رواية مهرة الفارس الفصل الثالث 3 - بقلم اسماء ابراهيم

فارس... اعمليلي قهوة وحضري الفطار. مُهرة بصدمة: نعمممممم! انت شايفني مراتك عشان تطلب مني كدا؟ فارس: ياريت. مُهرة: أفندم؟ فارس بجدية: أي مش عاجبك يا آنسة مُهرة؟ حضرتك أنا سكرتيرة مش قاعدة في قهوة أنا. فارس: طب يلا اعملي اللي طلبته منك. اتفضلي. مُهرة خرجت وهي متعصبة وحلفت إنها تاخد حقها. *** في مكان تاني بعيد عن الشركة. هي بتخرج من الشركة الساعة خمسة أول ما تخرج. القاتل: هتدفعي كام على العملية دي؟

مجهول: اللي انتي عايزاه بس المهم تخلص عليها. القاتل: بس ده هيكلفك كتير أوي. مجهول: ملكيش دعوة، أنا هدفعلك فلوسك. القاتل: النهاردة الساعة خمسة وربع تسمعي خبر موتها. سلام يا قطة. *** نرجع تاني للشركة. مُهرة: اتفضل الفطار والقهوة. فارس: أي السرعة دي؟ أنا كنت واثق إنك ممتازة. مُهرة: حضرتك تطلب حاجة تاني؟ فارس: آه، في اجتماع النهاردة. اعملي حسابك هتحضري معايا. مُهرة: تمام. عن إذنك.

فارس لنفسه: لازم أكلمها النهاردة، مش هخليها تضيع من إيدي. *** ريم: إزيك يا خالد؟ خالد: أهلاً يا ريم، عاملة إيه؟ ريم: أنا كويسة. خالد وهو بيقرب منها: ريم، أنا آسف على اللي حصل مني آخر مرة. مكنش لازم أتعصب عليكي، انتي مليكيش ذنب في كل ده. ريم، أنا عايز نكتب الكتاب في أسرع وقت. إيه رأيك؟ ريم بفرحة: بتتكلم بجد يا خالد؟ يعني هنتجوز أخيراً؟ حضنته وقالت: خالد، أنا بحبك أوي. وسبته ومشيت. باي بقى عشان أجهز نفسي.

خالد: أكيد مُهرة لما تعرف إني هتجوز أقرب واحدة ليها هتموت من الصدمة. ويبقى كده أخدت حقي. *** مُهرة: أيوا يا بابا، أنا هتأخر في الشغل النهاردة عشان في اجتماع مهم، وأول ما هخلص هرجع على طول. الأب: تمام يا حبيبتي، خلي بالك من نفسك. مش عارف ليه قلقان من الصبح. مُهرة: اطمن يا حبيبي، أنا بخير. ولو في حاجة، أنت أول واحد هتعرف. الأب: ماشي يا حبيبتي، كملي شغلك وأنا هحضر أكل لأحلى بنوتة. مُهرة: دا أنا أخلص شغل وأجيلك هوى.

قفلت مُهرة مع أبوها وهي بتقول: في حفظ الله يا حبيبي. كان واقف وسمع كل حاجة، وأخد قراره إنه يروحلها. خالد: إيه ياترى كنتي بتكلمي حبيب القلب؟ مُهرة: شيء ميخصكش الحقيقة. خالد: امممم، على رأيك. بس أنا كنت جاي أقولك إني لقيت اللي أحسن وأحلى وأنضف منك، وكتب كتابي عليها بكرة. مُهرة بضحك: والله ألف مبروك يا خالد، ربنا يوفقك. كنت عايزة أقعد معاك أكتر من كده يا ابن عمي، بس معلش عندي شغل مهم أوي أهم منك.

مُهرة مشيت وهو واقف مصدوم من تغير مُهرة المفاجئ. أوقات كتير لما بنتكسر من أقرب الناس لينا، بنرجع أقوى من الأول. بنكون فاكرين إن دي نهاية العالم، لكن لأ، دي البداية. البداية إننا نبدأ من جديد. حياة جديدة مفهاش متاعب. والأهم من ده كله، الثقة بالنفس. طول ما أنت واثق في نفسك، هتقدر تنجح في حياتك. *** فارس: مُهرة، الاجتماع هيكون برا. مُهرة: برا إزاي حضرتك؟ المفروض يكون هنا في الشركة.

فارس بجدية: بصي يا مُهرة، طول ما انتي شغالة معايا، اعرفي إني مليش مكان ثابت أعمل فيه اجتماعات. يعني مثلاً، ممكن يكون مرة في كافيه، مرة في الشركة، مرة في نادي. يعني أنا مش بحب أربط نفسي بمكان واحد. مُهرة: تمام يا فندم. وهنمشي إمتى من الشركة؟ فارس: يعني المفروض نتحرك دلوقتي. مُهرة: تمام، هجيب حاجتي وهحصل حضرتك. بس يا ريت اللوكيشن. فارس: ليه اللوكيشن؟ ما انتي هتركبي معايا العربية.

مُهرة: مينفعش، ويا ريت حضرتك تحترم قراري. فارس: تمام يا مُهرة. اتفضلي. مُهرة خرجت عشان تمشي، وفارس قال: شكلي هتعب معاكي أوي. *** خرجت مُهرة من الشركة عشان تركب تاكسي، بس اللي حصل غير متوقع. فارس: مُهرة! حاسبي! لاااااااا! مُهرة؟!