رواية مجهول دخل حياتي الفصل الخامس 5 - بقلم فاطمة الدمرداش

إسلام حيلك أي دا كله، شكله إزاي؟ سها: كان مغطي وشه، مشوفتش أي ملامح، بس عارفه صوته. حتى اسمه مرديش يقولي، قال هتعرفي كل حاجة في وقتها. إسلام: دا مش هيجيبها لبرة، دا ولا أيه. أنا هتصرف، أنا لازم أعرفه. سها: أنا تعبت جامد، يلا نروح. إسلام: يلا ادخلوا البيت. إسلام: أنا من امبارح منمتش، بفكر مين الشخص دا وليه بيعمل معاكي كدا. سها: أنا مش هطلع الأسبوع دا خالص.

إسلام: هتطلعي يا سها، وإلا أنا جعان، اعملي أي حاجة، هموت من الجوع. سها: حاضر. *** رحمة: أزيك يا حفص، وحشاني. حفص: بيضة، عينيها ملونة، بتلبس حجاب، من الآخر قمر، ومع ذلك حرباية أكتر من رحمة. حفص: الحمد لله يا رحوم، انتي عاملة أيه. رحمة: كويسة، كنت عايزة ألكي ف موضوع. حفص: سامعاكي. رحمة: انتي عارفة سها محمد. حفص: أي السيرة دي، أنا مش بحبها، وبعدين أنا مليش كلام معاها أوي، بس مالها. رحمة: عايزيكي تتقربي منها.

حفص: يع، أنا أتقرب من دي، لا طبعاً، لا مستحيل. رحمة: اسمعي بس. حفص: اتكلمي. رحمة: أخوها إسلام. حفص: إسلام المهندس، أخو المعفنة دي. رحمة: أه، انتي كدا كدا كسبانة منها، هتنتقمي من سها، وبالمرة تتسلي بإسلام، وهتسيبيه. حفص: أنا بساعدك في كل حاجة، بس باين المرة دي مش سالكة. رحمة: عندك حق، دلوقتي من بكرة تروحي وتتصاحبي ع سها، وتنتقمي من إسلام.

حفص: تعرفي، أنا مش بطيقهم أصلاً، إسلام دا لازم انتقم منه، بعتله ماسنجر، عملي بلوك، أنا هوريه حفص هتعمل أيه. رحمة: بخُبث: خليكي دايما بتغلي كدا عشان روح الانتقام متطفش عندك. حفص: تمام. رحمة: أه، همشي أنا. حفص: دقيقة، في واحد من بدري بيبص علينا. رحمة: ملاحظتش أنا. حفص: مغطي وشه. رحمة: ملناش دعوة دلوقتي، جهزي وفكري هتعملي أيه بكرة. حفص: عندك حق، خلاص أنا همشي بردوا. رحمة: تمام، سلام. *** نرجع لسها تاني.

في المطبخ هي وبتحضر الأكل. حست بحد دخل المطبخ وطلع بسرعة. بصت، لقيت بوكس جميل جداً. سها بلهفة فتحت البوكس. لقيت شوكولاتة كتير، وتبلو فيه صورتها هي وباباها، وعليه ظرف. سها بدموع وفرحة في نفس الوقت فتحت الظرف.

سها: بنتي المليش غيرها في الدنيا، سامحيني ي بنتي، أنا مش قادر أرفع عيني وأبص عليكي من الخجل، وبلوم نفسي مية مرة. اللي عملته. بس والله كنت في لحظة غضب، ومكنتش مصدق. كل اللي عايزة إنك تكوني مبسوطة طول حياتك، ومحدش يقول عليكي نص كلمة، عشان انتي متستاهليش تعيشي وسط الناس دي. انتي ملكي بكل حاجة فيك. أبوكي بيحبك وطالب منك السماح. سامحيني يا بت بقى. سها بدموع جريت، لقت بابها واقف في البلكونة. حضنته.

سها: مسامحاك يا أحلى أب في الكون كله، بجد أنا نسيت كل حاجة والله من الهدية دي ولا الظرف دا في قلبي والله. محمد بدموع: انتي زي أمك الله يرحمها بالظبط. الكلمة الحلوة بتفرحها مهما كان الشخص اللي قدامها عمل معاها. سها: مواقف وحشة. محمد: الرز بيشيط. سها: ي لهوي. الأب: دخل وراها. سها بضحك: انت السبب، شايفني بشتغل، تجبلي هدية وتخليني أنسى الرز. في الأول والآخر انتوا اللي هتاكلوا. الأب بضحك: ماشي يا ستي.

إسلام: الله الله، الأب وبنته بيضحكوا وأنا ولا كأني هنا. الأب حضن إسلام: والله أنا مليكم غيركم. إسلام: ربنا يديك الصحة وطولت العمر. الأب: اللهم أمين، يلا يا سها عايزين ناكل بقى. سها: خلصت، تعالي يا إسلام حط الأطباق ع السفرة. إسلام: تمام. خلاص السفرة جهزت، وأول ما بدأوا الأكل، الجرس رن. محمد: مين ممكن يجي دلوقتي. إسلام: معرفش، بس هقوم أفتح. *** حفص بميوعة: سلام عليكو. إسلام

بص عليها من فوق لتحت: وعليكم السلام ورحمة الله وبركاته. مين حضرتك. حفص: أنا زميلة سها. إسلام: طيب اتفضلي. حفص: مانا كنت هدخل كدا كدا. جريت ع سها: أزيك، وحشاني. سها: مين حضرتك. حفص: ي وحشة، نسيتيني. أنا حفص اللي كنت معاكي السنة اللي فاتت. سها: أه، اللي فضلتي تتريقي عليا. حفص: مبقاش قلبك أسود بقى، أنا أصالحك. سها: طيب تعالي ندخل الصالون. حفص: طيب. حفص: ي سها، دا انتي بخيلة أوي. طيب دا أنا قولت حماتي بتحبني وهاكل معاكم.

محمد: خديها وجيبيها أكل واتغدوا سوا. حفص بميوعة: لا ي عم، أنا هاكل معاكم. سها باحراج: ماشي. اتفضلي وأنا هجيبلك طبق. دخلت المطبخ: ياربي، أي الجابها دي. طلعت: اتفضلي ي حفص. حفص بدلع: اسمي حفص أبجد، زعلانة منك عشان نسيني. سها: آسفة، اتفضلي ي حفص. قعدت جمب سها. إسلام: راح يتلافى طبق الشوربة. حفص: أنا هديهولك. إسلام بص عليها وعنيه بتطق شرار: لا، أنا هجيب حاجتي بنفسي. ولا أقلكم، أنا اتاخرت ع الشغل. سها: ربنا معاك.

إسلام: ومعاكي. خلصوا أكل وقعدت معاهم في الصالون. سها عملت عصير. حفص قعدت ع الكرسي قبال الأب وحطت رجل ع رجل، وكانت بتاكل لبّان، وتطلعها من بقها وتلعب فيها بإيدها، وترجعها تاني. محمد: أي ي بنتي دا، عيب، مينفعش اللي بتعمليه. حفص: ي عمو، بقى سيبني ع راحتي. محمد بضيق: عن إذنك، أنا داخل المكتب. حفص: ربنا معاك عمو. طلبت، هو ممكن أبات عندكم. محمد باستغراب: عندنا. حفص: أيوة، أنا هقعد بس النهاردة. محمد بغضب: البيت بيتك ي بنتي.

حفص برق: مرسي ي عمو. سها: أنا داخل المكتب عايزك ف كلمتين. سها: حاضر ي بابا. سها: اتفضلي ي حفص العصير. حفص: اسمه جوس. سها بقرف: اتفضلي الجوس. دخلت عند أبوها. محمد: مين دي. سها: والله ما اعرفها ي بابا، تقريبا كانت معايا السنة اللي فاتت، وحصل منها كذا موقف، وأنا مليش دعوة. محمد: تبات النهاردة وتفطر معانا. السلامة، أنا مش مطمن خالص. سها: تمام ي بابا. طلعت برا: هي فين حفص. حفص: انتي بتعملي أيه في أوضة إسلام.

حفص: هي دي أوضة إسلام. أنا كنت عايزة أريح. عمو قالي البيت بيتك. سها: تعالي في أوضتي. حفص: تمام، مع إنوا حبيت الأوضة دي. سها: أوف. حفص بخبث: انتي بتقولي أوف في وشي كدا. سها بقرف: معلش، أصل الدنيا حر النهاردة. دخلت الأوضة وفضلت تبص في كل حاجة. الدولاب، الهدوم، السرير. حفص: زوقك ي سها بلدي، بس مش بطال. سها دمها محروق على الآخر: أنا طالعة أصلي. حفص: أه، روحي، تقبل الله. سها دخلت أوضة إسلام ورنت عليه.

سها: الحقني، البت دي بايته عندنا ومش عارفة هي ناوية على أيه، بتفتش في كل حتة في الشقة. إسلام: أنا مش مرتاح، هي المصايب اللي بتتحدف علينا دي. سها: تعال بسرعة. إسلام: حاضر جاي، بس البت دي متربتش أبداً. سها: عارفة. حفص: ي سهاااا. أنا عايزة حاجة ألبسها. سها: صبرني ي رب. خدي ي حفص. حفص: أي القرف دا، أنا هلبس عباية وجلابية. سها: امال انت عايزة تلبسي. أنا عايزة شورت وفلّينة.

سها: مينفعش، إسلام وبابا قاعدين، مينفعش تقعدي كدا قدامهم. وبعدين أنا مش بلبس الحاجات دي، معنديش غير العبايات. حفص: طول عمرك متخلفة. سها بزعيق: بتقولي حاجة ي حفص. حفص: لاااا، كنت بقول يعني كويس إنك فاكرتيني إن أخوكي قاعد. إسلام: داخل ي سهاا. سها: أنا جاية. حفص: والله لهوريكي. رحمة رنت: أي الأخبار. حفص: دقيقة هدخل الحمام عشان أكلمك. دخلت حفص: الأمور تمام، وأنا هبات عندهم. رحمة: تمام.

سها دخلت الأوضة، لقيت حجر عند الشباك. فتحت الورقة. سها: خلي بالك من حفص دي. قطعتها. حفص: بتقري أيه ي سها. سها: مليكيش دعوة، دي حاجة بتاعتي. حفص: كدا، أنا عايزة أشوف. سها: أنا رايحة لإسلام. حفص: تمام، متتأخريش عليا. *** سها: إسلام، بص الورقة دي، مكتوب فيها أيه. إسلام بفضول: اقري كدا.