رواية محبوبة الفارس الفصل الثالث عشر 13 - بقلم امنية عوض

فارس بعصبية شديدة: يا ولاد الكلب. منى: مالك يا فارس؟ انت تعرف مين اللي عمل كده؟ فارس: متشغليش بالك انتي يا حبيبي. أنا هقوم أعمل شوية اتصالات كده، وانتي قومي خديلك شاور وغيري هدومك عشان نفطر ونروح مشوار. منى بفضول: مشوار إيه؟ فارس: لما نروح هتعرفي. *** فارس: عايز الرجالة تجيبلي فاروق من تحت الأرض. سليم: تمام يا بوص. بيخلص كلام مع سليم وبيلاقي رسالة وصلتله فيها صورته هو ومنى في العربية

قدام الجامعة ومكتوب عليها: دي بداية بس يا ابن شاهين عشان نعرفك إحنا نقدر إيه. فارس بعصبية: أنا هعرفكوا مين هو فارس شاهين الملك وإزاي تحاولوا تقربوا من حاجة تخصه. *** بتلاحظ منى إنها لابسة حاجة تانية. منى: أنا كنت لابسة فستان، إزاي لبست بيجامة. فارس! بيجري فارس بخضة على منى: إيه يا حبيبي مالك؟ منى بعصبية: مين غيرلي هدومي؟ أنا كنت لابسة فستان. فارس بتنهيدة: ده اللي بتصوتي عشانه يا مجنونة.

وأكمل بلامبالاة: أنا اللي غيرتلك هدومك، كانت مبلولة. منى بدموع: إنت ومين سمحلك؟ فارس بحب: قلبي اللي سمحلي. أهدي يا حبيبي بهزر معاكي. بلاش دموعك دي. أنا غيرتلك الفستان بس كنت طافي النور. منى بتنهيدة: تمام، بس متتكررش تاني. فارس بغمزة: موعدكيش. منى بخجل شديد: فاااارس. فارس بابتسامة: يلا يا أوزعتي خلصي، عشان ورانا كام مشوار. منى بطاعة: حاضر، بس إنت هتنزل بنفس لبسك ده؟ فارس: لا يا حبيبي، سليم جابلي لبس امبارح. ***

بعد وقت بتطلع منى من الأوضة وهي لابسة دريس أحمر وطرحة بيج وكوتشي أبيض. منى: فارس أنا جاهزة. فارس بتوهان: القمر ده كله ليا. تبتسم منى بخجل ويقترب منها فارس. فارس بحب: أنا بحبك أوي يا منايا. منى بابتسامة: طب يلا ولا إيه؟ فارس: يلا إيه؟ إنتي هتنزلي كده؟ منى باستغراب: كده إزاي يا فارس؟ ده طويل خالص أهو. فارس بغيرة: بس ملفت وإنتي حلوة أوي فيه. منى بغرور: أنا طول عمري حلوة. وبتضحك بصوت: يلا بقااا يا فارس.

فارس بغيرة: مش هتتكرر تاني إنك تلبسي أحمر بره خالص. هاخدك نشتري لبس بعد ما نخلص. منى: حاضر حاضر، يلا بقااا هههههه. *** بيطلع فارس ومنى من الشقة ونازلين على السلم. واحدة من الجيران بصوت عالي: اتفرجوا يا عمارة على بنت الدمنهوري اللي عاملة نفسها محترمة ومعاها رجالة في الشقة. أنا أخاف على عيالي يشوفوا المنظر ده. عايزين نطلع الزبالة دي من العمارة. تسمع منى كلامها وتبكي. فارس بصوت جهوري مخيف: مين اللي زبالة يا زبالة؟

اللي بتتكلمي عليها دي مرات فارس شاهين الملك. واللي ييجي على مرات فارس الملك أفرمه. وبيقرب منها بنظرة مخيفة: لولا إني مش بمد إيدي على حريم كنت دفنتك هنا. وأكمل بصوت جهوري عالي وهو بيمسك إيد منى: منى مراتي، واللي أسمعه بيتكلم عنها بحرف هفرمه. وهتشوفي مين هيطلع من العمارة يا زبالة. ثم وجه نظره لمنى بحنان كأنه لم يكن ذلك المخيف الذي كان يتكلم منذ قليل: العيون الحلوة دي متبكيش أبدًا. طول ما أنا معاكي متخافيش نهائي.

تبتسم منى على كلامه وتضغط على إيده لتحس بالاطمئنان. فارس: الووووو. هنا شوية زبالة في عمارة... مش عايزين يلاقوا ياكلوا حتى وتشحت هي وعيالها. _: خلاص يبه آسفة، مكنتش أعرف إنها مراتك. فارس: واديكي عرفتي، وهتشوفي فارس الملك هيعمل إيه. بياخد فارس منى وينزل ويركبوا العربية. بتولول جارتها وتبكي: يالهوي يالهوي، إيه خلاني أسمع كلام فاروق؟ لما أتصل عليه يشوف حل.

_: الوووو فاروق الحقني، عملت زي ما قولتلي وطلع متجوزها وكان زي الوحش وبيقول هيخليني أنا وعيالي نشحت. فاروق بشر: مش شغلتي يا ولية. إنتي أخدتي فلوس تمن كلامك، دورك انتهى خلاص، مليش علاقة بيكي. جارتها بجنان: بس إنت مقلتش إنه واصل كده ويقدر يعمل أي حاجة. فاروق: بس بس يا ولية، ورايا شغل مش فاضي ليكي. ويقفل فاروق في وشها. جارتها: منك لله يا فاروق، ليه سمعت كلامك. *** في العربية عند فارس ومنى. فارس: مالك ساكتة ليه يا حبيبي؟

منى بصوت حزين: هما ليه بيعملوا معايا كده يا فارس؟ أنا عملتلهم إيه؟ أول ما نقلنا العمارة دي قبل موت أهلي كانوا كويسين أوي. بعد موتهم بدل ما يقفوا معايا، كانوا بيتجنبوني واللي تقول عليا نحس وعلشان كده أهلي ماتوا. لم يتحمل فارس صوتها الحزين ووقف العربية وتكلم. فارس بحنان: أنا موجودة معاكي يا حبيبي واستحالة أسيبك. متفكريش في الناس دي. منى بإمتنان: شكراً يا فارس إنك في حياتي. فارس: أنا هكون في حياتك دايماً يا حبيبي.

وبيشغل العربية ويتحرك. منى بتذكر: صحيح يا فارس، إنت قولتلهم إني مراتك عشان مفيش حد فيهم يتكلم ولا إيه؟ فارس: لا يا حبيبي، أنا قولت إنك مراتي عشان إنتي مراتي فعلًا. منى بصدمة: ....