رواية مجنونة اخذت قلبي الفصل الثالث والعشرون 23 - بقلم مارينا عبود

نور أول ما قامت فضلت تصرخ. أدهم قام مفزوع: "إيه؟ بتصرخي ليه على الصبح؟ نور: "مهو مش كل يوم هتكون حجتك إني بلف العالم وأنا نايمة. فمفيش عندك حل غير تحضني؟ أدهم بضحك: "لأ، منا عايزك تتعودي تقومي كل يوم تلاقي نفسك في حضني." وغمزلها وقام. نور: "خد يالا! قصدك إيه؟ أدهم بضحك: "قومي البسي عشان هنتأخر. قومي." نور بصتله بغيظ وقامت. أخدت هدوم ودخلت تغير هدومها. في شقة مازن.

والده نور، والده مازن، ورزان ورحمة كانوا قاعدين بيفطروا. مازن قام وغير هدومه وطلع قعد جنب رزان: "صباح الخير." كلهم ردوا ما عدا رحمة اللي استأذنت ودخلت أوضتها. مازن بهمس: "بت يا رزان، هي رحمة مالها؟ رزان بغيظ: "وحياة أمك، يعني مش عارف؟ دي مش طايقة تشوف وشك أصلاً." مازن بصدمة: "للدرجادي؟ رزان بخبث: "أومال! واكتر. عشان كده لازم تصالحها." مازن: "لأ، مش هصالحها عشان أنا مغلطتش." رزان بغيظ: "ولاااا! متعصبنيش."

خديجة: "في إيه بينكم؟ مازن: "احم، ولا حاجة يا ماما. أنا رايح الشغل، وبعد ما أخلص هاجي آخدكم ونروحوا الفيلا." خديجة: "ماشي يابني. خلي بالك من نفسك." مازن: "حاضر يا ماما." مازن قام وكان بيبص على أوضة رحمة مستنيها تطلع وتسلم عليه زي كل يوم. رزان شدت مازن لمستواها: "متستنهاش تطلع، مش هتطلع." مازن بغيظ: "وأنا أستناها ليه؟ أمشي يابت." وسابها وطلع. رزان لنفسها: "بتحبها يا مازن، بس بتكابر وبتحاول تخفي مشاعرك."

في فيلا المنشاوي. أدهم ونور لبسوا وأخدوا شنطهم ونزلوا. لقوا حسام واقف وعنيه مدمعة. وأول ما شاف أدهم اترمي في حضنه. حسام: "خلي بالك من نفسك." أدهم حضنه وابتسم: "وأنت كمان. وبعدين اجمد كده، فيه إيه؟ حسام بحزن: "مش عارف. مش مرتاح للمهمة دي." أدهم بضحك: "لأ، متقلقش. كام يوم وهنرجع. ادعيلنا بس." حسام: "إن شاء الله هترجعوا سالمين. خلي بالكم من نفسكم." أدهم: "حاضر. يلا بقااا عشان منتاخرش."

واحد نور وطلعوا. وحسام بص لهم بحزن. أدهم أخد نور وطلعوا. لقوا الحرس مستنيهم. ركبوا العربية وطلعوا. وبعد وقت وصلوا الفندق وكان سالم ورامي واقفين لاستقبالهم. أدهم: "نور، متنزليش غير لما أنا أفتحلك الباب وأقولك انزلي. وخليكي حذرة ومتسلميش على حد منهم." نور: "أيوه، بس... أدهم: "مبسش. اسمعي الكلام. وافتكري إنتي مونيكا وأنا آدم. اتفقنا؟ نور هزت رأسها بالموافقة.

أدهم نزل وكان حواليه حرسه. وطلب من الحارس يفتح باب العربية لنور. وأول ما فتح الباب أدهم مد لها إيده وهي حطت إيدها في إيده ونزلت. وأول ما شافوها انبهرو بجمالها. رامي لنفسه: "أوباااا! دي طلعت صاروخ. حقه يحبها." نور أول ما نزلت بصت لهم بغضب وحقد مكتوم. وعينها وقعت على القنا*ص اللي ق*تل أبوها. وقتها شدت فمسكت إيد أدهم وضغطت على إيده جامد. أدهم بص لها وفهم نظراتها: "اهدأ يا نور، لازم تتمالكي أعصابك." نور بهدوء

عكس النار اللي جواها: "تمام." سالم: "هلا بالزعيم." أدهم بابتسامة متصنعة: "هلا سالم نصار." سالم راح وحضنه. ورامي راح وسلم على أدهم وقرب عشان يسلم على نور. أدهم أخدها وراه ضهره وبص لرامي بغضب مكتوم: "سوري، مراتي مش بتسلم." رامي بخبث: "أوه، تشرفنا مدام مونيكا." نور اكتفت بتصنع الابتسامة قدامهم. أدهم: "سالم، أنا عايز أرتاح الأول قبل ما نتفق. إنت عارف إني جاي من سفر أنا وحبيبت قلبي." وبص لـ وابتسم. ونور بصت له بغيظ.

سالم: "طبعنا، طبعنا. اتفضلوا. وأنا هخلي عز مدير أعمالي يوريكم أوضتكم. اتفضلوا." نور افتكرت الراجل أبو شنبات اللي شافت صورته وأدهم قال لها إنه مدير أعمال سالم. وحاولت تكتم ضحكته. وأدهم قرب وهمس في أذنها: "أقسم بالله لو ضحكتي جوه لهطلع عين أهلك. وخصوصا للز*فت اللي اسمه رامي ده." نور بهمس: "إيه؟ بتغير عليه يا بيبى؟ أدهم بص لها وابتسم وأخدها ودخلوا. وكان عز واقف. نور أول ما شافته حاولت بكل الطرق تكتم ضحكتها.

عز راح ووقف قدامهم. عز: "اتفضل يا ادم باشا." أدهم بجدية: "تمام." ومسك إيد نور وطلع. ورامي منزلش عينه من على نور. سالم: "رامي، اتلم. مش عاوزين مشاكل." رامي بخبث: "البنت قمرر. ومن الآخر عجبتني." سالم بخبث: "نخلص الصفقة وأعمل اللي عايزه." رامي بخبث: "شكلك ناوي." سالم بشر: "أومال! بس الأول نستلم الفلوس ونتمم الصفقة. وبعد كده شوف هعمل فيه إيه." رامي بخبث: "تعجبني يا شريك. يلا نشرب كاسين." سالم بضحكة خبيثة: "يلاه."

عز نزل وراحلهم: "وصلتهم يا باشا." سالم بخبث: "عاوزك تراقبهم كويس." عز بخبث: "أوامرك يا باشا." في غرفة أدهم. نور دخلت وفضلت تضحك على شكل عز. وأدهم غير هدومه وقعد على السرير وسرح في ضحكته. نور وقفت ضحك: "مالك؟ أدهم بهيام: "تعرفي إنه ضحكتك حلوة أوي." نور بخجل: "احم، شكراً." أدهم بضحك: "ده إيه الاحترام ده يابت." نور بضحك: "وربنا انت ما تستاهل غير جناني عليك." أدهم بحب: "وحياة أمك، جنانك ده اللي واخد قلبي." نور

بخجل ومحاولة تغير الموضوع: "احم، هو حسام ماله؟ هي أول مهمة تروحها؟ أدهم بحزن: "أنا بالنسبة لحسام كل حاجة. وهو كمان منكرش إنه اللواء محمود ومراته من بعد موت بابا ربونا ومقصرش في تربيتنا. بس أنا اللي ربيت حسام وعلمته كل حاجة. وبعد ما كبرت واشتغلت، سبنا شقة اللواء سليم واشتريت الفيلا اللي عايشين فيها." نور بحزن: "بس اللي أعرفه إن والدك استشهد وهو ف مهمة. طيب مامتك فين؟ أدهم

بحزن والدموع في عينيه: "ماما ما*تت وهي بتولد حسام." نور بحزن: "أنا آسفة." أدهم بابتسامة: "على إيه؟ المهم، عاوزك تخلي بالك من اللي اسمه رامي ده." نور بخبث: "متقلقش، هطلعلك عين أهله. بس إنت سبهولي." أدهم بضحك: "ماشي، موافق. وريني هتعملي إيه." نور بضحك: "نيههه. خليك واثق فيا." أدهم بضحك: "وده اللي مخوفني." نور بحزن متصنع: "عااا! خايف مني يا بيبى؟ أدهم: "طيب سيبك من دور البراءة دلوقتي. وقوليلي إنتي حبيتي قبل كده؟

" وغمزلها. نور قعدت جنبه: "لأ." أدهم بخبث: "اممم، ولا ناويه تحبي حد؟ نور بضحك: "بفكر." ودخلت تغير هدومها. أدهم بحب: "شكلك هتقعي قريب." الباب خبط. أدهم قام وفتح وكان عز معاه الجرسون. عز بخبث: "سالم باشا طلب مننا نطلعلك الأكل يا ادم باشا." أدهم: "امم، تمام. دخله." الجرسون دخل وحط الأكل وطلع. أدهم: "بقولك إيه يا عز؟ ما تحلق شنبك ده بدل ما إنت مخوف الناس بيه؟ عز بضحك: "لأ، ده وراثة من أبويا يا ادم باشا. مقدرش."

أدهم بضحكة مكتومة: "اممم، ربنا يخليك لأبوك يابني." عز: "أبويا مات من زمان يا ادم باشا." أدهم بصوت منخفض: "ربنا يكرمك وتحصله قريبًا." عز: "بتقول حاجة يا ادم باشا؟ أدهم بضحك: "لأ، لأ. بقول ربنا يرحمه. روح دلوقتي." عز: "تمام. لو احتجت حاجة أنا تحت أمرك." أدهم: "تمام." وقفل الباب وراح قعد على السرير. أدهم بضحك: "وراثة من أبوه قال." وفضل يضحك. التفت لقى نور طالعة بالبورنس وبتنشف شعرها وبتقرب منه.

أدهم كان واقف مبهور بجمالها. نور: "آدم حبيبي، عاوزه أطلع بليز." أدهم بص لها بصدمة. نور حطت إيديها حولين رقبته وقربت من أذنه وهمست: "فيه حد بيراقبنا." أدهم بص بطرف عينه وشاف طيف حد واقف. استغل الموقف وقرب نور منه. أدهم بخبث: "حبيبي، خليها بعدين. دلوقتي عندنا حاجة أهم." نور ضحكت بصوت عالي: "دووومى! اتلم بقااا، عيب كده." أدهم قرب وهي بقت تبعد لحد ما لزقت في الحيطة. نور: "أدهم، احم، ممكن تبعد؟ إللي بيراقبنا بعد."

أدهم كان سرحان في عينيها ومش مركز معاه. نور اتكسفت من نظراته وقربه منها وعضت شفا*يفها. أدهم قرب وا*لت*هم شفا*يفها بقبلة طويلة وبعد عنها عشان ياخد نفسه. نور بصدمة: "إنت قلي." أدهم بمقاطعة وقرب وهمس في أذنه: "أنا بحبك." نور بصدمة.