رواية مهرة الجاسر الفصل الثامن 8 - بقلم لحن الحياه

مصطفى أخو مرام، مرات أخو جاسر. كريم، مصطفى، كان سافر فرنسا يشتغل. قبل ما يمشي، ساب جواب لمهره اعترف لها إنه بيحبها، وبعد كده ما بقاش فيه أي اتصال بينهم. كانت مهره بتعرف أخباره من أهله. مصطفى رجع، بس المفاجأة إنه اتجوز. أول ما رجع، سلم على أبوه وأمه وسأل على مهره. مصطفى: مهره فين؟ أمه: في المستشفى، عملت حادثة. مصطفى: مستشفى فين؟ أنا لازم أروح لها. أمه: يا ابني اقعد استريح الأول، وبكره نبقى نروح أنا وأنتم.

مصطفى: لا طبعاً، مش هتستريح غير لما أشوفها. سلام. مصطفى: جاكلين، خليكي قاعدة هنا، هاروح مشوار وهاجي. جاكلين: ماشي. جاكلين قعدت هي ومامته. جاكلين بتتكلم عربي مكسر. جاكلين: مصطفى راح فينام. أمه: مصطفى راح يزور حد عيان. جاكلين: أوكي. مصطفى راح المستشفى وسأل على مهره ودخل عندها. مهره: مصطفى، انت جيت امتى؟ مصطفى: وحشتيني يا مهره. مهره: وانت كمان يا مصطفى. مصطفى: انتي عملتي حادثة ازي؟ مهره: بعدين بعدين، قولي انت عاملت ايه.

دخل جاسر. مهره: ده مصطفى أخو مرام، هو ما حضرش الفرح عشان كان مسافر. وده جاسر أخو كريم. جاسر: أهلاً وسهلاً. انت جيت امتى من السفر؟ مصطفى: جيت النهارده. روحت وعرفت اللي حصل فجيت أطمئن عليها. عدى اليوم، وكل يوم مصطفى يجي يزور مهره هو ومراد. طبعاً جاسر كان في قمة غضبه من الاثنين. وجاء اليوم اللي مهره هتخرج فيه من المستشفى، وجاء مراد ومصطفى. جاسر: زي العادة، يلا يا مهره عشان تروحي. سهر: ماشي، احنا جاهزين أهو.

مراد: هتركب معي العربية؟ مصطفى: لا، مش عايزين نتعبك. أنا جايب العربية وهاخدهم وأروح. جاسر، من غير كلام، مسك إيد مهره وركبها عربيته وقال لسهر: اركبي يلا. ومشي بالعربية. مراد ومصطفى بصوا لبعض وركبوا العربية ومشوا وراهم. مهره: انت غريب والله. جاسر: اسكتي، مسمعش صوتك. يلا انزل، وصلنا البيت. نزلت مهره واستقبلتها أم مصطفى بفرحة وسلمت على جاسر. وطلعوا شقة مهره.

أم مصطفى: غيري هدومك يا مهره وتعالي علشان نتغدى كلنا مع بعض فوق. جاسر: طب أنا أستأذن. أم مصطفى: لا تمشي إيه، انت هتتغدى معنا والله، كلنا هنتغدى سوا. انت هتطلع معي فوق. انتي يا سهر يا حبيبتي تعالي ساعديني عقبال ما مهره تاخذ العلاج وتطلع. سهر: ماشي يا خالتي. مصطفى: والنبي يا سهر روحي هاتي حاجة ساقعة عشان بعد الأكل. سهر: ماشي يا خالتي. وطلعت أم مصطفى فوق هي وجاسر. وسهر راحت تجيب الطلبات. قعد جاسر ومصطفى. وجاءت جاكلين.

جاكلين: أهلاً وسهلاً. مصطفى: دي جاسر، ودي جاكلين مراتي. جاسر: فرح وسلم عليها. وفجأة النور قطع. أم مصطفى: الحق والنبي يا مصطفى، مهره لوحدها تحت وهي بتخاف من الضلمة. خد المفتاح يا ابني وروح لها. جاسر: أنا هنزلها. أم مصطفى: ما يصحش يا ابني نتعبك. جاسر: لا لا، هاتيه. وأخذ المفتاح ونزل. جاسر: مهره، يا مهره، انتي فين؟ مهره خايفة وقاعدة على الكرسي، حاطة راسها على رجليها وماسكة في نفسها جامد. مهره أول ما سمعت

صوته جريت عليه وقالت له: مهره: أنا خايفة، هو هيقتلني. جاسر: مين ده؟ مهره بتعيط. جاسر: أهدي، ما تخافيش، أنا هنا. وراح النور جه. بعد ما النور جه. مهره وهي مكسوفة: يلا بقى نطلع فوق. طلعت مهره ولاقت جاكلين. مهره: أهلاً وسهلاً، مين دي؟ أم مصطفى: مرات مصطفى. جاكلين: أهلاً وسهلاً، انتي مهره؟ مصطفى كلمني عليكي كتير. مهره سكتت. وجاسر شاف عيونها مدمعين. مهره: أنا هنزل تحت يا خالتي أحسن تعبانة.

جاسر: وأنا أستأذن عشان رايح الشركة. ونزلت مهره وجاسر وراها. جاسر: لو احتاجتي حاجة اتصلي بي في أي وقت. مهره: ماشي. ودخلت شقتها وقالت: ليه كده يا مصطفى؟ ده أنا كنت فاكراك بتحبني. وعيطت شوية ونامت. تاني يوم راحت الشركة وكل فرحان وبيسلموا عليها. وجاء جاسر ولقى لمى عند باب الشركة. جاسر: في إيه؟ كلهم بصوا. جاسر: على مكتبكم. أهلاً وسهلاً بالاستاذة مهره. لازم كنت أعرف إنك وصلتي. وراء بعض في مكتب جاسر.

جاسر: انتي إيه اللي جابك النهارده؟ انتي مش لسه تعبانة؟ مهره: أنا ما أخدتش على الراحة ولا قاعدة في البيت. جاسر: طب اتفضلي على مكتبك. وعدى اليوم. جاسر: يلا يا مهره عشان تروحي. مشيت مهره عند البيت. قابلتهم مصطفى. مصطفى: مهره. مهره: أيوه، في إيه؟ مصطفى: أنا عايز أقول لك أنا اتجوزت جاكلين عشان شبهك مش عشان بحبها. أنا بحبك انتي. مهره: اسكت خالص، ما تتكلمش. وسابته ومشيت.

وعدى أيام كتير ومهره بتتجاهل مصطفى. في الشركة كله بيستعد للحفلة. جاسر: إن شاء الله يا منى تيجي الحفلة انتي ومهره، ماشي؟ منى: ممكن أجيب جوزي معايا يا جاسر بيه؟ جاسر: هاتيه يا منى. مهره: بس أنا مش هاجي. جاسر: ليه بقى مش عايزة؟ ده شغل يا مهره. على فكرة ممكن تجيبي سهر معاكي. مهره: بجد؟ جاسر: أيوه بجد. روحت مهره البيت وقالت لسهر. بس هم مش عارفين هيلبسوا إيه.

منى اتصلت: يا مهره، أنا أجرت لكِ فستان انتي وسهر وحجزت لكم في البيوتي سنتر معي عشان نجهز للحفلة. مهره: وده بكم بقى؟ منى: لا، من غير فلوس. أصل أنا أعرف صاحبته. مهره: هنتقابل امتى؟ منى: اديتها العنوان وهستناكِ الساعة أربعة. طبعاً اللي دفع الفلوس جاسر وطلب من منى ما تقولش. وراحوا في الميعاد وجهزوا نفسهم. مهره كانت في قمة الجمال. ومشيت الحفلة هي وسهر ومنى وجوز منى. جاسر أول ما شافها راح عليها. جاسر: ازيك يا مهره؟

انت جميلة أوي كده ليه؟ يوسف ضحك: ازيك يا آنسة سهر؟ سهر: أهلاً وسهلاً. ودخلوا كلهم الحفلة. وفجأة النور طفى. مهره مسكت في إيد جاسر. والنور نور على مهره بس. واحد بيتكلم: أجمل واحدة الحفلة دي انتي. ملاك ماشي على الأرض، يا مهري. النور نور وقرب عليها. فهد: أنا فهد. كنت عايزة تقابليني وأنا جيت لكِ بنفسي. بس انتي فعلاً جميلة. تجمعي بين جمال الغرب وسحر الشرق. انتي جوهرة. وجاي يسلم عليها. جاسر مد يده وسلم.

جاسر: دي خطيبتي يا فهد باشا. بشكرك بالنيابة عنها على مجاملتك. فهد: بس دي مش مجاملة، دي حقيقة. موضوع خطيبتك نبقى نشوفه بعدين. ممكن نرقص يا ملاكي؟ من غير ما ترد، ماسك إيدها وقعد يرقص. فهد: على فكرة، لما يعوز ياخد حاجة بياخدها. جاسر: ممكن يا فهد باشا، أرقص مع خطيبتي؟ رقصت هي وجاسر. مهره: أنا عايزة أروح. جاسر: ها أروحك يا مهره. ومشيت هي وجاسر وسهر.