رواية محبوبة الفارس الفصل السابع عشر 17 - بقلم امنية عوض

اشربي المايه وخدّي نفسك واتكلمي. الممرضة بخوف: أنا... أنا كنت... سليم بهدوء: اهدّي واتكلمي. الممرضة: يا باشا، أنا كنت داخلة عند المريضة أبص عليها قبل ما أمشي عشان الوردية بتاعتي خلصت. لقيت واحد لابس لبس تمريض وبيحاول يقتلها. سليم بتساؤل: بيحاول يقتلها إزاي؟ الممرضة: بيكتم نفسها بالمخدة. وأنا لما شفت، زقّني وجرى بسرعة. سليم: مش فاكرة شكله كان عامل إزاي؟ الممرضة: لا يا باشا، أنا من الخوف مركزتش. سليم: تمام. روحي انتي.

*** نانسي: مش عايزين أي مشاكل مع فارس الملك الفترة دي عشان شحنة المخدرات والأسلحة تعدّي في هدوء. حامد وهو يضع كأس الخمر أمامه: أنا هخلّص على ابن شاهين الأول، وبعد كده نشوف موضوع الشحنة. نانسي بهدوء مريب: وده حصل امتى؟ حامد: أنا بعت مرة قبل كده بس معرفوش يوصلوا له. كان عليه حراسة مشددة، فبعت رجّالتي تاني وهو داخل الشركة يخلّصوا. نانسي بصوت عالٍ: انت بتعمل ايييييييييه!

فارس اكتشف منال السكرتيرة وحالياً مش عارف هي فين، انت قلت مش مشكلة. أميرة مش تهمنا في حاجة. أهم حاجة ورق الصفقة. أخدنا ورق الصفقة وطلع مش مضبوط وخسرنا جزء كبير. حرّق لك المصنع وكان فيه مخدرات للشحنة الجديدة وشوف خسرنا شحنة بكام. ودلوقتي بتعمل إيه؟!!!

لو فارس عرف مش هيسكت واحنا معانا شحنة مهمة جداً مع أجانب وفيها موتنا لو الشحنة موصلتش. دايماً هو سابق بخطوة، مش عارفين نوقعه. فالمفروض كنت تستنى لحد ما نعدّي الشحنة. انت مفكر إنك هتعرف توصل لفارس إنك تقتله؟ كانت محاولاتك اللي قبل كده نفعت؟ أنا دخلت معاه في صفقة مهمة جداً هتخسره كل ما يملك. مش ده كان اتفاقنا؟ إن أدخل معاه صفقة ويخسر كل حاجة؟ حامد بغضب: هفضل أحاول أقتله... لازم نرمين تموت من القهر عليه.

نانسي بغضب: لو فضلت كده... يبقى كل حاجة بينا خلاص وهبلغ الأجانب إن شغلي معاك انتهى. حامد بصوت عالٍ: انتي بتلوّي دراعي كده. نانسي بصوت عالٍ هي الأخرى: اعتبريها زي ما تعتبريها يا حامد... هو انت مفكر إن أنا مش عايزة فارس يموت؟ بس كل حاجة بالعقل... احنا معانا دلوقتي شحنة مهمة جداً. نركز فيها ولا تفتح علينا أبواب فارس تاني.

حامد بتفكير في نفسه: طب ما أنا أوجع قلب فارس على السنيورة بتاعته وكده أكون ضربت فارس في نقطة ضعفه. فميركزش ويخسر أسهم شركاته أو شركاته مقابل السنيورة. ومنها ما فتحش على نفسي عداوة الأجانب لو نانسي عرفت. نانسي: هااا؟ قولت إيه؟ أنا بكلمك. حامد بهدوء: خلاص تمام... نتكلم في المهم وهسيب قتل فارس دلوقتي. نانسي: كده تعجبني... *** سليم: تمام، خدها على الفيلا وفهم ماما نرمين مين دي وهات ممرضة تتابعها. سليم: سلام. فارس: سلام.

فارس في نفسه: يا ترى صفاء عارفة إيه عشان حد يحاول يقتلها؟ ... بيقطع تفكيره، منى وهي بتحضنه من ضهره. منى: مالك يا حبيبي. واقف ليه كده؟ فارس وهو بيلف وبياخدها في حضنه: كان معايا تليفون تبع الشغل يا قلبي، طلعت أتكلم بره عشان متقلقيش. منى: هو احنا هنفضل هنا كتير؟ فارس بصوت هادي وهو بيشيلها: الصبح نتكلم يا حبيبي، ننام دلوقتي الأول. بيحطها فارس على السرير ويغطيها ويبوس رأسها. منى بنوم: تصبح على خير يا فارسي.

فارس بسعادة: وانتي من أهل الخير يا عيون فارسك. *** بعد مرور أسبوع... حامد ونانسي مشغولين بشحنة الأسلحة والمخدرات. صفاء بتصحى تصرخ وتاخد المهدئ وترجع تنام تاني. مفيش جديد في حالتها. سليم ماسك الشغل في غياب فارس وبيبلغ فارس بخطواته أول بأول. فارس ومنى سافروا الساحل، وده كان طلب منى. حبهم بيزيد وفارس بيعاملها بحنية وحب واهتمام. منى كانت مبسوطة وسعيدة جداً إنها مع فارس وإنها خلاص اتخلصت من الوحدة اللي كانت فيها.

فارس الملك كان فارس تاني خالص معاها، حقق لها كل أمنيته. منى بسعادة وهي متعلقة في دراع فارس وبتاكل آيس كريم: مين كان يتخيل إن فارس الملك يتمشى في الشارع عادي وبيأكل آيس كريم كمان. فارس بغمزة: ده كله عشانك يا قمر. منى بسعادة: أنا مبسوطة أوي يا فارس. فارس بحب: وأنا سعادتك عندي بالدنيا يا حبيبي، كفاية أشوف في عيونك السعادة. أنا معاكي فارس حبيبك اللي يعمل عشانك أي حاجة عشان تكوني سعيدة ومبسوطة.

منى بدلع: ربنا يخليك ليا يا حبيبي. فارس بخبث: أنا بقول نأجل الدلع ده لما نكون لوحدنا. منى: ههههههه. بيتأملها فارس وهي بتضحك بحب. منى: فارس فاااااارس. فارس بانتباه: نعم يا حبيبي. منى: عايزة غزل البنات. فارس: من عيوني يا حبيبي. *** بيطلع فارس من الحمام وهو بينشف شعره، ومنى مش موجودة في الأوضة. سمع صوت دندنة جاية من تحت، بينزل بيلاقي منى واقفة في المطبخ وهي بتغني. فارس وهو مقرب منها جداً وبيحضنها: بتعملي إيه؟

منى بخضة: حرام عليك فارس، بطل تخضني. فارس: حبيبي اللي بيتخض بسرعة، هيكون مين غيري يعني؟ منى: مش قولتيلي بتعملي إيه؟ منى: بعمل كيك بالشوكولاتة، هتعجبك أوي. فارس بصوت هادي جداً جعل منى تنكمش في نفسها: طالما حبيبي اللي بيعملها أكيد هتطلع حلوة. منى بصوت يكاد يُسمع: فارس. فارس بهدوء هو الآخر: عيون فارس. منى: الكيك. فارس بهزار: مجنونة، أنا بحب مجنونة. وأكمل بجدية: إحنا هنرجع اسكندرية بكرة يا حبيبي. منى: بدري كده؟

فارس: عشان ورايا شغل مهم يا حبيبي، وأوعدك هنيجي شهر كامل بعد ما تخلصي الامتحانات بتاعتك. منى: ماشي يا حبيبي، وكمان ماما نرمين وحشتني أوي. *** تشرق شمس يوم جديد على أبطالنا. بيوصل فارس ومنى اسكندرية. منى بسعادة وهي بتجري تسلم على نرمين: وحشتيني أوي يا ماما نرمين. نرمين: حبيبتي، عاملة إيه؟ انبسطي؟ منى: أوي أوي يا ماما. فارس وهو بيوطي يبوس رأس والدته: وحشتيني يا ست الكل.

نرمين بحب لهما: حمدالله على سلامتكم يا حبايبي. سماح جهزي الأكل. فارس: أنا همشي أنا ورايا شغل مهم. نرمين: تاكل معانا الأول يا فارس. فارس: معلش يا أمي مستعجل، ورايا شغل مهم. نرمين: خلاص، ماشي. بتطلع منى ورا فارس. فارس: عايزة حاجة يا حبيبتي؟ منى: عايزة سلامتك يا حبيبي. بيبوس فارس جبهتها ويمشي. منى بتقعد مع نرمين وبتحكيلها قد إيه هي مبسوطة مع فارس.