رواية مجنونة اخذت قلبي الفصل الثامن والعشرون 28 - بقلم مارينا عبود

مازن دخل الأوضة واتصدم لما شاف رحمة قاعدة ومنهارة وعيونها ورمة من كتر البكاء. مازن: رحمة. رحمة أول ما شافته جريت ورمت نفسها في حضنه. مازن ضمها وفضل يملس على شعرها ويهديها. رحمة بدموع: أخيراً رجعت، أنا كنت خايفة أوي عليك. مازن بحب: أنا مش وعدتك إني هرجعلك، وهاه رجعت، اهدّي بقى. رحمة بدموع: أنت كويس يا مازن؟ مازن بحب: أنا تمام يا قلب مازن. مازن طلعها من حضنه ومسح دموعها: إيه كل الدموع دي، اهدّي.

رحمة: أنا كويسة، يلا روح بسرعة وارتاح. مازن: حاضر، وأنتي كمان ارتاحي. رحمة: حاضر. مازن قرب وشالها وحطها على السرير وغطاها وفضل جنبها لحد ما نامت. باس جبينها وطلع وراح أوضته، غير هدومه وراح في النوم. *** في شقة يونس. يونس دخل الشقة وكانت مامته وتاليا قاعدين. يونس بضحك: إيه ده، الهدوء ده؟ تاليا وصفاء بفرحة: يووونس. وجريوا عليه هما الاتنين. صفاء بفرحة: حمد لله على السلامة يا قلب أمك. يونس بحب: الله يسلمك يا ست الكل.

صفاء: ادخل يلا، هجهزلك أكل. يونس: آه والله، عشان هموت من الجوع. صفاء: يا روحي، ثواني ويكون جاهز. ودخلت جرى على المطبخ. يونس: وحشتيني يا مجنونة. تاليا بضحك: تصدق وأنت كمان. يونس بضحك: دبش بحب دبش يا ناس. تاليا بحزن: خوفتني عليك. يونس قرب منها وشدها من خصرها: اممم، بجد كنتي خايفة عليه؟ تاليا: ماااااااامااااا، تعالي شوفي اااابنك قلييييل الااااااااادب. يونس: يخرب بيت أهلك، فضحت*ينا. تاليا: طيب سبني يا متحر*ش. يونس

قرب وطبع قبلة على خدها: هي وصلت لـ متحر*ش؟ تاليا بخجل: آآآه. يونس بحب: ماشي يا قلبي، أتجوزك الأول وهوريك المتحر*ش ده هيعمل فيكي إيه. وغمزلها. تاليا: عااااا، قليل الأدب. ودخلت جرى. يونس بضحك: مجنووونة. خدي يابت. يونس دخل غير هدومه، وصفاء وتاليا جهزوا الأكل واكلوا. وبعد ما خلصوا أكل، صفاء اتكلمت. صفاء: ولا يا يونس، أنا قررت إنه الشهر الجاي فرحك أنت وتاليا. يونس بفرحة: أوك يا ماما، موافق، بس تاليا موافقة؟

وبص لتاليا وغمزلها. تاليا بخجل: احم، إللي تشوفيه يا ماما. يونس بضحك: ياختشي على البراءة. تاليا بهمس: أنت أساساً مش بينفع معاك غير الجنان، وحياة أمك إللي قاعدة ديه، لهطلع عينك. يونس بهمس: بس سيبك أنتِ، بتبقي قمر وإنتي وشك شبه الطماطمية كده. صفاء بضحك: بس يا يونس واتلم شوية. يونس بضحك: حاضر يا ست الكل. صفاء: يلا، كل واحد على أوضته. يونس وتاليا في صوت واحد: حاضر. وقاموا وكل واحد راح أوضته. *** في صباح يوم جديد.

نور صحيت وكانت نايمة على صدر أدهم. نور حطت إيدها على راسه وفضلت تلعب في شعره. نور: ياختشي، كميلة وهو نايم. 😂❤ أدهم فتح عينيه وبصلها. أدهم: أنتي بتعاكسي ابن اختك يابت. نور بضحك: هههه، يا عم روح، أنت قمر كده على الصبح. أدهم قرب وقبلها بحب، وثواني وبعد عنها: صباحية مباركة يا نورين. نور بخجل: يبارك لي فيك. أدهم بضحك: طب وربنا قمر وإنتي مكسوفة. نور بخجل: أدهم، خلاص بقى، وقوم يلا عشان أغير. أدهم بخبث: اممم، طيب، قومي أنتِ.

نور بغيظ: ولاااااا، قوم بقى واطلع بره الأوضة. أدهم بضحك: ثواني بس، أنتِ عاوزاني أطلع بره كمان؟ نور بضحك: آآآآه. أدهم بضحك: لا، أنتِ اتجننتي خالص. نور: حظك بقى، وقعت مع واحدة مجنونة. أدهم بحب: لا، مهو المجنونة ديه أخدت قلبي، وأنا بقيت بعشقها. نور بحب: امم، وهي بتعشقك. أدهم بمشاكسة: لا، يبقى لازم نجيب مجنونة تانية. نور بغباء: ها؟ إزاي؟ هو فيه مجنونة غيري؟ أدهم بضحك: تعالي وهقولك إزاي. وقرب وراحوا لـ بحور عشقهم. ***

في فيلا الدمنهوري. كان الكل متجمع على السفرة وبيفطروا. مازن: احم، بابا، عاوز أتكلم معاك في موضوع. مصطفى بحب: اتفضل يا ابني. مازن: بصراحة، أنا عاوز أتجوز رحمة. مصطفى بفرحة: إيه رأيك يا رحمة يا بنتي؟ رحمة بخجل: إللي تشوفه يا عمو. مصطفى بفرحة: خلاص، وأنا موافق. فرحكم هيكون الشهر الجاي، نكون جهزنا لكل حاجة. رزان: عاااا، وأخيراً، عقبالي بقى. مازن بضحك: يخرب بيتك، مفيش كسوف خالص يابت. رزان: بس ياض، ملكش دعوة بيه.

مازن بضحك: لا، أنا لازم أكلم أدهم وأخلي فرحك معايا عشان أخلص منك. رزان: امم، قول إنك عاوز الجو يفضالك. وغمزتله. رحمة وشها احمر وطلعت أوضتها. مازن بص عليها وضحك: يا شيخة منك لله، عاجبك كده؟ كلهم ضحكوا. *** بعد مرور شهر. الكل في سعادة وبيجهزوا لفرح مازن ورحمة، وحسام ورزان، ويونس وتاليا. بعد ما أدهم اتفق يعملهم فرح كبير أوي لـ 3 شباب وتكون في أكبر قاعة. وأدهم ونور بيقضوا أجمل أيام حياتهم.

أما زياد وكارما، فـ فيه ضيف هينور حياتهم قريب. *** في فيلا المنشاوي. أدهم كان واقف وبيظبط بدلته. نور: احم، أدهم، عاوزة أقولك حاجة. أدهم بحب: قولي يا قلب أدهم. نور بفرحة: بصراحة، أنا حامل. أدهم بصدمة: بتقوووووووولى إييييه؟ نور بضحك: هتبقي أب قريب، عااا. أدهم شالها وفضل يلف بيها. أدهم: وأخيراً، أنا فرحان أوي. نور بحب: وأنا كمان. أدهم: طب تعالي ننزل عشان حسام تحت مستنينا. نور بفرحة: أوك، يلا.

أدهم مسك إيدها ونزلوا، وكانت لابسة فستان أحمر طويل بكم، وفارده شعرها وحاطة ميكب خفيف، وطالعة قمررر. وبعد وقت، في أكبر قاعات الأفراح. كان كل واحد بيرقص مع حبيبته. نور قربت من أدهم وحطت إيديها حوالين رقبته وهمست في أذنه: أنا بحبكككك أوي يا أدهم. أدهم بابتسامة: وأنا بعشقك يا قلب أدهم. نور بضحك: أدهم، أنت لازم تعترف إني مجنونة، بس قدرت آخد قلبك. أدهم بضحك: آه، طبعاً، أنا بفكر أكتب قصة وأقول فيها "مجنونة أخدت قلبي".

نور بضحك: فكرة برضوا. 😂 أدهم بضحك: بقولك إيه، متيجي نسيب الفرح ده ونروح الفيلا. نور بضحك: لا، ولله. أدهم بضحك: الله، ولله. نور: امم، طيب، إيه لو جت بنت هتسميها إيه، ولو ولد هتسميه إيه؟ أدهم: اممم، لو ولد هسميه فهد، ولو جت بنت هسميها سيرا. نور بفرحة: حلوو أوي، أنا بحبك. أدهم: وأنا بموت فيكي يا نور عيني أنتِ.