رواية مهرة الجاسر الفصل الثامن 8 - بقلم جوري محمد

مصطفى أخو مرام، اللي هي مرات أخو جاسر، كريم. مصطفى كان سافر فرنسا يشتغل. قبل ما يمشي، ساب جواب لمهره اعترف لها إنه بيحبها، وبعد كده ما بقاش فيه أي اتصال بينهم. كان بيكلم أبويه وامه، ومهره كانت بتعرف أخباره منهم. مصطفى خلاص رجع، بس المفاجأة إنه اتجوز. أول ما رجع، سلم على أبويه وامه وسأل على مهره. مصطفى: مهره فين؟ أمه: في المستشفى. عملت حادثة. مصطفى: مستشفى فين؟ أنا لازم أروح لها.

أمه: يا ابني اقعد واستريح الأول، وبكرة نبقى نروح أنا وانت. مصطفى: لا طبعًا. مش هتستريح غير لما أشوفها. سلام. مصطفى: جاكلين، خليكي قاعدة هنا. هاروح مشوار وهاجي. ماشي؟ جاكلين قعدت هي ومامته. جاكلين بتتكلم عربي مكسر. جاكلين: مصطفى راح فين؟ مصطفى: راح يزور حد عيان. جاكلين: أوكي. مصطفى راح المستشفى وسأل على مهره ودخل عندها. مهره: مصطفى، انت جيت إمتى؟ مصطفى: وحشتيني يا مهره. مهره: وانت كمان يا مصطفى.

مصطفى: انتي عملتي حادثة إزاي؟ مهره: بعدين بعدين. قولي انت عاملت إيه؟ ودخل جاسر. مهره: ده مصطفى أخو مرام. هو ما حضرش الفرح عشان كان مسافر. وده جاسر أخو كريم. جاسر: أهلاً وسهلاً. انت جيت إمتى من السفر؟ مصطفى: جيت النهارده. روحت وعرفت اللي حصل فجيت أطمن عليها. عدى اليوم، وكل يوم مصطفى ييجي يزور مهره هو ومراد. طبعًا جاسر كان في قمة غضبه من الاثنين. وجه اليوم اللي مهره هتخرج فيه من المستشفى. وجه مراد ومصطفى.

جاسر: زي العادة. يلا يا مهره عشان تروحي. سهر: ماشي، احنا جاهزين أهو. مراد: هتركب معايا العربية؟ مصطفى: لا، مش عايزين نتعبك. أنا جايب العربية وهاخدهم وأروح. جاسر، من غير كلام، مسك إيد مهره وركبها عربيته وقال لسهر: اركبي يلا. ومشي بالعربية. مراد ومصطفى بصوا لبعض وركبوا العربية ومشوا وراهم. مهره: انت غريب والله. جاسر: اسكتي، مسمعش صوتك. يلا انزل، وصلنا البيت.

نزلت مهره واستقبلتها أم مصطفى بفرحة وسلمت على جاسر. وطلعوا شقة مهره. أم مصطفى: غيري هدومك يا مهره وتعالي عشان نتغدى كلنا مع بعض فوق. جاسر: طب أنا أستأذن. أم مصطفى: لا تمشي إيه؟ انت هتتغدى معانا والله. كلنا هنتغدى سوا. انت هتطلع معايا فوق. انتي يا سهر يا حبيبتي تعالي ساعديني عقبال ما مهره تاخد العلاج وتطلع. سهر: ماشي يا خالتي. مصطفى: والنبي يا سهر، روحي هاتي حاجة ساقعة عشان بعد الأكل. سهر: ماشي يا خالتي.

وطلعت أم مصطفى فوق هي وجاسر وسهر. راحت تجيب الطلبات. قعد جاسر ومصطفى. وجاءت جاكلين. جاكلين: أهلاً وسهلاً. مصطفى: ده جاسر، ودي جاكلين مراتي. جاسر: فرح وسلم عليها. وفجأة النور قطع. أم مصطفى: الحق، والنبي يا مصطفى، مهره لوحدها تحت وهي بتخاف من الضلمة. خد المفتاح يا ابني، وروح لها. جاسر: أنا هنزلها. أم مصطفى: ما يصحش يا ابني، نتعبك. جاسر: لا لا، هاتيه. وأخذ المفتاح ونزل. جاسر: مهره، يا مهره، انتي فين؟

مهره خايفة وقاعدة على الكرسي، حاطة راسها على رجلها وماسكة في نفسها جامد. مهره أول ما سمعت صوته جريت عليه وقالت له. مهره: أنا خايفة. هو هيقتلني. جاسر: مين ده؟ مهره بتعيط. جاسر: أهدي، ما تخافيش. أنا معاكي. وراح النور جه. بعدت مهره وهي مكسوفة. مهره: يلا بقى نطلع فوق. طلعت مهره ولاقت جاكلين. مهره: أهلاً وسهلاً. مين دي؟ أم مصطفى: مرات مصطفى. جاكلين: أهلاً وسهلاً. انتي مهره؟ مصطفى كلمني عليكي كتير.

مهره سكتت. وجاسر شاف عيونها مدمعين. مهره: أنا هنزل تحت يا خالتي، أحسن تعبانة. جاسر: وأنا أستأذن عشان رايح الشركة. ونزلت مهره. وجاسر وراها. جاسر: لو احتاجتي حاجة، اتصلي بي في أي وقت. مهره: ماشي. ودخلت شقتها وقالت: ليه كده يا مصطفى؟ ده أنا كنت فاكراك بتحبني. وعيطت شوية ونامت. تاني يوم، راحت الشركة وكل فرحان وبيسلموا عليها. وجاء جاسر ولقى لمة عند باب الشركة. جاسر: في إيه؟ كلهم بصوا.

قال لهم جاسر: على مكتبكم. أهلاً وسهلاً بالآنسة مهره. لازم كنت أعرف إنك وصلتي. ورايا. مشوا في مكتب جاسر. جاسر: انتي إيه اللي جابك النهاردة؟ انتي مش لسه تعبانة؟ مهره: أنا ما أخدتش على الراحة ولا قعدة في البيت. جاسر: طب اتفضلي على مكتبك. وعدى اليوم. جاسر: يلا يا مهره عشان تروحي. مشت مهره عند البيت. قبلت مصطفى. مصطفى: مهره! مهره: أيوه، فيه إيه؟

مصطفى: أنا عايز أقولك إني اتجوزت جاكلين عشان شبهك، مش عشان بحبها. أنا بحبك انتي. مهره: اسكت خالص. ما تتكلمش. وسابته ومشيت. وعدت أيام كتير ومهره بتتجاهل مصطفى. في الشركة، كله بيستعد للحفلة. ياسر سخن يعني الثانوية اللي بتتعمل بين الشركات وبعضها. جاسر: قال لها: إن شاء الله يا منى تيجي الحفلة انتي ومهره. ماشي؟ منى: ممكن أجيب جوزي معايا يا جاسر بيه؟ جاسر: هاتيه يا منى. مهره: بس أنا مش هاجي. جاسر: ليه بقى مش عايزة؟

ده شغل يا مهره. على فكرة، ممكن تجيبي سهر معاكي. مهره: بجد؟ جاسر: أيوه بجد. روحت مهره البيت وقالت لسهر. بس هما مش عارفين هيلبسوا إيه. منى اتصلت: يا مهره، أنا أجرت لك فستان انت وسهر، وحجزت لكم في البيوتي سنتر معايا عشان نجهز للحفلة. مهره: وده بكم بقى؟ منى: لا، من غير فلوس. أصل أنا أعرف صاحبته. ماشي. مهره: هنتقابل إمتى؟ منى: اديتها العنوان وهستناك الساعة أربعة.

طبعًا اللي دفع الفلوس جاسر وطلب من منى ما تقولش. وراحوا في الميعاد وجهزوا نفسهم. مهره كانت في قمة الجمال. ومشيت الحفلة هي وسهر ومنى وجوز منى. جاسر أول ما شافها راح عليها. جاسر: ازيك يا مهره؟ انتي جميلة قوي كده ليه؟ يوسف: ضحك. ازيك يا آنسة سهر؟ سهر: أهلاً وسهلاً. ودخلوا كلهم الحفلة. وفجأة النور طفى. مهره مسكت في إيد جاسر. والنور نور على مهره بس. واحد بيتكلم: أجمل واحدة في الحفلة دي، انتي ملاك ماشي على الأرض يا مهرتي.

النور نور وقرب عليها. فهد: أنا فهد. كنت عايزة تقابليني وأنا جيت لك بنفسي. بس انتي فعلاً جميلة. بتجمعي بين جمال الغرب وسحر الشرق. انتي جوهرة. وجاي يسلم عليها. جاسر مد إيده وسلم. جاسر: دي خطيبتي يا فهد باشا. بشكرك بالنيابة عنها على مجاملتك. فهد: بس دي مش مجاملة، دي حقيقة. موضوع خطيبتك نبقى نشوفه بعدين. ممكن نرقص يا ملاكي؟ من غير ما ترد، ماسك إيديها وقعد يرقص. فهد: على فكرة، لما يعوز ياخد حاجة، بياخدها.

جاسر: ممكن يا فهد باشا، أرقص مع خطيبتي؟ رقصت هي وجاسر. مهره: أنا عايزة أروح. جاسر: ها أروحك يا مهره. ومشيت هي وجاسر وسهر.