رواية محبوبة الفارس الفصل الرابع عشر 14 - بقلم امنية عوض

منى بصدمة: ايه مراتك؟ طب إزاي؟ فارس بهدوء: هقولك. فلاش باك. بعد ما سليم اتكلم مع فارس وطلع من الباب. فارس: سليم. سليم: نعم يا بوصفا. فارس: هاتلي مأذون. سليم باستغراب: مأذون ليه يا فارس؟ فارس بهدوء: هتجوز منى. سليم بصدمة: ايه؟ دلوقتي؟ إزاي؟ وكمان مش تعرف هي موافقة ولا لأ. فارس: أنا بحبها يا سليم، وده أنسب وقت أتجوزها فيه، مينفعش تتأجل. فاروق وحامد بيلعبوا لعبة قذرة وشاكك إنهم متفقين مع بعض. سليم:

تمام، اللي تشوفه يا بوصا. سليم جاب المأذون، وفي الوقت ده رن على والدته. فارس: الووووو يا ست الكل، عاملة إيه؟ نرمين: الحمد لله يا حبيبي، طمني عليك وعلى منى. منى ليه راحت؟ شفتها هي زعلانة من حاجة؟ فارس: لا يا ست الكل، مفيش حاجة. ومنى معايا. كنت عايز أقولك على حاجة. نرمين بقلق: قول يا حبيبي، فيه إيه؟ فارس: أنا هكتب كتابي دلوقتي على منى. نرمين: ليه دلوقتي يا فارس؟ عايزة أفرح بيك يا حبيبي. فارس:

هعمل فرح والله وهتفرحي بيا، بس لازم أكتب عليها دلوقتي وهبقى أحكيلك بعدين. نرمين: ماشي يا حبيبي، بس ابقى طمني عليك. فارس: حاضر يا ست الكل. بعد وقت بيوصل سليم بالمأذون، وبيكون هو الشاهد وواحد من حراس فارس. المأذون: فين العروسة؟ فارس: هات، أنا هدخلها له. بيدخل فارس لمنى. فارس وهو بيحرك إيده على شعرها: منى حبيبي. منى بتوهان بين الواقع والحلم: فارس، إنت جيت؟ فارس: أيوه يا حبيبي. منى: مش هتسبني يعني؟ فارس:

مقدرش أسيبك. يلا يا حبيبي امضي هنا عشان أكون معاكي على طول. منى بسعادة: حاضر. وتمضي منى على عقد الزواج وتصبح زوجة الفارس. *** منى وما زالت الصدمة مسيطرة عليها: يعني أنا دلوقتي مراتك؟ فارس: آه مراتي وحبيبتي. منى: بس أنا لسه في الدراسة. وكملت بحزن: متأكد إنك بتحبني ولا دي كلها شفقة؟ فارس بصدمة: شفقة تاني يا منى؟ إنتي مجنونة يا بنتي؟ بقولك بحبك. اكتفت منى بابتسامة. فارس:

بالنسبة لدراستك، فبراحتك يا حبيبي، لما تخلصي أو الوقت اللي نحدده مع بعض بعد كده، وهعملك أحلى فرح. وكمان ده أنا ذاكر لك. ويغمز لها في نهاية كلامه. منى بخبث: طب افترضاً أنا مش موافقة عليك ومش عايزاك، مش المفروض إنت زي أخويا؟ فارس: نعم يا أختي؟ مش موافقة إيه؟ ده... يلاحظ فارس ابتسامتها فيعرف إنها بتضحك عليه، فيوقف فارس العربية ويقرب لها. فارس بخبث وهو بيحرك إيده على شفايفها: يعني إنتي مش موافقة ومش بتحبيني؟

طب استنى لما أثبت لك العكس. منى بسرعة وتوتر: خلاص خلاص، أنا موافقة. أصلاً كنت بهزر. مبهزرش ولا إيه يا لمبي؟ فارس بضحك: لا بهزر يا قلب لمبي. ههه. بيتحرك فارس بالعربية وبيوصل الجامعة. منى: جبتني الجامعة ليه؟ أنا مش عايزة أحضر. فارس بجدية: لازم الكل يعرف إنك مرات فارس الملك، وإن مفيش حد يقدر يقولك أي كلمة. منى بخوف: بس يا فارس. فارس بحنان: مش عايزك تخافي أبداً يا حبيبي، طول ما أنا معاك. يلا بينا.

بيدخل فارس الجامعة بهيبته وهو ماسك إيد منى بيأكد ملكيته قدام الكل. العميد بتوتر: أهلاً أهلاً فارس باشا. فارس بصوت حاد: أهلاً بالعميد اللي هيكون اسمه عميد سابق حالاً. العميد بخوف: ليه كده بس يا فارس باشا؟ فارس بصوت جهوري حاد: لما تحاولوا تأذوا حاجة تخص فارس الملك، يبقى إيه؟ لما أكون بوصل مراتي وصورها تنتشر في الجامعة بالشكل ده. أنا لحد دلوقتي هادي، بس أقسم بالله اللي يقرب من مراتي أفرمه. وأكيد إنت عارف مين فارس الملك.

العميد بخوف: مكنتش أعرف يا فارس باشا إنها مراتك. والصور قلت طلاب مع بعضهم. فارس بسخرية: لا والله طلاب مع بعضهم؟ افرض واحدة تانية غير مراتي، وأي حاجة؟ ولا بجح كمان وعارف بالصور؟ وأكمل بغضب: لو مطلعتش حالا تعتذر لمنى قدام الكل يا... ولا أقولك مش هقولك خالص، هعمل فيك إيه وانت عارف أنا أقدر أعمل إيه. وكده كده اللي صور الصور دي مش هرحمه. العميد بخوف:

حاضر يا فارس باشا، اللي تؤمر بيه. أنا آسف يا مدام منى، والصور كلها هتتمسح. فارس بسخرية: لا راجل أوي. وبصوت مرعب: تعتذر قدام كل العيلة لمرات فارس الملك حالا. *** في خلال ثواني جمع العميد الكلية كلها. العميد:

أنا حابب أعتذر لمدام فارس الملك. آسف يا مدام منى إني شفت الصور دي ومأخدتش إجراءات. إحنا هنا في كلية محترمة، ومينفعش حد ينشر صور كده ويقول عليها أي كلام. كان ممكن يكون قريبها، أي حد. إنتوا ناس كبار خلاص ومينفعش الشغل ده. فارس بمقاطعة بصوت عالٍ مخيف: منى مراتك الملك، يعني اللي يقول كلمة عليها، بس أخلص عليه. فارس وهو يمسك إيد منى بتملك واضح أمام الطلبة:

قسماً بالله لو حد اتعرض لها بكلمة، يا هقفل الكلية على دماغكوا. ومفهوووووووم؟ الجميع بخوف: مفهوم يا فارس باشا. *** بياخد فارس منى ويطلع من الجامعة، ومنهم من ينظر لهم بحب على الحب الظاهر من هذا الرجل لزوجته، ومنهم من ينظر بحقد وخبث. *** عند حامد بيظهر صوت رسالة وبيلاقي فيديو العميد وفارس. حامد بجنون وشر: مرررراته! مش هسمحلك تعرف الحقيقة يا فارس، والليلة هتكون نهايتك يا ابن شاهين.....