رواية مهرة الرحيم الفصل الثاني عشر 12 - بقلم شهد احمد

سمع صوت مهره، طلع يجري بسرعه عليها. أول ما دخل الأوضة اتصدم لما شاف مهره واقعة على الأرض. "مهره مهره مالك أي اللي وقعك كده؟ "الحقني بسرعة وديني المستشفى. ابني يارحيم ابني مش عايزة أخسره، هو اللي مصبرني على اللي أنا فيه. آهي آهى." "اهدي أنا معاكي متخافيش." شالها بسرعة وجري بيها على المستشفى. "دكتور بسرعة دكتور الحق مراتي وابني." "ترولي بسرعة." دخلوها أوضة العمليات. "دكتور لو سمحت انقذها هي وابني." "متقلقش."

قعد رحيم بره مستني الدكتور يطلع يطمنه على ابنه. اتصل بمالك وقاله إن مهره في المستشفى، وقفل معاه. وفضل قاعد مستني الدكتور يطمنه. عند أبو مهره. "أنتي يابت ياللي اسمك حور عايزك تجهزي نفسك إياك عشان عريسك جاي يشوفك." "عريس مين يابوي ويشوف مين، أنا لسه صغيرة ومش عايزة أتجوز دلوقتي." "معنديش حريم تقول مش عايزة ولا عايزة، أنا اللي بمشي كلامي هنا. سمعتي وهتتجوزيه غصب عنيكي، امشي غوري من وشي."

"بالله عليك يابوي متعملش فيا أكده ويحصل معايا زي ما حصل مع أختي مهره." "ماهو أنتي لو سمعتي كلامه مش هيعمل فيكي أكده." "مش عايزة أتوز يابوي." ضربها بالقلم وقال: "هتتجوزيه غصب عنك وده آخر كلام عندي. خليني أخلص منكم عاد. أمتى بقى أرتاح وألاقي نفسي خلصت منكم. غوري جهزي نفسك عشان العريس جاي." "مستحيل أتجوزه يابوي ولو على حياتي." "خلاص يبقى على حياتك ياحوري." عند مالك.

أول ما عرف أنصدم وطلع بسرعة على المستشفى. كان متعصب من رحيم، افتكر إن رحيم عمل حاجة لمهره وهو السبب في إنها في المستشفى. وصل بسرعة وأول ما وصل ضرب رحيم وقاله: "عملت فيها أي خلاها جات المستشفى؟ قولي عملت فيها أي يارحيم وليه عملت فيها أكده؟ دي جزاتها إنها طلعتك من السجن؟

ياريتها ما طلعتك. ياريتنا ارتحنا منك وهي كانت مبسوطة. كنت بحاول ديما أعوضها عن اللي أنت عملته فيها. صدقني يارحيم لو مهره ولا البيبي حصل لهم حاجة أنا اللي هقف ليك يارحيم. مهره أختي يارحيم وخط أحمر بالنسبة لي، فهمت؟

"اهدي يامالك والله مجتش جنبها. هي وقعت لوحدها ولما صرخت وروحت شفتها لقيتها كده. جبتها على المستشفى. أنا مستحيل أفكر أأذيها وخصوصاً إنها حامل في ابني يامالك. وبعدين عملت فيك أي ولا عملت ليك أي عشان تدافع عنها كده؟ ولا كأنها أختك بجد، وأنا اللي مش أخوك." "آه يامالك أختي بجد. وبعدين لو مكنتش حامل في ابنك كنت أاذيتها أنت أي يارحيم؟ ده أنت بعدك عنها راحة ليها يارحيم. كل ده ليه أصلاً؟

عشان غلطت غلطة بدون قصدها، والعيب منك أنت أصلاً. إزاي تجيب رجالة البيت بدون علمها؟ "من الأفضل تقفل على اللي فات، لأني مش ناسي اللي هي عملته معايا. وخليني ساكت وماسك نفسي عشان ابني مش أكتر يامالك." "امشي من هنا يارحيم ومش عايز أشوفك قريب من مهره تاني، فهمت؟ امشي غوور من وشي. معرفش أنت جيت لمين قاسي كده. ده أنا ولا أبوك أكده ولا حتى أمك الله يرحمها."

"ملكش دعوة يامالك. دي مراتي وابني وأنا حر فيهم وأعمل اللي عايزه فيهم، متدخلش فهمت؟ وأنا هعرف أحل مشاكلي مع مراتي من غير ما حد يدخل. ومش همشي غير لما أطمن على ابني." "بتحلم يارحيم. مش هسمحلك تؤذيها تاني." والاثنين مسكوا في بعض. وفجأة الدكتور طلع وقال... مالك ورحيم بصوا لبعض.