رواية مجنونة قلبي الفصل السابع 7 - بقلم نور سمير

رعد راكب العربية وسايق بسرعة، وفجأة عمل حادثة. رعد بخضة: "على الصبح حادثة، استغفر الله العظيم يارب." ونزل يشوف خبط مين، ولكن اتصدم لما لاقاها كيان. رعد بخضة وخوف عليها: "كيان... كيان ردي عليا." واتفجع أول ما لقى راسها بتنقط دم كتير. وأخدها بسرعة وركب العربية وطلع على المستشفى. *** شركة السلام محمود: "هو في حد ملتزم بشغل؟

دريان صاحب الشركة: "أنا أصلاً مش طايقها، بس هي لو مجتش تبقى ضيعت عليا فلوس كتير أوي وأنا هانتقم منها، مش هاسيبها." محمود: "أما نشوف آخرتها." *** في منزل عدي عمر بعصبية: "يعني إيه أبوها خدها؟ سمية مامته: "معرفش، هو جه زعق وقال بنتي هنا، وخدها ومشّي." عمر: "لأ، هي قالت إن ملهاش حد، إزاي طلع ليها أب يعني؟ سمية: "والله يا ابني دا اللي حصل." عمر بعصبية: "أنا لازم أروح أدور عليها في كل مكان." وساب مامته ومشي. ***

في المستشفى اللي فيها رعد رعد قاعد مستني الدكتور بفارغ الصبر. الدكتور خرج ورعد راحله بسرعة وقلق. رعد: "طمني، حصلها حاجة؟ الدكتور تامر: "أيوه يا رعد باشا، الآنسة عندها كسر في دراعها الشمال وجبسناه، ودماغها اتفتحت من أثر خبطة قوية جداً، وللأسف الشديد عندها فقدان للذاكرة مؤقت، وأنا لفتلها شاش على دماغها، وإن شاء الله تبقى بخير." رعد: "طب وهي ممكن تفوق امتى؟ الدكتور: "ممكن على بكرة، بس مش عارف امتى بالظبط."

رعد: "ماشي، اتفضل انت." خرج الدكتور ورعد هيموت من القلق عليها ومصدوم من إنها فقدت الذاكرة، مش هتبقى عارفة أي حاجة لمدة معينة. *** في مكان تاني في مدرسة الثانوية العامة ملاك: "أوف، أنا تعبت من المذاكرة وسنينها." لقيت واحد بدأ يزويلها. يوسف: "ماله الجميل زعلان ليه؟ ملاك: "وانت مالك انت؟ يوسف: "لأ، لسانك يطول، هزعلكم." ملاك: "تزعل مين يا معفن، لي كنت مين في البلد؟ يوسف بهزار: "يوسف الراوي، أي يعني؟

وبدأ يقرب من ملاك، وملاك بترجع ورا لحد ما لزقت في الحيطة وهو حاوطها بإيديه. ملاك بخوف من قربه ودقات قلبها علت: "لو سمحت ابعد." يوسف بمكر: "ولو مبعدتش؟ ولسه بيقرب عشان يبوسها. ملاك ضربته بالقلم وطلعت تجري بكسوف. ويوسف حط إيده مكان القلم: "بقى واحدة زي دي تعمل كدا؟ دا مفيش حد اتجرأ وعملها، ماشي يا ملاك، أنا وراكي وراكي أصلاً." *** في منطقة شعبية، واللي هي منطقة كرملة في منزل كاميليا

الباب بيخبط جامد كأنه هيتكسر. والد كاميليا فتح الباب. عمر بعصبية: "فين كاميليا؟ جمال: "وانت مالك يا جدع؟ وانت تعرف بنتي منين؟ عمر: "أنا بقولك فين كاميليا." جمال: "ملكش دعوة، هي فين دلوقتي؟ هي دلوقتي متجوزة وليها جوزها، ملكش دعوة بيها بقا."