رواية مهرة الجاسر الفصل العاشر 10 - بقلم جوري محمد

مشي فهد وساب مهره وساب على الباب بره بودي جارد. فهد: ما تخرجش الا وانت معها. مهره: يا ترى انا هاعمل ايه؟ انا لازم امشي. لا هو مش هيقدر يعمل حاجه. انتي بتخافي يا مهره؟ لا مش بخاف، انا هانزل الورشه ويحلها ألف حلال. مهره: انت مين يا عم واقف على الباب كده ليه؟ البودي جارد: فهد باشا اللي خلاني واقف. مهره: على نفسه مش علي، اوع كده خليني اطلع. البودي جارد: هتروحي فين؟ مهره: وانت مالك.

البودي جارد: فهد باشا، الاستاذه مهره عايزه تخرج يا باشا. فهد: قل لها لا، اديها لي اكلمها. البودي جارد: حاضر. اديها التليفون. مهره: ايه ده بقى؟ انت سايب الضلفه اللي واقف على الباب ليه؟ فهد: خلاص يا ماما اسمعي الكلام بدل ما اخلي الأسبوع يبقى بكرة ونتجوز بكرة وخلاص. مهره: طب أنا هاطلع عند خالتي وهنزل. فهد: أيوه كده يا مهرتي، استاذني يا حبيبتي. ماشي، اديني الضلفه. خدها واطلع معاها واستناها بره. البودي جارد: ماشي يا باشا.

طلعت مهره خبطت عليها. أم مصطفى: أهلاً يا مهره يا بنتي، مين اللي جاي وراك كده؟ مهره: الضلفه دي، ده البودي جارد. مهره: روحي لسيكا يا خالتي وقولي له يلبس جلابيه ونقاب ويجيبهم على طول ويكون لبسهم وما يوري وشه. الراجل اللي بره كانه واحدة منقبة. أم مصطفى: ماشي يا حبيبتي. مهره: أنا نازلة بقى، ما تنسيش يا خالتي. نزلت مهره ونزلت خالتها راحت لسيكا وقالت له، وبعد ساعة جاء سيكا وهو لابس النقاب. سيكا: أنا صاحبتها وعايزة أشوفها.

وفتحت مهره ودخل سيكا. مهره: جدع يا ولد يا سيكا، تعال بقى اخلع الهدوم دي وتعال عشان تنزل من الشباك بتاع الحمام اللي تحت. وفعلاً نازل سيكا لتحت وخرج من العمارة خالص، ومهره لبست النقاب وخرجت. فتحت الباب: أنا ماشية يا مهره، عايزه حاجه؟ وقفتلت الباب وراها ومشت وهي نازلة على السلم، قبله فهد كان طالع. طلع فهد خبط على الباب مش راضية تفتح. فهد: اكسر الباب. ودخلوا دوروا على مهره ما لقتهاش. فهد: إيه ده؟ خرجت إمتى يا بغل؟

البودي جارد: ما خرجتش والله يا باشا، دي جاءت واحدة صاحبتها قاعدة معاها شوية. فهد: يبقى هي صاحبتها، انزل بسرعة دور عليها. البودي جارد: حاضر. فهد: ماشي يا مهره، أنا باحب ألعب بلعبتي قبل ما أكسرها. نلعب بقى يا مهره. مهره جريت بسرعة ما حدش عارفها عشان نقابها. "هاعمل إيه دلوقتي؟ أنا أروح آخد لي أوضة، بس الأوضة هيقولوا لي هاتي البطاقة، وأكيد فهد هيعرف. أعمل إيه يا مهره؟

مهره: أنا هاروح أستخبى عند جاسر، أكيد هو مش هيعرف يوصل لي هناك. وفعلاً راحت الفيلا ولقت ناس واقفين هناك، خايفة لا يكون تبع فهد. "هتعملي إيه يا مهره؟ أنا هافضل واقفة كده لحد بالليل لما يجي جاسر، أحسن أخش وهم يهجموا على الفيلا." واستنت أول ما جاسر جاء. مهره: يا جاسر باشا، حاجة لله يا باشا، وقربت منه. أنا مهره، بس هاحكي لك على اللي أنا فيه بعدين، خبيني بسرعة. جاسر: طب بصي، روحي الشارع الوراني واستنيني هناك، ماشي؟

مهره: بس ما تتأخرش. ومشت مهره. وجاسر طلع بالعربية وراح لها وركبت معه العربية وحكت له على كل اللي حصل معاها. جاسر: أنتِ إيه؟ أنتِ شايلة دماغك خالص. مهره: ما تشتمش، هتساعد؟ قول هساعد، مش هتساعدني أمشي. جاسر: يلا يا أختي، هوديكي مكان تستخبى فيه لحد ما أشوف هنعمل إيه. "وداها الشقة، الحل الوحيد يا مهره إننا نتجوز وهو هيبعد عنكم." مهره: يا أخويا، والنبي شوف حل تاني.

جاسر: ما فيش غيره، أنا هاروح أجيب المأذون وهاجي على طول، ماشي. الباب خبط. مهره: يختي، رجع بسرعة كده ليه؟ بتفتح لقيت فهد قصدها. جاءت تجري شالها وحطها في العربية ومشوا وراحوا فيلا فهد. فهد: أنتِ هتقعدي هنا يا مهره لحد معاد جوازنا يا حبيبتي. مهره: حبيبتي إيه؟ حبك برص يا بعيد، أنا عايزة أمشي من هنا. فهد: لا، لا، أنتِ هتقعدي هنا وبطلي عياط واخرسي. وشدها وطلعوا على السلم.

فهد: دي بقى يا حبيبتي أوضتك، واللي قصادها أوضتي، لا تبقى أوضتنا يا حبيبتي. دخلت مهره وقعدت تعيط وشوية والباب خبط. الخادمة: يلا يا هانم علشان العشاء جاهز. مهره: مش هاكل. الخادمة: الهانم بتقول مش هنتعشى يا فهد باشا. فهد: طب حط الأكل، أنتي وأنا طالع لها. فهد فتح الأوضة من غير ما يخبط. مهره: إزاي تخش كده من غير ما تخبط؟ فهد: أوضة مراتي. مهره: ما تقولش كده. فهد: يلا عشان نتعشى سوا يا حبيبتي.

وشدها من ايديها وقعدها على الأكل. مهره: ماسكة السكينة، ابعد عن خليهم يبعدوا عن الباب عشان أخرج. فهد: اهدى يا مهره، مش هينفع تخرجي كده. مهره: أنا هاموت نفسي. فهد: حرام عليكِ يا مهره. مهره: يا أخي، حرمت عليك عيشتك. وجرحت يديها. "سامحني يا رب." جرى عليها فهد. اتصلي بالدكتور. وشالها طلع بها فوق.

الدكتور: الحمد لله، الجرح سطحي، بس خافوا المرة الجاية منها. كده هتحول تاني لأن عندها انهيار عصبي، وده العلاج ودي حقنة تاخذها لو جسمها سخن. فهد: شكراً يا دكتور. فهد قاعد جنبها وأداها العلاج، جسمها فعلاً حرارته ارتفعت، بدأت مهره تتكلم من السخونية وتعيط.

مهره: يا ماما ما تسيبنيش، خذيني معاكي، أنا زهقت من هنا. سهر اتجوزت وأنا قاعدة لوحدي، أنا تعبت من الدور اللي أنا عايشة فيه، يا جاسر الحقني، الراجل عايز يقتلني، بابا مشي وسابني، يا ماما، يا ماما. وفهد اللي نشيك في قلبه عايز يتجوزني. فهد ضحك: لسانك طويل حتى وأنتي عيانة. فهد أخذها في حضنه وحاسس بحاجة غريبة من ناحيتها، حاسس إنه بدأ يحبها، كان الأول الاهتمام بها لأنها حلوة، جمالها نادر، إنما دلوقتي شكله حبها.

فهد بكلام نفسه: فهد، أنت ما بتحبهاش، أنت عايز تمتلكها لأنها جوهرة نادرة. لا، باين عليك بتحبها. لا، ما بحبهاش. وفضل لحد ما نام جنبها. صاحت مهره: إيه يا حيوان اللي منيمك جنبي كده؟ فهد: قلت لك لسانك عايز يتقطع. وقعد يضحك. مهره: أنت لك نفس تضحك؟ قوم. فهد: قومي يا مهره غيري هدومك وخذي شاور. فهد: ولا أنا أجي أساعدك؟ مهره: اخرج بره يا حيوان. فهد: الهدوم في الدولاب.