رواية مجنونة اخذت قلبي الفصل السابع عشر 17 - بقلم نور

نور صحيت لقت نفسها في حضن أدهم. نور بصراخ: عااااااا. أدهم قام مفزوع: إيه! في إيه! قام زلزال! نور بصتله بغيظ وزقته، وقع على الأرض. أدهم بوجع: آآآه يا بنت المجانين! في إيه! نور مسكت المخدة وفضلت تضرب فيه: عاااا يا حيوان يا سافل! وربنا ما هسيبك! وفضلت تضرب فيه وهو بيحاول يمسكها. أدهم مسك إيدها أخيراً وبص في عينها: في إيه يا مجنونة! نور بغيظ: أنا مش قولتلك متقربش مني! يالا! جيت في حضنك إزاي انطق!

أدهم بعصبية: وأنااااا مااااااااااالي! أنا اللي قولتلك لفي العالم وانتي متزفتة نايمة! ما انتي طول الليل بتتقلبي وأنا مش عارف أنام منك! ملقتش حل غير إني أخدك في حضني! نور بهدوء: طيييب سبني علشان أ قوم. أدهم برفعة حاجب: حاضر. أدهم سابها، ونور مسكته من شعره: طب وربنا منااا سااايباااااااك يااا أدهم يا كلب! أنا هوريك. أدهم بضحك: ابعدي عني يا بنت المجانين! الله يخرب بيتك! كان يوم أسود يوم ما شفتك!

نور بعصبية: منا هخليه أيامك كلها سودة دلوقتي. أدهم بعصبية: يعني من بين كل ظباط القطاع اللواء محمود ملقيش غيرك! ابعدي عنننني! نور فضلت تضرب فيه، ومرة واحدة أدهم قام وخلاها تحته وهو بقااا فوقها. نور: عااااااا! متحرش! عاااا! أدهم ضرب إيده على جبينه بزهق: متحرررش! إيه! الله يخرب بيت جنانك! أنا جوزك يا ماما! نور بغيظ: انت مش جوزي! عاااا! الحقوني! أدهم بخبث: ده مين ده اللي هيلحقك! دنا هطلع عينك دلوقتي. نور: عااااا! متحرش!

عااااااا! أدهم بص لها بصدمة وانفجر في الضحك. نور بغيظ: بتضحك على إيه يا بتاعة انت! أدهم بضحك: متحرش! إيييييه يا شيخة بقااا! شوهتي اللغة! نور زقته ووقعته تاني، وكانت هتجري بس هو مسك دراعها وشدها، وقعت عليه وفضلوا باصين لبعض فترة. لكن فجأة الباب خبط. أدهم لنفسه: أكيد الغتت حسام. نور قامت بسرعة ودخلت تغير هدومها. أدهم قام ظبط هدومه وشعره وفتح الباب. حسام بضحك: صباح الخير يا عريس. أدهم: صباح الفل.

حسام: الفطار جاهز يا باشا، هات نور وتعالوا افطروا معايا قبل ما الناس يجوا. أدهم: ماشي. حسام نزل، وأدهم دخل كانت نور لبست. أدهم: استنى هدخل ألبس وأنزل باقي، وبعد ما نخلص هنرجع نكمل الملف علشان بكرة هنسافر. نور: تمام. في شقة يونس. يونس كان بيفطر هو ومامته، وفجأة باب الشقة فضل يخبط جامد. يونس قام وفتح لقى تاليا، وباين على ملامحها الخوف ودموعها مغرقة وشها. يونس بصدمة: تاليا مالك! تاليا بدموع: ماما! ماما يا يونس!

صحيت لقيتها واقعة في الأرض ومش بترد عليا. مامته يونس: طيب اهدى يا بنتي، ان شاء الله خير. يونس دخل جاب مفاتيح عربيته وراح مع تاليا، شال مامتها ونزل بيها جري على المستشفى. في فيلا مازن الدمنهوري. مازن: رحمة هتيجي معانا. رحمة: على فين يا باشا. مازن بضحك: هنروح نبارك لـ نور، عقبالك. وغمز لها. رحمة: لا أنا مش عايزة أتجوز. مازن قعد جنبها: ليييه ياختي. رحمة بتوتر: مفيش، أنا داخلة. مازن باستغراب: رحمة! خدي يابنت.

مازن لنفسه: ياترى مالها! خديجة: قوم يابني علشان نروح لـ نور. مازن: حاضر يا ماما. مازن أخد خديجة وزينب ورزان وراحوا يباركوا لـ نور وأدهم. رحمة فضلت في البيت. في فيلا السيوفى. نور وأدهم نزلوا، لقوا حسام قاعد. قعدوا، وأدهم جاله اتصال وقام. حسام كان بياكل في الوقت ده، نور جابت الشطة وحطته في أكل أدهم. نور لنفسها: نيهههه! هنتسلى اوووي! هههه. حسام بص على نور لقاها بتضحك. حسام بضحك: شكلك ناوية على مصيبة. نور بضحك: أنا!

حسام بضحك: أعرف عنك إنك مجنونة وبتعت مشاكل زيي! نور بضحك: عاااش! لقيت حد مجنون زيي في أم العيلة ديه! على الأقل أرحم من المغرور اللي اتجوزته! حسام بضحك: أدهم ده أدهم طيب أوووي. نور: نيههههه! انت هتقولي! تعرف أخوك ده! أنا هعلمهولك الأدب من أول وجديد. حسام بضحك: أقسم بالله انتي عسل! نور بضحك: تشكر يسطااا. حسام فضل يضحك. أدهم رجع لقاهم بيضحكوا ويهزروا مع بعض وحس بالغيرة.

أدهم قعد وبدأ يأكل، ووشه بقى أحمر من كتر الشطة وفضل يكح. حسام بخوف: أدهم! أدهم مالك! نور قامت وجابتله ميه: إشررب بسرعة. أدهم بص لها بعصبية وطلع أوضته. حسام داق الأكل لقاه مولع. حسام بهدوء: نور! انتي حطيتي شطة في طبق أدهم. نور بتوتر: احم! أنا! أنا! حسام بمقاطعة: نور! أدهم عنده حساسية، أتمنى ده ميتكررش علشان أدهم مش بس أخويا، أدهم كل حاجة لياااا! وأنا مليش غيره في الدنيا. نور بحزن: أنا آسفة، صدقني مكنش قصدي.

حسام: روحي اطمني عليه. نور بحزن: حاضر. نور طلعت تجري تشوف أدهم. وحسام ابتسم: لازم أقربكم من بعض قبل ما تروحوا المهمة. في المستشفى. تاليا كانت قاعدة ضامة نفسها وبتعيط. يونس راح وقعد جنبها: تاليا! اهدى، ان شاء الله هتكون كويسة. تاليا بصتله واترمت في حضنه: ماما يا يونس! ماما! أنا مليش غيرك. يونس ضمها وفضل يملس على شعرها: اهدى، هتكون كويسة، متخفيش، أنا جنبك. الدكتور طلع. تاليا ويونس وقفوا وجريوا عليه.

تاليا بخوف ودموع: إيه يا دكتور! ماما كويسة! الدكتور بحزن: يتبع..