رواية مهرة العز الفصل الرابع والعشرون 24 - بقلم مريم

ياسر باستغراب: مش دي مهرة اللي مختفية؟ إيه اللي جابها هنا عند عز؟ مشى ياسر باتجاه مهرة عشان يعرف هي بتعمل إيه هنا. قرب منها ولسه هيتكلم، شده عز من دراعه وراح حضنه. عز بصوت عالي: ياسر حبيبي عامل إيه، واحشني. ياسر: الحمد لله. عز مش دي... عز قاطعه بصوت مهموس وقاله: أيوه هي. اسكت خالص وأنا هفهمك كل حاجة بعدين. ياسر بعدم فهم: تفهميني إيه؟ إيه ده؟ لتكون خاطفها؟ عز وهو بيجز على سنانه: اخرس.

وتعالى معايا يلا عشان أفهمك كل حاجة. ياسر مشى معاه وهو مش فاهم أي حاجة. عند منى كانت واقفة مع رفيف وبتقولها. منى بغيرة: أنا هاين عليا دلوقتي أروح أمسكها من شعرها وأمسح بيه الأرض كلها. رفيف بضحك: اهدّي يا منى. خليكي تقيلة زي ما هديه قالت لك. منى: إنتي مش شايفة واقفة هناك مع العقربة سلوى قاعدين كأنهم قاعدين في كباريه إزاي. رفيف: متاخديش في بالك. دي باين عليها عقربة زي سلوى. بس هما يعرفوا بعض منين؟ منى:

أصل منه كانت بتخرج دايماً مع ياسر لما كان عز بيعزمهم هو وسلمى مراته. وسلمى كانت بتعزم سلوى بردوا عشان كده يعرفوا بعض. رفيف باستغراب: هو عز كانت متجوز؟ منى: أيوه. رفيف: أومال مراته فين؟ منى: الله يرحمها. رفيف: وهديه عارفة؟ منى: امممم. رفيف: طب وإيه علاقة سلوى بمرات عز الله يرحمها؟ منى: بصي ده موضوع يطول شرحه هبقى أحكيلك عليه بعدين. خلينا دلوقتي في العقارب السامة دي. رفيف ضحكت عليها. عند عز وياسر وأسر

عز كان حكى كل حاجة لياسر. ياسر: طب وإنت إيه اللي يخليك تخاف عليها ومش عايز يحصلها حاجة؟ أسر بضحك: أصله وقع. أسر وياسر فضلوا يضحكوا وعز جز على سنانه وقال لأسر: ماشي أنا هوريك يا بتاع رفيف. أسر بصدمة: رفيف. إنت بتهزر. أنا مستحيل أحب البت الشرحوحة دي. ياسر بضحك: ومين رفيف دي كمان؟ عز بضحك: دي صاحبة مهرة. أسر: ده إنت اتجننت. عز: لما أنا اتجننت ليه روحت تجيبها؟ ما هي كانت تعرف تيجي لوحدها. مش هتوه يعني. أسر بتوتر:

لا مهو يعني عشان هما عارفين إنها بنت خالي مينفعش كل واحد يجي لوحده عشان كده بس. وياسر بضحك في نفس الوقت: هصدقك. أسر: هكذب يعني. عز: أبداً. أسر: أصلاً أنا بحب واحدة صغننة كده وعسلاية وهي بتحبني، أكيد مش هسيبها وأبص لرفيف. ياسر بضحك: دي مين دي. قاطعتهم منى وهي بتقول بطفولة: يلا عشان هنطفي الشمع. ياسر كان بيبصلها بإعجاب وهي تجنبته، وبعدين مسكت إيد عز ومشيت.

بعد شوية كله اتجمع وغنوا ومنى طفت الشمع وكله بقى يقولها كل سنة وإنتي طيبة. سلوى بابتسامة مصطنعة: happy birthday Mona. منى بابتسامة مصطنعة: you are lovely. أحمد: كل سنة وإنتي أحلى وأجمل بنوتة في العالم. منى راحت حضنته وقالت له: وإنت طيب يا أحلى وأجمل بابي في العالم. قاطعتهم نجوى وهي بتقول: طب مفيش حضن لمامي ولا كله بابي. كله ضحك ومنى راحت حضنتها وقالت لها: ربنا يخليكي ليا يا ست الكل. هديه اتدخلت وقالت:

طب ماليش حضن أنا كمان ولا إيه. منى ضحكت وقالت: لا إزاي ده إنتي هتاخدي أكبر حضن. وراحت حضنتها وهديه عطيتها الهدية بتاعتها. وعز ضم حواجبه وقال: ياسلام. أكبر حضن ليه يعني؟ منى: عشانها أحلى أخت في الدنيا. سلوى بصت لهم بحقد. وعز ضحك وقال: طيب. بما إنها أحلى أخت في الدنيا. ف ارجع الهدية دي بقى. منى سابت هديه وجرت على عز وقالت له: لا طبعاً ده أنا بهزر. ده إنت أحلى أخ في الدنيا. هديه بضحك: آه يا بكاشة. وكلوا ضحك عليهم.

وبعدين المعازيم كلوا بقى يعيد على منى. نجوى بتوتر: أومال لؤي مجاش ليه. منى بكذب: آه. مهو رن عليا الصبح وقالي كل سنة وإنتي طيبة. وقالي هيقعدوا يوم كمان وممكن يجي بكرة. أحمد: ده ليه يعني؟ منى بكذب: عجبه جو اسكندرية. عز بشك: امممم. لما أشوف الموضوع ده. لأني مش مطمن. منى بتوتر: هكذب يعني؟ عز: لا مش بقول إنك بتكذبي. بس الحوار ده مش داخل دماغي. قاطعتهم سلوى وهي بتقول: يلا نرقص. منى بحماس عشان خطتها: أيوه يلا.

منى قربت من أسر وقالت له: ممكن نرقص. أسر بضحك: تفضلي سمو الأميرة. ده إنتي نجمة الليلة. نجوى ضحكت وقالت: والله إنتوا الاتنين عسل. هديه: امممم ولايقين على بعض. ياسر حس بضيق لما شافهم قريبين من بعض وهو ماسكها من وسطها و بيرقصوا. وافتكر كلام أسر لما قال بحب واحدة صغننة وهي بتحبني. ف فكر إنهم بيحبوا بعض. ومنى جت وقالت له يلا نرقص. هو عشان يغيظها وهو مش عارف يغيظها ليه بس وافق. ومنى كانت بتولع. أسر بضحك:

متبقيش مدلوقة أوي كده. منى بتوتر: ها. إزاي؟ أسر: عارف إنك بتحبي ياسر. بس اتقلي شوية. منى بضحك: لا باين. منى بخوف: أوعك تقول حاجة لعز. أسر: عيب عليكي يا بنتي. رفيف كانت واقفة من بعيد وشايفاهم بيضحكوا وفكرت إنهم بيحبوا بعض. عشان كمان بيرقصوا مع بعض. هديه من وراها وقالت لها: بذمتك هيحبوا بعض إزاي وهي هتموت على ياسر. رفيف بغباء: آه تصدقي. بس إنتي عرفتي إزاي إني بفكر في كده؟ هديه: مش عارفه. حسيت. رفيف بحزن:

بس ممكن يكون بيحبها. شايفاه بيضحك إزاي؟ هديه: أسر اللي مربي منى. عشان كده واخدين على بعض. رفيف بابتسامة: بجد؟ هديه بابتسامة: شكلك واقعة على الآخر. رفيف بخجل: لا طبعاً. هديه واقفه لقت عز راح يرقص مع سلوى. دمها اتحرق وزعلت أوي وقالت في نفسها: هو بيرقص معاها ليه. وإنا الغبية اللي مفكرة إنه هيجي يطلب يرقص معايا. رفيف حسيت بها. وقالت لها: طب ما تروحي إنتي كمان. هديه: أروح أعمل إيه؟ رفيف:

فيه في الحفلة 100 واحدة يتمنوا يرقصوا معاك. روحي ارقصي مع أي واحدة. هديه: يعني أروح لأي حد وأقول له تعالى نرقص؟ رفيف: لا. اصبري شوية. وبالفعل 5 دقايق وواحد جه لهديه وقال لها: ممكن نرقص. هديه بصت لرفيف بتردد ورفيف هزت رأسها بـ آه وهديه وافقت. الشخص مسك إيد هديه وراح في الساحة وكانوا قريبين من عز وسلوى وقام مسكها من وسطها،،،، وقربها منه وبقوا يرقصوا مع بعض. وعز شافهم وبقى بيغلي من جواه.

وزاد غضبه لما الشخص ده بقى يمشي إيديه على جسم مهرة بفستانها المغري. عز من غضبه بقى يقبض إيديه على سلوى. سلوى بوجع: آآآه. في إيه يا عز؟ عز سابها وراح عند هديه وشدها من إيد الشخص. الشخص: في إيه يا عز؟ عز بغضب مكتوم: ببدل في مانع. روح لسلوى هناك. الشخص بيبص على جسم هديه وقال: بس أنا عايز هديه. عز بعصبية بانت عليه قال: اسمعني كده تاني. الشخص بخوف مشى من قدام عز وراح لسلوى وسلوى اتغاظت وكملت رقص.

عز مسك هديه من وسطها جامد وهي بتتوجع وبقى يبصلها بجمود. هديه بوجع: عززز. إيدك بتوجعني. عز بنظرة مخيفة: ممكن أفهم إيه اللي إنتي عملتيه ده؟ إزاي ترقصي مع واحد متعرفيش عنه أي حاجة؟ أو حتى تعرفيه، إزاي ترقصي أصلاً مع حد غريب؟ هديه بجمود: طب ما إنت غريب عني. بترقص معايا ليه؟ عز بيتقل أكتر بإيديه: مش عايز أسمع صوتك فاهمة. هديه بوجع: طب إنت كنت بترقص مع سلوى ليه؟ عز بجمود: شيء ميخصكيش. هديه بدموع: طب سيبني.

عز حس إنه زودها معاها فقرب منها وهمس في ودانها وقال لها: أنا آسف. عارف إني اليومين دول بقيت متغير معاكي. بس صدقيني غصب عني وهتيجي في يوم وتعرفي أنا بعمل كده ليه. وخليكي عارفة إني مهما حصل عايزك تعرفي إني بحبك. وهفضل أحبك. بس شوية وقت بس. هديه ودقات قلبها عالية: طب ابعد شوية. عز ابتسم وقال لها: تؤ. مش هبعد عن حاجة تخصني. خليكي عارفة إنك تخصيني. بتاعتي أنا وبس. وكل حاجة فيكي. عيونك، رموشك، شفايفك، جسمك. كل حاجة. فاهمة.

هديه وشها بقى طماطم وقالت له بصوت مهزوز: طب ابعد. عز باسها من خدها بو*سة سريعة وبعدين راحوا عشان يقعدوا. رفيف بهمس: كنتوا زي الأمير والأميرة بجد. هديه بكسوف: بجد. نجوى من وراهم: أيوه بجد. كنتوا زي العسلة. هديه بابتسامة: ميرسي يا نوجه. منى جت قعدت معاهم وهي محروقة من ياسر وقالت لهديه: شايفة بيرقصوا إزاي. هديه: اهدّي بقى. كل شيء ب أوانه. منى بتهز في رجليها: آه. هديه. رفيف ضحكت عليها. وشوية وعز راح وقف في الساحة وقال.

عز: أنا كنت عايز أقولكم خبر حلو. في المناسبة السعيدة دي. كله انتبه ليه. عز: بما إننا في جو سعيد ووقت مليء بالفرح بمناسبة عيد ميلاد منى أختي. ف أنا حبيت أقولكم. إني نويت أتجوز. من أجمل واحدة في الكون شافتها عيوني. وبص على هديه اللي كانت ه تطير من السعادة ومكسوفة جداً. ونجوى كانت فرحاااانة. إن خلاص هيطلب إيد هديه. بس فاجأهم عز لما قال. عز: أنا حابب أكمل حياتي. مع الآنسة سلوى. سلوى تقبلي تتجوزيني. سلوى بفرحة: طبعاً.

وراحت حضنته وكلوا سقف. العيلة كانت مصدومة وأسر كان مش مستوعب. وهديه بصدمة. يتبع.