رواية مجنونة يونس الفصل الحادي عشر 11 - بقلم مروة احمد

لا اله إلا انت سبحانك اني كنت من الظالمين. حور: يونسسسسسس ااااااااه اه اه. الدكتور: دي بتفوق يا دكتور وكمان التنفس بينخفض. الدكتور 2: حضر جهاز الاكسجين بسرعة. ذهب الدكتور 1 ليفعل ما قال له الدكتور 2. ها يا دكتور. الدكتور 1: الحمدلله التنفس انتظم والنبض طبيعي. الدكتور 2: الحمدلله. خرج الدكتور من غرفة العمليات واتجه له مريم ويونس. مريم بلهفة: طمني يا دكتور بنتي عاملة إيه. يونس: يا دكتور حور عاملة إيه.

الدكتور بهدوء: الحمدلله هي كويسة بس هنحطها في غرفة العناية عشان نطمن على الحالة، ولما تستقر إن شاء الله هننقلها لغرفة عادية. خالد: نور يا نور. نور: نعم يا بابا. خالد: تقدري تقولي لعمر يقدر يتفضل في أي وقت. نور بخجل: حاضر يا بابا. وبعد قليل من الوقت. الدكتور: أستاذ يونس. يونس: نعم يا دكتور طمني على حور حالتها إيه. الدكتور: احم احم للأسف الحالة دخلت في غيبوبة. يونس بصدمة: إزاي ده حصل.

الدكتور: الحالة مش مستقرة وعندها رفض شديد إنها ترجع لأرض الواقع. يونس: طب وإيه الحل يا دكتور. الدكتور: الحل في إيدين ربنا. إحنا ممكن نحاول معاها عن طريق ندخلها حد هي بتحبه زي مامتها أو حضرتك أو حتى واحدة صاحبتها ويتكلم معاها وهي هتكون سامعاه وساعتها جايز تستجيب وتفوق. يونس: تمام يا دكتور. بس هي الغيبوبة دي هتطول. الدكتور: ممكن تقعد أسبوع أو شهر أو سنة. يونس: سنة. الدكتور: وممكن أكتر.

مريم بدموع: يونس حور فين يا يونس الدكتور قال إن كمان شوية وهتطلع هي فين يا يونس. يونس بصمود: اطمني يا طنط حور كويسة. بس بس. مريم: بس إيه هي حصلها حاجة يا يونس. يونس: حور دخلت غيبوبة يا طنط. وما كان من مريم إلا أن يغمى عليها مما وقع على سمعها. يونس: دكتوررر. جاء دكتور ومعه ممرض وقام يونس بوضعها على السرير. الدكتور: اطمن حضرتك ده مجرد إغماء بسيط نتيجة إنها ما أكلتش حاجة من الصبح وكمان الضغط النفسي اللي اتعرضتله.

منه: الو يا يونس طمني يا حبيبي على حور ومريم. يونس بصوت أشبه بالبكاء: حور دخلت في غيبوبة يا ماما ومريم أغمى عليها. منه بصدمة: أنا جاية حالا. يونس: تعالي يا ماما تعالي طنط مريم محتاجة حد يكون جنبها. منه: مسافة السكة يا حبيبي. في الجامعة. عمر: عاملة إيه يا نور. نور: بخير الحمدلله. عمر: كلمتي باباكِ في الموضوع. نور: أيوه وهو قال احم. تقدري تتفضل في أي وقت. عمر بفرحة: تمام يا نور يوم الجمعة إن شاء الله هجيب عمي وأجي.

نور: طب وباباك فين ميجيش معاك ليه. عمر: نور أنا بابا وماما عند ربنا واتربيت عند عمي. نور: ربنا يرحمهم. عمر: يارب. نور: أنا همشي دلوقتي عشان عايزة أروح عند حور. عمر: هي عاملة إيه صح. نور: أنا كلمت مامتها امبارح وردت عليا طنط منه مامت يونس وقالت إن حور دخلت في غيبوبة. عمر: طب تعالي معايا أوصلك أنا كدا كدا كنت هكلم يونس عشان أطمن عليه. نور: يلا يا عمر. يونس: ماما اقعدي انتي مع طنط مريم وأنا هروح الحمام بسرعة وهرجع.

ما إن وصل يونس إلى المرحاض وبدأ في نوبة بكاء مرير. وبدأ النحيب يزيد حتى طرق أحدهم الباب. يونس بصوت متقطع من أثر البكاء: مين. انت عرفت إزاي إن أنا هنا.