مدخلش حد بينا عفاف / حد؟ هو أنا بقيت حد خلاص؟ رحمة / معلش يا تيته، بس إحنا متفقين عفاف / والله، هو اتفاق حلو، بس دلوقتي اتصالحوا يلا عشان تقوموا تاكلوا على الأكل زينب تدخل وبتتخانق مع دبان وشها زينب / ممكن أعرف إيه اللي بيحصل هنا بالظبط؟ عفاف / فيه إيه يا زينب؟ داخلة كده، لا سلام ولا كلام، فيه إيه؟ زينب / بصي يا حماتي، أنا من الأول أهو بقولك الموضوع ده مينفعش عفاف / موضوع إيه؟

زينب / ابني مبيسمعش كلامي يا حماتي، الواد ده فلت خلاص عفاف / متجيبي من الآخر يا زينب، بتتكلمي عن مين؟ زينب / هو فيه غيره؟ رحيم حبيبك اللي أنتِ مدلعاه، والبه اللي سايب الأكل اللي أنا تعبت فيه وجاي ياكل هنا، البه اللي لا بيذاكر ولا بيعمل الواجب، وطول الليل سهران يجيب في التليفون مع الست هانم السنيورة حياة / خشي جوه يا رحمة زينب / وتخش ليه؟ هي مش دي تربيتك يا أختي؟

لما عيلة عندها تلتاشر سنة مبتتكلمش غير عن الجواز والحب، لما تبقى تمنتاشر ولا تسعتاشر هتعمل إيه؟ عفاف / رحمة ورحيم مبيهملوش حاجة غلط زينب / والله، لما البه يكذب ويقول إني عاملة سبانخ عشان ياكل عندكوا، يبقى مبيهملوش حاجة غلط. لما يسهر طول الليل معاها في التليفون، مبيهملوش حاجة غلط. لما طول النهار والليل قاعدين قافلين عليهم باب ويا عالم بيعملوا إيه رحيم / إحنا مبنعملش حاجة والله يا تيته

عفاف / عارفة، هي أمك بس اللي مزوداها زينب / يا جدعان، دا ابني وأنا حرة أربيه زي ما أنا عاوزة، الله عفاف / متربية يا زينب، حد حاشك زينب / وأربيه إزاي وهو طول الوقت لازق للغندورة؟ بصي بقى يا حماتي، حكاية إنهم بيحبوا بعض والكلام اللي بتفسدي بيه أخلاق ابني، لو سمحتي بطليه عفاف / بفسد أخلاق ابني؟ زينب / حب إيه وكلام فاضي إيه؟ يعني إيه أدخل عليهم ألاقيهم حاضنين بعض، ولما أزعقلهم يقولوا لي: بيتعلموا يرقصوا عشان الفرح؟

عفاف / ههههههههههههه زينب / أنتِ بتضحكي يا ماما؟ عفاف / أنتِ عاوزة إيه يا زينب؟ زينب / من النهاردة رحمة لا تلعب مع رحيم ولا تتعامل معاه، ممكن؟ إحنا مش فاتحين مصنع عرايل هنا حياة / عن إذنكوا زينب / آه، اتقمصي بقى بدل ما تقولي: خايفة على البت ومصلحتها، والناس اللي هيتكلموا عليها. اتقمصي حياة / اللهم طولك يا روح زينب / أنا قولت اللي عندي زينب تدير تلاقي محمد ومحمود وراها محمد / لينا بيت نتكلم فيه، اتفضلي

محمد ياخد زينب البيت عفاف / أمك طابخة إيه يا رحيم؟ رحيم / بسلة ورز وجزر عفاف / أمال ليه قولت إنها عاملة سبانخ؟ رحيم / كنت متخانق مع رحمة وعاوز أجي أ صالحها عفاف / وأنت عمرك جيت تلعب مع رحمة أو تذاكر معاها وإحنا منعناك ليه تكذب؟ رحيم / أنا آسف يا تيته، مش هعمل كده تاني محمود / تعال معايا يا رحيم عفاف / محمود محمود / متخافيش، أنا بس عاوز أتكلم معاه كلمتين، راجل لراجل، مش أنت راجل برضه يا رحيم؟ رحيم / أيوه

محمود / طب تعال معايا محمود يقفل باب أوضته هو ورحيم محمود / أنت بتحب رحمة يا رحيم؟ رحيم / أوي والله يا عمو، وأنت عارف محمود / أنت عارف، أنا معنديش غير رحمة وبحبها، وبحبك أنت كمان، بس أنا كأب مش موافق على الكلام ده، ولازم تعرف إن ماما بتضغط عليا جامد أوي عشان أسكت على لعب العيال ده رحيم / إحنا والله مبنعملش حاجة غلط محمود / بإمارة إيه يا رحيم؟ مبنعملوش حاجة غلط؟ بإمارة إيه؟

هو إيه الحاجة الغلط أصلاً في وجهة نظرك عشان متعملوهاش؟ رحيم / أنا بحب رحمة وعاوز أتجاوزها محمود / يا حبيبي، أنت عيل رحيم / أنا راجل مش عيل محمود / أنت عندك كام سنة؟ 13، يعني لسه قدامك لسه الثانوي والكلية، على ما تتخرج وتتجوز، يعني على الأقل عشر سنين كمان يا ابني عشان تتكلم في الموضوع ده رحيم / بس تيته بتقول

محمود / أنا عارف تيته قالت إيه، وعارف إن هي اللي مشجعاكوا على الغلط، بس أنت لو بتحب رحمة، مش هتسمح لمخلوق يتكلم عنها نص كلمة رحيم / لو حد اتكلم عنها، أنا هضربهم محمود / وليه تضرب الناس؟ مدام ممكن في الأول منديهمش فرصة؟ رحيم / تيته بتقول إن الناس مبتبطلش كلام، وإن كلامهم لا بيقدم ولا بيأخر محمود / بس رحمة بنت، ودي سمعتها رحيم / يعني أنا بضر سمعة رحمة؟ محمود / أنت شايف إيه؟ رحيم / هو حضرتك بتطلب مني أبعد عن رحمة؟

محمود / لا، أنا بطلب منك تاخد بالك من تصرفاتك رحيم / حاضر، عن إذنكم محمود / أنا بحبك يا رحيم، ولو لفيت الدنيا مش هلاقي عريس لبنتي أحسن منك محمود يفتح الباب رحمة / أنت هتخلي رحيم ميلعبش معايا تاني؟ محمود / لا طبعاً، أنا بس طلبت منه طلب صغير، يارب يكون فهم رحيم يمشي على بيته عفاف / أنت قلت إيه للولد؟ محمود / قولته إن لسه بدري أوي على ما يتجوز رحمة، وإنه لازم ياخد باله من تصرفاته عفاف / تصرفات إيه؟ دول عيال

حياة / لا يا ماما، هما كبروا، رحمة بقت بنت ورحيم معدش صغير، ولازم ناخد بالنا منهم أكتر عفاف / ناخد بالنا؟ إحنا مش فتح عينهم إنهم كبروا حياة / يا ماما، أنا عمري مقولتلك لأ، بس رحمة ورحيم علاقتهم دي غلط، مينفعش يهزر معاها ويحضنها ويشيلها كده عفاف / رحيم ورحمة بيحبوا بعض، والحب اللي بينهم حب نضيف بريء، بلاش أنتوا توسخوه بسوء النية بتاعكم ده محمود / يا أمي، أقولك إيه بس؟

اديكي شوفتي زينب قالت إيه، وللأسف معاها حق، رقص إيه اللي بيتمرنوا عليه؟ عفاف / أنا المسؤولة عنهم، ومحدش له دعوة، وأنا واثقة إنهم مش هيغلطوا محمود / لنفرض إن لما رحيم ورحمة كبروا، قرروا إنهم ميتجوزوش، ساعتها هنعمل إيه؟ عفاف / لما يكبروا، ابقى افرض براحتك، وبلاش تكبرهم قبل أوانهم، أنا بحب حبهم ده وعاوزاهم يفضلوا يحبوا بعض، وأنا المسؤولة حياة / خلاص يا محمود، نبقى نتكلم بعدين، متتعبش ماما أكتر من كده

عفاف / بص، إحنا طلبنا منهم ميناموش في سرير واحد عشان كبروا، ومن يومها وعمرهم مناموا في سرير واحد، دلوقتي هخليهم يوعدوك إنهم ميقفلوش عليهم باب، ماشي؟ محمود / وميحطش إيده عليها ولا يحضنها ولا يبوسها عفاف / ماشي، كده ترتاح؟ محمود / شوية عفاف / خلاص، هخليهم يوعدوني في المدرسة بعد فترة صغيرة رحيم ماسك ولد قده في الحمام ونازل فيه ضرب، وفجأة كذا مدرس داخلين يشدوا رحيم من فوق الولد ده وياخدوهم هما الاتنين على أوضة الناظر

الناظر / يعني مش عاوز تقول كنت بتضربه ليه؟ ولا أنت عاوز تتكلم؟ خلاص بسيطة، إحنا نستدعي أولياء أموركوا، وهما بقى هيعرفوا بطريقتهم شوية كتير محمد يدخل هو ووالد الولد التاني الناظر / اتفضلوا، الأستاذين كانوا بيتخانقوا في الحمام والد الولد التاني / بيتخانقوا؟ ده أنا ابني متشخرم، ده معدش نافع رحيم / احمد ربنا إنك لاقيت فيه حاجة محمد / رحيم الوالد / أنا مش هسكت على اللي حصل، على فكرة، إزاي الكلام ده يحصل في مدرسة محترمة؟

محمد / أنت اللي ضربته كده يا رحيم؟ رحيم / أيوه، ولو مكنوش حاشوني عنه، كنت قتلته محمد / ليه؟ عملك إيه عشان تضربه كده؟ الناظر / مش عاوز يقول، ولا هو ولا أي حد من العيال التانية، ولا حتى سعيد والد سعيد / ضربك ليه يا سعيد؟ سعيد / مفيش يا بابا والد / مدام مش عاوز تقول، خلاص يبقى تستاهل اللي جرالك الناظر / على العموم، الاتنين مفصولين لمدة أسبوع، تقدروا تاخدوهم في البيت محمد / اتفضل على أوضتك، لما أشوف هعمل معاك إيه

عماد / هو إيه اللي حصل يا بابا؟ محمد / مسك ولد زميله ونزل فيه ضرب، لما خلى وشه شوارع عماد / ليهم؟ محمد / محدش منهم عاوز يقول، وخد فصل أسبوع عماد / طب أنا هدخل أتكلم معاه في أوضة رحيم رحمة / طب احكي لي، بس إيه اللي حصل؟ رحيم / مفيش حاجة يا رحمة رحمة / طب فصلوك ليه؟ طيّب؟ رحيم / أحسن، على الأقل آخد أسبوع إجازة عماد يدخل عماد / إيه يا رحمة، سمعت إن طنط عاملة رز بلبن؟ رحمة / آه عماد / طب ممكن تجيبيلنا طبقين؟

رحمة / حاضر، عن إذنكم رحمة تمشي عماد / وزعتها؟ احكي رحيم / قولت مفيش حاجة عماد / عليا يا وله؟ هو أنا أبوك ولا الناظر؟ ده أنا أخوك. الواد ده حاول يقل أدبه معاك؟ رحيم / ميقدرش عماد / أمال فيه إيه؟ اللي حصل؟ ضربته ليه؟ رحيم / خلاص بقى يا عماد عماد / رحمة زمانها جاية، هتحكي قبل ما تيجي، ولا هتستناها تيجي وتحكي قدامها؟ رحيم / خلاص بقى يا عماد، أبوس إيدك، ارحمني عماد / أنا مش هتحايل عليك، احكي رحيم يقوم يقفل الباب

رحيم / الواد سعيد كان جايب موبايل أخوه الكبير معاه عماد / وإيه سبب يخليك تضربه؟ رحيم / لا، مهو قالنا نروح الحمام عشان هيفرجنا على صور عماد / صور؟ رحيم / أنت فاهم عماد / يا سيدي رحيم / بعد مافرجنا بدأ يخرف ويتكلم عن رحمة إنها يعني عماد / عشان كده بقى ضربته؟ رحيم / بذمتك، لو مكاني كنت هتسيبه؟ عماد / لا، بس أنت أصلاً غلطان، إيه اللي يخليك تحط نفسك في موقف زي ده مع عيل زي ده أساساً؟

رحيم / معرفش، العيال كلها كانت بتتفرج، وأنا لو متفرجتش، كانوا هيقولوا عليا ورور عماد / طب افرض مدرس كان دخل عليك وأنت بتتفرج، ساعتها يا فالح، أبوك كان هيعرف، ومش بعيد رحمة تعرف إنك بتتفرج على الحاجات دي رحيم / أنت مش هتقول حاجة، صح؟ عماد / لا طبعاً، مش هقول حاجة، بس متعملهاش تاني رحيم / وأنت عمرك معملتها؟ يعني مهو كلو على يدي

عماد / هههههه، يا عم، كانت فترة وعدت، وربنا تاب عليا، وصدقني ندمان عليها، لأني مستفدتش منها، وبتضر، صدقني، أنا أخوك الكبير وعارف رحيم / أنت إجازتك هتخلص إمتى؟ عماد / بكرة هروح أسلم نفسي، ربنا يخلصني من الجييش ده على خير بقى، لحسن تعبت رحيم / سمعت ماما بتتكلم مع بابا على عروسة ليك عماد / آه، قالت لي، وقولتلها تنسى، أنا مش هتجوز دلوقتي، أنا عاوز أعيشلي يومين رحمة تخبط ورحيم يفتح لها رحمة / الرز بلبن

عماد / تسلم إيدك، تعالي بعد ثلاث سنين رحمة نازلة على السلم، وفي شاب طالع يقف قدامها، تيجي يمين يروح يمين، تيجي شمال يروح شمال رحمة / لو سمحت عديني الشاب / أنا آسف، اتفضلي معلش، لو سمحتي، لو شقة عماد أنهي واحدة؟ رحمة / الدور التاني على الشمال الشاب / شكراً الشاب يطلع ويلاقي عماد واقف مستنيه عماد / نورت يا معلم، اتفضل الشاب / لا، بس بيتك طلع حلو أوي يا عماد، تصدق، أنا لو كنت أعرف كنت أكيد زرتك من زمان

عماد / هههههههه، أنا أوضتي اللي في الوش، خش طوالي، على ما أوصلك على الشاي الشاب / تمام الشاب يدخل الأوضة، وثواني وعماد يحصله عماد / نورت يا معلم، اقعد، اقعد، ده أنت هتتقطع النهاردة الشاب / لا، متحلمش، شغل شغل رحيم يدخل رحيم / أنت خدت الشاحن بتاعي تاني يا عماد؟ أنا آسف، مكنتش أعرف إن عندنا ضيوف عماد / دا حسن زميلي في الجيش، أخيراً قرر يتكرم ويتعطف ويزورني، وأه، معلش، ملقيتش بتاعي، فاستلفت بتاعك، عندك على الكومودينو

رحيم يسلم على حسن رحيم / نورتنا، عماد حكالي عنك كتير، أنا رحيم أخوه عماد / أخره صبري، لو مورتكش حاجة، تعال اقعد معانا رحيم / والله كان بودي، بس مشغول بجهز للحفلة، بتعزم صاحبك لو عاوز عماد / طب بتعزم أنت؟ ماهو عيد ميلادك أنت يا سيدي، بكرة يبقى عيد ميلاد رحيم الستاشر محمود / كل سنة وأنت طيب، طبعاً هاجي، ده أنا هبقى مقيم في البيت ده عماد / ههههههههههه، كل ده عشان البلاي ستيشن الجديد؟ ماشي يا عم، تاني وتنور

رحيم ياخد الشاحن / عن إذنكم أنا بقى رحيم يطلع ويقفل الباب، وشوية وزينب تخبط عماد / ادخل زينب تفتح الباب / الشاي عماد يوقف اللعب ويقوم جاري عماد / حسن كان معايا في الجيش، والدتي حسن يقوم يقف / أهلاً يا طنط، إزاي حضرتك؟ زينب / نورتينا فجأة صوت فرقعة وصرخة، الكل يجري على أوضة رحيم، يلاقوا رحمة ورحيم بينفخوا البلالين، ورحيم ميت من الضحك زينب / وقعتوا قلبي يا عيال رحيم / معلش يا ماما، البلونه فرقعت في وش رحمة

حسن / تحبوا أساعد؟ أنا بنفخ البلالين حلو أوي عماد / لا متخافش، أنت اللي هتتنفخ، اتفضل قدامي نكمل الماتش حسن / طب نساعد طيب، البلالين يا عماد عماد يجر حسن على الأوضة تاني ويقفل الباب في أوضة عماد حسن / هي مين البنت اللي جوه دي؟ أختك؟ عماد / رحمة، لا، بنت عمي، على فكرة عيد ميلادها بكرة هي كمان، استنى أما أوريك جبت لها إيه، تقولي رأيك حسن / وريني، استنى، هي وأخوك عيد ميلادهم في يوم واحد؟

عماد / هههههههههههه، أه، تخيل الفرق بينهم ساعات عماد يطلع علبتين من الدولاب ويفتح الأولى، فيها إزازة برفان عماد / دي بتاعة رحيم عماد يفتح التانية، فيها سلسلة دهب فيها حرف R حسن / حلوين أوي، هو رحيم كام سنة؟ عماد / 16، ليه؟ حسن / ثانوي يعني؟ عماد / تالتة، أه حسن / لا، مفيش، عادي بسأل عشان أشوف الهدية بس عماد / تمام