رواية مجنونة قلبي الفصل الثالث 3 - بقلم نور الشامي

كان سيذهب حسام ولكن كلمات سالي أوقفته. سالي: علشان توصل لل أنت عايزه لازم تكون صبور وتعرف تتحكم في أعصابك. التفت حسام ونظر إليها بدهشة، ثم ذهب إلى مكتبه وتركها في ذهول. ذهبت سارة إلى مكتب حسام فوجدت على وجهه علامات الغضب. سارة باستغراب: مالك يا حسام؟ حسام بضيق: ال اسمها سالي دي بنت غبية ومتخلفة. سارة وهي تمازحه: ابن خالتي البطل أنت بيبقى شكلك وحش وأنت مضايق، اضحك بقى. حسام وهو يضحك: ما تيجي نروح نتغدى برا بعد الشغل.

سارة بابتسامة: أوك اتفقنا، هروح أخلص بقيت شغلي وأجي. ذهبت سارة وطلبها عمر إلى مكتبه فذهبت إليه. عمر وهو ينظر إليها بخبث: اتفضلي اقعدي يا سارة. سارة بابتسامة: شكراً يا أستاذ، خير حضرتك طلبتني. عمر ببرود وهو يضع سيجارته في فمه بغرور: سارة أنا عايزك. سارة بدهشة: نعم عايزني إزاي؟ عمر وهو يقترب منها: عايزك معايا، عايز أتزوجك. انتفضت سارة من مكانها وتحدثت بتوتر: أنا حضرتك بتقول إيه؟

عمر بخبث: أنا معجب بيكي يا سارة وعايز أتزوجك، عندك أسبوع تفكري فيه وأنا هقبل أي قرار هتاخديه، بس أتمنى إنك توافقي. خرجت سارة من المكتب شارده، وكان حسام يتحدث معها وهي غير منتبهة. حسام بصراخ: سااااااره! سارة بخضة: إيه با حسام خضتني. حسام بتذمر: مالك يا بنتي إيه ال حصل؟ سارة في نفسها: أنا هقول لحسام علشان يغير عليا وينطق بقى. سارة بارتباك: حسام أستاذ عمر عايز يتجوزني. حسام بعدم فهم: عمر مين؟

سارة بتوتر: أستاذ عمر ابن صاحب الشركة أخو آنسة سالي. حسام بسعادة: بجد وافقتي صح؟ دا غني وهتحققي كل حاجة معاه، وافقي بسرعة. سارة بحزن: أنت عايزني أوافق؟ حسام بابتسامة: أكيد يا بنتي، أنا عايزك توافقي، بس في النهاية دا قرارك وأنا مش هغصب عليكي، يلا بقا ناكل علشان أنا جعان. سارة بحزن: يلا. في المساء ذهب حسام وسارة إلى المنزل ودخل حسام إلى غرفته ليبدل ملابسه وينام، أما سارة فكانت تبكي في غرفتها حتى دخل عليها تامر.

تامر بضيق: أنتي مالك بتعيطي ليه؟ سارة بدموع: حسام طلع مبيحبنيش يا تامر، هو عايزني أتزوج. تامر بضيق: تتجوزي مين؟ سارة بدموع: أستاذ عمر عايز يتجوزني، ولما قلت لحسام فرح وقال لي وافقي. وفجأة دخلت رباب بلهفة: مالك يا سارة؟ تامر بحدة: أخويا الغبي عايزها تتجوز. سارة بضيق: اسكت متقولش عليه كدا. رباب بابتسامة: حسام بيحبك بس هو لحد دلوقتي مش عارف إنه بيحبك، واحدة هنخليه يعرف. عند سالي كانت جالسة في غرفتها تفكر كثيراً في حسام.