رواية مفيش رحمه الفصل الثامن عشر 18 - بقلم لولو محمد

رحيم روحي في مناخيري، مش طايق. هرامي اعطس. رحيم تصدق أنا هقوم من جنبك، مش ناقص فقع. هرامي هههههههههه استنى بس. رحيم يروح لـ رحمه. رحيم تروحي الكافيتريا. رحمه ماشي. رحيم ورحمه بيتمشوا في صمت تام. رحيم روحتم فين امبارح؟ رحمه مطعم. رحيم وطلبتي إيه؟ رحمه كيك نوتيلا بالآيس كريم الشوكولاتة. رحيم كويس، انبسطتي يعني. رحمه أنا زعلانه منك على فكرة. رحيم بجد؟ طب والله كويس، كدا نبقى خالصين. رحمه

وأنا كنت عملت إيه عشان تزعل يعني؟ رحيم إنتي خرجتي مع مصطفى أصلا بمناسبة إيه؟ رحمه لو ما كنتش عاوزني أخرج معاه، كنت قولي متخرجيش وأنا كنت هعتذر. رحيم لا، بتسمعي الكلام أوي. وبعدين دا على أساس إنك جيتي تستأذني مني إنك تخرجي معاه. أنا لو ما كنتش جاي أصالحك، ما كنتش عرفت إنك خارجة معاه أصلا. وبعدين يقربلك إيه هو عشان تروحي معاه مطعم لحد الساعة 10؟ رحمه إنت كنت جاي تصالحني؟ رحيم

لا، كنت جاي أحرق دمي أكتر ما هو محروق، أمال أنا بحاول أعمل إيه؟ تليفون رحيم يرن. رحيم الو؟ أيوه يا رامي... اتعلقت، أنا جاي حالا. تعالي نرجع القاعة عشان النتيجة اتعلقت. رحمه لو ناوي تصالحني، لازم تلحق قبل ما يجي مصطفى بالليل. رحيم لا يسمعها ويسبقها بكام خطوة. رحيم إيه؟ مش هتيجي؟ يلا تعالي. رحمه تهز رأسها وتحصله. في القاعة. عبير

مبروك يا رحمه، أنا شرحت للجنة إنك عدتي المشروع تاني. أنا كنت متأكدة إنهم هيعوضوكي. مبروك يا رحيم. رحمه مش فرحانة. عبير مالك؟ زعلانة إن رحيم جاب أعلى منك؟ دول أربع درجات بس عشان اللاند سكيب بتاعه كان أحلى. رحمه أبدا، والله أنا فرحاناله أوي، بس أنا مرهقة. النهاردة هروح أنام. عبير ماشي، ارتاحي عشان تجهزي للفاينال. رحمه بإذن الله. رحيم سلام. في العربية. رحيم إنتي عارفة إنك لو ما كنتيش خلصتيلي لوحتي، ما كنتش جبت أعلى منك.

رحمه وإنت لو ما كنتش ساعدتني، ما كنتش نجحت أصلا. رحيم تحبي نروح في أي حتة نحتفل سوا؟ رحمه لا، أنا تعبانة. ممكن نروح... في البيت. رحمه تدخل البيت تغير هدومها وتدور يمين وشمال متلاقيش حد. تروح شقة رحيم متلاقيش حد ورحيم بيتكلم في التليفون. رحمه هما راحوا فين؟ رحيم ماما زينب وماما حياة راحوا مع عماد يجيبوا شوية حاجات، وتيته مع عمو محمود عند الدكتور المتابعة بتاعتها النهاردة، وبابا تحت في المعرض. رحمه اممم، طيب.

رحمه تروح بيتها ورحيم وراها. رحيم ماما عاملة سبانخ. رحمه وإحنا كوسة. أنا هطلع بانيه مالفريزر وأعمل مكرونة. أعملك معايا؟ رحيم في موضوع مهم أوي عاوز أكلمك فيه. رحمه خير، اتكلم. رحيم إنتي عارفة إن مصطفى جاي النهاردة يخطبك. رحمه إنت عرفت؟ أه، قالي امبارح في المطعم. رحيم وإنتي رديتي؟ قولتي له إيه؟ رحمه مرديتش. رحيم يعني إيه مردتيش؟ رحمه يعني مرديتش يا رحيم. سكت. رحيم دا رأيك يعني؟ رحمه رأيي على إيه بالظبط؟ رحيم

ولا حاجة. أنا هطلب دليڤري، متتعبيش نفسك. سلام. رحيم يمشي ويقفل الباب وراه. بعد شوية، رحمه تدخل أوضة رحيم وفي إيدها صينية أكل. رحيم قولتلك متعمليش حاجة، أنا طلبت دليڤري خلاص. رحمه وأنا تعبت في الأكل ده واتلسعت من الزيت، فهتاكله غصب عنك. رحيم أنا قولتلك متعمليش ومش هتاكليني على مزاجك. أنا طلبت بيتزا وزمانها جاية. رحمه والمفروض أعمل إيه في الأكل ده بقى؟ رحيم

اعملي اللى تعمليه براحتك، متفرقش معايا. إن شاء الله حتى ترميه في الزبالة. رحمه أنا مبرميش نعمة ربنا في الزبالة. اتفضل إنت ارميه. رحمه تزق الصينيه في صدر رحيم. رحيم يشيلها ويحطها على باسكت الزبالة. رحيم ارتحتي؟ رحمه وشها يحمر وعينيها تتملي دموع وتنط عليه. تفضل تضرب فيه بوكسات وهو يمسك إيدها. رحيم اهدّي بس، بس اهدّي بقولك. اهدّي. رحمه مبتوقفش وتحاول تشد إيدها من إيد رحيم وهي عمالة تعيط. رحيم

خلاص، أنا آسف. آسف، بس اهدّي. رحمه سيب إيدي. رحيم يسيبها ويروح ناحية السرير. تسكت ثواني وتروح تزقه يقع عالسرير وتحاول تضربه تاني. يمسكها تاني يبصلها بغضب يلاقيها عمالة تعيط. رحمه أنا بكرهك. بكرهك أكتر مالكوسة والسبانخ. بكرهك يا متخلف. رحيم يسيب إيدها. تحط راسها على صدره وتعط. رحمه أنا بكرهك أوي. رحيم خلاص، اهدّي. أنا أستاهل، بس بطلي عياط. رحمه إنت كمان بتكرهني، مش كدا؟ رحيم يا ريت كنت أقدر أبطل أحبك حتى. رحمه

أمال ليه سبتني؟ رحيم يشدها بعيد عنه. رحيم أفندم؟ إنتي اللي سبتيني، ولا نسيتي؟ رحمه تزق إيده وتحضنه تاني. رحمه طب أنا اتنرفزت فمرة تدبحني يعني؟ عارف كام مرة نمت عيطة بسببك؟ رحيم مش إنتي بتقولي إنّي مش راجل؟ رحمه كنت بغيظك عشان سبتني ومشيت. رحيم خلاص، حقك عليا. رحمه تقوم تقعد. رحمه أنا كنت فاكرة إنّي لما هقولك ابعد عني، هتقول: أنا مقدرش ابعد عنك. كنت فاكراك هتتمسك بيا. رحيم

وأنا عمري ما كنت أتخيل إنك هتعرفي تقوليها أصلا. رحمه كنت مستني إيه عشان تصالحني؟ رحيم أنا حاولت وكثير على فكرة، بس تقولي إيه بقى في المخ الصعيدي؟ رحمه مش أنشف من مخك. رحيم أنا راجل، لكن إنتي بنت المفروض... رحمه يعني إيه؟ إنت غلطت، إنت فاهم ولا لا؟ إنت الغلطان. رحيم هههههه، معاكي حق. أنا الغلطان. خلاص اهدّي بقى. رحمه تعيط. رحيم إيه تاني؟ رحمه أنا زعلانة منك أوي. أنا بجد بكرهك. رحيم طب عيني في عينك كدا.

رحيم يشد رحمه. تبصله وهي تزقه وتبص الناحية التانية. رحمه أوعى كدا، أنا زعلانة منك. رحيم ما أنا بصالحك أهوه. رحمه بعد إيه؟ بعد ما جيتلك وعيطتلك؟ خلاص اتأكدت إنّك إنت الأقوى وكسرتني. رحيم لا طبعاً، معاش ولا كان اللي يكسرك. رحمه لا، لو كنت بتحبني ما كنتش قدرت على زعلي، كنت صالحتني. رحيم كام مرة حاولت أصلحك وإنتي صدّيتيني؟ كام مرة؟ رحمه إنت لسه بتحبني؟ رحيم أكيد طبعاً، بحبك وبموت فيكي يا بت. هو أنا أقدر أبص لغيرك؟ رحمه

أنا تعمل معايا كدا؟ رحيم خلاص بقى يا بت، إنتي هتسوقيها ولا إيه؟ رحمه اعملي حسابك إنك لو كررتها تاني، عمري ما هصالحك. وأقولك أنا هتجوز أول واحد يتقدملي، حتى لو مش بحبه، حتى لو هعيش طول عمري تعيسة. رحيم طب ولو إنتي كررتيه؟ رحمه تيجي تصالحني. رحيم هههههه، يعني تبقي غلطانة وأجي أصلحك؟ تشتميني وأجي أصلحك؟ دا إيه الجباروت ده؟ رحمه إن كان عاجبك. رحيم عاجبني. هو أنا أطول؟ رحمه تدحكله. عماد يدخل. عماد إنت طالب دليڤري؟ إيه ده؟

إنتي هنا؟ وهما دايخين عليكي هناك. رحيم خير؟ عماد جايبينلها حاجات وعايزينها تقيسها. رحمه أنا هروح لهم. رحيم استنى. رحيم يفتح الدرج ويطلع منه علبة الدبل، ويلبس دبلته ويلبس رحمه بتاعتها. عماد يا حلاوة. رحمه سلام. رحمه تعمل باي باي باليمين وهي بتحرك صابعها اللي فيه الدبلة بابتسامة عريضة وتمشي. عماد إنتوا رجعتوا إمتى؟ رحيم من خمس دقايق. عماد ومصطفى؟ رحيم يولع. أنا مالي. دا أصلا حسابه معايا بعدين لما أفوقله. عماد

أستر يا رب. دا باينه يوم زي الفل بإذن الله. في بيت رحمه. حياة هي تيته لسه مجتش يا رحمه؟ رحمه لا، أنا جيت ملقيتهاش. زينب خدي الفستان ده، البسيه كدا. عاوزين نشوفه حلو ولا لأ. رحمه تمد إيدها اليمين وتاخد الفستان. زينب تمسك في إيدها. زينب إيه ده؟ رحمه دبلتي. مالها؟ حياة هو إيه اللي مالها؟ لبستيها إمتى؟ رحمه النهاردة. حلوة صح؟ كأني أول مرة بلبسها. زينب تقوم تقف وهي متنرفزة. زينب هو إيه لعب العيال ده؟ رحيم يدخل. رحيم

في إيه يا ماما؟ بتزعقي ليه؟ حياة إنت كمان لبست دبلتك؟ طب والله كويس. طب والعريس اللي جاي النهاردة هنقوله إيه؟ معلش أصل العيال قرروا يتصالحوا فجأة. رحيم والله أحسن من إنها ترتبط بواحد وهي بتحب واحد تاني، ولا إيه يا ماما؟ زينب إنت عارف اللي عملتوه ده ممكن يعمل مشاكل قد إيه؟ رحمه المشكلة الحقيقة إن مصطفى يفكر في واحدة مخطوبة أصلا. عفاف ومحمود يدخلان. عفاف ياربي عالتعب. كان لازم الكشف النهاردة. مالكم واقفين كدا ليه؟

حياة تسند عفاف. حياة ارتاحي يا ماما. محمود في إيه؟ مالكم؟ رحيم هو ينفع واحد يتقدم لواحدة مخطوبة؟ محمود لا. رحيم أمال إزاي مدي معاد لمصطفى وعمو إبراهيم يجوا النهاردة؟ محمود أنا بنتي خطوبتها مفسوخة من سنة. ولا إنت ليك رأي تاني؟ عفاف زينب، وحياتك ناوليني كوباية ميه عشان آخد نفس. زينب حاضر يا طنط. عفاف إنتوا اتصالحتم؟ حياة هو إيه لعب العيال ده؟ محمود يعني إيه؟ مصطفى اتقدم والبت رفضت وخلاص؟

هو الجواز بالعافية والحاجات دي قسمة ونصيب. محمود يعني هي قالت النهاردة؟ رحمه وهو كان حد عبرني وسألني أصلا؟ أنا عرفت من مصطفى امبارح. اللي لو كنت أعرف إنه جاي يتقدملي النهاردة، ما كنتش خرجت معاه أصلا. محمود إنتوا شايفين كدا؟ رحيم أنا ورحمة لبعض. اتخانقنا، اتصالحنا. ملناش تالت. محمود والله بمزاجكم؟ هو تسيبوا بعض وترجعوا وتخرجوا وتدخلوا وتهيسوا؟ ولا كان في أهل اتعبروا؟ رحيم

إحنا مبنعملش حاجة غلط. إحنا كل حاجة بنعملها قدامكم. وإن كنا غلطنا مرة، فده مش مبرر إنكم تفرقونا. عفاف ولا مخلوق في الدنيا يقدر يفرقكم لو إنتوا عاوزين بعض. محمود ماما؟ عفاف الحق اتصل بإبراهيم واعتذرلهم. محمود ملوش لزوم. حياة محمود؟ محمود دي حركة عملتها أنا ومصطفى وإبراهيم عشان زهقت من دلعهم. كنت عارف إنهم مش هيتصالحوا إلا لما يتأكدوا إنهم هيضيعوا من بعض. رحمه إنت بتتكلم جد يا بابا ولا بتهزر؟ رحمه تبتسم. رحيم

لا، صايع يا عمو. عفاف رحيم، عيب. رحيم آسف والله، هي طلعت كدا. محمود هههههه. إنتي عارفة يا حياة، إنتي لما حكيتي على اللي رحيم عمله عشان مشروع رحمه، اتأكدت إنه لسه بيحبها. وبنتك أم دماغ جزمة قديمة دي مش هتنخ. وحكيت لإبراهيم واتفقنا على كل حاجة. عماد يدخل. عماد أيوه يا عمو، بس أنا برده ساعدت. رحيم إنت بتشتغلني؟ إنت كمان يا جزمة إنت؟ عماد أمال يعني؟ أمك هتعرف إزاي؟

المهم بقى نركز. أنا مش هفضل سنجل كتير، والواد الدؤرم ده خاطب. ماشي؟ محمود دا يوم المنى، يوم ما لمك. عفاف رحيم، تعال سندني. أدخل أوضتي ارتاح. محمود تعالى يا ماما. عفاف أنا عايزة رحيم. محمود وماله، هسندك معاه وهسيبكوا جوه. عفاف لا، رحيم هيسندني لوحده. هو قدها وقدود، مش كدا يا رحيم؟ رحيم اللي تشوفيه يا تيته. رحيم يسند جدته للأوضة. عفاف اقعد يابني. رحيم يقعد جنبها. عفاف إنت عارف غلاوتك عندي صح؟ رحيم طبعاً يا تيته. عفاف

أنا معنديش في الدنيا أغلى من رحمه دي. جت بعد شوق سنين وتعب. وشيلتهالك أمانة في رقبتك، تاخد بالك منها وتصونها وتراعي ربنا فيها عشان ربنا يرزقك. رحيم طبعاً يا تيته. عفاف اللي حصل المرة اللي فاتت دي ميتكررش. الزعل بينكوا ميطلعش عليه نهار. تراضيّها، تراضيك. تعاتبها، تعاتبك. إن شاء الله تولعوا في بعض، المهم تتراضوا. رحيم حتى لو هي الغلطانة؟ عفاف هي مغلطتش لوحدها، إنت كمان غلطت. رحيم أنا؟ عفاف

آه. هي مخنوقة، مكتئبة، زهقانة، فيها العبر. حتى لو مجنونة، مين غيرك يستحملها؟ مين غيرك يحتويها ويحن عليها؟ رحيم بس هي قالت كلام بيجرح. عفاف عمرك شفت أسد مجروح؟ أهي كانت كدا بتخربش في أي حد. مهي قالتلي إني بحبك أكتر منها وبظلمها، بس أنا مخدتش كلامها جد. إنت عارف هقولك الكلام ده عشان تتعلم تتعامل مع البنات بوجه عام. البنت وهي متعصبة، لسانها بيتعوج. رحيم هههههه، إزاي يعني؟ عفاف

يعني لو قالتلك بكرهك، بتبقى عايزة تقولك بحبك. لو قالتلك ابعد عني، بيبقى قصدها أو إوعى تسيبني. لما تقولك مش هكلمك تاني، بتبقى بتقولك عايزة أسمعك. يتمنعن وهن الراغبات، يا أهبل، متبقاش إنت غبي بقى ومتصدق. رحيم وأنا هستحمل الجنان ده. عفاف طول عمرك. لو منتش قدها، من دلوقتي قول. رحيم بس أنا كمان هييجي عليا وقت أبقى مخنوق ومدايق. هييجي عليا وقت راجع من الشغل تعبان وعايز أرتاح ومش هبقى فايق للجنان ده. عفاف

إنت فاكر الجواز ده زي الأفلام؟ تدخل من بره تلاقي مراتك على سنجه عشرة، تجري عليك تقلعك البدلة والجزمة وتلبسك البجامة؟ لأ يا حبيبى، فوق. وبص لأمك طول النهار في المطبخ وطول الليل موطية في الأرض بتلم مطرح زبالتك إنت وأخوك. رحيم بس ماما حياة... عفاف وماله؟

تخيل راجل يشيل مراته اللي مبتخلفش في عينيه عشر سنين. عشر سنين يا رحيم، حاطتها في عينيه. لا بيجرحها بكلمة، ولا بيسمح لحد يكلمها. الكل، حتى أنا وهي قولناله واتحايلنا عليه يتجوز. بس لأ. إن مكنش ابني من مراتي اللي بحبها، مش عايز. وصبر ووقف جنبها في ضعفها، لما ربنا جزاهم. هو ده يا ابني الجواز. رحيم ساكت. عفاف هههههههه، إيه؟ اتصدمت؟ رحيم تعرفي يا تيته، أنا حاولت أصلح رحمه كتير، بس هي دايماً كانت... عفاف

بعد الجواز، المصالحة هتكون أسهل. لما تلاقيها بقت عصبية كدا وبتلفظ بالكلام. خدها في حضنك وبوسها، وادعيلي. رحيم يبتسم. عفاف هتزقك وتقولك متضحكش عليا بكلمتين. إنت جاي تاكل بعقلي حلاوة؟ قولها: وهو إنتي يتشبع منك يا حلو؟ إنت يا حلو؟ رحيم ههههههههههههههههه. عفاف عمرها ما خيبت مع جدك. كان يعمل كل مصيبة والتانية، وكنت أراضي بالكلمتين دول. شوف حفظتهم، وبرده كنت بفرح بيهم وأنسى الزعل. رحيم الله يرحمه. عفاف

الله يرحمه. قوم بقى، سيبني أنام. ومتنساش تحط الأمانة بتاعتي في عينيك. أوعى تزعلني منك. رحيم في قلبي يا تيته. عفاف تسلملي إنت وقلبك يا روح قلبي إنت. يلا اطلع واقفل الباب وراك. رحيم يطلع ويقفل الباب وراه. يلاقي رحمه واقفة. رحمه وهي مبتسمة كنتوا بتقولوا إيه كل ده؟ رحيم كانت بتقولي لو زعلتك تاني، أقطع رقبتها وأكسر للبت ضلع. يطلعلها أربعة وعشرين، ويلا يابت اتجرّي، اعمليلي شاي. رحمه تبوز ورحيم يضحك. رحيم

بهزر معاكي. بتوصيني عليكي، قال يعني أنا محتاج توصية عشان آخد بالي من قلبي. رحمه تبتسم. في الكلية تاني يوم. رامي طب والله كنت حاسس. رحيم يا سلام. رامي كان باين عليكوا أوي الفترة اللي فاتت. رجعتوا زي زمان. روقيه بس إنتوا امبارح كنتوا مدايقين. أنا متأكدة إن في حاجة حصلت امبارح خلتكوا ترجعوا لبعض. رحيم خفت تضيع مني. رحمه إنت اللي خفت برده؟ ولا أنا اللي صلحتك؟ روقيه يعني إنتي اللي صلحتيه في الآخر؟ رحيم مبتسم أنا وهي واحد.

روقيه لا، اتنين. لو ما كنتش صلحتك، كنت هتتصالح. رحيم جد آه، كنت هصالحها. أنا أصلا حاولت أصلحها أكتر من مرة من ساعة ما اتخانقنا. أنا أساساً مكنتش معتبر إننا متخانقين. كانت فترة راحة عشان نجدد حياتنا. يعني من يوم ما اتولدنا سوا، قولنا نجرب نبعد. رحمه تزقه. عبير تدخل. عبير رحمه، ممكن أتكلم معاكي ثواني؟ رحمه عن إذنكوا. رحمه وعبير يروحوا لوحدهم. رحمه خير، في إيه؟