رواية مجنونة اخذت قلبي الفصل السابع والعشرون 27 - بقلم مارينا عبود

ادهم لمح القناص مصوب سلاحه على نور. ادهم بصراخ: نورررررررر! جرى عليها وأخذ الطلقة في دراعه. مكانها، ضرب القناص رصاصه، جت في دماغه. نور بصدمة: ااا ادهم! ادهم شدها واستخبوا في مكان في الجبل. ادهم قعد وغمض عينيه بتعب، وذراعه بينزف. نور بدموع: ادهم بالله متسبنيش، أنا ولله بحبك. ادهم فتح عينيه وبصلها: بتقولي إيه؟ نور بخوف ولهفة: أنت كويس صح؟ رد عليا. ادهم بتعب: إنتي قولتي إيه دلوقتي؟ نور بدموع: بحبك، ولله بحبك.

ادهم بضحك وتعب: يخرب بيت أهلك، ده وقته؟ ملقتيش غير وأنا بموت تقوليها؟ نور بدموع: بعد الشر عليك، متقولش كده. وبعدين أنت وعدتني إنك مش هتسبني. ادهم بحب: لا مش هسيبك، ده جرح بسيط، متخفيش. نور بدموع: جرحك بينزف قوي يا ادهم، أنا السبب. ادهم بتعب: إجمعي يابت كده، ده جرح بسيط. أموت وأعرف بس مين اللي دخلك كلية الشرطة. نور ضربته في دراعه. ادهم بوجع: اااااااااه! نور بخوف ولهفة عليه: آسفة، آسفة.

ادهم بوجع: ااااه، إنتي عايزة تموتيني يابت؟ نور بدموع: بعد الشر عليك، وبعدين منت إللي عصبتني. ادهم بضحك: وحياة أمك. نور بدموع: خلاص بقا يا ادهم، ده كان يوم هباب، يوم ما حبيتك. أنا أول مرة أكون ضعيفة وخايفة كده. ادهم بضحك: إطلعي بس، وحياة أمك ما هرحمك. نور: تصدق إنك حيوان. ورجعت ضربته على دراعه. ادهم بوجع: اااااه، الله يخرب بيت جنانك بقا، إنتي حد مسلطك عليا يابت إنتي؟ نور بدموع: عااا، آسفة.

ادهم بضحك: لا إنتي مجنونة والله مجنونة. بت قومي معايا قبل ما أتجلط بسببك. نور: تتجلط؟ إزاي؟ ادهم: ااااه يارب خدني بدل قعدتي مع بنت المجانين دي. نور: ولااا ولااا، إهدأ كده ومتعصبنيش. وبعدين متنساش إنه لولا إني أنقذتك من أبو شنبات، كان زمانه مخلّص عليك. ادهم بضحك: إنتي بتتحولي، قولولي بس يمكن ملبوسة ولا حاجة، الحق نفسي وأهرب. نور بضحك: قوم يلاه، لازم نطلع عشان نتصرف قبل ما دمك يتصفى وتروح مني.

ادهم: يا ولد يا جامد، حلوة تروح مني دي. أنا حاسس إنك مش بتبقي رومانسية غير واحنا بنموت، مش كده؟ نور بضحك: نيههه ااااااه هههه. ادهم بضحك: قومي ياختي قومي. ادهم قام ومسك نور وكان طالع، بس لقى سالم في وشه ورافع المسدس. سالم بحقد: اممم، دنتوا طلعتوا متفقين بقااا؟ بس يا حرام مش هتكملوا، لأنه إللي يخون سالم نصار مصيره بس الموت. لسه هيضرب، مازن حاوط رقبته وحط المسدس على دماغه، ولولب دراعه إللي ماسك بيها المسدس.

نور: عاش يا ولااااا! إحنا عيلتنا كلها أبطال ما شاء الله. ادهم ببرود: حصل معاد، إنتي. نور بغيظ: إنت تسكت خالص. مازن بعصبية: يخرب بيتكم، ده وقت خناق. نور: مهو هو إللي بيعصبني. ادهم مسك المسدس وحطه على دماغه: مسمعش صوتك لحد ما نطلع. نور: إيه ده، دي خيانة على فكرة، وأنا مش هسمع. ادهم بمقاطعة: اسكتي اسكتي، راديو بالعة راديو. نور بضحك: خلاص ياعم، كسفتنا قدام المجرمين. سالم بغضب: مش هسيبك يا ادهم. مازن: بس يالاااا!

إخرس خالص! يلاه يا ادهم، هات نور وتعالوا ورايا. ادهم: تمام، اطلع وأنا في ضهرك. في مكان آخر. المسلح كان هيضرب زياد، بس يونس هجم عليه وأخذ منه سلاحه ولولب دراعه. يونس بغمزة: أماااااااان يا صاحبي. زياد بضحك: عااااااش يا ولااااا! العسكري: زياد باشا، إحنا مسكنا رجالة سالم نصار والمنطقة بقت أمان. زياد: عاش يا وحوش. طب وادهم فين؟ العسكري بحزن: ادهم باشا اتصاب، ومعرفش هو والرائد نور اختفوا وراحوا فين.

يونس بعصبية: ااااانت بتقوووووول إييييييييه؟ ادهم أكيد محصلوش حاجة. خد الكلب ده. العسكري أخذ الراجل من يونس، ويونس وزياد طلعوا يدوروا على ادهم. لقوا مازن طالع هو ورجالته وماسك سالم، ووراه ادهم. يونس وزياد جريوا عليه. يونس بخوف ولهفة: إنت كويس؟ ادهم: أنا كويس، متخافش. زياد: حمدلله على سلامتك يا بطل. ادهم بابتسامة: الله يسلمكم يا شباب. مبروك نجاح العملية، كنتوا رجالة. زياد: يلاه بينا، لازم ناخدك على المستشفى.

ادهم: لا، روحوا إنتوا القطاع. يونس: نطمن عليك الأول، وبعد كده هنرجع. يلاه. مازن: يونس وزياد عندهم حق، لازم نطمن عليك الأول. نور كانت ساكتة ومش بتتكلم. ادهم: ماشي، يلاه بينا. صحيح، رامي اتقبض عليه ولا لأ؟ زياد: وصلتنا أخبار إنه قواتنا راحت الفندق وقبضوا عليه. ادهم: تمام، يلاه. القوات اتحركت، ويونس وزياد ومازن أخذوا ادهم وراحوا المستشفى ومعاهم نور. بعد وقت في المستشفى. الدكتور طلع الرصاصة من دراع ادهم وضمدله الجرح.

ادهم: مالك يا نور؟ نور بحزن: مفيش، يلاه بينا نرجع الفيلا عشان ترتاح شوية. ادهم: نور، أنا قولت مالك. نور قعدت جنبه وترمت في حضنه: كنت خايفة أوي إنك تسيبني. أنا بخاف من الموت يا ادهم، من وقت ما بابا مات وأنا بخاف أتعلق بحد ويسبني. خوفت أوي عليك، أنا آسفة، أنا السبب، بسببى إنت اتصبت. كان المفروض أنا إللى آخد الطلقة مكانك. ادهم ضمها

بقوة ودفن راسه في عنقها: هشششش، اسكتي. أنا جنبك، وبعدين أنا وعدتك إنه مش هسيبك. أوعي تخافي من حاجة، فاهمة؟ وباباكى، أنا جبتلك حقه منهم. وبعدين إنتي مش السبب، لولاكي إنت أنا ما كنتش عايش لدلوقتي. ف مش عاوز أشوف دموعك تاني. نور طلعت من حضنه ومسحت دموعها، والباب خبط. محمود بحب: حمدلله على سلامتكم يا أبطال. ادهم: الله يسلمك يا فندم. محمود: مبروك الترقية يا سيادة العقيد. ادهم بفرحة: الله يبارك فيك يا فندم.

نور: أيوه ياعم، يسهلوو. محمود: يلاه روحوا الفيلا وارتاحوا، وكمان يا ادهم طمن حسام، لأنه من وقت ما إنت مشيت وهو خايف عليك. ادهم بابتسامة: حاضر يا فندم. بس الشباب فين؟ محمود: بعد ما اطمنوا عليك، قولت لكل واحد يروح بيته عشان يطمنوا أهاليهم. ادهم: تمام يا فندم. محمود طلع، وبعد وقت ادهم أخذ نور ومشيوا. في فيلا المنشاوي. حسام كان نازل من أوضته وشاف ادهم ونور داخلين الفيلا. حسام بفرحة: ااااااادهم! ونزل جري عليه وحضنه.

حسام: حمدلله على السلامة يا بطل. ادهم بحب: حبيبي، الله يسلمك. حسام بخوف: إيه إللي حصل ل دراعك؟ ادهم: ده جرح بسيط، متخافش. حسام: حمدلله على السلامة يا نور. نور بابتسامة: الله يسلمك. حسام: طيب خد نور واطلعوا ارتاحوا. ادهم: ماشي. ادهم أخذ نور وطلعوا أوضتهم. نور: أنا هدخل أغير هدومي وأرجعلك. ادهم بابتسامة: ماشي. نور أخذت بيجامة ودخلت غيرت هدومها وطلعت ساعدت ادهم يغير هدومه. ادهم

مسكها من خصرها وشدها ليه: بقولك إيه يا نوري. نور: اممم. ادهم: بصراحة كده، عاوز أبدأ معاكي حياة جديدة، وأجيب دست عيال مجانين زيك. نور بابتسامة: لما دراعك يخف. ادهم بضحك: لا، أنا دراعي زي الفل على فكرة، بس إنتي وافقي. نور بخجل: امم، موافقة. ادهم فرح وشالها وراحوا لعالمهم الخاص، لتصبح نور زوجة ادهم قولاً وفعلاً. في فيلا الدمنهوري. مازن رجع وسلم على باباه ومامته ومرات عمه ورزان. مازن: بت يا رزان، هي رحمة فين؟

رزان: رحمة من وقت ما إنت مشيت وهي حابسة نفسها في الأوضة ورافضة تطلع. مازن: طيب، أنا هطلع أشوفها. رزان: ماشي. مازن طلع وراح أوضة رحمة، خبط بس ما فتحتش. خاف يكون حصلها حاجة، دخل واتصدم لما شاف.