رواية مجهولي انت الفصل الثاني 2 - بقلم ريم محمد

مين دا يا ماما؟ ميعرفش إنّي مخطوبة! مين ده؟ معرفش، بس باباكِ رفضه. هو غالبًا من معارف باباكِ. هكلم جدك يشوف حل. لازم تلبسي دبلة، مش كل يوم والتاني يجي حد. دا غير أنس، كل شوية قارفني مش مصدق إنّي مخطوبة بجد. بس جدو يعرف خطيبي منين صحيح؟ عشان ابن عمك. أنا ليا ابن عم أصلًا؟ أيوا، بس طول عمره مستقر بره. أنا مش فاهمة، مخطوبة لواحد مجهول؟ عمري في حياتي مشفتوش ليه؟ إيه الحكمة من كده؟ واحد معرفوش أقوم أتخطبله؟

ده حتى مكلفش نفسه يكلمني ولا مرة. بكرة ينزل وتشوفوا بعض. تمام، ماشي. بقالي ست شهور على الوضع ده. ولا سمعت صوته حتى. بس أنا قررت، مش هسكت. طالما هو مش موجود ولا في دبلة تدل على الخطوبة. لو جه شخص مناسب، هوافق. بصفته مين لوح التلج ده؟ أستناه. قررت هسافر. لأن خالتو وحشتني جدًا بعد الامتحانات علطول. وأروح الأسطبل أختار حصان من هناك أركبه. بعشق الخيل جدًا بطريقة لا تُوصف.

حقيقي نفسي يكون عندي مزرعة وفيها أسطبل خيول وحياة هادية مستقرة مع زوج يحبني وأحبه. إنما لوح التلج البارد عديم المشاعر ده ملوش لازمة. خلصت الامتحانات. وأنس ملاحقني من مكان للتاني. اضايقت من تصرفاته وحركاته دي. خلصت امتحانات من هنا وسافرت من هنا لخالتو أستراليا العزيزة. طبعًا جدو كان معارض، بس رحت مع عائشة. كنت حاسة براحة رهيبة. وصلت هناك وجريت على خالتو. حضنتها. وكمان عائشة سلمت على خالتو. الوضع كان كويس جدًا ومستقر.

قررت أركب الحصان بتاعي. يعني إيه سافرت كده؟ وكمان من غير إذني! أنت بقالك ست شهور خاطبها غيابي ولسه بتسأل عليها! بس مينفعش تخرج من غير إذني. أنت خطيبها لسه مش جوزها. كنت فين كل ده؟ لسه فاكر؟ كلها أسبوع وهنزل مصر. نزولك هيسببلي مشكلة. ده أول ما يشوفك هيجيله سكتة قلبية بتعاملك ده. أنت عملي أوي وحياتك كلها شغل. لو معجبتنيش، هشوف واحدة أجنبية. ركبت الحصان وأنا فرحانة جدًا. حسيت بحريتي.

خالتو قاعدة مع بناتها والولاد ساكنين الفترة دي بره. وكل ده وأنا مركزة مع الحصان وبركبه بمهارة عالية. لاقيت يامن ابن خالتي واقف هناك وبيراقبني. اتخضيت ونزلت ودخلت جوه. اتجمعنا كلنا على الأكل. ولقيته بيحاول يفتح معايا حوار. أنتِ خلصتي كلية؟ آه، هحضر حفلة التخرج بس. كويس جدًا. نورتي أستراليا. إن شاء الله هفسحكم فيها. القارة الصغيرة جدًا هتعجبكم جدًا. إن شاء الله. يلا دلوقتي أفسحكم. لبسنا وخرجنا كلنا ولفينا بالعربية.

هوديكم إن شاء الله حديقة بورت كامبل المرة الجاية. روحت البيت. ولاقيت اتصال من جدو. رنيت عليه وكلمته وقال: وصل مصر. هيجي ياخدك من أستراليا.