رواية محبوبة الفارس الفصل السادس عشر 16 - بقلم امنية عوض

لقد وجدت الحب في عينيه، شعرت بالأمان بين ضلوعه. أصبحت مغرمة به، فهو فارسي. فارس بجدية: كده تمام أوي. طب أنا معايا اختفاء أسبوع أو أكتر، كده هو هيتجنن. وأنت يا سليم تقعد مع ماما نرمين في البيت والحراسة تزيد. عايز حراسة مشددة على الفيلا يا سليم. مفيش مخلوق يعرف يدخل. سليم: اعتبره حصل يا بوص. هنعمل إيه مع أميرة السكرتيرة؟

فارس: كله بأوانه. زي ما هي وهو خلال الأسبوع هيكتشف أننا عرفنا كل حاجة. وبالنسبة لفاروق، فاعلموا معاه الواجب وزيادة. سليم بجدية: كله تمام يا بوص. وفي الشركة خبر إنك سافرت بره مصر هينتشر في ثواني. فارس: تمام كده. سلام. *** منى بقلق: فيه إيه يا فارس؟ فيه حاجة حصلت؟ ماما نرمين كويسة؟ فارس بهدوء: إيه يا حبيبي مفيش حاجة، دي حاجات تبع الشغل وماما نرمين كويسة خالص وعارفة إنك معايا. تعالي نكلمها عشان تطمنّي.

يرن فارس على والدته فيديو كول. فارس: أيوه يا ست الكل، عاملة إيه؟ نرمين: الحمد لله يا حبيبي أنا كويسة خالص، متشغلش بالك بيا. انت ومنى إيه أخباركوا؟ فارس بغمزة لمنى: إحنا تمام خالص يا ست الكل. نرمين بضحك: ههههه واضح خالص، متزهقش بنتي يا واد. البت مش بتتكلم ليه؟ عملت فيها إيه يا فارس؟ فارس بضحك بصوت عالٍ: ده بتموت جنبي أهي. منى بخجل شديد وبصوت واطي: عاملة إيه يا ماما.

نرمين بحب: الحمد لله يا حبيبتي. كده تقلقيني عليكي يوم ما مشيتي يا منى. هو أنا مش ماما بردو ولا إيه؟ الواد فارس يزعلك نمشيه هو بس وأنتي تفضلي معايا. دا أنا أعلقه على بوابة الفيلا من بره، الملك على نفسه. فارس بهزار: إيه يا ست الكل، هو أنا مش ابنك ولا إيه؟ نرمين: انتوا عيالي حبايبى، ربنا يسعدكوا. يغلق فارس مع والدته ويبص لمنى اللي بتحاول تكتم ضحكتها. فارس بغيظ: اضحكي يا حبيبي اضحكي، كتماها ليه؟

منى: ههههههههههه مش قادرة بقااا. فارس الملك يتعلق على بوابة الفيلا ههههههه. و بتجري منى لتحت بسرعة من قدام فارس. فارس: خدي هنا يا بت. بتجري فارس ورا منى وهي تضحك بشدة. منى بتعب من كتر الجري: تعبت خلاص. فارس بضحك: بجرى ورا بنت أختي. منى وهي تقرب منه بدلع: أنت فارسي حبيبي. فارس بخبث: انتي قد الدلع ده؟ منى بخجل: د... دل... دلع إيه؟ فارس بضحك: هتقلبى طماطم تاني وصوتك يختفي.

منى وهي بتضربه في كتفه: كسفتني قدام ماما نرمين. تقول علينا إيه؟ فارس وهو يمرر يده على شفتيها بهيام: هتقول ابني يعشق مراته... مهووس بمراته. *** بتفوق صفاء من الغيبوبة. أحد رجاله فارس بيكلموا سليم: الست اللي فارس باشا موقفنا حراسة عندها فاقت يا سليم باشا. وبرن على فارس باشا مش بيرد. وهي من ساعة ما فاقت مش بتقول غير "منى". "الحقوا منى هيقتلوها". سليم بجدية: تمام. أنا جاي. صفاء بصريخ: ابعدوا عني!

أنا عايزة أمشي، عايزة منى! هيقتلوها! ابعدوووووا عني! الدكتورة للممرضة: هاتى حقنة مهدئ بسرعة. بيدأ جسم صفاء يرتخي من الحقنة المهدئة. صفاء وهي بتغمض عيونها: أنا لازم ألحقها... من... *** عند حامد. حامد بجنون: يعني إيه مش عارفين توصلوا لمكانه؟ أنا عايز فارس الملك. خبر موته ينزل النهارده قبل بكرة. أحد رجاله حامد: من بعد ما طلع من الجامعة، ما نعرفش هو راح فين. والأخبار وصلت لينا إنه مكنش في الشركة واللي كان موجود سليم.

حامد بغضب: مشغل عندي شوية بهايم، مش عارفين يعملوا حاجة خالص. رجاله: يا حامد باشا بيكون حواليه حراسة... حامد بصوت جهوري وبغضب: بس بس! هو انت هتحكي لي؟ هو أنا مشغلكوا ليه؟ انتوا مش عارفين توصلوا لحاجة؟ تهدوا الدنيا وتعرفوا فارس فين؟ وخبر موته يبقى عندي. يلا برااااااا. رجاله: أوامرك يا حامد باشا. ويمشي من قدامه بسرعة.

حامد بشر: مش هرتاح يا فارس طول ما أنت موجود. هدمرلك شغلك وهموت الست الوالدة اللي بتخاف عليك بحسرتها عليك لما تموت. أحد الخدم: حامد باشا فيه واحدة عايزة حضرتك اسمها نانسي. حامد: تمام، دخليها. حامد بترحيب بنانسي: أهلاً نانسي هانم. وبيوطي يبوس يدها. حامد: نورتي قصري المتواضع. نانسي بدلع: ده منور بيك يا حامد باشا. ############################### عند فارس ومنى.

منى قاعدة وساندة بظهرها على صدر فارس وفارس حاطط إيده على خصرها. فارس واخد منى في حضنه. فارس بهيام وحب: عايز أنام وأحس بوجودك في حضني يا حبيبي. منى بخجل وهروب: أنا... أنا عايزة أسمع فيلم. تعال نسمع فيلم مع بعض. وأكملت بحب: تعرف يا فارس؟ فارس بحب وهو يتأملها: عرفيني يا قلب فارس. منى بخجل من نظراته: نفسي أوي أروح السينما مع الشخص اللي بحبه، ونتمشى بالعربية مع أغاني هادية رومانسية. نشتري آيس كريم ونتمشى على الكورنيش.

فارس بحب وهو يشاور على عيونه: من عيوني الاتنين يا حبيبي. كل اللي منايا تؤمر بيه يتنفذ. منى بحب وهي بتلف وبتحضن فارس: إنك أكون معاك كأني ملكت العالم كله... لقيت معاك الأمان والحب... السند بعد اللي فكرت أني خلاص مليش حد. أنا محظوظة بوجودك يا فارسي. فارس بحب: أنا اللي محظوظ بوجودك في حياتي يا منايا... كنت بشوفك محتاجة مساعدة في أحلامي. شكل بيتكوا كل حاجة. منى بانتباه وهي تبعد عن حضنه: يعني إيه؟

فارس وهو يأخذها في حضنه مرة أخرى ويشدد من احتضانه لها: متطلعيش بره حضني تاني. أنا لما صدقت لقيتك. زي ما أنتِ لقيتي الأمان بوجودي... أنا لقيت روحي بوجودك. قبل شهرين من شغلك عندي في الشركة، كنت بشوف شكل بيت فيه حريق وواحد كبير بيجري عليا وبيقول لي: "الحق بنتي".

ويفضل يردد: "الحق بنتي" كتير. كنت بدخل البيت وبلاقي واحدة في هيئتك بس وشك مش واضح أوي وحواليها نار كتير وبتشاور لي أساعدها. بحاول أطلعها منها معرفش وأصحى من النوم مخضوض. لما روحت عندك الشقة حسيت إني شوفت البيت ده قبل كده. ولما افتكرت الكابوس ده اللي فضل يطاردني شهرين عرفت. تعرفي إن الكابوس ده بطل يجي لما عيشتي معانا في الفيلا؟ عرفت إن فيه علاقة بينا وإن انتي محتاجاني زي ما انتي محتاجاني بالظبط.

منى بتأثر: وأنا هفضل في حضنك دايماً... بس غريب أوي اللي حصل ده. فارس: مش مهم... المهم إنك معايا وفي حضني. ############################# بيوصل سليم المستشفى وبيقابله رجل من رجاله. رجاله: سليم باشا.. الست فضلت تصوت كتير وتقول "منى" وهيقتلوها وعايزة تطلع. فالممرضة أدتها حقنة مهدئة ونامت. سليم بعصبية: ما كنتش عارف تسيطر على الوضع لحد لما أجي. وهتصحى إمتى كده؟

رجاله: معرفش يا باشا. بس الدكتورة اللي كانت عندها قالت إن عندها انهيار عصبي. بيقطع كلامه صوت الممرضة وهي طالعة من أوضة صفاء وبتصرخ. الممرضة: الحقونااااااااا.