رواية مقابلة غيرت حياتي الفصل الثاني 2 - بقلم سامية احمد

بعد ما ملك ركبت العربية. "دلوقتي احنا هنروح عند المأذون ونكتب الكتاب وبعدين نروح الڤيلا عشان اعرفك علي أهلي." أحمد: "انا مش عاوزك تسكتي لحد ولو حد كلمك ردي عليه متتكسفيش." ملك: "لا ي خوي متخفش عليا هرد الكلمة بعشرة." أحمد: "أخوكي، اممم ماشي يلا عشان نروح البيت." راح أحمد وملك البيت. أول مادخلوا. هالة (مامت أحمد) : "أي ي أحمد مين اللي معاك دي؟ الشغالة الجديدة؟ ملك: "لا ي حماتي، أنا مرات ابنك." أحمد ناصر (أبو أحمد)

: "أي دا ي أحمد انت اتجوزت من ورانا؟ هالة: "ابنك عملها من ورانا بقا دي أخرت تربيتي ليك." كل الكلام ده واخت أحمد وعمو وبنت عمو قاعدين بيسمعوا. محمود (عم أحمد) : "أومال أي ي ناصر؟ هناخد بنتك لأحمد كان كلام وخلاص؟ ناصر: "أنا زيي زيك مكنتش أعرف إنه اتجوز." محمود: "يلا ي چوري." وقام وقف وبص لناصر. "وع فكرة الصفقة بتاعت اسكندريه اتلغت، وأنا هاخد بنتي ونسافر أمريكا." وسابهم ومشي. أحمد: "طيب ي جماعة تصبحوا على خير."

وطلع هو وملك الأوضة. أحمد: "ف الأوضة مليكيش كلام معايا، لكن برا الأوضة إحنا أسعد زوجين." ملك: "ماشي." سابته ملك وقعدت تبص حواليها عشان تدور على مصحف وسجادة صلاة عشان تصلي وتقرأ قرآن زي ما هي متعودة، بس ملقيتش حاجة. ملك: "أحمد ممكن التليفون بتاعك أنزل عليه برنامج القرآن عشان أنا متعودة أقرأ كل يوم وأنا مش لاقية مصحف هنا." أحمد مستغرب منها لأن محدش عنده في البيت بيقرأ قرآن ولا بيصلي.

قام أحمد وجاب ليها تليفون بـ علبته من الدولاب وأداه لملك. ملك: "التليفون ده ليا؟ أحمد: "أيوا ليكي، وسيبيني اشتغل بقا." ملك مسكت التليفون وفتحتو ونزلت برنامج القرآن. وصلت وبعدين بدأت تقرأ. وهو كل شوية يبص عليها يلاقيها باصة ومركزة في التليفون. أحمد: "انتي هتنامي ع الكنبة وأنا ع السرير هنا؟ ملك: "تمام." ناموا. وبعدين أول ما أحمد صحي ملقاش ملك موجودة. أحمد دور عليها في الأوضة.

وبعدين بيبص في البلاكونة لقاها قاعدة بتصلي فيها. ملك: "أنا عاوزة مبلغ من الفلوس عشان أجيب لأمي وإخواتي شقة يعيشوا فيها بدل البيت اللي هما قاعدين فيه شوية وهيقع عليهم." أحمد: "تمام. هروح أعملك حساب وأحط فيه فلوس ليكي ونشوف شقة حلوة ونجيبها ليهم. وبالمُرة نجيبلك هدوم بدل الهلاهيل اللي أنتي لابساهم دول." ملك: "ماشي." أحمد: "يلا أنا هنزل قدامك وأنتي متتأخريش." ملك: "طيب." نزل أحمد وملك دخلت الحمام تاخد شاور. مليكة

(أخت أحمد) قعدت تخبط بس ملك مش سامعاها. دخلت مليكة. ملك طلعت من الحمام ولقيت مليكة. ملك: "يلاااااااااهوي خدتيني." مليكة: "أنا خبطت وندهت كتير بس محدش رد عليا فدخلت." ملك: "معلش مسمعتش كنت ف الحمام." مليكة: "أنا كنت جيالك عشان سمعت كل الكلام اللي بينكم." ملك: "انتي بتقولي إيه؟ مليكة: "بقول سمعت كل حاجة وإن أحمد اتجوزك عشان ميتجوزش بنت عمي." ملك: "لا لا أنا وأحمد بنحب بعض."

مليكة: "أنا مش هعملك حاجة. أنا بس كل اللي عاوزاه نبقى أصحاب لأني زيك محدش بيحبني في البيت." ملك: "ماشي ي مليكة نبقى أصحاب. بصي نتكلم بعدين لأن أحمد مستنيني تحت." مليكة مشيت وملك نزلت لأحمد. أحمد: "اتأخرتي ليه ي ملك؟ ملك: "بتفكر تقول لأحمد اللي مليكة قالتو." أحمد: "بكلمك ي ملك مبترديش ليه؟ ملك: "كنت عاوزة أقولك حاجة." أحمد: "قولي ي ملك في إيه؟ ملك: "مليكة أخت عرفت كل حاجة وطلبت مني نكون أصحاب."

أحمد: "متخافيش منها. هي مش هتعمل حاجة. مفيش خوف منها." ملك: "تمام ي أحمد." راحوا البنك وأحمد عمل لملك حساب في البنك. أحمد: "أنا كده عملتلك حساب في البنك وفيه مبلغ كويس. دلوقتي هنروح عشان نشوف شقة كويسة." ملك: "مش عارفة أقولك إيه والله." أحمد: "ده حقك وده اللي اتفقنا عليه." راحوا شافوا شقق كتير ومش لاقيين شقة حلوة. بعد لف كتير لقوا أخيراً شقة كويسة. وكل واحد من أخوات ملك ليه أوضة وكبيرة يعني يمرح فيها الخيل بمعني أصح.

ملك: "كده تمام. هعوزك بس تودي ليهم مفتاح الشقة وتجبهم هنا." أحمد: "ماشي ي ملك. نروح بقا نجيب اللبس عشان عندي شغل." راحوا جابوا لبس. وأحمد ساب ملك عند الباب. أحمد: "هروح دلوقتي الشركة عشان الشغل وجاي." ملك: "ماشي وأنا هخش." مشى أحمد وملك دخلت. هالة: "أي دا؟ لحقتي تلفي ع الواد وتاكلي بعقله حلاوة وكمان خليتيه يجبلك لبس؟ ملك: "أي ي حماتي فلوس جوزي هي فلوسي. متقوليش كده أحسن أزعل منك."

هالة: "مبقاش غير بياعة الورد هي اللي يتجوزها ابني." ملك: "ليه كده؟ أزعل منك ي حماتي." طلعت ملك وسابت هالة هتطق منها. وهي طالعة لقت مليكة واقفة بتضحك عليها هي وهالة. ملك: "أي واقفة بتسمعي من ع السلم؟ مليكة بضحك: "أنا كنت نازلة وسمعتك وانتي بتتكلمي معاها." ملك: "طيب خدي مني الشنط تقيلة أوي." خدت مليكة منها شنط. وبعدين دخلوا الأوضة. وبعدين اتفرجوا ع اللبس اللي ملك جابته. ملك: "إيه رأيك ي مليكة حلوين؟

مليكة: "حلوين أوي ما شاء الله." ملك: "طيب أنا هخش أستحمى وانتي روحي اعملي فنجانين قهوة عشان نقعد مع بعض وكمان أبقى أديكي الهدية بتاعتك." راحت مليكة تعمل القهوة وملك دخلت الحمام.