رواية مجنونة الفهد الفصل الثاني 2 - بقلم الملكة المتوجه

استيقظت ملاك من النوم وشعرت بشعور غريب ولكن لم تهتم به. قامت وأخذت شاور وصلت فرضها ونزلت إلى الصالون. ملاك: يا حوووووده يا توتااااا انتم يا ناس ياللي هنا. كان فهد واقفًا مع محمود وفاطمة. وقفت ملاك أمام فهد. ملاك: مين ده يا حوده. محمود: ده فهد يا ملاك. ملاك بصدمة: أبيه فهد. فهد: ملاك.

لقد كبرتي كثيرًا يا طفلتي. كيف لم أعرفك ولم أتعرف على صوتك الذي أسمعه كأعزوفة متكاملة الألحان. آه، أود أن آخذك في حضني وأخبرك كم اشتقت إليك وإلى ضحكتك التي تدخل الفرح إلى حياتي. ظل ملاك وفهد ينظران إلى بعضهما. قاطعهما صوت فاطمة. فاطمة: هتفضلوا واقفين كده كتير. يلا يا فهد علشان ترتاح من السفر. وانتي يا ملاك يلا علشان تروحي الكلية. ملاك: يا لهواي هأتاخر ودكتور معاذ هيشلوحني. يا خراب بيتي يا عربي مكنش يومك يا غالي.

ضحك الجميع على تصرفات ملاك. ملاك بغيظ: بقي كده. ماشي أنا ماشية ومش عايزة أكلمكم تاني. محمود: ما يرضنيش زعلك. تعالي. قام محمود باحتضان ملاك. فرغم أنها بنت أخيه إلا أنه ربّاها ويعتبرها ابنته الحقيقية. ملاك: أحلى حوده والله. ضحك محمود: ماشي يا بكاش. ذهبت إلى فاطمة واحتضنتها وقالت: وانتي أحلى توتا. ودون وعي منها احتضنت فهد وقالت: وانت أحلى أبيه فهد. ثوانٍ وأدركت ما فعلت وصدمت كما صدم الجميع.

لكن استغل فهد الفرصة وبادلها الحضن وهمس لها بصوت مليء بالشوق: وانتي أحلى ملاك. ابتعدت ملاك وقالت بارتباك: أنا ماشية. وركضت إلى الخارج بسرعة. ثم وقفت ملاك لنفسها: كنت حاسة قلبي هيقف. معقول أبيه فهد رجع؟ ياترى فاكر ملاك ولا لأ. بس أنا زعلانة منك علشان سافرت ومسألتش عليا. علشان كده مش هكلمك خالص. ذهبت ملاك إلى الكلية وقابلت مريم. ملاك: معرفش ليه بنتاخر دايما على المحاضرة دي بالذات.

مريم: والله معرف. يلا ندخل وتيجي زي ما تيجي. دخل كل من ملاك ومريم كالعادة متأخرين. معاذ: ادخلوا. وبعد المحاضرة ألقيكم في مكتبي. ملاك ومريم وقد علموا أنهم سيرون أيامًا لم تزره الشمس، وقالوا في صوت واحد: تمام يا دكتور. بدأ معاذ الشرح ورن هاتفه. معاذ: معلش يا جماعة دقيقة هرد على الفون. معاذ: فهد الشافعي بذات نفسه بيرن. ده الفون زغرط. فهد: حبيبي يا معاذ. آمال أنت فين.

معاذ: بص قدامي ساعة وخلص المخاصرة. تعالي على الكلية ونطلع سوا من هنا. فهد: خلاص ماشي. مسافة السكة وأكون عندك. معاذ: سلام يا صاحبي. فهد: سلام. عاد معاذ إلى إلقاء المحاضرة. وأثناء إلقائه المحاضرة وصل فهد إلى الكلية وهو لا يعلم أن ملاك في هذه الكلية. فهد: لو سمحت فين دكتور معاذ العشري. العامل: اتفضل معايا. هوصلك مكتبه وهو عشر دقائق ويخلص المحاضرة. فهد: تمام. أوصل العامل فهد إلى المكتب. العامل: اتفضل. هو ده المكتب.

فهد: شكراً جدا. العامل: العفو. تحب أجيب لك حاجة عقبال الدكتور ما يخلص. فهد: لا شكراً. العامل: طب أسيبك بقي علشان ورايا شغل. فهد: اتفضل. مرت عشر دقائق ودخل معاذ مكتبه ووجد فهد يلعب بهاتفه. معاذ: فهد. قام فهد واحتضن معاذ وقال: واحشني يا صاحبي. معاذ: وانت كمان. قولي رجعت مصر إمتى. فهد وهو يجلس: لسه راجع النهارده. قولي عامل إيه. معاذ: الحمدلله بخير. قطع كلامه طرق الباب. معاذ: ادخل.

دخلت مريم وملاك كما أمرهم معاذ حين دخلوا المحاضرة متأخرين. لم ينظر فهد لمن دخل ولم تنتبه ملاك لوجودهم. معاذ: نفسي أفهم ليه علطول بتأخروا على المحاضرة. ملاك: هتصدقني لو قولت أننا والله ما نعرف ليه. سمع فهد صوت ملاك فرفع رأسه فوجده أمامه. فهد بتعجب: ملاك. ملاك بتعجب هي الأخرى: أبيه فهد. فهد: بتعملي إيه هنا. ملاك: أنا بدرس هنا. أنت بتعمل إيه هنا. قطع كلامهم معاذ. معاذ: انت تعرفها يا فهد. فهد: دي ملاك بنت عمي.

معاذ: أيوه إزاي مأخدتش بالي من تشابه الأسماء. أنت فهد محمود الشافعي وهي ملاك أحمد الشافعي. فهد: قولي عملت إيه. معاذ: اتأخرت على المحاضرة. فهد: أنا اللي آخرتها. فاسمحلها المرة دي علشان خاطري. معاذ: ماشي يا صاحبي. روحوا شوفوا بقي المحاضرات. المرة دي فهد شافعلكم. المرة الجاية هنقصكم في أعمال السنة. مريم بفرحة: تنستر دنيا وآخرة يا شيخ. وأخذت ملاك وركضت إلى الخارج وأغلقت الباب وقالت: إفراج يا بت يا ملاك.

ملاك بفرحة مماثلة: يااااه أخيرًا حد أنقذنا من إيدهم. مريم: مين المز ده يا ملاك. ملاك بغيرة أخفتها: ده أبيه فهد ابن عمي. مريم: مكنتش أعرف إن عندك ابن عم مز كده. ملاك بغيرة: يلا يا حبيبتي نلحق المحاضرة علشان منفردش خالص. معاذ بضحك على مريم: يا بنت المجنونة يخربيت دماغك. فهد بخبث: وقعت ولا إيه.

معاذ: عايز الحقيقة. وقعت من أول يوم شوفتها فيه. أنا أصلًا بدي الفرقة الرابعة بس أصررت أدي التالتة علشانها. إلا قولي صحيح مش دي ملاك اللي كنت بتجيب لها شوكولاتة كل يوم وانت راجع من المدرسة. فهد: أيوه هي يا سيدي. معاذ بضحك: لو كنت أعرف كنت خليتها تخلص كلية وهي في أولى. فهد: لا سيبها. أظهر أن ملاكي مبقتش البنت الصغيرة اللي كنت بجيب لها شوكولاتة كل يوم. بقيت كبيرة وبتعتمد على نفسها ودخلت هندسة كمان.

معاذ: هي فعلًا من الطلبة المتميزين هي ومريم وبيطلعوا الأوائل كل سنة. فهد بفخر واعتزاز بملاكه قال لنفسه: كبرتي يا ملاكي وكونتي شخصيتك كمان. ياترى غيرتي إيه فيك. معاذ: رحت فين يا بني. فهد: أنا معاك أهو. معاذ: أنا خلصت محاضراتي النهارده. يلا نخرج نروح كافيه نتكلم فيه. فهد: يلا. رتّب معاذ أشياءه وخرج الاثنان. ومجرد خروجهم صدم الاثنان حين رأوا.