رواية مقابلة غيرت حياتي الفصل الأول 1 - بقلم سامية احمد

ورد ورد يابيه. امشي يابت مش ناقصه قرف. ليه كده يابيه دا ورد صابح حلو زي القمر اللي قاعده جنبك. شكرا مش عاوزين. مشيت ملك وهي مش عارفه تعمل إيه. لازم تبيع الورد عشان جوز أمها. ملك وهي ماشية خبط فيها واحد وقع كل الورد والولد طلع يجري. قعدت ملك ع الأرض وهي بتلم الورد. "يا بختك المنيل ياملك، دا انتي وردة مفتحة في عز شبابك." خدت ملك بالها إن فيه واحد مادد إيده ليها. (في سرها)

طيب دا أنا شحاتة وهو جاي يشحت مني. لامينفعش أكسر بخاطره. طلعت ملك من جيبها جنيه وأدتهولها. أنا مش شحات، أنا بمد إيدي عشان أقومك. آه شكرا. وقامت ملك. راح أحمد قال لها: "عاوزك في موضوع." "لأ يابيه أنا مش من البنات دي، روح الله يسهلك." "لأ لأ لأ، انتي تفكيرك غلط خالص. أنا كنت عاوزك في صفقة كده بس مش هينفع نتكلم هنا. تعالي العربية وأفهمك كل حاجة." "خير، إيه الموضوع؟

"أعرفك بنفسي، أنا أحمد الدسوقي. غني وعندي شركات وفيلا. المهم أنا كنت عاوز أعمل معاكي صفقة إنّي أتجوزك سنة وبعدين أطلقك." "تتجوزني أنا وسنة؟ دا ليه أصلاً؟ "أصل أهلي عاوزين يجوزوني وأنا مش عاوز أتزوج بنت عمي. المهم أنا هحطهم قدام الأمر الواقع وأقولهم إني اتجوزت." "وأيه المطلوب مني؟ "تتجوزيني وأنا هديكي اتنين مليون جنيه وكمان هتعيشي أحسن عيشة وتأكلي أحسن أكل واللبس كمان." "طب أقول إيه لأمي وجوز أمي؟

وبعدين أنا مبعتش الورد وأكيد هيطينوا عيشتي لما أروح والورد زي ماهو." "هو الورد دا بكام؟ "بـ 200." "طيب، خدي دول." وطلع من جيبه 400 وأداهم لملك. "طيب، أديني فلوس عشان أديهم لجوز أمي وأقوله إني رايحة أشتغل والفلوس دي صاحب الشغل اداهملي. وأقوله إني هروح أشتغل والشغل بعيد فمش هعرف أجي، هفضل هناك." "خلاص ماشي، تعالي البنك أسحب فلوس وأديهم لجوز أمك." سحب أحمد 10 آلاف وأداهم لملك وقال لها نتقابل عند الكوبري الساعة 7.

ملك مشيت وراحت البيت. لقيت جوز أمها عبده قاعد وبيزعق. "إيه ياهانم اتأخرتي ليه؟ هو مفيش راجل يحكم عليكي؟ قعدت ملك جنبه وأدته الشنطة. فتح الشنطة ولقي فلوس. "جبتي منين الفلوس دي؟ ملكت حكت له إنها هتشتغل ومش هتعرف تيجي وهو وافق. وقالت لأمها نفس الكلام. "روحي بقا اشتري تليفون وخط عشان أعرف أكلمك منه." "ماشي، هروح أشتري وأجي."

اشترى عبده التليفون والخط وملك خدت الرقم وودعت أهلها ومشيت لأحمد. راحت المكان اللي اتفقوا عليه ولقيت أحمد هناك. ركبت معاه ومشيت.